مجرد استفسار؟

[المجاهد فى سبيل الله]

السلام عليكم
اولا طبعا اسف على التدخل
بس كنت عايز اسال عن قسم لقيته النهارده
هو قسم حرس الحدود
معلش يعنى اولا يعنى ايه
ثانيا حيضيف ايه جديد
ثالثا ازاى قسم يتحط و ينزل وعدد مواضيعه صفر
رابعا فين المشرف السوبر الى حينظم الركن علشان ينقل مواضيع داخل القسم الجديد
طبعا دا بجد استفسار
وجزاكم الله خيرا

[Khaled Soliman]

أعتقد إن ما دام هذا القسم في الركن الديني انه سيصبح للمواضيع التي تهتم بالدفاع عن الإسلام وحدوده وعن الصحابة الكرام والرسل وكل ما يمت للإسلام بصلة وسيكون قسم هام جداً
والله أعلي وأعلم

[المجاهد فى سبيل الله]

ونسيت طبعا اقول للاستاذ احمد نجم
مبروك لمدام حضرتك الاشراف على قسم نصف المجتمع
بس انا اعرف ان زوجت حضرتك نشيطة فى قسم ابداعات الاعضاء ازاى تمسك مشرفه فى نصف المجتمع
ومن ضمن الاستفسارات
مين نغممحمد
اصلى بجد مشفتش اسمها برضه قبل كدا فى قسم البنت المسلمة
معلش يا استاذى عارف انى بتكلم فى الى مش يخصنى بس انا عارف طبعا سماحت حضراتكم واكيد حلاقى الاجابة
و معلش برضه ازاى حد يكون عنده 156 مشاركه ويبقى مشرف على خمس اقسام؟
على فكره
انا والله ودا قسم
ما بتكلم على زوجة حضرتك ولا اقدر طبعا لان ربنا واحده الى يعلم انى بحترمك جدا
بس انا بستفسر بس

[المجاهد فى سبيل الله]

المشاركة الأصلية كتبت بواسطة khaled soliman

أعتقد إن ما دام هذا القسم في الركن الديني انه سيصبح للمواضيع التي تهتم بالدفاع عن الإسلام وحدوده وعن الصحابة الكرام والرسل وكل ما يمت للإسلام بصلة وسيكون قسم هام جداً
والله أعلي وأعلم

طبعا جزاك الله خيرا يا استاذ خالد على الرد السريع
بس ايه الى حيتكتب على منتدى الثانوية ندافع بيه عن الاسلام
ولا كام موضوع
ولا لمين مين الى حيدخل المواضيع دى
انت حضرتك فى منتدى الثانوية العامة
يعنى ناس بتدخل تاخد الدروس و تخرج
ومش علشان واحد نعمل قسم نرد بيه عليه لاننا لو عملنا مليون قسم مش حيقتنع
دا غير ان مفهوم حضرتك وعلى ما فهمته من رد حضرتك يبقى يا اما نشيل قسم حى على الفلاح يا اما نشيل القسم الجديد لانهم الاتنين بيفيدوا نفس المعنى و بيحملوا نفس الهدف

[المجاهد فى سبيل الله]

ولم اجد رد الى الان

[لمى 2016]

ابتسم يا احمد
انت فى منتدى البوابة
اول و اكبر منتدى تعليمى فى مصر

و بالمرة ببقى
كان ليا انا كمان استفسار
هو ايه حكاية تبليغ عن مشاركة ده
هومش لو فيه مشاركة مخالفة بنبلغ فى موضوع المواضيع المخالفة
و لا الكلام ده كان ايام زمان
و احنا فى العصر الحديث دلوقت و لا ايه؟

[sympathique]

نظرا لتغيبى وبما ان فيه فعلا حاجات كتير حصلت وانا مش موجود من اضافة اقسام وتعيين مشرفين

فانا انتظر الرد مثل احمد بس ياريت وانا موجود

[إيساف]

ولا أنا والله فاهم

[خالد مسعد .]

