|
||||||
| الموضوعات العامة قسم يختص بعرض الموضوعات و المعلومات العامة |
 |
|
|
أدوات الموضوع | انواع عرض الموضوع |
|
#1
04-01-2010, 10:06 AM
|
||||
|
||||
وزير التربية والتعليم الجديد د/ أحمد زكي بدر ماذا تعرف عنه؟
 أحمد زكي بدرأصدر الرئيس محمد حسني مبارك اليوم الاحد قرارا جمهوريا بتعيين أ حمد زكي بدر رئيس جامعة عين شمس وزيرا للتربية والتعليم، ماذا تعرف عن وزير التعليم الجديد؟ حصل الدكتور أحمد زكي بدر وزير التربية والتعليم الجديد على بكالوريوس هندسة كهربية - حاسبات وتحكم الآلي جامعة عين شمس في مايو 1978، كما حصل على الماجيستير في هندسة الحاسبات والتحكم الآلي عام 1982 ودكتوراة الفلسفة في هندسة الحاسبات والتحكم الآلي عام 1986. وشغل الدكتور أحمد زكي بدر عام 1978 حتى عام 1982 منصب معيد بقسم هندسة الإلكترونيات والحاسبات - هندسة عين شمس، وعام 1982 حتى 1985 مساعد بحث - المعهد القومي للهندسة - جرينويل - فرنسا وعام 1980 حتى 1986 مدرس مساعد بقسم هندسة الإلكترونيات والحاسبات - هندسة عين شمس. وفي عام 1986 شغل الدكتور أحمد زكي بدر منصب مدرس بقسم هندسة الحاسبات والنظم - كلية الهندسة وذلك حتى عام 1992، كما شغل منصب استاذ مساعد قسم هندسة الحاسبات والنظم جامعة عين شمس عام 1992 حتى عام 1998، كما يشغل منصب أستاذ قسم هندسة الحاسبات والنظم جامعة عين شمس منذ عام 1998 حتى الآن. وفي عام 1999 شغل الدكتور أحمد زكي بدر منصب مدير شبكة المعلومات الجامعية - جامعة عين شمس وذلك حتى عام 2000، كما شغل في عام 2000 منصب عميد أكاديمية أخبار اليوم حتى عام 2006، وشغل عام 2006 منصب نائب رئيس جامعة عين شمس لشئون التعليم والطلاب حتى عام 2007 ، تلاه منصب رئيس الجامعة منذ أغسطس 2007. وبالنسبة لعضوية الجمعيات والمجالس والجوائز العلمية الحاصل عليها، فقد شغل وزير التربية والتعليم الجديد منصب أستاذ بقسم هندسة الحاسبات والنظم - كلية الهندسة جامعة عين شمس وعضو بمعهد مهندسي الإلكترونيات والكهرباء الدولي "إي إيه إيه إيه"، فضلا عن شغله منصب مهندس استشاري نقابي في مجال الحاسبات وتكنولوجيا المعلومات عضو نقابة المهندسين. وحصل عام 1995 على جائزة جامعة عين شمس للبحوث الممتازة، كما يعد عضوا في موسوعة "من هو العالم في العلوم الهندسة 2007، وعضوا في موسوعة من هو في العالم وعضو موسوعة المثقفين المتميزين للقرن العشرين بكمبردج وعضوا بموسوعة رجل العالم في عام 1999. كما يعد الدكتور أحمد زكي بدر عضوا في اللجنة القومية للمعلومات - بأكاديمية البحث العلمي، وعضوا بشعبة تكنولوجيا المعلومات - أكاديمية البحث العلمي، وعضوا بالجمعية العامة للشركة القابضة لكهرباء مصر. ولدى الدكتور أحمد زكي بدر خبرة أكاديمية لأكثر من 30 عاما في مجال الحاسبات الإلكترونية والنظم والتحكم الآلي، وقام بالتدريس في العديد من الجامعات المصرية والعربية والفرنسية والإشراف ومناقشة رسائل الماجستير والدكتوراه بمصر والخارج، ويضاف إلى خبرته الأكاديمية الخبرة العملية حيث يعد خبيرا مهندسا لتصميم نظم الحاسبات والمعلومات ونظم التحكم الآلي ووضع المواصفات وبناء العديد من مراكز المعلومات ورئاسة وعضوية لجان وضع المواصفات وفحص نظم وشبكات الحاسبات والمعلومات وعمل أكثر من 30 عاما في التدريس والبحث بكلية الهندسة جامعة عين شمس، فضلا عن تدريسه بالجامعة الأمريكية قسم علوم الحاسب ومركز التعليم المستمر. ولدى وزير التربية والتعليم الجديد أكثر من 3 سنوات خبرة في البحث العلمي بالمعهد القومي للهندسة بجرينويل بفرنسا وقام بالإشراف وعضوية لجان التحكيم للعديد من رسائل الماجستير والدكتوراه بمصر وفرنسا، فضلا عن إشرافه على العديد من مشروعات التخرج لبكالوريوس هندسة الحاسبات والإلكترونيات والتحكم الآلي. كما شغل الدكتور أحمد زكي بدر منصب مستشار نظم الحاسبات وتكنولوجيا المعلومات بالعديد من الجهات الحكومية والخاصة وقطاع الأعمال.
