حد ينجدنى ويلحقنى بسرعة مفيش ووووقت

شيماء نصار · #1 04-02-2010, 10:40 AM

سلام عليكم

نفسي حد يقولى اذاكر الفرنساوى ده ازاى انا مضيعة فية ع الاخر ومش عارفة اذاكره ازاى وانا مش بعرف احفظ الكلمات خالص (حروف)انما ممكن اعرف شكلها واحفظها من كده وبحل كويس بس المشكلة ان المستر بتاعنا بيخلينا نسمع الكلمات منفصله وانا طبعا زفت فى حفظها وهو اكيد واخد عنى فكرة زبالة انى فاشلة مع انى الحمد لله كويسة ف بقية المواد (افيدونى افادكم الله)

mohahussein · #2 04-02-2010, 10:55 AM

الموضوع ده مش سهل علسان يقال في كلمتين ولكن اختي الحبيبه الموضوع يتطلب مجهود منفصل لمادة اللغة الفرنسية بجانب المواد الاخري وخصوصا الكيمياء التي تستحوذ علي اغلب وقت المذاكره
الموضوع يتطلب حفظ الكلمات وحل اسئلة وامتحانات وبذل الكثير من الجهد والمراجعة المستمرة علي ما تم حفظه ليكون من السهل استرجاعه واستعيني بالله هو خير الحافظين

roumany · #3 05-02-2010, 09:34 AM

قسمى الدرس على ايام الاسبوع :
اليوم الاول حفظ كم معين من الكلمات
اليوم الثانى مراجعة ماسبق ثم حفظ كم اخر
مراجعة ماسبق ثم حفظ كم اخر وهكذا حتى ينتهى الدرس
ملحوظة : الحفظ بالقراءة والكتابة
مع اطيب الامنيات

نور الهدى والامل · #4 05-02-2010, 01:48 PM

اختى الكلمات فعلا تقيلة شوية خصوصا اخر دروس بس انتى عارفة لو كل يوم حددتى وقت تحفظى فيه شوية صدقينى هيتحفظوا وهتبقى كويسة ان شاء الله
انا مجربة كده كل يوم بحفظ درس او درسي لغاية اما اوصل للى واقفة عنده واراجع اللى فات ممكن يتنسى بس بنسبة قليلة مش زى الاول
جربى وان شاء الله يركزوا بس طبعا الحفظ بالورقة والقلم والتكرار اقل حاجة للكلمة 5مرات واوعى تذاكرى انجليزى فى نفس اليوم لان الامور بتدخل فى بعضها
وربنا يوفقك

ماندو باشا · #5 05-02-2010, 02:14 PM

يا شيماء
انا هقولك كلام وارجو انك متزعليشى منى
انتى عملتى موضوع جديد لنفسك ومستنية
حد من الاعضاء يقولك خلطة سحرية طبعا لاء دا عمرة ما هيحصل
لان فى الاول وفى الاخر موضوع المذاكرة بيرجع ليكى انتى لوحدك
وحسب ظروفك وحسب جدول مذاكرتك وحسب نوع مدرسينك
وكمان انتى كنتى فين من اول السنة
واخيرا انا شايف حاجة فى منتهى الغرابة انك عملتى الموضوع ومشيتى
وحتى معملتيشى رد واحد علينا
على العموم انا طالب ذي ذيك بس الفرق بينا انا عارف بعمل اية وعارف ازاى ارسم خطواتى خطوة خطوة من اول يوم فى الدراسة الى اخر يوم وعلى العموم ربنا ينجحك

مسيو محمد نصر · #6 05-02-2010, 03:16 PM

اختي شيماء
العبرة بحل اكبر عدد ممكن من الامتحانات وهي الوسيلة الافضل لتثبيت الكلمات الهامة التي تتكرر في اسئلة الامتحانات بداية من قطعة الفهم وحتى المواقف وموضوع التعبير وذلك مع المراجعة المتكررة لكلمات الدروس
مع اطيب امنياتي لجميع الطلبة بالتفوق الدائم