المشاركة الأصلية كتبت بواسطة المجاهد فى سبيل الله

السلام عليكم
اولا طبعا اسف على التدخل
بس كنت عايز اسال عن قسم لقيته النهارده
هو قسم حرس الحدود
معلش يعنى اولا يعنى ايه
ثانيا حيضيف ايه جديد
ثالثا ازاى قسم يتحط و ينزل وعدد مواضيعه صفر
رابعا فين المشرف السوبر الى حينظم الركن علشان ينقل مواضيع داخل القسم الجديد
طبعا دا بجد استفسار
وجزاكم الله خيرا

أري انك استعجلت في استفساراتك هذه ولا داعي لها أصلا في بداية نشاط هذا القسم الجديد
لكن سأجيب عليها رغم ترددي اليوم كثيرا في الرد عليها لأنها توجس في نفسي خيفة ما وحيرة لا اعرف سببها من وراء هذه الأسئلة فلقد تعودت بخبرتي وسني أن استشف ما وراء السطور وعلمني ورباني شيوخي على هذا

لكن سأجيب والله المستعان

أولا : قسم حرس الحدود هو جدار حامي لتعاليم الإسلام الصحيحة وهو يختلف عن قسم حي على الفلاح في أن موضوعاته إسلامية علمية خالصة ليست نصيحة ولا رأي ولا تذكير كما هو الحال في قسم حي على الفلاح لذلك فالقسم لا يقبل المشاركات الجديدة إلا بعد موافقة المشرف عليها
ثانيا : اما هايضيف اية جديد فهذه نبرة تشكيكية أحذرها دائما عن الرد عليها هايضيف كتير أخي الفاضل هايضيف موضوع علمي مركز ومختصر هايناقش مذاهب ملل أخري وهايوضح أمور كثيرة باذن الله في الفقة والعقيدة والمعاملات والشرائع بشكل علمي باذن الله تعالي

ثالثا : أي قسم جديد في الدنيا أول إضافة له بيكون فارغ أمال قسم جديد أزاي
ولا تتوقع أننا نعمل موضوعات الأول وبعدين نضيف القسم

رابعا : ولو كنت ترغب في ترشيح نفسك تفضل عموما هذا الاقتراح اقتراحي وانا المشرف المباشر لهذا القسم

خامسا : لن يتم نقل موضوعات داخل هذا القسم وسيكون له موضوعاته الخاصة باذن الله تعالي

وأخيرا نحن لا نريد أن يكون زوار هذا القسم يتابعون موضوعاته لاصطياد الأخطاء أو الاختلافات أو التشكيك في دوافع هذا القسم أو انتظار فشله

وأقول لك أخي ان هذا القسم لن يحذف لمجرد راي ولن يحذف لان المشرف عليه رحل وترك المنتدي فهذا دين الله قائم ومستمر حتي قيام الساعة ورجال الدين وحراسه على خير
وأحاول جاهدا استبيان سبب ضيقك من هذا الاسم ولا اصل لإجابة

حرس الحدود والاسم واضح وسبق ان ذكرت ان هذا الاسم مشتق من محاضرات فضيلة الشيخ ابو اسحق الحويني ولو تابعت أي حلقة له في هذا البرنامج ستعرف معني هذا الاسم

حرس الحدود حراس الدين والمدافعين عنه بأسس علمية دينية صحيحة وعن طريق شيوخنا الثقة الأفاضل

ونهاية سامحني اجد استغرابا شديد لاستفساراتك المنتشرة في هذا الموضوع واجد تشكيكا واضحا ليس لقسم حرس الحدود فقط بل وغيره ولا اريد الحكم على أحد فالله أعلم بالنوايا والظنون

وعلى الله قصد السبيل

[خالد مسعد .]

