ممكن سؤال مهم جدا لو سمحتو

chocolate2010 · #1 16-11-2009, 06:00 PM

انا طالبه بمجموعه (ز)وقاعده فى الكويت بس انشاءالله نازله مصر بكره17_11وكنت عايزه اعرف اقدر اشترى محاضرات المواد العملى اللى فاتت منين؟؟؟؟
وهل فعلا المحاضرات دى كفايه للمذاكره ولا فى كتب اذاكر منها مع المحاضرات؟؟؟
واقدر اجيب الكتب منين؟؟؟؟
ارجو الرد لانى فعلا حاسه انى تايهه وخايفه جدا جدا.......

vampire1188 · #2 16-11-2009, 08:19 PM

اقتباس:

انا طالبه بمجموعه (ز)وقاعده فى الكويت بس انشاءالله نازله مصر بكره17_11

توصلي بالسلامة ان شاء الله

اقتباس:

وكنت عايزه اعرف اقدر اشترى محاضرات المواد العملى اللى فاتت منين؟؟؟؟

فيه مكتبتين .. الحرم والتفوق

اقتباس:

وهل فعلا المحاضرات دى كفايه للمذاكره ولا فى كتب اذاكر منها مع المحاضرات؟؟؟

معروف ان الامتحان عمره ما هايخرج عن المحاضرة ..

وبالتالى اي حاجة غير المحاضرة دي بتبقي عبارة عن شئ مكمل ليها

الحاجات اللي غير المحاضرة زي الكتاب والتطبيقات وملازم الشرح

الكتاب دا طبعا بيتباع تبع جهاز الكتب بالكلية (الكتاب الواحد بـ 5 جنيه)

اما التطبيقات بتاعة مجموعة (ز) فهيا نزلت فعلا في مكتبة دار الثقافة العربية (داخل الجامعة)

اما الملازم بتاعة الشرح فادي هاتتلاقيها موجودة في مكتبة الحرم والتفوق (خارج الجامعة)

اقتباس:

واقدر اجيب الكتب منين؟؟؟؟

الكتب موجودة في الكلية بجانب الخزنة اللي هاتدفعى فيها المصاريف ..

وهما 5 كتب بـ 5 مواد .. كل كتاب بـ 5 جنيه

chocolate2010 · #3 17-11-2009, 02:04 AM

بجد شكراااا كتييييييييير جدا جدا جدا..........