يلا نربي سويسرا زي ما ربينا هولندا!!

[محمد.فوكس]

طبعا كلكم سمعتوا عن الاستفتاء اللي اسفر عن تأييد الشعب السويسري لحظر بناء المآذن في سويسرا.
و ممكن حد يقول ان دي مش سياسة حكومة ده رأي شعب يعني هنعمل ايه.
اولا الحكومة او جهة في الدولة هي اللي اقترحت الاستفتاء.
ثانيا اذا كان الشعب السويسري معادي للاسلا فاحنا مش عايزين نعرفه ولا عايزين نتعامل معاه و بالبلدي كده مش عايزينه يستنفع من ورانا.
و بعدين شوف عملو ازاي حملات ضد الاسلام و المسلمين في الشوارع



يعني الموضوع مش موضوع مآذن هم عندهم اسلاموفوبيا رسمي مش عارفين بيكرهونا ليه (زي الجزايريين مع مصر كده عندهم ايجيبشانوفوبيا).
انا مش عارف ايه المنتجات السويسرية اللي في مصر و العالم العربي بس عرفت من النت ان شركة نستلة بتاعت المياه و الالبان و غيره شركة سويسرية بس طبعا داخل في شركاء من دول تانية بس هي اساسا سويسرية و مقرها في سويسرية و اساسا الشركة دي سمعتها مش تمام و في كلام كتير اتقال على منتجاتها.
فمبدئيا كده نقاطع منتجات الشركة دي.
زي ميه نسلتة و نيسكافيه(مع اني بحبه) و منتجات الالبان.
و ده جروب عالفيس بوك و هو اكتر واحد لقيته في الجروبات اللي اتعملت فيه اعضاء.
http://www.facebook.com/group.php?v=...d=190590376903
و طبعا لينا تجربة سابقة ان المقاطعة بتجيب نتيجة زي ما حصل مع هولندا.
الميزة الوحيد لاننا شعوب مستهلكة اننا نقدر نلوي دراع البلاد اللي بتصدرلنا.
و دول ناس مش بينفع معاهم الزوق.عشان اي واحد قبل ما يفكر يهين الاسلام اول يعامله معاملة جونية يبقى يفكر كويس قبلها.

[account closed]

معاااااااااااااااكم


حسبنا الله ونعم الوكيل

[..Just Stop]

والله عندك حق
اكيد معاكم بس ياريت حد يقوللنا ايه المنتجات السويسرية
علشان منجيبهاش
دى بلد متخلفة
مش عارف بيكرهونا ليه
والاغرب من كدا
ان حكومتهم قالت ان حظر المأذن سوف لا يؤثر على علاقتنا مع المسلمين
فأذا كان مش هيأثر معاهم
فلازم يأثر معانا
وكفاية اهانة للدين لحد كده
حاجة تقرف

[..Just Stop]

ودى صورة لبعض المنتجات السويسرية

[الجويرية]

حسبنا الله ونعم الوكيل بجد
مهو لو فعلا كان عندنا منتجات مصرية كويسة مكنااش لجانلهم اصلا
وان شاء الله يخسروا بالمقاطعة
وينصر الله الاسلام ويعزه فى كل مكان
وجزاكم الله خيرا على الموضوع

[noda 2000]

لاحول ولا قوة الا بالله
أنا مش عارفه غسلامنا مضايقهم فى ايه
أنا معاكم
وجزاك الله كل خير

[المجاهد فى سبيل الله]

لا اله الا الله

[علاء سيف]

موضوع ؟؟؟؟؟؟؟؟مش عارف
بس عندي سؤالين عاوز حد بهدوء يجاوبني عليهم
هو احنا ربينا هولند ازاي ؟؟؟يعني عملوا ايه لما ربناهم؟؟اسملوا مثلا؟؟؟
التاني هاعكس سؤال الاحباء انتم مش عارفين هما بيكروهنا ليه؟؟
انا بقة هاسمح لنفسي اسألكم هما هايحبونا ليه ؟؟؟بأمارة ايه؟؟؟
وارجو تدني ولو 3 اسباب تخللي اي غربي عادي يحب المسلمين خصوصا اللي في الغرب

[محمد.فوكس]

المشاركة الأصلية كتبت بواسطة آية من الله

حسبنا الله ونعم الوكيل بجد
مهو لو فعلا كان عندنا منتجات مصرية كويسة مكنااش لجانلهم اصلا
وان شاء الله يخسروا بالمقاطعة
وينصر الله الاسلام ويعزه فى كل مكان
وجزاكم الله خيرا على الموضوع

بالعكس رب ضارة نافعة .. احنا شعوب مستهلكة و ده عيب فينا.
لكن استفدنا اننا بقينا سوق لمنتجاتهم و مصدر ربح و بكده نقدر نضغط عليهم لما يغلطوا فينا لان الاقتصاد و القوة العسكرية بقوا في نفس الاهمية.

