سؤال الى زملائى المتعاقدين ؟؟؟؟؟

[أ/ سعيد موسى]

لماذا كل هذا القلق من موضوع التثبيت ؟؟؟ فليسأل كل زميل نفسه لماذا اريد التثبيت ؟؟؟؟ لاحظت أن اغلب التعاقدات تريد التثبيت من أجل أجازة بدون مرتب !!!!!!!! المهم أحجز مكان لى وابحث عن عمل أخر بدون زعل هل هذا كلام منطقى !!!! أنا واحد من الناس اقسم بالله العظيم لو الزمن يرجع بى للوراء لن افكر فى تعيين الحكومه مرتبى الان بعد 20سنه خدمه حوالى 700ج مع ملاحظه انا ماجستير لعات وترجمه ( بليته وشربت ميته ) اما بالنسبه لكم الحياة مفتوحه أبحث عن العمل الحر بعيد عن هذا التثبيت الذى لن يسمن او يغنى من جوع سوف تظل فى هذا الاطار البغيض مدى الحياة بينما زملائك سوف يكونوا فى منزله افضل 100مره إبعد عن العلاوه التى مازالت حتى وقتنا هذا جنيهات معدوده فانا لولا العمل الحر بجانب مرتبى كنت زمانى بقول لله يامحسنين يوجد زملاء لى كل عملهم التدريس فقط لايفكر فى شرب كوب شاى واحد وخصوصا مدرسين الازهر لانه للاسف اولياء الامور اغلبهم عايز اللى يساعده ولايستطيع اعطاء دروس لاولاده فكر جيدا زميلى العزيز قبل ان يسرقك الزمن وتقول مثلى ياريت وهى كلمه لاتعمر بيت ولله الامر من قبل ومن بعد

[أ/محمد على عاشور]

كلام غير منطقى يناقض يعضه
زى ما خدت فرصتك سيب غيرك ياخد فرصتة
الازهر غير التربية والتعليم اغنى طبعا واقل عملا

[أزهرية وأفتخر]

المشاركة الأصلية كتبت بواسطة محمد عاشورر

كلام غير منطقى يناقض يعضه
زى ما خدت فرصتك سيب غيرك ياخد فرصتة
الازهر غير التربية والتعليم اغنى طبعا واقل عملا

أستاذ محمد ليه الاسلوب ده فى الحوار الراجل مغلطش كلامه سليم 100% ولا غبار عليه

انا عن نفسى يا اخى الفاضل انا عايزه اجازة مرافق زوج وهى ده كل املى وصعبان عليه اوى اسافر وبعدين نتثبت فوالله الذى لا اله غيره كلما هممت بالسفر اجد بابا آخر من تثبيت المتعاقدين او كما يسمونه قد فتح لى كنت ساسافر فى مطلع شهر 10 وحدث ما حث من التقديم وموافقة دخولنا المرحله الثانيه
وكان ما كان من تعسفات شتى وضوابط لدخول الكادر منها التربوى الذى منعنى الدخول وظللت انتظر ما مصير من سيينجح فى الامتحان طبعا المنشور زى ما كلنا عارفين نزل بينص انى اللى هينجح هيتسكن على درجة معلم ولم تاتى سيره للتعيين
وعند هذه النقطه هممت مرة اخرى لأسافر وقلت بعد امتحانات التيرم كلام نهائى هسيب الشغل اللى ملوش اجازات ده وهسافر فاذا بالخبر اللى نزل امس بان هناك تثبيت والاختلاف البعض يقول تثبيت بلا اجازات والبعض يجزم انه باجازات وانا لله وانا اليه راجعون

[teacher120]

احنا محتاجين الامان مش اكتر دا الى ناقصنا مش شرط عشان الاجازه نقصد يكون لنا الحريه مش مثلا حصل ليا ظروف مليش اجازه محتاج اسافر لامر ما يبقى اسيب وظيفتى مش منطق برده يا استاذ اسافر سنه اوا تنين زى ما ناس بقالها سنين حاجزه اماكن اولى انهم يرجعوا وغيرهم يشوف فرصته دا منطق تانى برده؟
انا اعرف مدرسين من ايام ما كانوا بيدونى فى اعاداى وهما بره طيب انا مليش حق زيهم هو بييجى يجدد كل عام وانا باخد بالجزمه لالالالا والف لا انا طالب مساواه القانون يمشى على الكل موظفين نبقى زى بعض مش انا اشتغل وان حصلى ظروف ومحتاج اجازه لاء وحضرتك بكل ترحاب اتفضل لان المتعاقدين موجودين بنديهم على دماغهم ومبيكلمووش فى دقيقه نرميهم ونفسخ لهم عقدهم

