محو أمية خمسة؟؟؟؟؟؟؟؟؟؟؟؟؟؟؟؟؟؟؟؟؟

[مسلمه 1]

السلام عليكم ورحمة الله وبركاته

الاخوة الكرام عندنا فى محافظة بنى سويف مشكلة كبيرة جدا ان المحافظ اصدر قرار بأن كل متعاقد عليه تعليم خمسة من الاميين اى محو امية خمسة انا مثلا ما عنديش وقت انا باستكمل دراستى بالكلية ولا وقت لهذا عندى غير انى كمان باخد دورات تدريبية سواء بالكلية او باماكن تابعة لوزارة التربية والتعليم والكثيرين مثلى بل اكثر ارجوكم يا جماعه اللى يقدر يقول لنا على اى حل يقترح علينا احنا خلاصصصصصصصصصصصص تعبنا وسمعت النهارده ان كان نفس القرار فى الفيوم واتلغى اذا كان فيه اى عضو يعرف اى حاجه موثوق منها عن الموضوع ده ده يا ريت يقول لنا عملو ا ايه والسلام عليكم ورحمة الله وبركاته.

[دعاء 24]

انا برضه من بنى سويف ومشكلتى انى ما اعرفش اصلا اجيب اميين منين لان المنطقة اللى انا عايشة فيها ما فيهاش اميين
بس اللى سمعته ان كل مدرسة تبعت فاكس للمحافظ تقول له ان ده صعب على المدرسين ده غير ان الحكاية دى مش من شروط العقد ولا من شروط قانون الكادر

[(هند)]

السلام عليكم
انا بردة فى البحيرة ونفس المشكلة بس العدد 3 مش 5 وحسبنا الله ونعم الوكيل فيهم

[monamode]

wtf
والسويس نظامها ايه الي يعرف يقولي
وبجد حسبي الله ونعم الوكيل فيهم

[MUSTAFAEGYPT]

ربنا معاكم

[نور الهدى 22]

انا بقى في المنيا بس العدد 10 مش خمسة ولا 3
بس هو ايه ذنبنا احنا يعني احنا هاندور على الناس عشان يمحو الاميه واساس محدش مستعد يسيب شغله عشان حتى يروح يمتحن لان في الغالب بيدوك البطاقة بس مش بيروح يمتحن وانت وحظك بقى
انا مش عارفة ايه لزمتها اصلا لانها مش محو امية دي نحو الامية لو احنا عوزين نمحي الامية بجد يبقى في تخطيط ونظام ودراسة

والله انا مش عارفة اقول ايه
غير حسبنا الله ونعمة الوكيل

[Mr.Shaaban]

ياعم كانو قالو الكلام دا ف الغربية من سنة تقريباً واتعملت مظاهرات وفاكسات لحد الوزير ما عدل القرار وخلا الموضوع اختياري.....

[زهره الثلج]

يا جماااااااااااااااااااااااااااااااعه هما مش غلطانين احنا اللى منساقين لهم فى كل شىء ايه محو الاميه؟ طيب مش فيه هيئه لمحو الاميه هى المختصه بكدا ؟ يا جماعه حرام علينا لازن نتحالف ونتضامن عازين حقنا
جينا نقدم اورقنا فى الاكاديميه المهنيه دى قالوا سنوات خبرتكم من اول سنه 2008 يعنى سنوات الخبره بقت من سنتين وبس
احنا شغالين تعاقد من سنه 2005 وللأسف ضحكوا علينا واحنا رضينا وتنازلنا عن حقنا ...... ارجوا التواصل معى على الميل للاهميه