الغاء العقد

[تامر الفاضل]

اعمل بأدارة سنورس التعليمية بمحافظة الفيوم وقد الزمتنا الادارة بتعليم 10 افراد ومحو اميتهم ونجحنا بعد عذاب ومرار في تعليمهم والحمد لله وكان هذا في شهر 7 /2009 ، ونفاجأ باداراتنا الميمونة انها علينا اعادتنا امتحان هؤلاء مءة اخرى بدون ابداء اى اسباب وفي خلال اسبوع من الان والا سيقوم بإنهاء تعاقدنا مع العلم بأني متعاقد بعقد مميز والحمد لله نجحت في اختبار ترخيص المعلم المساعد فهل حقا يجوز لهم الغاء العقد بناءا على تلك الذريعة الرجاء الافادة في هذا الموضوع لانه موضوع مقلق ومقرف في ان واحد

[mena gerges123456]

علي حسب معلماتي الشخصية

كالاتي قانون الكادر لاينص علي الزامك بتعلم الافراد بالمحو الامية

حيث لاياتي في القانون هذا البند وانت الان الموقف الخاص بك سليم وعليك لو شدوا معاك رفع دعوة قضائية في المحكمة وهتكسبها
لاتهم هايرجعوا الي القانون والقانون 155 الكادر لاينص علي الزامك بمحو الامية كشرط اساسي في التعيين

[تامر الفاضل]

متشكر جدا على اهتمامك وياريت اى حد يكون عنده معلومة تفيدني في الموضوع ده او ايه هي الحجات اللى ممكن تخليهم يلغوا العقد المميز ياريت ميبخلش عليه بيه وشكرا

[شهريااار]

دة انتوا طيبين أوى يا جماعة محو امية ايه واشتغالات ايه سيبك منهم وخليهم يضربوا راسهم فى اجدع حيطة عندهم انت نجحت فى الامتحان وحتاخد الرخصة نحطها فى عين اى حد يشتغلك تانى وبلاش الطيبة دى

[مستر .سعد الحجرى]

دلوقتى معدتش محو اميه بقى فيه نظافة

[قاهر الاسود]

المشاركة الأصلية كتبت بواسطة تامر الفاضل

اعمل بأدارة سنورس التعليمية بمحافظة الفيوم وقد الزمتنا الادارة بتعليم 10 افراد ومحو اميتهم ونجحنا بعد عذاب ومرار في تعليمهم والحمد لله وكان هذا في شهر 7 /2009 ، ونفاجأ باداراتنا الميمونة انها علينا اعادتنا امتحان هؤلاء مءة اخرى بدون ابداء اى اسباب وفي خلال اسبوع من الان والا سيقوم بإنهاء تعاقدنا مع العلم بأني متعاقد بعقد مميز والحمد لله نجحت في اختبار ترخيص المعلم المساعد فهل حقا يجوز لهم الغاء العقد بناءا على تلك الذريعة الرجاء الافادة في هذا الموضوع لانه موضوع مقلق ومقرف في ان واحد

اولا بالنسبة لقولك((انها علينا اعادتنا امتحان هؤلاء مءة اخرى بدون ابداء اى اسباب وفي خلال اسبوع من الان))
بدون اسباب !!!!!!! الاكيد انه بسبب وسبب وحيد وهو شكوى كيدية من حاقد لكم او لاحد من الذين امتحنوا محو الامية بان ذلك تم بالغش او شكك فى صحة محو اميتهم وانهم حصلوا على شهادات بدون وجه حق
ثانيا بالنسبة لفسخ العقد لكم ففيه قولان
1ــ لايمكن فسخ العقد
الاباسباب او تقرير او مذكرة ضدكم فيها ما يثبت انكم ارتكبتم اى شئ يخل بالعقد
2ــ يمكن فسخ العقد
بناء على انه كان من شرط التعاقد معكم هو محو امية هؤلاء واذا ثبت ذلك فيكون فسخ العقد بناء عليه
والله اعلم
ولكنى اعتقد ان عندك شئ غير طبيعى وهو اما كراهية لكم او لاحدكم(( المتعاقدين))
او كراهية للى امتحن محو امية او احدهم
وسطوا اهل الخير للم هذا الموضوع لان القوانين ثغراتها كثيرة وممكن يؤدى الى فسخ العقد

[ميدو mn]

هل فيه كلام جديد

عن محو الاميه فى ادارة سنورس

وحضرتك شغال ايه بالظبط

مدرس ايه

اخوك محمود من سنورس

مدرس
يا ريت ترد عليه

[moha_5500]

على فكره احنا فى الغربيه المحافظ القديم ربنا يسهله مطرح ما مشى فى ستين ............. كان برده طلب مننا كده . بس الحمد لله الموضوع ده اتنسى من زمان و احنا دلوقتى على وشك اننا نتثبت . و ماعتشى حد يقدر يقول هنفسخ العقد بتاعك .