المشاركة الأصلية كتبت بواسطة المجاهد فى سبيل الله

ونسيت طبعا اقول للاستاذ احمد نجم
مبروك لمدام حضرتك الاشراف على قسم نصف المجتمع
بس انا اعرف ان زوجت حضرتك نشيطة فى قسم ابداعات الاعضاء ازاى تمسك مشرفه فى نصف المجتمع
ومن ضمن الاستفسارات
مين نغممحمد
اصلى بجد مشفتش اسمها برضه قبل كدا فى قسم البنت المسلمة
معلش يا استاذى عارف انى بتكلم فى الى مش يخصنى بس انا عارف طبعا سماحت حضراتكم واكيد حلاقى الاجابة
و معلش برضه ازاى حد يكون عنده 156 مشاركه ويبقى مشرف على خمس اقسام؟
على فكره
انا والله ودا قسم
ما بتكلم على زوجة حضرتك ولا اقدر طبعا لان ربنا واحده الى يعلم انى بحترمك جدا
بس انا بستفسر بس

بصراحة مش قادر أخرج من الموضوع بعد أن اثار ضيقي

كل هذه الاستفسارات والتدخل في شئون المنتدي

بالتأكيد لدي إدارة المنتدي أسبابها ولا يحتاج الأمر لنشر هذه الأسباب ثم أليس من حق كل فرد أن يثبت نفسه وليس من حقنا ان نسأل عما يخصنا فقط أو عندما نشاهد خطأ ما أو تكرار لهذا الخطا

هذا تدخل شديد في أمور الغير


ونهاية اعلن احتجاجي على هذه الاستفسارات واري انها تدخل مباشر في سياسة المنتدي

[أحمـدنجـم]

بكل بساطة يا أحمد انت اللي غلطان ومش متابع كويس
قسم نصف المجتمع قسم جديد مش قديم يحتوي على خمسة أقسام فرعية ثلاثة منها جدد واثنان تم نقلهما معه وهما المطبخ والبنت المسلمة
صاحبة فكرة قسم نصف المجتمع هي (نعممحمد) والمشرفة علي تنفيذ الفكرة مع (المتبتلة) والتي لا دخل لكونها زوجتي في تعيينها فقد تم ترشيحها من قبل (نعممحمد) وقامت الإدارة بتعيينها
ولم يعترض أحد من الإدارة على ذلك وأعتقد أن قسم نصف المجتمع وهو خاص بالمرأة لا يعنيك في شيء يا أحمد
وهو لم يكن له وجود من قبل لكي نقول للمشرفة نشاط فيه أو لا
فهمت يا أحمد؟
أما بالنسبة لاستفساراتك الأخرى بالنسبة لقسم حرس الحدود فأكتفي برد مستر خالد مسعد عليك
أحمد لو سمحت وهذا من أخ أكبر لأخيه لا تذكر زوجتي بسوء أو بشيء حسن لأنها في المنتدى مشرفة وليست زوجتي ولقد طلبت هي مني الآن رفع إشرافها فهي معلمة لغة عربية وعلى قدر من الثقافة لا بأس به يا أحمد وهي كانت متخوفة من كونها زوجتي حتى لا يقال ما قلته يا أحمد وشكراً جزيلا ً لك .. وبالفعل أنا مستغرب

[..Just Stop]

خلاص يا ريت نغير الام للنادى الاهلى
مع احترامى الشديد للجميع
عندى اعتراضين وليس استفسارين
الاول ايه فايدة حرس الحدود
حى على الفلاح وغيره يقدر يرد علىاى حد وبدل ما نعمل قسم علشان واحد دخل هرتل بكلام
كان ممكن نعمل موضوع نرد فيه ونتناقش انما قسم كامل مش متبنى الفكرة دى انا
ثانيا
قسم نصف المجتمع ايه فايدته برضو مهو هواه البنت المسلمة اعتقد برضو انه مش هيضيف جديد
لان فى بديل
واشمعنا النساء بس اللى اتعمل لهم قسم جديد اشمعنا احنا
اعملولنا نصف المجتمع ( رجالى )
عزرا على كلامى خارج قسم المشرفين
بس انا ملقتش موضوع اتاخد فيه راينا بالاقسام الجديدة
فقولت ارد هنا حتى هنا الجو يشجع على الكتابة
شاو