__________________
أيمن كمال مدرس أول لغة عربية 
|
|
#2
04-01-2010, 11:24 AM
|
|||
|
|||
      السبت، ٣ نوفمبر، ٢٠٠٧ تاريخ أحمد زكي بدر ....ملئ بالكوسة   أحمد زكي بدر كذاب في أصل وشه أثناء كلام الدكتور أحمد زكي بدر بالطلاب أمام قصر الزعفران خرج علينا أحمد زكي سنجة " كما يسميه طلاب الجامعة الان " لينكر ما حدث و أنه لم يتم شطب للطلاب اساسا و يبدو أن الدكتور نسي كلامه في برنامج لميس الحديدى " اتكلم" و كانت مستضيفة د/احمد زكى بدر رئيس جامعه عين شمس ورئيس تحرير جريده القاهرة و كان الحوار بيدور ان الانتخابات اتحاد الطلاب دارت فى اطار من الشرعيه و المساواه ان في طلاب غير مستوفين الشروط وهم 81 "طالب " يعني فيه ناس أتشطبوا يا دكتور يبقي بتنكر ليه ***************************** كوسة في التعيين من الأول أحمد زكي بدر لم يكن الاول علي دفعته حتي يتعين معيدا و لكنها الكوسة التي تتدخل عند اللزوم فالطالب أحمد زكي بدر كان الـــ23 علي الدفعة و إكراما للست كوســـــة " اللي سنداه وواقفة جنبه " تم تعيين 23 طالب الاوائل علي الدفعة دي عشان يتعين هو .....تخيلوا الكوسة وصلت لفين !!!!!!!؟ و طبعا طالما رئيس جامعة وصل بالطريقة دي عايزينه يعمل ايه لما يوصل ....طبعا لازم يكرم الست كوسة اللي وصلته و يقعدها جنبه علي الكرسي عشان " هما حبوا بعض تاريخ أسود و مهبب لوالد أحمد زكي بدر زكي بدر " أشهر وزير داخلية ووفقا لجريدة الشعب الصادرة في 9 يناير 1990 فإن زكي بدر قد تطاول بالسب والقذف بألفاظ تخدش الحياء على كل القيادات السياسية والمعارضة والصحفية وغيرهم وذلك في المؤتمر الذي عقده في مدينة بنها.. وقد نشرت الجريدة نص الشتائم والألفاظ القبيحة والمتدنية التي أطلقها الوزير في حق جماعة الإخوان المسلمين ومرشدهم المرحوم الشيخ حسن البنا وابنه سيف الإسلام والمستشار مأمون الهضيبي وكذلك زعماء المعارضة إبراهيم شكري.. ومحمد حلمي مراد.. خالد محي الدين.. والصحفيين أحمد بهاء الدين ود. محمد السيد سعيد، ويوسف إدريس، وكذلك بعض قيادات المنظمة المصرية لحقوق الإنسان، والمرحوم فتحي رضوان وآخرين وأبرزت الجريدة قول الوزير السابق إنه يسعى ل*** 530 ألف مصري وإنه أصدر أوامره للعمد والمشايخ والخفراء ب*** ودفن كل من له لحية أو يرتدي جلبابا ..أبيض ...تخيلوا سفاح أزاي !!!!؟ ووفقا لجريدة الأهالي فإن الوزير السابق قد وجه السباب إلى زملائه الوزراء في لقائه بالضباط في المعهد الدبلوماسي وخص بالسباب كلا من عاطف صدقي رئيس الوزراء.. يوسف والي أمين عام الحزب الوطني.. صفوت الشريف وزير الإعلام.. حسب الله الكفراوي.. محمد عبد الوهاب.. يسري مصطفى.. محمد الرزاز.. وفاروق حسني وزير الثقافة، ثم هاجم بنفس الألفاظ كمال حسن علي رئيس الوزراء الأسبق، والدكتور عبد الرازق عبد المجيد، والدكتور مصطفى السعيد وزيري الاقتصاد السابقين، وأشار الوزير بألفاظ نابية للدكتور محمد علي محجوب وزير الأوقاف وغالبية المحافظين، وتراوحت ألفاظ الوزير السابق بين «دلاديل» - «الأهبل» - «الشواذ جنسيا» «الحرامية» «الشيوعيين» «النصابين» «المهربين» الذين يقبضون العمولات.. إلخ. يعني الراجل مش راحم لا وزراء حكوميين و لا معارضة .....