[nasserfathy]

للعلم مايقدروش يفصلوا واحدعلشان محو الامية حسب القانون فعلا كما قا لت الاخت الفاضلة وللعلم انا من سنورس- بيهمو وتعاقد مميز

[ghoneem84]

السلام عليكم
تم الغاء نتيجة 20/6 و 5/7 على مستوى المحافظة
لان ادارة محو الامية قامت بعمل الكثير من الشكاوى للرقابة الادارية فى نزاهة جميع الامتحانات
وطبعا احنا عارفين الشكاوى دى كلها ليه
لانهم كانوا هيتسارحوا كل واحد يرجع شغلة القديم ويلغى اندابة وطبعا المصالح اللى كانت بتطلعهم منها هتخلص لانهم كانوا بياخدوا عن كل واحد يتمحى اميتة 130جنية
شوف انت كانوا بيطلعلهم كام فى السنة
دا التعبان فيهم عندة عربية
على العموم الرقابة الادارية راجعت جميع الامتحانات واعتمدتهم ما عدا 20/6 5/7

[أ/محمد على عاشور]

ابة لزوم هيئة محو الامية

[الأستاذة هدى]

كلنا يعلم ان محو الأمية عملية صعبة خاصة ان الوقت الممنوح للأمى يكون قليل ..

واتذكر الكهربائى الذى أتى لإصلاح الكهرباء عندى بالبيت فلما علم انى "مدرسة " طلب منى التوسط لدى الهيئة لمنحه شهادة محو الأمية وبالفعل ذهبت معه انا وزوجى من باب فعل الخير ...

وهناك وجدت اللواء مدير الهيئة يختبره فى القراءة مرة اخرى وقد كان هذا الولد مجتهداً ويحاول القراءة لكن بالطبع كانت له أخطاء ...

وهنا سألت اللواء :"يعنى حضرتك معتقد انه هيكون قارىء ممتاز؟؟؟ حضرتك عارف انه محو امية يعنى كويس انه بدأ يقرأ ويكتب (وكنت قمت بإملائه قبل ان يدخل للواء الذى كنت اعلم انه سيختبره ثانية )"

ووافقنى سيادة اللواء على هذا وقال بالفعل احنا معترفين انه يكفى انه بيحاول بس تكون نسبته معقوله .. لأن أنا لو اديته الشهادة وهو ضعيف ممكن اما يروح الفرع الرئيسى هناك يفتكروا ان احنا ارتشينا عشان نديله الشهادة .. وبالتالى انا باضغط عليه عشان يكون احسن واحسن لأنهم ممكن يسحبوها منه تانى "

لذلك فقد عرفت ان امتحان ماحى الأمية ليس بكاف لنيله الشهادة وليس معناه انه بالفعل قد محيت اميته
وكما قولت فى البداية انها عملية صعبة وياليتهم يفتحون مدارس دائمة لمحو الأمية وليس هذه العمليات الوهمية التى يقومون بها لأنها غير كافية ...

وانتم لا ذنب لكم فى علاج هذه المشكلة المستفحلة
واعتقد انه لا يوجد شرط لمحو الأمية حتى يتم الغاء العقد فهذا ربط عجيب ومرفوض ...

[محمدطعيمة]

بجد اللي بتقوله هذا
المرة الجاية عجين الفلاحة
!!!!!!!!!!!!!!!!!!!!!!!!!!!!!!!!!!!

[وفاء احمد]

يارب سترك ورضاك

[الصديقة الحبيبة]

هو لسه فيه حد بيتكلم عن محو الأمية . أنا أخدت عهد مع نفسى غنى مش ممكن أعمل الحكاية دى تانى اطلاقا دى مهزلة بكل المقاييس . هم بيذلونا عل ايه يعنى كل محافظ يخرج بشوية كلام واحنا الضحية .....
احنا طلبوا مننا الكلام ده بس آخر مرة من سنة ونص وبجد كان يوم الامتحان ده مهزلة الكلام عنها قلته أحسن
لكن أقسمنا أنا وزمايلى اننا يستحيل ننفذ الحكاية دى عارفين ليه ..لأننا بنجيب ناس متعلمة ولكن غير حاصلة على شهادة وبنمتحنهم ومنهم هم عاوزين الشهادة ومنها إننا بنخلص نفسنا يعنى كله بيضحك على كله

وعارفين احنا عملنا كده ليه . لأنهم قالولنا قدامك اسبوع بس علشان تمحوا امية تلاته وتقدموهم للامتحان ......
بس دلوقت بعد النجاح محدش له هذه السلطة ولا هو كل محافظ عاوز يكسب رضا الحكومة يجي على دماغنا إحنا .