هام جدا ..مواصفات امتحان 2010

[aliabdallah]

حضرت مع الموجه اجتماعا ...مع السيدة الفاضلة المستشارة / فتحية البهى مستشارة اللغة الفرنسية و بحضور مدام سوسن قورة : وقامت الاستاذة المستشارة بتحديد المواصفات الفعلية للامتحان هذا العام وهو تقريبا مثل العام الماضى مع تعديل الاتى :
موضوع التعبير ..5 درجات بدل 6 درجات
والتلغراف او الرسالة او الكلمات فى جمل 3 درجات


ودارت مناقشات قوية حول سؤال ..Qu'est – ce que ces phrases expriment?
و انتهت الى ان وجود هذا السؤال فى الامتحان بشكل تحريرى خطأ فنى لان هذا السؤال يحتاج التعبير بالوجه فهذا السؤال تعبيرات انفعالية بالوجه فكيف يجيب عنه الطالب و هو لا يرى وجه قائل الجمل .
ومن ثم تبين لنا عدم وجود هذا السؤال فى امتحان هذا العام ..
اكدت المستشارة اها سوف تعد امتحان تجريبى للغة الفرنسية يكون مماثل لامتحان هذا العام ( امتحان تجربة ) وترسلة الى جميع المحافظات لتدريب الطلبة عليه استعدادا لامتحان اخر العام



واخيرا مع كل التوفيق لكل الطلبة

[hossam8893]

شكرا لكن هل حضرتك متأكد من الغاء هذا السؤال كما ذكرت؟

[aliabdallah]

انا لم اقول انه تم الغاؤه و انما الذى حدث انهم اجمعوا على عدم منطقية وجوده فى الاسئلة التحريرية و لذلك فهمنا انه غير متوقع هذا العام .......وهذا سوف يتأكد فى الامتحان التجريبى الذى سوف تعده المستشارة كما قالت

[ماندو باشا]

يا جماعة حد يفهمنى يعنى ايى مسشارة دية
يعنى هى الى بتحط الامتحان ولا اية
وبعد انتم قلتم من فرتة انها طلعت معاش
وكمان اخوى بيقولى انها من حوالى سنتين
حطت امتحان فى كتاب اسمة avec plaisir
ونهارها قالوا ن الامتحات هيجى منة
ولا كلمة واحدة جة منة وكل مدرس عندنا كان بيقول انة قابل المستشارة
والمستشارة قالتلة ركز على كذا واعمل كذا وفى النهاية لاجة ولا توقع واحد وكان الكلام دة ايام اخوى سنة 2008
وكان يومها مصر فائزة بكاس الامم
وبعدين انا اسمع ان الى بيحط الامتحان عبارة عم مجوعة من الخبراء وفى كامن جهاز فى وزارة التعليم اسمة الامتحانا ت
او حاجة زى كدة واعرف ان كل واحد بيحط سؤال يعنى بجد مش فاهم كل فترة مدرس يقولنا المستشارة بتقول
المستشارة هتجيب
ارجو يا استاذى انك متزعلش من كلامى
وانا شوفت كلام الاستاذ ممدوحة الجندى فى مواصفات الامتحان ومقلشى الكلام دة
ولو الكلام دة صحيح مش المفروض ان مدرسنا فى المدرسة يقولوا لنا الكلام دة علشان مندرسهوشى
لكن اخر السنة بعد ما ذاكرنا السؤال وحفظناه نيجى النهاردة وتقولوا انة ملغة طب ازاى الكلام دة
ومين ياكد الكلام دة من عدمة وفين المنشور الرسمى للمستشارة ارجو الرد ضرورى

[aliabdallah]

المستشارة التى طلعت معاش هى / مدام راجيه وكان معروف عنها قوتها وشدتها انما الموجودة الن هى الاستاذه / فتحية البهى
ثانيا نعم الذى يضع الامتحانات لجنة و لكنها برئاسة مستشار المادة و طبقا لمعايير الملركز القومى للامتحانات و تعليمات المستشار .........وعلى فكرة حضر على هامش الاجتماع مؤلفى كتاب Bravo
وشكرا

[hossam8893]

طيب مفيش اخبار من مسيو منتصر يمكن يكون عاوز يضيف حاجة عشان نطمن كلنا

[maha maha]

ااااااه الحمد لله اطمنت الى حد ما

جزاك الله خيرا

[a_eldapoley]

المشاركة الأصلية كتبت بواسطة aliabdallah

المستشارة التى طلعت معاش هى / مدام راجيه وكان معروف عنها قوتها وشدتها انما الموجودة الن هى الاستاذه / فتحية البهى
.........وعلى فكرة حضر على هامش الاجتماع مؤلفى كتاب bravo
وشكرا

هاسالهم بكرة واقولكم
مسيو حسن فتحي طبعا

[مصلحى]

كيف تتحدث الى مؤلفى الكتاب

[a_eldapoley]

اصل انا اعرفه

من الاخر باخد عنده درس

هو و مؤلف كتاب
senior

[a_eldapoley]

فعلا يا شبااااب السؤال ده اتلغي

[مسيو منتصر الجميلي]

اخواني منذ عدة سنوات قالوا نفس الكلام وطبعا الموجهين قالوا للطلبة مش جاي
وحدثت المفاجأة وجاء السؤال في الامتحان
طالما السؤال موجود في الكتاب لا نستطيع ان نقول هذا الكلام لطلابنا الا بمنشور رسمي
وحتى لو وصل امتحان تجريبي وليس به هذا السؤال فهذا ليس معناه ان السؤال الغى ، لأن طبعا زي ما حضراتكم عارفين ان السؤال الثاني بيجي 3 أنواع من عدة اسئلة مثل من يتحدث ومن يقوم بهذا العمل وابواب الجريدة واين تسمع واين تقرا .....
فأنا شخصيا لا استطيع ان اقول ان السؤال تم الغاؤه الا اذا اتي رسميا هذا الكلام وصريحا

[الاستاذ / ياسر الشرقاوى]

السلام عليكم ورحمة الله وبركاتة
انا طبعا من نفس رأى الاستاذ منتصر
لان مش معقول يجى اخر السنة ويقولوا الكلام دة للطلاب
وبعدين نفترض انا قلت كدة للطلاب وجة فى الامتحان يبقى اية الوضع ساعتها
وكمان اعتقد انة مش من الضرورى ان الطلاب يعرفوا الكلام دة فى هذا الوقت لانة ممكن يجيب اثر عكسى فى عدم اهتمامهم بهذا السؤال
مع خالص تحياتى لكم منى جميعا

[داندن]

انا مع راي حضرتك يامسيو ياسر

[شهد204]

شكرا يا مسيو على الافادة