|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
02-12-2009, 11:30 PM
|
||||
|
||||
شباب ع القهوة ( بنظرة جديدة )
 سلام عليكم لاول مرة افكر انى اكتب مقدمة وقولت انا هكتب مقدمة نار وهتعجبكم وهتنبهرو بيها وهتكملو الموضوع للاخر بس للاسف دا مش هيحصل لانى مش هكتب مقدمة اصلا!!  فى يوم من الايام كنت قاعد على القهوة فمر شريط حياتى ( اسوة بكتاب حياتى يا عين ) ادام عنيا وافتكرت السنين الكتيرة اللى انا قضيتها فى التعليم وبالفعل اتعلمت ( قصدى حفظت المناهج ونسيتها بعد الامتحان ) واخدت الثانوية ودخلت الجامعة واجتهدت لدرجة انى كل سنة كنت بنجح بمادتين بس !! قضيت سنين الجامعة ضحك ولعب وجد وحب وشوية مذاكرة لزوم الجامعة يعنى والحمد لله نجحت واخدت البكالوريا ( زى ما بيقولو ) وطبعا لما انا اخدت الشهادة مقعدتش ساكت كدا انا عملت اللى كل الناس المفروض تعمله اخدت الشهادة وعلقتها على الحيطة بواسطة مسمار صلب ( من انتاج مصانع عز طبعا )!! وقولت انا هاخد راحة شهر على بال ما الوظيفة الحكومى تيجى اهو منها تبقا راحة وانتظار قطر الشغل الحكومى ومنها استعد للشغل تلاتة فى واحد ( زى بونكس للغسيل كدا ) والشهر خلص بسرعة والشهر التانى بردو خلص ولما الشهر التالت والرابع خلصو قولت مبدهاش بقى فين الشغل الحكومى اللى انا مستنيه قولت الحل انى اصبر كمان لحد ما الشهر الخامس يعدى ولما الشهر التامن عدا هو كمان مقدرتش اصبر اكتر من 12 شهر لحد ما صبرى نفد وفى يوم قررت انى انزل ادور على شغل فى قطاع خاص لانى سألت اصحابى اللى متخرجين قبلى بتلات سنين على حل لمشكلتى قالولى تعالى دور معانا! على شغل وف خلال سنتين تلاتة هتلاقى شغل ان شاء الله وطبعا كعادتى انى لازم استفيد من نصايح الاخرين لان النصايح دى متولدة عن تجارب سابقة فاخدت بنصايحهم وفضلت ادور على شغل فى قطاع خاص وف نفس الوقت كنت بتخابس عليهم وبدور من وراهم على شغل حكومى بس هما سبقونى واتخابثو قبلى وكانت النتيجة واحدة ان محدش فينا لقى شغل ولا فى القطاع العام ولا فى القطاع الخاص وفى الوقت دا طبعا والدى كان جاب اخره معايا لانه كان مستنينى اتخرج واشتغل واريحه واعيشهم فى بيت شرح وبرح واعوضهم عن سنين البؤس والحرمان اللى عاشوها علشان اتعلم واتخرج وبعد وصلة الاحلام دى نرجع للواقع المرير اللى احنا عايشينه والدى كان راجل عنده بعد نظر مش مرض فى العين !لا انما كان بيعمل حساب لقدام فكان حاسس بينا كشباب عاطلوحاسس بالمعاناة والايام السودة ( اقصد المعنى الحرفى لكلمة سودة ) اللى بنعيشها المهم فضلت ادور على شغل واستمريت فى الروتين اليومى دا مدة مش كبيرة ومش قليلة فى نفس الوقت ففكرت انى افتح محل دباديب وهو فى الفلانتاين داى هنعمل احلى شغل بس بصيت لحال العشاق دلوقتى لقيت ان محدش بيطيق حد واكتشفت بالصدفة انزمن الرومانسية انتهى لان الناس بتقول كوز المحبة اتخرم ولان سمية بتقول ( هدوق قلبه طعم الذل هخليه من حياته يمل )!! لحد ما ف يوم من الايام ( خير اللهم اجعله خير ) ربنا هدانى لفكرة انما ايه جبارة فكرت انى افتح قهوة( او كافيه لزوم الانجليزى يعنى ) كشغلانة مؤقتة على بال ما الشغل الحكومى يجى ولو مكنتش شايف قهاوى كتير ادامى كنت قولت انى اول واحد يفكر فى الفكرة الجبارة دى بس اكتشفت ان ناس كتير فكرت فيها قبلى ونفذتها بس اكتشفت ان القهوة دى بيقعد عليها ناس كتير اوى شباب فى عمر الزهور وناس فى عمر الزهور الدبلانة بردو فجه فى بالى انهم ناس حالتهم زى الفل والاشية معدنوطول النهار يطلبو طلبات فكلمت واحد فيهم وقولتله يا بيه حضرتك بتشتغل ايه( اصله متشيك كدا وشكله بن ناس ) فرد عليا رد مكنتش متوقعه قاللى دنا قاعد على القهوة استنى شغل انا وباقى الشلة دى فكانت القهوة دى مقر للعواطلية ومن يومها غيرت اسم القهوة من قهوة ابو محمود ل(حزب العواطلية )وعلى فكرة القهوة دى هيا اللى انا قاعد عليها دلوقت وبحكيلكم منها ذكرياتى ومازلت مش لاقى شغل بردو وشكرا لكل بنى ادم وصل للسطر دا لان ناس كتير مقرتش الموضوع (للاسف يعنى )بسب المقدمة البايخة اللى انا قولتها!! وبكدا لازم تستنو سنتين تلاتة علشان اكمل لكم باقى القصة اللى فى نهايتها مش هلاقى شغل برده والبركة فى وزارة القوى العاملة ..... the end اه كنت هنسى مش منقول
