الغاء تجديد العقد

[شريهان 2]

انا رحت اجدد العقد في منطقه المنصوره رفضوا وقالوا ان جالهم فاكس بالغاء التجديدلمدة اسبوعين

[Hassaan EL-NAKIB]

وده معناه ايه بقى؟
انا كل اللى اعرفه ان كل قطاع ازهرى له يوم محدد فى التجديد عشان مايحصلش زحام
عندنا هنا مثلا قالولنا ان التجديد فى يوم 10 للقطاع اللى انا تابع له...
فممكن القطاع اللى حضرتك تابعة له هايتم تجديد العقود له بعد اسبوعين
ولا ايه؟

[البرهان الرياضى]

يارب استرها معانا يارب
أنا لسه مجددتش
ياريت توافونا بآخر الأخبار أول بأول

[teacher120]

فعلا دا حصل يوم الخميس فى المنصوره وقالوا احنا سمعنا عن طريق شؤون العاملين فى القاهره ان في تثبيت فاحنا منتظرين لو كان فيه بجد يبقى منعملش ورق تجديد ونرجغ نعمل ورق للتثبيت

[هيثم غزال]

بسم الله الرحمن الرحيم
فعلا هذا هو الى حصل بالفعل ـرجوع الموظف بالعقود ـوقال لنا فى تاجيل بالنسبة للتجديد لدفعة 2007و2008ولكن لست ادرى لماذا وعلى قول فى تثبيت ازاى وبتوع المسابقة 2005و2006 قامو بالتجديد
والله بتوع المنطقه فى المنصوره بيهرجو وشكلهم محدش عارف حاجه بس انعمل ايه
والله الاصول المطلوبه لسه محدش وداها كذا ايضا ورق الدوره جاء لنا بعد مرور الميعاد المحدد لها
والى الله المشتكى
بس اريد ان اقول كلمه كيف يكون هناك تثبيت وان شاء الله فى مسابقة خلال الشهر الجارى لسد العجز
الحمد لله رب العالمين على السراء والضراء
محبكم فى الله ابو غزال

[الكلمه الطيبه]

انا كمان رحت يوم الخميس المنطقه الازهريه بالمنصوره وقالولي تعالي بعد 10 ايام ولما سالت عن السبب قالي احد الموظفين ان وكيل الوزاره مش فاضي دلوقتي لاي اختام لانه مشغول في الامتحانات الازهريه وعلشان يريحو دماغهم من كتر الحاحي في السؤال عن السبب قالي ان احتمال يبقي في تثبيت ومنحتاجش نجدد العقد ولما قولت ان العقد بتاعي يعتبر انتهيت مدته في 1-2-2010 قالي بدال بتقبض مرتبك ميهمكش ..المهم اللي فهمته من الاخر انهم اعطو نفسهم مده راحه مننا ومن الزحام اللي بنعمله لعند ما يفضو شويه من مسالة الامتحانات.................كان الله في العون

[ahmed_burhany]

أولا :
أعتذر غنم فترة غيابي لان النت كان فيه مشاكل كتير
وثانيا
1- مرحبا بالأستاذة شريهان أعتقد اننا زمايل
2- الأستاذ هيثم غزال لو من السنبلاوين باريت تعرفني ايميلك
3- الكلمة الطيبة مش محتاجة تعريف بس ياريت ماتقوليش علي نفسك لحوحة لأن انا بازعل علشان حضرتك البيه الموظف شغلته انه يجاوبك واي استفسار من حضرتك ولو كان كتير ما يبقاش اسمه الحاح لآن شغله يرد علي الناس ولا ايه
وربنا يجعله خير