مبارك رئيسا لمصر للأبد !!!

[dr.abdullah]

مصادر مقربة: مبارك سوف يترشح لانتخابات الرئاسة 2011




2/20/2010 2:51:00 PM
القاهرة - محرر مصراوي - صرحت مصادر مقربة من القصر الجمهورية أن الرئيس مبارك سوف يكون هو مرشح الحزب الوطني لانتخابات الرئاسة المقبلة في 2011، في حالة عدم حدوث تغير استثنائي أو غير متوقع.
بينما قال مصدر اخر: "إن من يتصور أن الرئيس مبارك سيقرر ألا يترشح وأن يدعو جمال مبارك للترشح بدلا منه لا يعرف شخصية مبارك وطبيعتها العسكرية المنضبطة".
وأضاف أن حدوث ذلك ــ وهو ما يصر على استبعاده ــ "سيكون أمرا خارجا عن المألوف".
وأشار إلى أن طرح أسماء لشخصيات سياسية مصرية قد تترشح لانتخابات الرئاسة المقبلة مثل الدكتور محمد البرادعي وعمرو موسى الأمين العام لجامعة الدول العربية قد حسم الأمر وأنهى أى تردد كان موجودا إزاء ترشيح الرئيس مبارك لنفسه.
وعلى الصعيد الغربي رجحت مصادر دبلوماسية غربية بالقاهرة أن يترشح مبارك لانتخابات الرئاسة 2011، معتبره أنه لا يوجد الآن ما يدل بصورة واضحة على أن جمال مبارك "يجهز نفسه لانتخابات الرئاسة القادمة".
وقالت المصادر، إن واشنطن صرحت للقاهرة بأنه إذا ما كان لها أن تختار ما بين جمال وبين شخصية تنفيذية رفيعة حاليا لها مسئوليات على الساحتين الداخلية والخارجية فإنها ستختار الشخصية الثانية.

لا تقولي برادعي ولا تقولي موسى
الكبييييييييييير وصل

كده عرفنا مين هيفوز بالأنتخابات قبل ما تبدأ من أساسه ...

[dr.abdullah]

http://www.masrawy.com/News/Egypt/Po...0/mubarak.aspx

[modym2020]

المهم انى الاقى واحد بيقوللى احنا بقالنا سنين مع مبارك
البرادعى فيه وفيه لكن خلينا نجرب !!!!!!!!!!

اى مصرى بحب اختيار رئيس كفء قادر على التعامل مع القضايا الداخلية والخارجية
الحكاية مش بطالة ولا رغيف عيش ولا علاوة

ياريت اللى شايف حد كويس يقولى ارشحه ....

[dr.abdullah]

الصراحة اللي اناشايفه الوحيد من المرشحين اللي ينفع للرئاسة
عمر سليمان وزير المخابرات

لأن مينفعش يمسك الحكم في مصر الا راجل ليه خبرة عسكرية

[BaNZeR]

المشاركة الأصلية كتبت بواسطة dr.abdullah

كده عرفنا مين هيفوز بالأنتخابات قبل ما تبدأ من أساسه ...

ده مبيحتجش يفوز اصلاً
ربنا يديه طولة العمر

[~~ yaso ~~]

والله مبارك ده رئيس كويس جداا
يارب يفضل هو الريس

[مستر/ عصام الجاويش]

الرئيس مبارك ليس له بديل وانا اول من يؤيد الرئيس مبارك بارك الله فيه

[صوت الامة]

وتحيا مصر يا عم الحج
والحياة جميلة ومشية وزى الفل
حلوة او ى البلد بمبارك
ولا احنا خدنا على كدة خلاص
حسبى الله ونعم الوكيل
حفضل لغاية ما اموت اكرة شئ اسمة مبارك بالحاشية بتعتوة
حسبنا الله ونعم الوكيل

[المجاهد فى سبيل الله]

انا نفسى قبل ما اموت اشوف حد يظلمنى غيره
خلاص بقى زهقنا من ظلمه بس تصدقوا اتعودنا عليه خلاص
هو طعم الظلم بره عامل ازاى ؟

[علاء سيف]

الاخ الغالي صوت الامة والعزيز المجاهد في سبيل الله
بالنسبة لموضوع الانتخابات القادمة فهذة حرية شخصية ولكنها سابقة لاوانها الان
اما بالنسبة للحديث عن الرئيس مبارك الذي جنب الله مصر به العديد من المنزلقات والحروب
فاعتقد ان الحديث عنه بهذة الصورة غير مقبول وغير شرعي ايضا
واتمنى عليكما ان تتفضلا بقرأة كتاب معاملة الحكام في ضوء الكتاب والسنة
جزاكم الله كل الخير
دمتم موفقين جميعا

[المجاهد فى سبيل الله]

جزاك الله خيرا يا استاذ علاء على النصيحة
ولكن انت ايه رائيك هل نحن نتعرض للظلم فى البلد دى ولا لا؟
انت عجباك عشتك؟
عجبك الى بيحصل فى البلد؟
عاجبك ان واحد ياخد مليون جنيه فى الشهر وواحد بيفضل طول عمره ومش بيكون المليون فى كل حياته ؟
كل دا ظلم ولا مش ظلم
الكتاب و السنه
سيدنا ابو بكر رضى الله عنه قال فان اخطئت فردونى
ايه رائيك كل الظلم وبعد كل الظلم دا تقول ايه تقول اه عايزينه
يبقى حاجه من اتنين يا اما احنا الى عايشين فى احلام او احنا الى عايشين فى احلام
لانها اكيد احلام

[السيد صابر]

إيييييييه دنيا!!!

