ياترى سألت نفسك مرة ..أنا عايش ليه؟

[المشتاقة إلى الجنة]

<div align="center">



السلام عليكم ورحمة الله وبركاته.

ياترى سألت نفسك مرة ..أنا عايش ليه؟

لومكنتش ...لو سمحت....... إسال .....مين?? .....طبعا ً نفسك .

كل واحد بيعيش حياته بطريقته الخاصة اللى اختارها لنفسه ,دا لو كان عنده هدف واضح ,وللأسف معظم الناس بيعيش من غير هدف,وزى ماتيجى وخلاص ,لكن لو تخيلنا إن كل واحد له هدف ..


هنلاقى :


• واحد بيعيش عشان يكون أجمل إنسان فى المظهر والشياكة واللبس ,وتلاقى معظم كلامه عن الموضة والموبيل والعربية ,ويمشى فى الشارع ينظر للبس الناس ويقيس شخصيتم بناء على كده .
• واحد تانى عايش عشان يكون أغنى إنسان من حيث المال ,ومعظم كلامه عن المكسب والفلوس ,ودا ممكن يدفعه لطريقة حرام فى المكسب.
• واحد تالت عايش الصحوبية والدردشة والخروجات,ويسلى قوته وخلاص مع أصحابه سواء كانوا بنات أوولاد,ومش همه هوجرح قلب مين.
• واحد رابع عايش عشان ربنا ودعوتهوبيقدم ليها على قد مايقدروبيعيش أجمل حياة مع إخوانه.


تعليق :

. 1_أول واحد :الجمال شىء محبب للنفوس ,لكن لازم تعرف إن الجمال مش بس فى المظهر ,الجمال معنى شامل لحجات كتير زى جمال الروح والعقل والمعاملات ,وكتير مانلاقى ناس جميلة فى شكلها لكن أسلوبها فى الكلام مش ظريف ,هتلاقيك مش عاوز تكلمهم .وكمان لازم المسلم يكون مظهره جميل بسمت إسلامى ,مش بيقلد وخلاص .

2_تانى واحد:الغنى مش فى المال بس ,يعنى ممكن الشخص يكون معاه فلوس كتير لكنه طماع ,ودايما مش مرتاح ,لكن الغنى هوغنى النفس كما قال الرسول (صلى الله عليه وسلم ),ولوتخيلنا إنسان مرتاح ماديا ,ياترى يقدر يستغنى عن الصحة ,الحب أوالناس.

3 _تالت واحد:أنت بتجرح قلب البنت اللى بتصاحبها لما تسيبها ,وحتى لو تزوجتها مش هتحس بسعادة ,لإن ربنا مابيباركش فى اللى بيتبنى على معصية, حافظ على قلبك ولوحبيت ,..حاول ترتبط بيها فى الحلال.

4 _رابع واحد :احمد ربنا إنه وفقك للطريق الصحيح ,لكن ياريت تفهم الإسلام صح بإنه شامل لكل مظاهر الحياة ,وتحاول تكون أجمل ,اغنى وأنجح إنسان ,وبتملك قلب حنون بيفيض بالحب على كل الناس,وخلى بالك لازم تكون صادق عشان ربنا يثبتك.


م الآخر :
ياريت كلنا نعيش لربنا ولخدمة الإسلام ,لأن الدنيا مش باقية وبتنتهى فى لحظة ,وعشان كده.....

عش حياتك لله .............تكن سعيداً</div>

[ReceptiveGuy]

جزاك الله خيراً ع الموضوع

[المشتاقة إلى الجنة]

جزاكم مثله
أشكرك

[نور العمر]

4 _رابع واحد :احمد ربنا إنه وفقك للطريق الصحيح ,لكن ياريت تفهم الإسلام صح بإنه شامل لكل مظاهر الحياة ,وتحاول تكون أجمل ,اغنى وأنجح إنسان ,وبتملك قلب حنون بيفيض بالحب على كل الناس,وخلى بالك لازم تكون صادق عشان ربنا يثبتك.

اه فعلا ياريت كل واحد يفهم الاسلام صح علشانه عمرة ماكان للدعوة بس لا ده حاجات تانية كتيير بس الناس مش اخده بالها منها زي مثلا البنات اللي احيانا بيخضعوا بالقول بس مابياخدوش بالهم

وربنا يكرم كل اللي ربنا وفقهم للطريق الصحيح ويبعد عنهم كل حاجة وحشة

شكرا ع الموضوع

[المشتاقة إلى الجنة]

<div align="center">

جميل كلامك اختى

</div>

[م/احمد]

مزضوع جميل

شكراااا على الموضوع
بس فيه ناس كتير مش بتدى الحاجات دى اهمية كبيرة
مش هتفرق عربية 128م زى تيوتا كرولا الاتنين بالبنزين
موبيل 3310 زيه زى 6610 الاتنين بيقولو الوووووووو
الموضوع منقل لقسم المناقشات

[dodosh]

بصراحه الموضوع شيق جدا جزاكى الله كل خير