[المجاهد فى سبيل الله]

المشاركة الأصلية كتبت بواسطة مستر خالد مسعد

أري انك استعجلت في استفساراتك هذه ولا داعي لها أصلا في بداية نشاط هذا القسم الجديد
لكن سأجيب عليها
رغم ترددي اليوم كثيرا في الرد عليها لأنها توجس في نفسي خيفة ما وحيرة لا اعرف سببها من وراء هذه الأسئلة فلقد تعودت بخبرتي وسني أن استشف ما وراء السطور وعلمني ورباني شيوخي على هذا
مع احترامى لحضرتك ولشيوخك
لو هما علموك هذا فهذا خطاء فادح ولا يجب ان تتعلمه
لانه لا يوجد شئ بين السطور ولا يشترط ان يوجد هناك اشياء بين السطور دائما
ودا الى نبينا علمنا اياه وليس شيوخنا
اننا نقدم حسن النية ولا نقدم سوء النية
لكن سأجيب والله المستعان

أولا : قسم حرس الحدود هو جدار حامي لتعاليم الإسلام الصحيحة وهو يختلف عن قسم حي على الفلاح في أن موضوعاته إسلامية علمية خالصة ليست نصيحة ولا رأي ولا تذكير كما هو الحال في قسم حي على الفلاح لذلك فالقسم لا يقبل المشاركات الجديدة إلا بعد موافقة المشرف عليها
اولا هذا هدف خاطئ جدا و بعيد كل البعد عن الى موجود داخل القسم الان
القرامطه و غيرهم و هناك مواضيع تتحدث عن بدع عليها اختلاف وانت اتيت بحكم صريح فيها وتركت باقى الاراء
بمعنى اخر حضرتك حجرت على المواضيع بالمراقبة و جمع الاراء للاعضاء وانفردت براى واحد وهو صاحب الموضوع
ثانيا : اما هايضيف اية جديد فهذه نبرة تشكيكية أحذرها دائما عن الرد عليها هايضيف كتير أخي الفاضل هايضيف موضوع علمي مركز ومختصر هايناقش مذاهب ملل أخري وهايوضح أمور كثيرة باذن الله في الفقة والعقيدة والمعاملات والشرائع بشكل علمي باذن الله تعالي
ايه برضه الى حيتكتب فيه مش ممكن يتكتب فى قسم حى على الفلاح؟
و قسم حى على الفلاح بيفيد نفس الكلام
لان مكتوب تاحته

