واحد واحد ولا ايه

temos6 · #1 31-12-2009, 02:28 PM

انا مش فاهم يعنى الى معاهم الicdl هيتعينوا قبل اللى مش معهم يعنى هيعينوا واحد واحد ولا ايه

Observer · #2 31-12-2009, 03:30 PM

انهاردة الخميس 31 ديسمبر رحت امتحن موديول النت
قالولى انهاردة اجازة ولمدة 15 يوم
اليونسكو مأجزة بسبب الكريسماس

هل ممكن المسؤلين يقدروا النقطة دى فى قراراتهم
اهو 3 اسابيع كاملين مفيش امتحانات اصلاً
من اراد ان يطاع فليأمر بما يستطاع

على فكرة امتحاناتى خاصة مش منحة

طاهر الشاعر · #3 31-12-2009, 04:07 PM

اولا:عيب الشعب المصري انه يحب الزنقة, لان الوزير نبه اكتر من مرة علي الاي سي دي ال من شهر 12 اللي فات
ثانيا من وجهة نظري: ان اللي معاهم اي سي دل ال واللي هياخدوها قبل صدور قرار التسكين هيكون لهم قرار واحد اما اللي هيتأخر اكترمن كده هيجمعوهم في قرار اخر, علما بان قرار التسكين بيكون في الشهر التالي لظهور النتيجة لكنه بياتي بعدها بشهرين او ثلاثة باثر رجعي

(هند) · #4 31-12-2009, 05:03 PM

السلام عليكم
كا الى معاهم حاليا وقدموهم بقرار واحد اما الباقى فكل واحد بقرار منفصل الى يقدم يتثبت ودا كلام من الاكاديمية

طاهر الشاعر · #5 31-12-2009, 05:16 PM

القانون بيقول ان القرارات لاتصدر للافراد انما للجماعة, حتي بالعقل الوزير مش فاضي كل يوم يعتمد قرار

ا/عبد الفتاح شبانة · #6 01-01-2010, 06:43 AM

السلام عليكم ورحمة الله وبركاته يااستاذنا الفاضل انا باخد الدورة فى معهدمشهور جدا وباقى النت من الاربعة مفيش امتحانات ياريت تدعو للجميع بالتوفيق وليس بالتأنيب وشكرا ياعم المجتهد

Observer · #7 01-01-2010, 10:48 AM

صحيح الشعب المصرى بيحب الزنقة بس كمان المسئول المصرى معندوش مرونة او تفاهم
ومش عايز اقول معندوش دم
انا متأكد ان اكتر 70% من السادة المدرسين ليس لديه جهاز كمبيوتر اصلاً
والشهادة نفسها مش امتحان واحد او اتنين دول سبعة
وكل واحد من السبعة عايز مذاكرة وفهم وفلوس
دة غير الدبلومة لغير التربوى ومشاغل العمل
التوفيق بين كل دة صعب جداً

شرط زى شرط الحصول على ال icdl أو اى شهادة مهنية تانية فى اى بلد محترمة اعتقد مبيحصلش كدة
توفير التدريب الحقيقى وبكرر الحقيقى اكيد هيكون موجود
تقديم الدعم المادى وغير المادى لاجتياز الشهادة دة اساسى
والأهم هو عدم تهديد العامل بفصله والقاءه فى الشارع لمجرد عدم حصوله على الشهادة !!

معاك ان الشهادة مهمة بس فى مجالنا اللى هو التعليم ليس لها اى قيمة نهائياً
والحصول عليها ليس سوى تعنت غبى وضياع للوقت بنسبة 100%

واحد اغلى حاجة فى عنده فى البيت وابور الجاز
تطلب منه يتعلم أصول الطهى على الميكروويف ؟!!!!
ازاى