[أمينة مكرم]

و نحن نتمى من الله سبحانة و تعالى ن تنال حقك كما نعيشه الأن و تخدش على دماغك و لا حاجة !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟

[أمينة مكرم]

يُحكى أن شيخاً كان يعيش فوق تل من التلال
ويملك جواداً وحيداً محبباً إليه
ففر جواده
وجاء إليه جيرانه يواسونه لهذا الحظ العاثر


فأجابهم بلا حزن
ـ وما أدراكم أنه حظٌ عاثر؟




وبعد أيام قليلة عاد إليه الجواد مصطحباً معه عدداً من الخيول البريّة
فجاء إليه جيرانه يهنئونه على هذا الحظ السعيد


فأجابهم بلا تهلل
ـ وما أدراكم أنه حظٌ سعيد؟




ولم تمض أيام حتى كان إبنه الشاب يدرب أحد هذه الخيول البرية فسقط من فوقه وكسرت ساقه
وجاءوا للشيخ يواسونه في هذا الحظ السيء


فأجابهم بلا هلع
ـ وما أدراكم أنه حظ سيء؟




وبعد أسابيع قليلة أُعلنت الحرب وجُنّد شباب القرية وأعفت إبن الشيخ من القتال لكسر ساقه فمات في الحرب شبابٌ كثر


وهكذا ظل الحظ العاثر يمهد لحظ سعيد والحظ السعيد يمهد لحظ عاثر الى ما لا نهاية في القصة
وليست في القصة فقط بل وفي الحياة لحد بعيد




أهل الحكمة


لا يغالون في الحزن على شيء فاتهم لأنهم لا يعرفون على وجهة اليقين إن كان فواته شراً خالص أم خير خفي أراد الله به أن يجنبهم ضرراً أكبر،


ولا يغالون أيضاً في الابتهاج لنفس السبب، ويشكرون الله دائماً على كل ما أعطاهم ويفرحون بإعتدال ويحزنون على مافاتهم بصبر وتجمل


لا يفرح الإنسان لمجرد أن حظه سعيد فقد تكون السعادة طريقًا للشقاء.. والعكس بالعكس


إن السعيد هو الشخص القادر على تطبيق مفهوم الرضى بالقضاء والقدر..
ويتقبل الأقدار بمرونة وإيمان

( منقول ) أخى الفاضل المتعاقد إليك من هذه القصة هدية

[Observer]

المشاركة الأصلية كتبت بواسطة begoflora

لماذا كل هذا القلق من موضوع التثبيت ؟؟؟ فليسأل كل زميل نفسه لماذا اريد التثبيت ؟؟؟؟ لاحظت أن اغلب التعاقدات تريد التثبيت من أجل أجازة بدون مرتب !!!!!!!! المهم أحجز مكان لى وابحث عن عمل أخر بدون زعل هل هذا كلام منطقى !!!! أنا واحد من الناس اقسم بالله العظيم لو الزمن يرجع بى للوراء لن افكر فى تعيين الحكومه مرتبى الان بعد 20سنه خدمه حوالى 700ج مع ملاحظه انا ماجستير لعات وترجمه ( بليته وشربت ميته ) اما بالنسبه لكم الحياة مفتوحه أبحث عن العمل الحر بعيد عن هذا التثبيت الذى لن يسمن او يغنى من جوع سوف تظل فى هذا الاطار البغيض مدى الحياة بينما زملائك سوف يكونوا فى منزله افضل 100مره إبعد عن العلاوه التى مازالت حتى وقتنا هذا جنيهات معدوده فانا لولا العمل الحر بجانب مرتبى كنت زمانى بقول لله يامحسنين يوجد زملاء لى كل عملهم التدريس فقط لايفكر فى شرب كوب شاى واحد وخصوصا مدرسين الازهر لانه للاسف اولياء الامور اغلبهم عايز اللى يساعده ولايستطيع اعطاء دروس لاولاده فكر جيدا زميلى العزيز قبل ان يسرقك الزمن وتقول مثلى ياريت وهى كلمه لاتعمر بيت ولله الامر من قبل ومن بعد