[محمد.فوكس]

المشاركة الأصلية كتبت بواسطة علاء سيف

موضوع ؟؟؟؟؟؟؟؟مش عارف
بس عندي سؤالين عاوز حد بهدوء يجاوبني عليهم
هو احنا ربينا هولند ازاي ؟؟؟يعني عملوا ايه لما ربناهم؟؟اسملوا مثلا؟؟؟
التاني هاعكس سؤال الاحباء انتم مش عارفين هما بيكروهنا ليه؟؟
انا بقة هاسمح لنفسي اسألكم هما هايحبونا ليه ؟؟؟بأمارة ايه؟؟؟
وارجو تدني ولو 3 اسباب تخللي اي غربي عادي يحب المسلمين خصوصا اللي في الغرب

يا اخ علاء انا مقولتش اسلموا .. بسالشركات الهولندية هددت بملاحقة صاحب فيلم التفنة قضائيا في حالت حدوث خسائر كبير في صادرات هولندا.
و تم استجواب النائب الهولندي صاحب الفيلم في البرلمان الهولندي.
و اصدرت معظم الدول الاوربية و الامين العالم للامم المتحدة بيان استياء من الفيلم..و سواء كانت المواقف دي بسبب استياء فعلا من الفيلم او غطاء لاستياء من الخسائر فهو معناه ان المقاطعة طبعا بتجيب نتيجة.
بالنسبة للسؤال اللي حضرتك سألته..هم هيحبونا ليه..انا هرد عليك بسؤال..احنا مطلبناش منهم يحبونا.
هو يا اما يحبونا يا اما يكرهونا..مفيش يحترمونا؟..و اعتقد انهم بيكرهونا لان دولهم مفهامهم ان الحروب مع المسلمين في جميع انحاء العالم السبب فيها هو المسلمين..و ان ده مش رد فعل على احتلال اراضي المسلمين من حين للاخر و سيبك من كل ده.
اليهود متحكمين في العالم بطريقة مش سهلة بالذات عن طريق الاقتصاد..و اليهود كراهيتهم للمسلمين مذكرة في القرآن انها ابدية و مينفعش نسأل هما بيكرهونا ليه لانهم هيفضلو يكرهونا ليوم الدين.
و بالتالي مدام اليهود متحكمين في العالم يبقى يقولو للعالم يمين يروح يمين شمال يروح شمال.
لكن لما اليهود اللي قائمين على اقتصاد الدول دي يبقوا هم نفس السبب في خسائر اقتصادية يبقى الدول هتختار مصلحتها.
و دي وجهة نظري المتواضعة..و خلاصة الكلام اني شايف المقاطعة مش عديمة الفايدة.
سلام عليكم..

[أبو إسراء A]

هى تتربى بحاجة واحدة بس المقاطعة وسحب الأرصدة
هذه هى الحاجة الوحيدة التى تفهمها هذه الدول

[علاء سيف]

الغالي محمد لم اقلل من اهمية المقاطعة او اثرها
ولم اقصد هما هايحبونا بمعناها العاطفي وانا قصدت تماما ما قلته انت الاحترام ويبقى السؤال من تاني
هما هايحترمونا ليه اذا كنا نحن لانحترم ديننا ولا انفسنا؟؟؟؟؟؟؟؟؟؟؟
تقبل مروري

[أفنان أحمد]

أشكرك على هذه المبادرة وطبعا المقاطعة سلاح فعال خصوصا مع الدول التى لا تفهم إلا المعاملات المادية (المكسب و الخسارة )
لكن فعلا والله السلاح الذى لا يخسر أبدا أن نعود لديننا ونكون لهم قدوة فى كل شىء الأخلاق و العلم والتقدم ونصبح بلادا منتجة بدلا أن نكون مستهلكين فقط فطالما أسلم الكثيرون لاعجابهم بخلق المسلمين
مثل الصدق - الأمانة - بر الوالدين - حب الخير للمسلمين و......................
وغيرها من الأخلاق الإسلامية الجميلة
جزاك الله خيرا
ومعكم إن شاء الله

[محمد.فوكس]

طبعا مفيش خلاف اننا ابتعدنا كتير اوي عن ديننا الا من رحم ربي.
بس انا بصراحة ضد الاسلوب ده في التفكير.
يعني على سبيل المثال و محدش يقولي انت دخلت الموضوعين في بعض.
في موضوع الجزاير..في ناس طلعت قالو لما نبقى لينا كرامة جوه بلدنا الاول نبقى نرجع كرامتنا من الجزاير.
انا ضد الفكر ده تماما..مش معنى ان في بلاوي سودة بتحصلنا جوه البلد يبقى نسكت على اللي بره البلد.
و ان كرامتنا مهدورة جوه البلد ده مش سبب للعداء للاسلام بره..ولا عذر اننا نسيب اللي بيعادي الاسلام.
سلام عليكم..

[thechampion]

المقاطعة هامة جدا جدا جدا جدا
لاننا لما قاطعنا الدنمارك يومين تلاتة اترد 120 الف عامل
تخيلوا
وهولندا كمان انحنت امامنا وسويسرا باذن الله عتحصلهم
واللى صعبان عليه نسكافية يشرب كابتشينو
او اى نوع نسكافيه تانى