فعلا تاريخ أسود  كل الجامعة موظفين و طلبة تكره أحمد زكي بدراسأل اى حد دلوقتى فى جامعه عين شمس .. طلبه او موظفين او حتى اعضاء هيئه تدريس سؤال واحد .. مين مش بيكره د/ احمد زكى بدر؟!! ... مش هتلاقى حد حتى لو سألتم د/ احمد زكى بدر شخصيا لانه واضح بتصرفاته انه بيكره نفسه من شبه أباه فما ظلم !!! كان زكي بدر أشهر وزير للداخلية و لسانه متبري منه ..." و هكذا خرج لنا أحمد زكي بدر " من هذا المنبع اللي الناس فيه زوق زوق زوق الصراحة .....فقد كان زكي بدر أشهر وزير للداخلية و كان عهده عهد أعتقال و تجبر و سطوة أمنية و كان يكره بشدة كل ملتحي وكذلك كل واحد بيصلى و وتنسب له مقولة (اى واحد بذقن وجلبية اضربوه بالنار ............ ) وبالتالى العقدة اللى عايش فيها ابو حميد ذكى بدر عرفنا بعض اسبابها و يفضل أحمد زكي سنجة " و هذا اللقب الذي أطلقه عليه الطلاب بعد حادث البلطجة بالجامعة عامين متتالين و كأنها صدف " يعني أشمعني لما اتعين البلطجية ظهروا " .....و يحب أحمد زكي التعامل بنفس طريقة ابوه في الوزارة فعمل علي نقل ضباط الحرس و الاكثار منهم بالجامعة و أدخال البلطجية لحمايته و علي رأي المثل من شبه أباه فما ظلم هل يفعلها الرئيس مبارك لم يكن أحمد زكي بدر معينا لكفاءته و لكنه معين بقرارا رئيس جمهورية .....و هكذا كان أبوه " زكي بدر " ..و لكن نظرا لأن الشعب قد كره أباه جراء ما فعله بالناس من انتهاكات و ****** و *** و تشريد فقد كان ذلك دافعا قويا لأن يصدر الرئيس مبارك قرارا تاريخيا بإقالة زكي بدر وزير الداخلية الذي جثم علي أنفاس الشعب المصري طوال 3 سنوات و11 شهرا، واستقبلت الجماهير المصرية قرار طرد زكي بدر بفرحة غامرة ...و ها هي الايام تعيد نفسها و علي رأي المثل " اقلب القدرة علي فمها يطلع الواد لأبوه " فها هي جامعة عين شمس منذ تولي أحمد زكي سنجة رئيسا لها و هي تشهد أعمال بلطجة و قنابل مولوتوف و ساحات للقتال و الضرب و أصبح أحمد زكي بدر رمزا مكروها من الجميع فهل يفعلها الرئيس مبارك و يخرج قرارا بأقالته و يقف بجانب الطلاب أم سننتظر حتي يفوت الوقت و نسمع عن ***ي و جرحي في جامعة عين شمس بعد أن تخرج فضيحتنا علي الفضائيات . مرسلة بواسطة دعبس في ٥:٢١ ص 21 التعليقات:  غير معرف يقول... كوسة كوسة أكيد هو واحد زي ده لازم يبقي وراه كوسة برده ٣ نوفمبر، ٢٠٠٧ ٦:٣٨ ص  العاقل يقول... احمد ذكي بدر كان يسبقني بعام دراسي وكان مستواه علميا ضعيف بصينا بقدرة قادر اتعين معيد كيف حصل هذا ؟ ٣ أبريل، ٢٠٠٨ ٤:٣٩ م غير معرف يقول... احمد زكى بدر مش مهتم الا بالحفلات وهامل التعليم انا انتردت قيل لما ادخل المكتبه علشان الهوات بيفطروا ويشربوا شاى ١ يوليو، ٢٠٠٨ ١١:٥١ ص غير معرف يقول... عندما يعامل عضو هيئة التدريس كمشبوه فى امن الدوله ... التدخل الامنى الهائل فى جامعات مصر و الذى تعدى القبض على طلبة المحظوره و*****هم داخل الحرم الجامعى وادخال المشبوهين والمخبرين فى ثياب مدنى للتحرش بالطالبات المنتميات للمحظوره و التوصيه على ولاد اللواءات ... كان احتكاكى الاول بهم فى اول سنه استلمت مدرس. لم يحضر ابن اللواء الامتحان الشفوى ... وجدته قادم بعدها بيومين يقول لى كان عندى ظروف وعيد الامتحان ... سالته ما هى الظروف ... المهم لقيت نفسى عند رئيس الحرس الاول بالاحضان وده ابننا لاخر اللقاء احنا اللى بنجح ونسقط وانت دكتور طرطور...ده رئيس الامن ... كان رئيس الدوله استكتر علينا التهزييء مره فى موسم الامتحانات اواذا زعلنا ابن اللواء... فاحضراللواء امن الدوله رئيس جامعة عين شمس و الذى يحيط نفسه بالشرطه وحرس الجامعه كانوا داخل قسم شرطه وليس جامعه علميه ... سعادة الباشا يعاملك كانك متهم مقبوض عليك وليس عضو تدريس المفروض محترم ... كيف نستنجد بمبارك وهو اللى جاب هذا الدكتور المحترم للجامعه اللى كانت محترمه ... الحل هو الخلع او الخلع مع تغيير التشكيل قبل مالاقى نفسى عريان بلبوص فى امن الدوله علشان سالت ابن اللواء سؤال فى المنهج ومعجبوش... واسفاه ٣٠ مارس، ٢٠٠٩ ١:٥٣ م غير معرف يقول... دة كمان بيحارب الأساتذة العلماء تخيلوا اوقف عن العمل الأستاذ محمد بدوى عبد الناصر أحد علماء مصر فى علم الأمراض الجلدية بتهمة ـاخرة عن أمتحان اعمال السنة و ذلك حتى تتبسط زوجتة الأستاذة فى نفس التخصص. من الواضح انة مش همة حد و يستخدم السياسة لاغراضة الشخصية و تنفيذ اوامر المدام. عرفتوا لية ترتيب جامعة عين شمس بدون ترتيب. ١٠ ديسمبر، ٢٠٠٩ ٢:٢٢ ص غير معرف يقول... دة كمان بيحارب الأساتذة العلماء تخيلوا اوقف عن العمل الأستاذ محمد بدوى عبد الناصر أحد علماء مصر فى علم الأمراض الجلدية بتهمة ـاخرة عن أمتحان اعمال السنة و ذلك حتى تتبسط زوجتة الأستاذة فى نفس التخصص. من الواضح انة مش همة حد و يستخدم السياسة لاغراضة الشخصية و تنفيذ اوامر المدام. عرفتوا لية ترتيب جامعة عين شمس بدون ترتيب. ١٠ ديسمبر، ٢٠٠٩ ٢:٢٩ ص غير معرف يقول... للأسف اليوم تم تعيين السيد أحمد زكى بدر وزيرا للتربية والتعليم. لى عتاب على الأب السيد حستى مبارك . ليه بعد كل الفضايح بتاعته دى عينته وزير للتربية ؟ والتعليم؟ ما اعرفش السيد رئيس الجمهورية يقصد بها إيه؟ وأى رسالة يريد توجيهها لنا بهذا التعيين؟؟؟؟ ٣ يناير، ٢٠١٠ ٤:٣٩ ص غير معرف يقول... اهو الريس استجاب لك و شاله من الجامعة بس ركبه على وزارة التعليم بنحبك يا ريس!! ٣ يناير، ٢٠١٠ ٩:٣٥ ص غير معرف يقول... أضحكني تعليق الأخ الذي يصف وش النحس بالأب . يا أخي ده لو جابوا شارون ولا بيجين اللى كانوا بيدبحوا الأطفال الرضع و مسكوهم البلد دي مش حيعملوا أبشع من اللى عمله بابا زفت . بعد إختيار هذا المخبر لوزارة التعليم تبين بالدليل القاطع مدى كراهية " مناحس " لمصر و رغبته في تدميرها . لا عجب بعد اليوم فقد طاب الضراب و بان من هو عدو الشعب ٣ يناير، ٢٠١٠ ١٠:٠٨ ص غير معرف يقول... مش عاجبكم رئيس جامعه اهو بقه وزير ٣ يناير، ٢٠١٠ ١١:٤٦ ص  EHAB يقول... حسبي الله ونعم الوكيل فيك يا ...... بقي دا حيبقي مسؤول عن التعليم في مصر لاإله إلا الله شكلها كده بداية النهايه ٣ يناير، ٢٠١٠ ١٢:٠٠ م غير معرف يقول... هههههههههه اهو بقا وزير مش عارف ليه افتكرت فيلم القاهره 30 ؟! يمكن عشان مش بحب سعاد حسني  ٣ يناير، ٢٠١٠ ١٢:١٧ م غير معرف يقول... حسبنا الله و نعم الوكيل ٣ يناير، ٢٠١٠ ١٢:٣٠ م غير معرف يقول... أهو بابا حسنى الحونين عمل البرئ إبن المحترم وزير على العيال يا ولداه علشان يوريهم شغل أمنا الغولة تأطئى الفولة ... روح الله ينتقم منك يا عوكل ٣ يناير، ٢٠١٠ ٢:٠١ م غير معرف يقول... والله يا اخوانا انا مش قادرة ابطل ضحك من ساعة ما عرفت هذا الخبر الغريب..... ابوه كان بيكهرب المساجين و المشبوههين.....و هو هيكهرب 70 مليون مواطن على الاقل.....و سمعنى سلام ايها الراقدون تحت التراب....و ابقوا كلكوا تفوا على تربتى ان حال البلد دى انصلح!!! ٣ يناير، ٢٠١٠ ٢:٣٢ م غير معرف يقول... وبكده كملت مسيرة انهيار التعليم كخيار قومى .. راحت عليكى يا مصر .. ٣ يناير، ٢٠١٠ ٤:١١ م غير معرف يقول... التوريث قادم لا محاله .. ابن الوزير يبقى وزير .. ابن وزير الداخليه بقى وزير تعليم وابن رئيس الوزراء فؤاد محى الدين بقى وزير وابن بطرس غالى بقى وزير واشمعنى رئيس الجمهوريه لازم ابنه يبقى رئيس.........دى مش دوله ولا حكومه .. احنا بنتخلص من الماضى و ندفن كل ذكرياته ليه بتفكونا و تعيدونا لمرحله الصفر من جديد.. كنا عايزين دم جديد بجينات مختلفه ؟ فاين الجديد ؟؟؟؟ راحت مصر ضحيه عصابه تدعى انها حكومه. ٣ يناير، ٢٠١٠ ٤:٢٢ م غير معرف يقول... هما بيعملوا توكيلات البرادعي ازاي ؟؟؟ ٣ يناير، ٢٠١٠ ٩:٥٣ م غير معرف يقول... أبشرواياجامعة عين شمس لأن المصيبة حتعم على مصر كلها.. ولكم الله يا طلاب مصر ووداعا يا تعليم مصر.. وكمان حاتم الجبلي ابوه كان وزير الزراعة في مسلسل التوريث.. ٣ يناير، ٢٠١٠ ١٠:٥٠ م غير معرف يقول... انتوا كنتوا عايزينة يقيلة من الجامعة اهو خلاه وزير التربية والتعليم كلها ........ربنا يسترها معانا ونشوف هايهبب اية تانى ....ربنا يولع فيهم كلهم ونخلص بقى ٤ يناير، ٢٠١٠ ١٢:٥١ ص غير معرف يقول... والله انا كنت ضد الرادعى بس بالشكل دة مبارك بيخرف وعايز يخرب البلد اكتر ما هى حرام عليك والله يا راجل عايزها تبوظ اكتر من كدة اية دة احنا ماشيين بالعافية .....