يعنى نفس هدف القسم
ثالثا : أي قسم جديد في الدنيا أول إضافة له بيكون فارغ أمال قسم جديد أزاي
ولا تتوقع أننا نعمل موضوعات الأول وبعدين نضيف القسم
هى دى جديده على حضرتك ولا بتتريق ولا ايه
اه فعلا اه نسيت اصل حضرتك الظاهر اول مرة تدخل الادارة
اقول لحضرتك احنا بنعمل القسم و بنخفيه من الاعضاء و بيكون ظاهر للمشرفين بيحطوا فيه المواضيع و بينقلوه داخله المواضيع الى تفيد للقسم الجديد
وبعد كدا بنظهره للاعضاء شوفت حضرتك
اصلى كنت مشرف ادارى و ادرى بالامور دى
رابعا : ولو كنت ترغب في ترشيح نفسك تفضل عموما هذا الاقتراح اقتراحي وانا المشرف المباشر لهذا القسم
جزاك الله خيرا
خامسا : لن يتم نقل موضوعات داخل هذا القسم وسيكون له موضوعاته الخاصة باذن الله تعالي
كويس
وأخيرا نحن لا نريد أن يكون زوار هذا القسم يتابعون موضوعاته لاصطياد الأخطاء أو الاختلافات أو التشكيك في دوافع هذا القسم أو انتظار فشله
ليه هو حد قال لحضرتك انه مدايقنا فى حاجه
او انى فى ملة تانية علشان احاربه وهو بيحارب ملتى ولا ايه
وأقول لك أخي ان هذا القسم لن يحذف لمجرد راي ولن يحذف لان المشرف عليه رحل وترك المنتدي فهذا دين الله قائم ومستمر حتي قيام الساعة ورجال الدين وحراسه على خير
وأحاول جاهدا استبيان سبب ضيقك من هذا الاسم ولا اصل لإجابة
منا بقول لحضرتك اهوة
انه مش بيضيف جديد و ان قسم حى على الفلاح بيدى نفس الهدف يبقى ليه قسم جديد
حرس الحدود والاسم واضح وسبق ان ذكرت ان هذا الاسم مشتق من محاضرات فضيلة الشيخ ابو اسحق الحويني ولو تابعت أي حلقة له في هذا البرنامج ستعرف معني هذا الاسم
لا والله اولا جزاه الله خيرا فهو محدث كبير ولكنى لا افضل الاستماع له
حرس الحدود حراس الدين والمدافعين عنه بأسس علمية دينية صحيحة وعن طريق شيوخنا الثقة الأفاضل

ونهاية سامحني اجد استغرابا شديد لاستفساراتك المنتشرة في هذا الموضوع واجد تشكيكا واضحا ليس لقسم حرس الحدود فقط بل وغيره ولا اريد الحكم على أحد فالله أعلم بالنوايا والظنون

وعلى الله قصد السبيل

منا بقول لحضرتك دى امور ادارية احنا ادرى بيها
و فاهمين احنا بنقول ايه كويس
و بناقش فكرة بس
و جزاك الله خيرا

[المجاهد فى سبيل الله]

المشاركة الأصلية كتبت بواسطة مستر خالد مسعد

بصراحة مش قادر أخرج من الموضوع بعد أن اثار ضيقي

كل هذه الاستفسارات والتدخل في شئون المنتدي

بالتأكيد لدي إدارة المنتدي أسبابها ولا يحتاج الأمر لنشر هذه الأسباب ثم أليس من حق كل فرد أن يثبت نفسه وليس من حقنا ان نسأل عما يخصنا فقط أو عندما نشاهد خطأ ما أو تكرار لهذا الخطا

هذا تدخل شديد في أمور الغير


ونهاية اعلن احتجاجي على هذه الاستفسارات واري انها تدخل مباشر في سياسة المنتدي

اولا اسلوب حضرتك مش مقبول
ثانيا حضرتك لسه جديد هنا
ومينفعش حضرتك تتكلم معايا بالاسلوب دا
اذا مكنتش تعرف مين المجاهد فى سبيل الله اتفضل اسال الاول قبل ما تقوله انى ازاى بتدخل فى سياسة المنتدى
ثالثا
الركن الدينى دا انا الى بنيته ومش اسمح لحد انه يهدمه
و اى امر فيه حتى بعد ما تركت الاشراف فيه و الاشراف الادارى عليه اسال محمد اللورد و اسال الاخوة المشرفين عليه مين الى بيقوم على اموره
و الكل عارف كدا
دا اسباب تدخلى فهمت حضرتك ولا نقول كمان

[خالد مسعد .]