كلام من دهب

[طاهر الشاعر]

اساسا مش كل اللي نفسه يسافر هيسافر, لان برة مش واقفة علينا, يعني اللي هيقدر يسافر عدد قليل ومش هيسيب فراغ كبير والدليل ان المتثبتين عايزين يسافروا وعدد قليل منهم سافر ودة مش هيشكل اي مشكلة للدولة

[shaimaa zaki]

هنتبثت
مش هنتثبت

[أ/سلوى]

أستاذى الفاضل
التعيين ده حقنا ولازم نطالب بيه مش منة ولا فضل من الحكومة ومن غير المتعاقدين التعليم يصاب بشلل ..
واحنا اتحرمنا من حقنا ...يعنى مظلومين ومش معقول حنرضى بالظلم ولانحب او نحترم اللى ظلمنا !!!!!!!!!!!!!

وانت يعنى شايف الفرص اللى فى الخارج اللى بيرفضها الشباب ولا شايف الاحترام اللى بيكون للمصريين فى خارج بلدهم !!!!!!!!!!!

يبقى المفروض التعجب يكون ليه احنا لحد دلوقتى بعقد ؟؟! وأكتر الحصص من نصيب المتعاقدين ؟؟؟!!!!

[داليا مصطفى ابراهيم]

يا استاذ محمد
التعين ضمان للحياه لان العمل الحر مش ضامن لان لا قدر الله لو حصل اى مكروه لاى حد وما كانش عنده وظيفه ويصرف كل فلوسه من العمل الحر هيعيش من فين بعد كده من غير معاش فالوظيفه هى الامان حتى لو كان الراتب قليل احسن من ما فيش

[أ/ سعيد موسى]

شكرا لجميع زملائى الاعزاء على مروركم الكريم ومعذره لم أقصد أن اغضب أى زميل والاختلاف فى الرأى لايفسد للود قضيه هذا مجرد رأى شخصى لايقدم ولايؤخر شكرا لكم مرة أخرى

[teacher120]

الاخ الاكبر صاحب الموضوووووووووع راجل محترم بجد واحنا كل املنا الامان وبس وعارفين انك تريد لنا الخير وبتحفزنا

[أ/ هشام العيسوى]

استاذ سعيد شكرا على النصيحة
لكن التثبيت شئ هام للاحساس بالامان والكرامة
كتير مننا وانا منهم متفوقين واوائل كليات فهل كثير علينا موضوع التثبيت
يعنى اتعلم واتفوق وفى الاخر عمل حر؟!!
ماكنت اخدتها من قصيرها زى كتير من زملائى وخرجت من الاعدادى واشتغلت حر او اتعلمت صنعة كان زمان حالى غير الحال؟!!
نريد ان نشعر اننا تعلمنا ونريد ثمرة تعب السنين
والا فلنغلق المدارس والجامعات ونوجه الطلاب للعمل الحر
مادامت النتيجة واحدة

[العروبة2]

السادة الزملاء الذين يقولون أن السفر هو حلم حياتي وهو كل حاجة
والأخ الزميل صاحب فكرة العمل الحر
كلها أفكار جميلة وحلوة ولكن ليست سهلة لنتخذ بها قرار
ونبعد ونسافر ونرجع نندم على قرار السفر
ونقول زميلك الفلاني كان متعاقد زايك رضي بالجلوس وانتظار الفرج
وانت عملت ايه روحت جبتلك قرشين وعملت مشروع ومش لاقي شغل
والقرشين اكيد مش هيفضلوا منهم حاجة
على أي حال (والله كل حاجة بيد الله لكن القرار قرارك)
معذرة إذا كنت صريح أوي ولكن تلك هي الحقيقة الخفية
وفي الأخر
القرار قرارك