ربنا يرحمنا احنا فى اخر الزمن والله بكرة يطلع قرار ان مفيش محجبات يدخلوا متحانات مش المنقبات بقى ....هما عايزينا كدة مش عايزين ولا مسلمة تعرف دينها تتقدم وتبقى حاجة كويسة....حسبى الله ونعم الوكيل ٤ يناير، ٢٠١٠ ١٢:٥٥ ص إرسال تعليق روابط هذه الرسالة احمد وزكى بدر.. هذا الشبل وذاك الاسد حصل الدكتور أحمد زكي بدر في استفتاء عام بمؤتمر القاهرة الدولي المنعقد منذ ايام علي لقب اسوأ رئيس جامعة من بين 17 جامعة مصرية وهذا نتيجة لما تشهده الجامعة من تردي للأوضاع منذ أن تم تعينه رئيسا لها. ويفتخر الرئيس الحالى لجامعة عين شمس ... مرسلة بواسطة***** في٣ أبريل، ٢٠٠٨ ١٠:٣١ ص إنشاء رابط رسالة أحدث رسالة أقدم الصفحة الرئيسية الاشتراك في: تعليقات الرسالة (Atom)
|
|
#3
04-01-2010, 11:52 AM
|
||||
|
||||
ربنا يستر علينا ............................ يارب رحمتك علينا اللهم اليك نشكو ضعفنا فاعنا ع القوم الظالمين............... حسبنا الله ونعمة الوكيل
__________________
|
|
#5
04-01-2010, 02:28 PM
|
||||
|
||||
|
بجد والله حرام يعني احنا نقصين ظلم
مش كفاااااااااايه اللي فات والله اتظلمنا واتبهدلنا حرررااااااااااااااااام كفااااااااااااااايه ظلم بقي احنا خنلاقيها منين ولا منين
__________________
تركت الجامعه من اجل نقابي فعوضني الله حفظ كتابه وطلب العلم الشرعي وصحبه صالحه واعتمرت وحجيت في عام واحد احمدك يارب على نعمك العظيمه اللهم فاإرزقني الخامسه يارب العالمين عاجلا غير آجل قولوا آمين الله يرحمك ياعمر ويسكنك فسيح جنته يارب يارب ارزقني عاجلا زوجا صالح مصلح تقي نقي مخموم القلب ممن ترضاه يارب لي من الرجال صوام قوام ياخذ بيدي الى الجنان
|
|
#7
04-01-2010, 03:43 PM
|
||||
|
||||
|
ربنا يستر معانا بجد
ادعوا ان ميغيرش حاجه فى نظام التعليم للاوحش
__________________
لا دموع تكفى ولا أيام تنسى فراقك يا اغلى الحبايب
|
|
#9
04-01-2010, 04:25 PM
|
||||
|
||||
|
مش عارفة افرح انه ساب جامعة عين شمس ........؟ طيب ما يمكن يجى الأسوأ منه..........
وبعدين ما انا اخواتى وقرايبى فى التعليم يعنى سابنى وراح لهم ..........ييييييييه ربنا يستر مشكور
__________________
مش مصدقه بجد ........ رايحه تالتة كلية ......... بسرعه كده 
|
|
#10
04-01-2010, 05:10 PM
|
||||
|
||||
|
ربنا على الظالم والمفترى المشكلة انه مفيش حد يقدر يقولة الكلام ده
|
|
#12
04-01-2010, 09:52 PM
|
|||
|
|||
|
حسبى الله ونعم الوكيل
__________________
|
|
#13
04-01-2010, 10:09 PM
|
|||
|
|||
 :abdoog8::abdoog8::abdoog8::abdoog8::abdoog8::abdo og8::abdoog8::abdoog8:
__________________
|
|
#15
05-01-2010, 06:11 PM
|
||||
|
||||
|
No comment
__________________
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:05 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
