:::::.....حمله قوم يا مصري.....::::

[hassan51993]

[SIZE="6"]بسم الله الرحمن الرحيم

الي اخوتي من هذا الوطن الحبيب الغالي الذي لا مثيل له
ان ما حدث بالأمس لابد ان نستفيد منه اقصي استفاده والله اني اكتب هذا الموضوع وبداخلي شعور عظيم لم احسه من قبل
احبابي حملتنا تحت عنوان ((قوم يا مصري)) بمعني
حبنا لبلدنا اللي والله لو لفينا العالم كله مش هنلاقي زيها اننا نعمل اي حاجه فيها نفع ليها
لازم لكل واحد فينا وقفه مع نفسه كل واحد يرد بأي اقتراح هنا ازاي انفع بلدي الحبيبه مصر وأنفع اهلها وناسها واللي هما احسن ناس علي وجه الارض انا عارف اني طولت

الخلاصــــــه :- كل واحد بيحب البلد دي يقول انا هعمل الشيء الفلاني ويكون عنده اصرار عليه والله لو كل واحد عمل كده مش هنكون اقل من امريكا بل احسن منها لأن احنا عندنا أحسن شعب وأحسن روح
صحيح في حاجات كتير مش حلوه لكن في حاجات حلوه لازم نكون اكثر ايجابيه مصر مش عاوزه هتافات وشعارات مصر عاوزه شغل وعمل وكفاح وزي كلمات الاغنيه بتقول (( لو بتحبوا البلدي خلي عيونكم عليها خلي اديكوا في ايديها )) فالننعمل سويا من أجل رفعه هذا البلد
ياريت كل اللي عنده فكره شايف انها تفيد بلده يعملها فورا ويكتبها هنا
ارجوا تثبيت الموضوع لانه في غايه الاهميه
التوقيــــــع:- مصري بيحب بلده [/SIZE]

[د/بسمة الاسلام]

بسم الله ما شاء الله

والله العظيم هي دي الوطنية

هو ده الانتماء
انا هتفاعل ان شاء الله جدا جدا جدا
مع الموضوع وهنحاول ننشره
ربنا يقدرنا ونعمل حاجة بقي
بجد
رببنا يعين
يلا يا جماعة جمعوا ناس

[soul333]

فكرة حلوة اوى بس يا ريت الشباب اللى متضايق اوى ده يدخل ويقرا ويهتم وينفذ
وانا ان شاء الله هنفذه

شكراااااااااااااا جزيلااااااااا

[د/بسمة الاسلام]

ان شاء الله يارب

تعالو هنا يا جماعة

يلا اتجمعو عشان نشتغل كلنا سوا
ربنا عارف النية
يلا

[كاره الثانويه]

المشاركة الأصلية كتبت بواسطة soul333

فكرة حلوة اوى بس يا ريت الشباب اللى متضايق اوى ده يدخل ويقرا ويهتم وينفذ
وانا ان شاء الله هنفذه

شكراااااااااااااا جزيلااااااااا

انا معاكي في كلامك وبردو البنات ليهم دور مهم

وان شاء الله هحاول افيد البلد باكبر جهد عشان لما هفيد البلد هفيد نفسي انا الاول

[محمد.فوكس]

تمام يا دكتورة بس برضه هنفقع الجزاير و هنعرفهم مين هم المصريين ان شاء الله
احنا اللي خرجنا علماء و انا طالب علوم و هكون عالم باذن الله .. و هو ده سبب حقدهم و كرههم لينا.

[د/بسمة الاسلام]

وماله

ان شاء الله سيادتك تتطلع عالم كبيييييييييييييييييير وتكتشف لنا شئ عظيم
تخلى الاعداء ( الاسرائيلينن و الاجانب )
يتحسروا
ويتمنوا لو عندهم طاقتنا البشرية
بس يرده هنستننى لسه لما سيادتك تتخرج وتبقي عالم ؟؟
عيزين حاجة قريبة شوية يا اخونا
نفيد بلدنا ونفيد نفسنا
بس
ازززززاى ؟؟

[مغرمة بمصر]

مشكووووووووووووووووووووورررررررررررررررررررررر على الفكرة الرررررررررررررررررووووووووووووووووووووعة دى
ان شاااااااااااااااااااااء الله هانشااااااااااااااااااااااااارك كلنا فيه

[hassan51993]

اكبر مكسب لبلدنا اننا نشتغل ونركز في شغلنا
كل كل واحد لازم يكون له هدف ازاي يرفع بلده

[د/بسمة الاسلام]

اللهم اميييييييييييين يارب كلنا نشارك ونشتغل بجد

[د/بسمة الاسلام]