[quote=..Just Stop;12]خلاص يا ريت نغير الام للنادى الاهلى
أخي الفاضل سأتحدث فقط بخصوص قسم حرس الحدود
أولا تم إضافة الاقتراح في موضوع ( موضوعات تؤدي الى جهنم ) وأنت أحد اللذين ردوا على هذا الموضوع وفيه ستجد اقتراحان واحد إنشاء قسم الأبحاث والثاني لقسم حرس الحدود ورغم أنك أعطيتني رأيك بخصوص الموضوع الأصلي إلا أنك لم تدخل الموضوع ثانيا لتري هذه الاقتراحات

ثانيا : في كل حديث بخصوص هذا القسم كنت اقتراح أن يكون كقسم فرعي من قسم حي على الفلاح لكن قدر الله وما شاء تم إضافته كقسم رئيسي

ثالثا : ساقول مثالا بسيطا عن دور قسم حرس الحدود فهو ليس للرد على أحد فلا يهمنا أن احد أخطيء فالعلم متوفر ومن السهل تتبعه في أيامنا هذه بطرق عدة
قسم حرس الحدود يختص بأن يحترس الناس قبل الوقوع في الخطا مش هاستني لما يقع أو يأخذ فكر شيعي أو صوفي او .. أو وبعدين اقعد افهم فيه وأقنعه

ما الفرق بين قسم حرس الحدود وبين قسم حي على الفلاح ؟ ساقول لك وللجميع أخي
قسم حي على الفلاح .. الموضوع .. الصلاة فرض على المسلمين
قسم حرس الحدود .............. الموضوع ....... العبادات في الإسلام ( شرائعها - أحكامها - سننها )

قسم حي على الفلاح ........ معني مصطلح العارفين بالله عند الصوفية

قسم حرس الحدود .......... ( ملف كامل عن الصوفية ) ، ( نشأه الصوفية - مؤسسها - تعريف كامل لها )

وليس هذا معارض لهذا إنما يختص قسم حرس الحدود بالآتي
أحذر - لا تقل - لا تفعل - تعلم جيدا
قسم حي على الفلاح ( تذكر - انتبه أخي - نصيحة )
إذن فستدخل باذن الله قسم حرس الحدود تفتح موضوع ستجد شيئا مكتمل العناصر مفيد جدا

ولو عايز نلخص دورة قسم حرس الحدود فهو بديل لهذه الأقسام ( قسم الملل والمذاهب - قسم الرد على الشبهات - قسم التوحيد - العقيدة - الفقة - المعاملات )
فبدلا ان تتوه هذه الموضوعات وسط موضوعات حي على الفلاح ستجدها بسهولة في القسم الجديد
واعتقد ان كل ما ذكرت لك ان تتخيل كم ستضاف من موضوعات
وانبه للآتي : هذا القسم عندما أنشيء لم يكن المقصد هو نقل موضوعات من مكان آخر لهذا القسم لا بل ترتيب وتنظيم وموضوعات خاصة للبوابة من مصدرها الأساسي ( شيوخنا الأفاضل )

ونهاية عشان أنا تعبت ودور كل واحد في المنتدي الكبير هذا أن ينتظر ويري ويشاهد ويحلل ثم يقرر ويهاجم هذا القسم الجديد

وللعلم أخي الفاضل فالحمل على ثقيل جدا سواء في منتدي بوابة الثانوية العامة أو في موقع ومنتدي فضيلة الشيخ الدكتور محمود عبد الرازق الرضواني - استاذ العقيدة والمذاهب المعاصرة - استاذي وشيخي الجليل وما يحتوية من دروس القنوات الفضائية لفضيلته ودورس الدورات ( أصول العقيدة - منة القدير - منة الرحمن ) وأبحاث الطلبة واختباراتهم وتسجيل ورفع الدروس وتحويل امتداداتها .
وكذلك موقع الشيخ حازم صلاح ابو إسماعيل ودروسه الرائعة في القنوات الفضائية

لذا لو رغبتم في حذف هذا القسم الجديد فاحذفوه عشان أنا تعبت من الرد والشرح الإيضاح عن ودور القسم

وعلى الله قصد السبيل