هنقولها للعالم كله بنحبك يا مصر يوم 1 يناير 2010

[عاشقة النبى 22]

هنقولها للعالم كله بنحبك يا مصر يوم 1 يناير 2010
27/11/2009

"مصر كلمة كبيرة أوى معناها تهتز له أجسادنا من الداخل، لها أفضال علينا كلنا، وعلى كل دول المنطقة اتهموها كثيراً بالتخاذل، اتهموها كثيرون بالخيانة، وهى أم الدنيا مصر"، كانت هذه هى كلمات أحدث حملة على الفيس بوك بعنوان: "هنقولها للعالم كله بنحبك يا مصر يوم 1 يناير 2010".

وفى ثقة كاملة يقولها هؤلاء الشباب "هنمسك أعلامها هنعلقها على بلكونات البيوت، وعلى العربيات، هنقول للريس إحنا معملناش أى حاجة للبلد، وكل الأجيال اللى طالعة مستنية تاخد من غير ما تدى، هنورى العالم كله مين هم المصريين".

وخلال خمس أيام فقط وهى العمر الزمنى للحملة، أصبح أعضاء الجروب 5000 عضو مجتمعين على حب هذا البلد.

وقام على الألفى وهو من مؤسسى هذا الجروب بتأليف أغنية وتلحينها، وهى من توزيع شريف محسن وكلمات الأغنية تقول: "كنا رايحين نشجع، ماحناش رايحين نحارب، لكن الضربة توجع، أكتر من القرايب، وعشان إحنا الكبار، وعشان ماحناش همج، لو واحد فينا غار، على بلده واندمج، لا يمكن يوم يخرّب أو يأذى مرة ضيفة، وعشان مصر الكبيرة، دايماً بالخير سباقة، عدينا حاجات كتيرة، وياما نسينا الإساءة، لكن المرة دى صعب تعدى، وبكره أكيد تشوفوا، بصوا وشوفوا تاريخنا، هاتعرفوا إحنا مين، ملينا الدنيا، شعرا وأدباً وعلماً وفنانين، ولما نروح نشجع، مانبعتش مجرمين، فاهمين إيه يعنى كورة، يعنى رياضة وأدب، وريتوا أسوء صورة، للدنيا عن العرب، لو شفت مين عَمَر بلدك، هاتلاقى مصريين.

كما يناشدون مؤسسو الجروب كل المصريين بالانضمام لهم وتدعيمهم حتى يصل صوتهم لكل العالم فى هذا اليوم.

[mr_moh55555]

حب بلدنا مش محتاج قولة ووقفة ولمة....غريبة

[sympathique]

بحبك يابلدى وبعشق ترابك بحبك يامصر وكيدنا الاعادى

[عاشقة النبى 22]

المشاركة الأصلية كتبت بواسطة mr_moh55555

حب بلدنا مش محتاج قولة ووقفة ولمة....غريبة

فعلاً حب بلدنا مش محتاجة قولة ووقفة لكن احنا محتجاين نقف الوقفة دى ونثبت للعالم

كلة ان بلدنا غالية علينا وان احنا ممكن نعمل اى حاجة عشانها

وشكرا على المرور

المشاركة الأصلية كتبت بواسطة sympathique

بحبك يابلدى وبعشق ترابك بحبك يامصر وكيدنا الاعادى

شكراً على المرور الطيب

[ms.huda]

مش بالكلام تثبت
الفعل اهم واقوى

[محمد.فوكس]

يحيا موطن خير اجناد الارض.
بغض النظر عن اي مشاكل ..انا احمد ربنا اني مسلم مصري.
و كون ان في سفهاء هم اللي مساكين البلد و خاربين حالها .. ده ميخليش حبنا لبلدنا يقل.

[عاشقة النبى 22]

المشاركة الأصلية كتبت بواسطة ms.huda

مش بالكلام تثبت
الفعل اهم واقوى

فعلاً عندك حق الفعل أقوى لكن الكلام مهم كمان
و ياريت اللى عنده اقتراح بأى حاجة نعملها ياريت يتفضل ويقترح واحنا (ان شاء الله) هنفذ اللى احنا نقدر عليه
شكراً على المرور الطيب

المشاركة الأصلية كتبت بواسطة محمد.فوكس

يحيا موطن خير اجناد الارض.
بغض النظر عن اي مشاكل ..انا احمد ربنا اني مسلم مصري.
و كون ان في سفهاء هم اللي مساكين البلد و خاربين حالها .. ده ميخليش حبنا لبلدنا يقل.

عندك حق فى كلامك و الله مصر بلد الخير والسلام
ويكفيها شرفاً ان ذكرت فى القرآن الكريم
شكراً على المرور الطيب

[prof_maher]

بحبك يامصر هاقولها فى كل وقت وفى اى مكان