رايك فى ترشيح الدكتور محمد مصطفى البرادعى رئيسا للجمهورية

[نزيه الصعيدى]

مارايك فى ترشيح الدكتور محمد مصطفى البادعى رئيسا لجمهورية مصر العربية
اوافق بشدة
اوافقق
ارفض
ارفض بشدة

[سميرعماره]

بسم الله الرحمن الرحيم
( وقد خاب من افترى )
طبعا لازم المعارضة المصرية التى نجح النظام فى تفتيت أوصالهاتجرى وراء الدكتور البرادعى
ولكن اسمحوا لى بطرح هذه الاسئلة قبل الانحيازلأحد
أولا : الدكتور البرادعى كان رئيسا لمنظمة الطاقة الذرية وتم فى عهده
1- ضرب العراق بحجة البحث عن أسلحة الدمار الشامل
2- تم عض النظر إلى برنامج إسرائيل النووى
3- ما موقف البرادعى من احتلال العراق
4 - ما موقف البرادعى من برنامج اسرائيل النووى
5- ما هو برنامج البرادعى للتغير الداخلى والخارجى يعنى برنامج واضح وواقعى لحل المشكلات الداخلية والخارجية
6- ماموقف البرادعى من الصراع العربى الصهيونى
7 - ما موقف البرادعى من معاهدات الإستسلام للصهاينة
نعم للتغير ولكن للأفضل
لقد نجحت الحكومة فى بث روح الصراع داخل كل أحزاب المعارضة المصرية
فهل تستوعب المعارضة الدرس وتوحد صفوفها من أجل التغير الحقيقى
ألم يخرج رجل من المعارضة يصلح ليكون زمزا للتغير الحقيقى يكون له برنامجا كاملا يواجة به تحديات العصر الحالى .
على فكرة والله أنا طول عمرى معارض لسياسة الحزب الوطنى أ/ سميرعماره

[يالا بينا]

الدكتور محمد البرادعي قيمة مصرية كبيرة جدا ومهمة جدا
وعالم يفتخر بيه كل مصري وكل عربي

لكن بخصوص ترشحه للرئاسه:
انا بشكل شخصي شايفة ان احلامه وردية بعض الشيء
مش عيب طبعا انه يفكر يرقى بالبلد
لكن الخوف انه ميكونش على دراية كافية بالاحوال الداخلية

لكن على كل حال .. ياريت يكون المتنافسين على كرسي الرئاسة كلهم شخصيات من الوزن ده
هتبقى حاجة مهمة جدا

[مستر/ عصام الجاويش]

الرئيس مبارك افضل رئيس لمصر
لذلك ارفض بشده ترشيح الدكتور البرداعى ياجماعه الخير استقرار بلد كبير مثل مصر ليس امر هين
الرئيس مبارك بارك الله فى عمره رجل حكيم فعلا قاد مصر الى بر الامان والاستقرار فهو رجل واقعى جدا قراراته تتميز بالحكمه
وفى رأى هو افضل رئيس دوله عربيه لانه يعمل لمصلحه مصر والتى تطمع فيها كل القوى الكبرى لكن الرئيس مبارك بذكائه وحكمته فوت الفرصه على كل هؤلاء الطامعين فى مصر

[fattah5000]

فعلا نعم الاب يقودنا الى بر الامان اما بالنسبة الى ترشيح د. البردعى فهو لم يقدم شيى الى مصر وهو فى الطاقة الذرية ولم تستفد الام بإبنها فكيف افكر ولو مجرد لحظة ان انتخبة بلاش تجريح على فكرة الى نعرفة احسن من الذى لم نعرفة وشكرا
عبدالفتاح الصاوى الدقهلية

[BaNZeR]

انا زهقت من كثرة المواضيع اللى تتحدث بنفس الشأن
وزهقت أيضاً من تكرار الرد !!!

[المجاهد فى سبيل الله]

المشاركة الأصلية كتبت بواسطة banzer

انا زهقت من كثرة المواضيع اللى تتحدث بنفس الشأن
وزهقت أيضاً من تكرار الرد !!!

وانا زيه
بس حقول اننا عايزين تجديد و تغيير
لذالك فانا اوافق و بشده لترشيحة
وكل ما كتب فى الموضوع دا
هى اشاعات اطلقتها الحكومة فور علمها انه سيترشح ضد فلان وفلان مهما كان مين
لان موقف الدكتور البراعدى واضح فى سجلات الهيئة الذرية من القضايا دى
ولكن مثل ما لم تهتم اسرائيل بقرارات مجلس الامن فامريكا لا تهتم باراء موكلى هيئة الطاقه الذرية ولكن الاوراق الموجوده فى الهيئة تؤكد عدم موافقت الدكتور البراعدى على الحرب على العراق او تايدها
انا لست مع او ضد احد ولكن كلامى دا اظهارا للحق

[sony bony]