يلا كل واحد يقول هدفه

[hassan51993]

انا مش عاوز ردود بس انا عاوز ردودكم افكار نقدر نستفيد ونفيد بيها بلدنا

[hassan51993]

فين افكاركم يا شباب مصر

[د/بسمة الاسلام]

ا- مبادرة مودة وصلح بين المصريين والجزائرين لاننا اخوة مسلمين

http://www.thanwya.com/vb/showthread.php?t=166199


2 - اتوجه بتلك الكلمات البسيطة الى كل شاب مصري وفتاة :-


احنا هنا عاملين نقط محددة وواضحة ومحتاجة يتمشي عليها؟؟
ونيتنا كلنا سوا اننا نقابل الرسول الكريم واحنا فعلا عاملين حاجة كويسة
نشرب من الحوض الكريم شربة هنيئة لن نظمأبعدها ابدا ان شاء الله

(1)من الصعب كل الصعب اننا نطلب من الشباب المحترم الجنتل انه يحترم نفسه ويبطل الفاظ المبتذلة الى في اعتقاده انها رواشة ....لكن احنا ممكن نحافظ على اخلاقنا الحميدة باننا نحيي اللغة العربية مرة اخري ايه رايكم يا جماعة نحاول قدر المستطاع التحدث بالفصحي نبطل نتحدث بلغة دارجة ... فلنحيي لغة القران ونحيا بالقران بجد بجد شيئ مهم لما نبطل التحدث بلغة دارجة وندخل كلمات انجلش في كلامنا ..ايه رأيكم بجد ؟


(2) طريقة اللبس يا جماعة محتاجة تتغير بجد نسبة عالية من الشباب بيسقطوا البنطلونات والبنات بيكرهو الواحد في عشته لازم مقدار من الالتزام والجدية في التعامل مع الزي والملبس ويا سلام لو البنات التزمت بالحجاب والشباب يحترمو نفسهم اعتقد ان هذا الشئ سيفدنا كثيرا

(3) الاحترام بجد بجد مقدار كبير من الشباب لازم يحترم الكبير دلوقتي مفيش حد عاجب حد لازم سيادتك تحترم والدك معلمك الصانع الفراش العامل قاعدة في حياتك لازم تعمل بيها (اكبر منك سنا = أكبر منك مقاما) وعلى رأي المثل الشعبي اكبر منك بيوم يعرف عنك بسنة فياريت بجد نحاول من النهاردة اننا نحترم الكبير ونكتسب منه خبرة ونعطف على الصغير

(4) المثالية كلمة عظيمة اوووووي وليها تفاوت بيناايه رأيكم نعيش بمثالية تحاول تكون مثالي في كل حاجة طريقة كلامك لبسك عملك اتقانك تعاملك مع الناس حياتك هتتغير بنسبة مية المية

وعشان الصداع نلخص الكلام ده في السطرين التاليين ووالي بجد محتاجاهم المسجات
والsms
والايميلات
:-
(( كن رجلا كألف رجل فإن لم تستطع فكن رجلا ))
((عيش المثالية ولو يوم واحد في حياتك))
(( احترم من هو اكبر منك واعطف على من هوأصغر منك تكن قديرا بالاحترام ))
(( أحيا بالقران واحيي لغة القران))


محتاج وعود اننا نعيش المثالية الاسبوع ده


3 - انجاز طبي كبير ان شاء الله زي اننا :-

نتعاون في المجال الطبي طبعا اننا سوا نجد علاج للسرطان وندرسه سويا ونعرف ابعاده وطرق القضاء عليه

4- نعمل سوا اكبر حملة لاقلاع اكبر عدد من المدخنين المصريين عن السجائر نهائيا ونوفر الفلوس الى بتتحرق

ده غير حاجات تانيية كتيييييييييييييير جدا

ربنا يقدرنا

[اوركيد كووول]

موضوعك كتير جميل و ان شاء الله اكبر كم من الاعضاء يتفاعل معاك
و انا ل اللى اقدر اقوله انى طالبه ثانويه عامه مرحله اولى بحب بلدى جدا
و طول حياتى بدافع عنها قصاد كل نقيض ليها
و كل اللى بقدر اقدمه لبلدى حاليا انى اذاكر و انجح و ابقى ان شاء الله حاجه كويسه فى المستقبل
و اكون حامله لشهاده اخدم بيها بلدى بكل حب
و انا عن نفسى مستعده انى انشر حملتك دى فى كل المواقع العربيه و الفيس بوك و التاجد و زيهم كتير
و ربنا يوفقا ان شاء الله