محتاجة مساعدة منكم بجد

[nour aaa]

السلام عليكم ورحمه الله وبركاته
انا اسمى نورا انا طالبه تانية ثانوى انا بجد تعبانه ومخنوقه عمرى ما حسيت انى مبسوطة دايما فى حاجه جوايا خنقانى انا بجد مش عارفه اعمل اية انا علقتى بامى او با ابويا علاقه عادية جدا مبقدرش اتكلم مع امى فى اى حاجه لانى كنت متربيه مع جدتى وحصلت مشاكل ورجعت لامى بعد ما طول حياتى عايشاها مع جدتى انا بجد مخنوقة حتى صحابى الى بحبهم وبيحبونى ببقى لازم ابعد عنهم بحس ان الكل شايفنى وحشه محدش قادر يفهمنى صح زى ما اا انا مش عارفه انا للدرجه دى انسانه وحشه انا تعبانة اوى نفسى فى حد يخدنى فحضنه نفسى احس بالحب من الى حواليه انا فى حياتى حاجات كتير غلط وانا عارفه انها غلط بحاول اصلحها بس مش عارفه نفسى اتقرب من ربنا بس برده مش عارفه بجد انا محتاجة لحد يقولىاعمل اية فى حياتى انا بقيت بطلب من ربنا يخدنى ويريحنى بس نفسى ابقى انسانة كويسه بجد

[SASO_993]

اختى فى الله
احب اقولك نصيحة على قدى
اتقربى لله بالدعاء وبالصلاة وفالصلاة تنهى عن المنكر
والاستغفار ليه اهمية كبيرة جداااااااااا جدااااااااا
استغفرى ربنا وتوبى لله وانتظمى فى الصلاة
وحسنى علاقتك بوالديكى
ربنا مش هيرضى عنك غير لما ترضيهم
اتكلمى مع ماماتك ادخلى وانتى راجعة من المدرسة بشكولاته
وقوليلها الشكولاته دى لاحلى شكولاتة
صبحى عليها وبوسى ايديها و متنسيش ان دى امك اللى تعبت فيكى
والرسول عليه الصلاة والسلام قال امك ثم امك
وكذلك والدك لازم تحسنى المعاملة
وحاول تهزرى مع اصحابك تضحكى تتقربى منهم عشان الاصحاب اللى بجد مش بيتعوضوا

ولو عايزة اى حاجة او عايزة تتكلمى مع حد كلنا هنا اخواتك
وانا معاكى وفى نفس سنك
اتمنى انى اكون افدتك

[باسم باشا]

انا عارف انك ممكن تكوني بتتطلبي من اخواتك البنات
لكن انا هقول الي عندي و براحتك

شوفي انا هقلك على حاجات وركزي شوي
اولا ممكن تكون مشكلة حلها سهل بس انتي بتكبريها
يعني انت قلتي حاجة خطيره دلوقت ( بحس ان الك شايفني وحشة ) دا خطر جدا لان دا
بيعمل عدم ثقة في الذات
وكمان علماء النفس بيقولو ان لما الانسان بيقول عن نفسه حاجة ولا حتى في سره بيثبت في عقله الباطن ويتحول الى اعتقاد
وحتى لو ح قلك كدا وانت صدقتيه دا غلط لان الجمال دا جمال نفس وجسد واخلاق ونسب وعلم و دين
واي واحده من دول يفضلك على غيرك متضيقيش على نفسك وربنا بيقسمها
وكمان موضوع ان محدش بيفهمك دي حاجة عادية بس لازم تاخدي بالك من حاجة انت ممكن تلاقي زميلة توافقكك على حاجات كتير بس بالنسبه لموضوع معين متوافقيش تحسي انها مش بتفهمك الاختلاف دا سنه الحياه ورحمه من ربنا
الاختلاف دا عادي التوائم بيختلفو الرجل وزوجته كمان
ممكن تتدايقي ان تلاقي اقرب الناس ليكي مبيفهمكيش الاب اوا الم او الجده دا عادي جدا ودي ميزه وبيدل على ان عندك شخصية مستقله كويسه
انا شخصا اهلى والله من غير مبالغة اقل ناس بيفهموني
وكمان موضوع (واحد يخدني في حضنه)
متستعجليش عالجواز دي فتره المراهقة و هتعدي منها انشاء ودي حاجات عادية
وموضوع ( ربنا ياخدني ) دا لو كان كلامك جد تبقي وصلتي لدرجة صعبة جدا
متهربيش من اي حاجة وجهيها احسن حاجة مواجهة اي غلط
بس بلاش تقولي الكلمة دي ولا حتى تفكري بيها
( انا وحشة ) او ( ربنا يخدني)
ماش مشكلتك ممكن تكون بسيطه
خوف من المجهول ( هخش كلية ايه _ مين الي هيتولى الحكم بعد مبارك_ متش مصر والجزائر _ هتجوز امتى وهتجوز مين )
او توتر عصبي بسبب ضغط الاهل على موضوع الدراسة او اي سبب
المهم يعني في كل دا وهو كلمة السر في الازمة دي (((( تحديد المشكلة))))
ممكن مشكلة صغيره بدل ما تحليها تكبريها لحد لما تحكم حياتك
تحددي المشكلة او الكتابة في ورقة مجموعة المشاكل وتفكري في حلها واحده وراء التانية
ولازم تعرفي ان محدش هيحل المشاكل دي غيرك بس