لا بتسب اللى راكب راكب ولا اللي ماشي ما شي

وماله عمو مبارك, راجل سكرة!!!!

صحيح الفجوة بين الأغنياء والفقراء أصبحت تساوي ما بين السماء والأرض

وصحيح ان الناس مش لاقية تاكل ولا تشرب

وصحيح ان اللى لاقي ياكل أو يشرب بياكل ويشرب اللى الحيوانات تقرف منه

وصحيح ان الدنيا كلها بتدينا على قفانا وحكومتنا بيتقول كماااااااااااااااااااان

وصحيح ان الشريف معدش له مكان في البلد دي

والحرامي والمرتشي والنصاب والمسنودين عموما يعني هم الذين يجب لم أن نسمع لهم ونطيع

وصحيح ان المخدرات بين الشباب أصبحت أكثر من الشكولاته.

وصحيح حوادث ال****** والجرائم بتزيد بمعدل مش طبيعي, وبص على الجرائد الحكومية - بلاش المعارضة - وانت تعرف حجم الدمار والخراب اللي بتمر به البلد

وصحيح ان الشباب صايع وضايع إلا اللي عارف الباشا فلان علشان يشغله شغله محترمة تليق بشهادته العاليا.

وصحيح ان الجواز بقى على سن 30أو 35 ده ان لحقت حاجه اسمها جواز أصلا يعني

وصحيح.........................وصحيح............... ......وصحيح ..........................

بش لازم نعترف ونقر ونشهد للحاكم المبجل والقائد المظفر والرئيس المعظم

مسقط الطائرات وحامل لواء الشجب والتنديدات والفائز الأول والأخير في الانتخابات

بأن بلادنا

كما قالت الأخت الشهيرة سندريلا الشاشة المصرية , واللى على فكرة في سنويتها راحوا قبرها وشغلولها أغانيها

الحياة بقى لونها بامبي

والدنيا ربيع, وقفلي على كل الموضيع

وهذا طبعا لكي نرضي من يريد ان نرضخ لحاكم ونرضى به لم يعد يصلح لهذا البلد لأنه وببساطة أصبح شيخ هرم لا حول له ولا قوة,
لا ندعو إلى ثورة ولكن إلى صحوة ويقظة من حاكمنا قبل شعبه
إذا أراد أن يترحم عليه أحد من أهل هذا البلد فليترك هذه الوظيفة -رئاسة الجمهورية- لغيره ولا يأتي بابنه,و هنا قد يفكر بعضنا بأن يسامحه على ما فعله بنا

ولا ننسى ما قاله أبو بكر يوم توليه الخلافة

((أمَّا بعْدُ –أيها الناسُ –فإني قَدْ وُلِيتُ عَلَيْكُم ولَسْتُ بِخَيرِكُمْ,فإن أحسنتُ فأعِينوني,وِإنْ أسأتُ فَقَومُوني , الصِدْقُ أمَانَةُ ,والكَذِبُ خِيَانَةُ,والضعيفُ فِيكم قويٌ عِندي حتىَ أُرِيحَ عَلَيهِ حَقَهُ-إنْ شَاءَ الله-والقويُ فِيكُم ضَعِيفُ عِندي حتىَ آخُذَ الحَقَ مِنهُ-إن شاءَ اللهُ-

لا يدعُ أحدٌ مِنكم الجهادَ في سبيلِ اللهِ ,فإنه لا يدَعَهُ قومٌ إلا ضَرَبَهم اللهُ بالذُلِ ,ولا تَشِيعُ الفَاحِشَةُ في قَومٍ إلا عَمَهُمُ اللهُ بالبَلاءِ.

أطيعوني ما أطَعْتُ اللهَ ورَسولَه,فإنْ عصيتُ اللهَ ورسولهَ فلا طاعةَ لي عليكم))

فأين هو مما قاله خليفة رسول الله؟؟؟؟
وهل من حقي كمواطن أن أكتم ما أره؟
إني بذلك أضره أكثر مما أنفعه .
ولا تنسوا أن هامان وزير فرعون كان عامل فيها السندريلا والربيع والبمبه, وأخرته إيه دلوقتي؟!!
"النار يعرضون عليها غدو وعشيا"
أعوذ بالله أن نكون مثل هامان أو فرعون

[احمد يحي عبده]

أعوذ بالله أن نكون مثل هامان أو فرعون

[مريم عمر عادل]

المشاركة الأصلية كتبت بواسطة صوت الامة

وتحيا مصر يا عم الحج
والحياة جميلة ومشية وزى الفل
حلوة او ى البلد بمبارك
ولا احنا خدنا على كدة خلاص
حسبى الله ونعم الوكيل
حفضل لغاية ما اموت اكرة شئ اسمة مبارك بالحاشية بتعتوة
حسبنا الله ونعم الوكيل

فعلا حسبى ونعم الوكيل
حال مصر فى عهده لا تسر عدو او حبيب

د / البرادعى امل مصر الوحيد فى استرجاع قوتها وعظمتها

مادد مادد شدى حيلك يا بلد

[Gehad Mostafa]

نعم لبقاء مبارك فترة أخرى ..
حتى يظهر من هو قادر على إحداث التغيير واصلاح البلاد ..

قادر على إدارة دولة بأكملها ..
.

وحتى يظهر من يستحق


فليبق الوضع على ما هو عليه ..