__________________
 ......استودعكم الله الذى لاتضيع ودائعه.... ....closed 4 ever
آخر تعديل بواسطة ..Just Stop ، 04-12-2009 الساعة 08:19 PM |
|
#2
03-12-2009, 12:13 AM
|
||||
|
||||
|
هههههههههه دا انت
هو انت مش لسة طالب جامعى ؟ شكلى انا كمان خت البكالوريوس ومش واخد بالى وشكلى كنت بدور على شغل وشكلى لسه جاى من القهوة ههههههههههههه موضوع جامد
__________________
 يامتلقح جوا قلبى وقلبى مش متين من حلاوتك جانى اسكر ادينى انسولين :D :D
|
|
#3
03-12-2009, 12:38 AM
|
||||
|
||||
|
جزاكم الله خير
موضوع كويس بس ليه الاحباط والحزن الرهيب ده مش اوى كده يعني دلوقتى احسن من كمان شوية في مشروعات صغيرة وفي صناع الحياة وفي دورات تدريبية وفي تنمية بشرية وفي وفي وفي ..... بس عرفة الاهم من ده كله ايه مكان القهوة قللنا مكانها واحنا ان شاء الله نقدر نستغل القوة البشرية هناك اغتنم شبابك قبل سقمك ربنا يتولانا جميعا ويخفف علينا
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
|
#4
03-12-2009, 12:44 AM
|
|||
|
|||
|
جميل جدا ومفيد بجد
|
|
#7
04-12-2009, 08:32 PM
|
||||
|
||||
|
اقتباس:
__________________
......استودعكم الله الذى لاتضيع ودائعه.... ....closed 4 ever
|
|
#8
04-12-2009, 08:56 PM
|
||||
|
||||
|
اقتباس:
دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#9
04-12-2009, 09:12 PM
|
||||
|
||||
|
اقتباس:
فى اسيوط ادام المحطة علطول وبشوفك هناك كتير على فكرة اقتباس:
شكرا على المرور اقتباس:
اقتباس:
لا ياعم انا بقعد فى كافيتريا انا غيركم ايه العالم اللى داخلة تهزر دى
__________________
......استودعكم الله الذى لاتضيع ودائعه.... ....closed 4 ever
|
|
#10
04-12-2009, 09:28 PM
|
||||
|
||||
|
هههههههههههه
ربنا يعزك يا محمود بقولك ايه هى القهوة دى فين بالظبط ؟؟؟؟؟؟؟ ويا ترى فيها لسه أماكن فاضية ولا ايه ظروفها يعنى لو جنبك كرسى فاضى ولا حاجة احجزه لأخوك لنا الله
__________________
يا رب
|
|
#11
05-12-2009, 05:33 AM
|
||||
|
||||
|
هههههههههههههههههههه
هما الشباب كلهم مقضينها قهاوى ولا ايه لاحول الله المهم خليكوا على موقفكم واوعوا تسيبوا القهوة(هههههههههه) يعنى يمكن تصعبوا على أى حد
__________________
لو أنك لا تصادق إلا إنسانا لا عيب فيه........... لما صادقت نفسك أبدا |
|
#12
05-12-2009, 01:17 PM
|
||||
|
||||
|
اقتباس:
اقتباس:
هو كله داخل يسأل عن القهوة ليه  كدا هيبقا فى زحمة جامدة انا هعمل القهوة دى بالحجز علشان تقعد يوم 25 فى الشهر لازم تحجز من اول الشهر تصدقو ان القهوة افضل من الشغل الحكومى بدليل الاقبال الرهيب اللى عليها خاصة من اعضاء المنتديات دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#13
05-12-2009, 01:20 PM
|
||||
|
||||
|
اقتباس:
اقتباس:
لا قهاوى ونت بدليل انى قاعد نت دلوقت يعنى القهوة مش واخدة كل وقتى لازم نقسم وقتنا شوية للقهوة وشوية للنت والا كانت البلد خربت احنا مش هنتنقل من عليها مزودة بأحدث التقنيات على فكرة
__________________
......استودعكم الله الذى لاتضيع ودائعه.... ....closed 4 ever
|
|
#14
05-12-2009, 04:08 PM
|
||||
|
||||
|
مبارك على التخرج يااخ محمود
مكنتش اعرف ان حضرتك كبير كدة عقبالنا يارب بس احنا مش هانقعد على كرسى على القهوة لا هانقعد على كرسى فى المطبخ نبكى حالنا فى البصل واسفاه وجزاكم الله خيرا على الموضوع
__________________
 ربى أرنى الحق حقا وأرزقنى اتباعه وأرنى الباطل باطلا وارزقنى اجتنابه
|
|
#15
05-12-2009, 04:11 PM
|
||||
|
||||
|
اقتباس:
تقعد في المطبخ تحضر الشاي لزباين القهوة محمود نسيت أسألك صح هو الموضوع فعلاً مش منقول ولا انت بتهزر
__________________
It was over 3 years since my last visit  |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:07 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