بتقولي بتعملي حاجات غلط كتير كمان عادي جدا
بس المهم هو تبدائي ببشكل على بالتصحيح وعمل عادات صحيحة بدل الخطئة
لان العاده هي حاجة بنعملها في الاول بتبقا صعبة وبعدين بتتدرج لحد لما نعملها لا اراديا
وهي ممكن تكون صحيحة او خاطئة
لو احتجتي اي حاجة قولي

[عبدالقادر محمد]

انا بصراحة مش عارف اقول اية
انا بكيت وانا بقرا كلامك
بس دى مرحلة انا مريت بها شخصيا
واتغلبت عليها بالدعاء والتقرب الى الله وبالصلاة
وقراءة القران الكريم وكنت بسمع قران كريم كتير

وانا ما على ان ادعى لحضرتك كتييير
وان شاء الله خير
وربنا معاكى

[nour aaa]

بجد شكرا ليكوا كلكم وجزاكم الله كل خير وادعولى ربنا يصلح حالى ويهدينى

[kalefam]

إقرائى هذه القصة و تعلمى منها شيئ عسى يصلح الله حالك كما أصلح حال صاحبة القصة

(( هذه حالتي بعد كل مشكلة تحدث لي

اعتزل الكل .. اعتزل الدنيا بأسرها

اشغل نفسي بالاعمال المنزلية , امسح مكاناً .. أكنس آخر

انقل سريري للجهة الأخرى واغير مكان تسريحتي

ارتب اوراقي .. اتخلص من مذكراتي لأنها الشاهد الأول على هذياني

اعيد ترتيب ملابسي وارتب بين طياتها ذكرياتي

أمسك بأناملي قلمي .. اطلبه بضع كلمات

بضع حروف

لأخرج بعدها زفرة من صدري تريحيني .. وتساعدني على ترتيب اوراقي

لا أعلم سبب التغير الذي حدث لي مؤخراً

ألأنني اكتشفت اني وصلت لآخر الطريق .. ولكنني في الطريق الخطأ

..ضللت بعدها قابعة في مكاني .. انتظر من حلفوا لي بأغلظ الأيمان

انهم احبابي

انتظرت يداً تمتدت لتحضنني .. انتظرت كلمة تخفف عني .. وتطمئن قلبي

انتظرتهم .. وعللت غيابهم بأوهام

حتى لا تكون مصيبتي اثنتين

انتظرتهم .. حتى مللت الانتظار

وبعدها

-:وقررت ان امتثل لقوله عزوجل

{ان الله لا يغير ما بقوم حتى يغيروا ما بأنفسهم}

فوقفت من جديد ونفضت عني غبار السنين

دعوت ربي حبيبي ان يرزقني طريق الصواب

دعوته ان يغفر لي ذنوبي وجهلي

أني كنت من الظالمين ))
و كررى دعاء سيدنا يونس بن متى عليه السلام ذلك الدعاء الذى قال عنه المصطفى صلوات الله وسلامه عليه انه دعاء مستجاب
((لااله الا انت سبحانك انى كنت من الظالمين))
{ وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ * فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ } سورة الأنبياء

[fares_alnile]

ربنا يصلح احوالنا

[saada]

حبيبتى

انت فى عمر ابنتى وهذه مرحله لها هذه السمات واهى فترة وهتعدى

[nour aaa]

بجد مرسى لحضرتكم وانا بجد استفدت من كل حرف كتبته ليا
ويارب تبقى زى ما بتقولوا مرحله وتعدى