انا راى ان مبارك يستمر فى الرئاسة احنا قاعدين اكتر نت 20 سنة بدون حرب ولو جه واحد جديد منعرفش هيعمل اية ممكن يكون اوحش من مبارك

[سميرعماره]

المشاركة الأصلية كتبت بواسطة المجاهد فى سبيل الله

وانا زيه
بس حقول اننا عايزين تجديد و تغيير
لذالك فانا اوافق و بشده لترشيحة
وكل ما كتب فى الموضوع دا
هى اشاعات اطلقتها الحكومة فور علمها انه سيترشح ضد فلان وفلان مهما كان مين
لان موقف الدكتور البراعدى واضح فى سجلات الهيئة الذرية من القضايا دى
ولكن مثل ما لم تهتم اسرائيل بقرارات مجلس الامن فامريكا لا تهتم باراء موكلى هيئة الطاقه الذرية ولكن الاوراق الموجوده فى الهيئة تؤكد عدم موافقت الدكتور البراعدى على الحرب على العراق او تايدها
انا لست مع او ضد احد ولكن كلامى دا اظهارا للحق

الأخ المجاهد فى سبيل الله
د/ البرادعى لم يكن عضوا عاديا بل كان رئيسا للمنظمة الدولية
يعنى مسئول عن كل قرارات المنظمة الدولية
لك منى أجمل تحية

[إيساف]

أوافق طبعا

[الشفق الباكي]

تانى
نفس التوبيك تقريبا
انا شخصيا زهقت من نفس نظام الرئاسه العالم كله بيتغير من حوالينا
ومفيش حد اسمه خايف هيخصل ايه فى النظام الجديد
يعنى ايه الرئيس الجاى الله اعلم هيعمل فى بلدنا ايه ويدخلنا فى حرب ولالا
طب ماكل الد\ول المحترمه فى العالم الرئيس بتاعها مابيقعدش 10 سنين حتى وعادى وبيشوفوا غيره
علشان التجديد
احنا شعب نايم اساسا
كل ماكان فى روح جديده كل ماكان افضل للبلد
لان كل واحد فى الفتره الاولى من مايمسك البلد
بيدى احسن مااعنده
ولما يعرف ان غيره اتشال باراده الشعب دا هيبقى خايف من زعل الشعب دا
لكن لو شاف اللى قبله قعد 30 سنه ومحدش اتحركله ساكنه وقال تغيير
يبقى الطبيعى انه يعمل زيه
اشمعنى يعنى
دا بس علشان انا شخصيا برفض مبدأ اللى معانا من 30 سنه اكتر واحد فاهم

اما بالنسبه لدكتور البرادعى فانا مش موافقه على ترشيحه
مش لاسباب حرب العراق والنظام دا
كله كلام حكومه كده مايأكلش عيش من الاخر
يعنى مجرد اشاعه شويه اخبار حول الخصم ليس الا هذه هى مصر
انا فاكره بردو اللى كان حصل مع ايمن نور الانتخابات اللى فااتت
واى شخص فى بلدنا دا لو اترشح بردو ممكن يطلعله جد اسرائيلى وهو مش عارف
ماعلينا
انا مش معاه وخلااااااااااااااص
ولا مع غير جدو ولاعمو ولا خالو ولاعيله مبااارك كلها
علشان تقريبا عايزه اغير الاسم دا ودنى تعبت منه
تقبل مرورى وردى

[سعيد منار]

انا ارشح البرادعي بشدة لانني اريد التغيير للافضل واتمنى ان يتم توزيع الخيرات في مصر بالعدل على جميع المصريين حتى نعيش حياه افضل ونتنفس جميعا هواء نقي .
لاننا نعيش الان في كبت وبطاله وفقر .
ولي سؤال برئ اين ذهبت ابتسامة المصريين.......................................... ........

[اسماعيل البدرى]

انا برشح البردعى بشدة ولو فية اكتر من بشدة هرشحة بردة

وحكاية الرئيس اللى نعرفة احسن من اللى منعرفهوش دية قدمة اوى بقى واسطوانة زهقنا منها

واللى بيقول اعدين عشرين سنة فى حكم مبارك من غير حرب

يعنى البردعى مثلا اول ما يمسك الحكم هيطلع 40 طيارة لتدمير واشنطن مثلا

يا عم دة واحد عاش حياتة كلها فى امريكا وعارف يعنى اية نظام وقرار وان شاء الله البلد تتغير على ايدة للاحسن

على فكرة مبارك مبيعرفش يتكلم انجليزى

[مستر هانى الباسل]

وللأسف ... رغم قيمة البرادعى العالمية الا أنه لا يصلح لقياااااادة مصر
فمصر لابد لها من قائد عسكرى يقودها

[مستر هانى الباسل]

ياااااااااااااااااارب نجى مصر من أى سوء علشااااااااااااااااان الشعب الغلبااااااااااااااااان دا