فزوره سهله ومش عايزه حد يحلها

repentance · #1 02-01-2010, 01:51 PM

قسم العدد 80 الي اربعة اعداد بحيث اذا اضيف للعدد الاول 3 واذا طرح من العدد الثاني 3 واذا ضرب العدد الثالث في3 واذا قسم العدد الرابع علي 3 كان نواتج الاربع عمليات متساويه؟؟؟ايه هم الاربع اعداد؟؟؟؟؟؟

ياللا ورونا النشاط
.....

Rymonda · #2 02-01-2010, 04:02 PM

السلام عليكم الاول

الاعداد هي ..
12 - 18 - 5 - 45

صح كده ولا ايه؟؟
لو عاوزه طريقة الحل اكتبها ..
في رعاية الله

repentance · #3 02-01-2010, 04:49 PM

ايوه صح كده يا ريموندا

وياريت تكتبي طريقة الحل عشان بس الاعضاء يعرفوا جت منين الارقام ديه

ميرسي ليكي يا قمر

عندي سؤال ليكي معليشي !

أنا أول لما سجلت علي اخر شهر 8\2009متهيألي كنت شايفاكي مشرفه القسم دا صح ؟؟ ولا تهيوئات

Rymonda · #4 02-01-2010, 05:29 PM

اقتباس:

وياريت تكتبي طريقة الحل عشان بس الاعضاء يعرفوا جت منين الارقام ديه

اقتباس:

انا جبتها بطريقه لفه شويه ..
هبقى انزلها حاضر .. لو مستر محسن منزلهاش يعني ..

اقتباس:

أنا أول لما سجلت علي اخر شهر 8\2009متهيألي كنت شايفاكي مشرفه القسم دا صح ؟؟ ولا تهيوئات

ههههههههههههه
لا مش تهيوءات يا جميل ..
كنت مشرفه فعلا بس طلبت رفعي .. او قدمت استقاله يعني..
ظروف دراسه وكده بعيد عنك ..
بس لو عاوزاني امسك اشراف تاني انا تحت امرك .. انتي اؤمري بس ..

في رعاية الله

repentance · #5 02-01-2010, 06:36 PM

اوكي نزليها وقت ما تحبي
....

لو عشان الدراسه فخلاص مش حبكت يعني
اني ازعج سلطات عليا

وربنا يوفقك يارب في دراستك يا ريمو
...
بصيت في ملفك
لاقيتك طب
وبصيت علي عمرك
لاقيته يدي علي انك في أولى
فهسيبك في حالك بس عشان لسه جو كليه جديد وكدا
بس اعملي حسابك من السنه الجايه اول لما تتعودي ع الكليه
ان شاء الله
هقدم طلب انهم يمسكوكي اشراف من تاني
سواء بمزاجك او غصب عنك

في آمان الله يا قمر
..

eng7oudash · #6 03-01-2010, 12:42 AM

بعد اذن الدكتورة ريموندا هقول انا الحل .. ( عارف انها مش هتمانع ) :abdoog8:

الحل

نفرض الاعداد هى س +3 , س - 3 , س/3 , 3س

حيث
( س +3 ) - 3 = س
( س - 3 ) + 3 = س
( س/3 ) × 3 = س
( 3س ) / 3 = س

و المفروض ان مجموع الاعداد دى = 80

اذن

س +3 + س - 3 + س/3 + 3س = 80

16س / 3 = 80

اذن س = 15

اذن الاعداد هى

( س +3 ) = 18
( س - 3 ) = 12
( س/3 ) = 5
( 3س ) = 45

و جزاكم الله خيرا

و الله ينور عليكى يا ريموندا

repentance · #7 03-01-2010, 06:27 AM

الف شكر يا بشمهندس
الحمد لله انك حطيت انت الحل
اصل ريموندا طب ومش بتاعة معادلات شكله

ا
وقالت انها جايباها بطريقه لفه شكلها مش كانت كدا

(بهزر يا ريموندا)

Rymonda · #8 03-01-2010, 03:30 PM

يا لهوي دا انا لفيت لف ..

فرضت الاعداد س - ص - ع - ل

وجبتهم كلهم بدلالة الـ س

ومشوار كده

تسلم ايدك يا باشمهندس بصراحه ..
اصحاب العقول في نعيم ..

اقتباس:

.. ( عارف انها مش هتمانع ) :abdoog8:

ضرب وكلام من ده ؟؟
ماشي.. ربنا يسامحك ..
دا احنا عشرة مسابقة واحده

اقتباس:

هقدم طلب انهم يمسكوكي اشراف من تاني
سواء بمزاجك او غصب عنك

اوافق وبشده..
بس بشرط ان الكليه متبقاش رخمه كده ..

كفايا رغي بقى

في رعاية الله