شيماء نصار · #7 06-02-2010, 07:27 AM

ع فكرة يا استاذ ماندو باشا انا طلبت نصايح لكن مطلبتيش احراج من حد ولا وصفة سحرية زى ما انت بتقول وبعدين الاحباط ده انا مبحبوش وع العموم ربنا يوفقك ولو كنت عاوز تقول الكلام ده مكنتش رديت وخليت الراى لنفسك وربنا يوفقك ويديك ع قدر تعبك

شيماء نصار · #8 06-02-2010, 07:28 AM

متشكرة جدا اااااااااااااااااااااااااااا يا مسيو منتصر وباذن الله هعمل زي ما حضرتك بتقول

سمية11 · #9 06-02-2010, 12:55 PM

شوشو
اوعى تفكرى في يوم من الايام ان احنا هنزعلك وبعدين ماندو لا يقصد ذلك وانمايقصد ان كل واحد فينا عرف ظروف نفسة وعارف يقدر يستوعب اد اية من المعلومات حولىتذاكري كويس كل الموادصدقنى انا خايف عليكى واحنا هنا كلنا لهدف واحدهو التفوق ونتائجه وكلنا اشتركنافى حاجه واحدة هى انن بنحب بعضين وياااااااااب يوفقك ويجعلك السعادة كلها واحنا معاكى ويوصلنا لهدفنا بر الامان

بحيك فى الله
سمسمة

alnegm2 · #10 06-02-2010, 01:43 PM

اقتباس:

المشاركة الأصلية كتبت بواسطة ماندو باشا

يا شيماء
انا هقولك كلام وارجو انك متزعليشى منى
انتى عملتى موضوع جديد لنفسك ومستنية
حد من الاعضاء يقولك خلطة سحرية طبعا لاء دا عمرة ما هيحصل
لان فى الاول وفى الاخر موضوع المذاكرة بيرجع ليكى انتى لوحدك
وحسب ظروفك وحسب جدول مذاكرتك وحسب نوع مدرسينك
وكمان انتى كنتى فين من اول السنة
واخيرا انا شايف حاجة فى منتهى الغرابة انك عملتى الموضوع ومشيتى
وحتى معملتيشى رد واحد علينا
على العموم انا طالب ذي ذيك بس الفرق بينا انا عارف بعمل اية وعارف ازاى ارسم خطواتى خطوة خطوة من اول يوم فى الدراسة الى اخر يوم وعلى العموم ربنا ينجحك

الخلطة السحرية معايا فى الاغانى التعليمية
edusongs.gid3an.com
انتظروا اغانى الفرنساوى ان شاء الله

شيماء نصار · #11 06-02-2010, 03:29 PM

انا معاكى يا سمسمة اننا كلنا خايفين ع بعض بس انا مزعيلتش الا من طريقة الكلام نفسها المفروض بيبقى فى طريقة افضل من كده للنصيحة وميرسي ع ردك يا قمر

alnegm2 · #12 06-02-2010, 05:11 PM

لا تخافى و استعينى بالله
الاغانى فعلا هى الخلطة السحرية
و اسألوا مجرب
جربتها فى الكيميا و نفعتنى الحمد لله

سمية11 · #13 06-02-2010, 11:40 PM

اقتباس:

المشاركة الأصلية كتبت بواسطة alnegm2

لا تخافى و استعينى بالله
الاغانى فعلا هى الخلطة السحرية
و اسألوا مجرب
جربتها فى الكيميا و نفعتنى الحمد لله

حبيبت قلبي انصحك من عدم تنفيذ الكلام ده لانه حرام شرعا وقرئي قران واستعينى بالله والصبر والصلاة وتوكلى علي الله واحسنى الضن بالله وربنا مايحرمني من كلامك

alnegm2 · #14 07-02-2010, 10:46 AM

حرام شرعا ليه
دى اغانى تعليمية
دى اغانى فيها المنهج
و انتوا مجرد بتسمعوها