الثقة فى اعضاء المنتدى

[أ/محمد على عاشور]

اخوانى \
لايجب ان نفقد الثقة فى انسان عرض ما لديه على المنتدى دون التاكد من المصدر
والله فى مبنى الاكاديمية كانت المواعيد تتغير كل 10 دقايق وكذلك الاقاويل
فلكل منا عذرة

[قاهر الاسود]

يا سبحان الله
يعنى المصدر والمسئول لو قال خبر ورجع نفاه وغيره وماطل فيه كل مرة نصدقه
ولو واحد مننا قال خبر سمعه لاااااااااا ده كاذب ومتشائم ويرمى نفسه فى البحر ومثير للشائعات ولابد مننا ان نعمل فيه كذا وكذا
سبحان الله
وبرضه اى خبر من مصدر ومسئول هو اللى محدش يقدر يقول فيه حاجة((ايه هتقول فى حق المسئول حاجة كده ولا كده انت كده بتتكلم فى السياسة ولا ايه)) حتى ولو الخبر رجع ونفاه وماطل فيه والاعذار مننا جاهزة
لا ياجماعة الناس دى كثر خيرها احنا عددنا كبير 83 الف ((بينما المثيتين كانو اكتر من مليون))
لا ياجماعة احنا السبب فى ده احنا اللى زونا الشهادات وهم كتر خيرهم بيراجعو 7 مرات
حسبى الله ونعم الوكيل

[فوفا20]

مفيش حاجه في البلد اسمها احترام للمواعيد لو كان في كده مكنتش تلاقي الفوضى دي في كل حاجه حوالينا

[جمال سراج]

شوفو يا جماعة وبدون زعل
المفروض كل خبر يتقال يحدد صاحب الخبر المصدر - دى اولاثانيا ودا الاهم ايه تفرق النتيجة تظهر اليوم او غدا او بعد شهر طبعا بخلاف العائد المادى اللى كلنا عاوزينه
بس صدقونى سيبوها لله وتظهر زى ما تظهر لان لا بايدى ولا بايدك ولكن بايد من بيده الامر
ثالثا - بجد احترام المواعيد دى مش عارف يبدو انها ليست ضمن قواميس التعاملات عندنا خالص
عندنا فيه كبار بمزاجهم وفيه صغار مش عاوز اقول ايه للاسف تلاقى الساعة 9 بالمصرى يعنى 11 او 12او حتى تانى يوم او بعد اسبوع!!!!!!!!!!!!!
حتى انه فى كتير من البلاد بقا للاسف مفهوم عننا كدا
ربنا يهدينا ويرحمنا وينجح كل ولادنا اللى مش عاوزين بالتاكيد سوى حياة كريمة لهم زى ما بيتمنوها لكل الناااااااااااااااااااااااس!!!!!!!!!!!!
تحياتى

[teacher120]

اتفق معك يا استاذ جمال المفروض اننا كبار لازم نكون متاكدين من الاخبار الى بننقلها مش كل واحد سمع كلمه او قرا موضوع فى منتدى ينقله لنا مع ملاحظه وضع عنوان مثير وجذاب للموضوع والغريب ان معظمهم اعضاء جدد مشاركاتهم لا تتعدى بضع مشاركات وان قلنا لهم عيب يزعلوا وتلاقى الشتيمه والاهانه وياريت كل واحد معترض على كلامى يتصفح المنتدى ويشووف الى حصل فيه من المواضيع المضلله وكل واحد يخرج علينا بمصدر موثوق واخر مسؤول واخر مش عاوز يقول اسمه لوضعه السياسى واخر مصدر مشؤوم وأخيرا المحصله النتيجه مفيش خبر واحد صادق اخير ا ياريت كل واحد فينا ينقد او يتقبل النقد البناء والمفيد

[أ/محمد على عاشور]

سبحان الله
ده منتدى مش سجن له قيود

[teacher120]

طيب ياريت يا استاذ محمد تشوف الاخ الى كاتب خبر اكيد عن النتيجه وبيقول نتيجه الاقصر ظهرت متقولشى نتيجه الابتدائيه ومن مصدر مسؤول كمان

الى اعرفه ان الى متاكد يقول ويذكر صاحب الخبر والا فالسكوت اولى

يعنى ينفع صحفى يطلع ويقول فلان حرامى ؟بدون دليل واوراق

[roosy]

كله كوم بقى وخبر الاستاذ مينا كوم اللى قال ان الوزير عملت مؤتمر صحفى
وزميله الاخ حربى هينشر الخبر بكره طب دا تقول فيه اييييييه؟؟!!!
اكيد اكيد كان نفسه دا يحصل مش اكتر

[hazem ali]

:abdoog8::abdoog8::abdoog8:

[أ/محمد على عاشور]

ممكن تفهمونى (كل واحد يقول اللى عنده واحنا عندنا عقل نصدق او لا )
بس لازم الادب فى الكلام
ثم ان مصادر الاكاديمية اصلا كاذبة بتقول كل شوية حاجة جديدة

[teacher120]

ما دامت كاذبه يبقى مننقلشى شىء الا بعد التاكد منه وبعدين اداره المنتدى منعت الكلام عن النتيجه الا بوجود مصدر مؤكد

ومعظم الاعضاء بيوافقو الاداره

[أ/محمد على عاشور]

المشاركة الأصلية كتبت بواسطة moto 2010

ما دامت كاذبه يبقى مننقلشى شىء الا بعد التاكد منه وبعدين اداره المنتدى منعت الكلام عن النتيجه الا بوجود مصدر مؤكد

ومعظم الاعضاء بيوافقو الاداره

يعنى اية يابنى الموضوع فى الصفحة الاولى خبر اكيد عن النتيجة والناس شغالة فى الافتاء
بص انا تعبت من النتيجة