معلومة تهمك

[الباش مهندس]

بسم الله الرحمن الرحيم


ازيكو يا ولاد
عاملين اية
وحشتوني اوي اوي والله






قبل ما المدارس تبدأ رحت اخدت درس كيمياء مع مدرس مشهور اوي عندنا
وبعدين كان إدانا سؤال في امتحان وانا ما عرفتش احل السؤال دة
اصل هوا كان سؤال جديد علينا اوي
وانا كالمعتاد جريت علي المنتدي وقلت السؤال ولقيت اقبال كبير علي حل السؤال
بعض الاعضاء اتفقوا علي إجابة والمعظم إختلف علي إجابة هذا السؤال


ولكن .....
وبعد ما أنا بقيت في الباب الرابع دلوقتي وبمرور الزمن قدرت اوصل لاجابة السؤال دة



طب هو السؤال بيقول اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بيقول :

ما هي الاحتمالات المتوقعة للاكترون اذا اكتسب كماً من الطاقة ؟

واجابة الاعضاء الكرام كانت انو يزيد سرعتة والبعض قال يتنقل الي مستوي اعلي ..... إلخ
ولكني توصلت الي اجابة هي الاصح علي ما اعتقد ؟

الإجابة :

هناك ثلاثة إحتمالات متوقعة للإلكترون إذا إكتسب كماً من الطاقة :
1- ان يكون مقدار هذا الكم اعلي من مستويات الطاقة للذدر فيطرد الإكترون خارجاً وتصبح الذرة أيوناً
2- ان يكون مقدار هذا الكم مساوياً للفرق في الطاقة بين مستوي طاقة الإلكترون والمستوي الإعلي منه فينتقل الإلكترون من مستواه إلي المستوي الأعلي في الطاقة
3- أن يكون الفرق في الطاقة أقل من الفرق بين امستويين فينتقل الإكترون إلي مستوي الطاقة الفرعي الأعلي في الطاقة من مستواه الفرعي




وهي دي كانت إجابة السؤال اللي حيرني أكتر من شهر
فحبيت اجيبو المنتدي عشان افيدكم مش أكتر
وهتوحشوني تاني والله
معلش انا المذاكرة مقصرة معايا حبتين


ويا ريت لو أي حد عندو اي تعليق علي السؤال اللي فوق دا او علي الاجابة بتاعتو يشارك معانا هنا ما ينكسفش يعني



باي ..................... باي

[el_magic]

منور يا باشا مهندس
وربنا ما يحرمنا منك
وانا متفق معاك فى الإجابة ما عدا النقطة الاخيرة لانها محتاجة نقاش اكتر

[(wanted)]

- أن يكون الفرق في الطاقة أقل من الفرق بين امستويين فينتقل الإكترون إلي مستوي الطاقة الفرعي الأعلي في الطاقة من مستواه الفرعي

اولا شكررا بس انا عندي تحفظ علي الاحتمال الثالث زي elmagic صديقي
لان قاعدة هوند صريحة
ولو الالكترون اكتسب كم لايساوي الفرق بين مستويين رئيسيين لا ينتقل

[كنانو]

انت فى سنة كام يا باش مهندس

[الباش مهندس]

منور يا باشا مهندس

وربنا ما يحرمنا منك

وانا متفق معاك فى الإجابة ما عدا النقطة الاخيرة لانها محتاجة نقاش اكتر

بالنسبة اني منور فالله يخليك المنتدي منور بأعضائة والله يا ماجيك

وبالنسبة للنقطة الاخيرة ان هي محتاجة نقاش وكدة يعني فمافيش مانع نتناقش
امتا الالكترون ينتقل من مستوي فرعي الي مستوي فرعي اخر ؟
أكيد أكيد لما يكتسب طاقة وعمر ما الطاقة دي هتكون بتساوي الفرق بين المستويين الرئيسين او حتي اعلي منها
ولا انتا شايف اية ؟
أكيد هستني تعليقك

اولا شكررا بس انا عندي تحفظ علي الاحتمال الثالث زي elmagic صديقي

لان قاعدة هوند صريحة
ولو الالكترون اكتسب كم لايساوي الفرق بين مستويين رئيسيين لا ينتقل

أولا شكرا علي مشاركتك الجميلة
ثانياً هي قاعدة هوند بتقول اية ؟
النص من كتاب الوزارة (( لا يحدث ازدواج في مستوي فرعي معين الا بعد ان تشغل اوربيتالاتة فرادي اولا ))
وأكيد هستني تعليقك بردو

انت فى سنة كام يا باش مهندس

انا في سنة تانية ثانوي

[محمودالغزالى]

انا معاك باش مهندس والدليل على كدة عملية الاثارة التى تحدث للذرة قبل عملية التهجين
فينتقل الكترون من2s الى2p وهما فى نفس المستوى الرئيسى

[عادل ربيع]

الكلام مظبوط ولكن النقطة الثالثة صحيحة ولكن غير مقررة

والمقرر هو

اذا فرض أن الألكترون اكتسب نصف كم فانه لاينتقل لأن الانتقالات المقررة هى التى بين المستويات الرئيسية فقط

[noda 2000]

بارك الله فيك
ومشكور على اجابه السؤال

[(wanted)]

أولا شكرا علي مشاركتك الجميلة
ثانياً هي قاعدة هوند بتقول اية ؟
النص من كتاب الوزارة (( لا يحدث ازدواج في مستوي فرعي معين الا بعد ان تشغل اوربيتالاتة فرادي اولا ))
وأكيد هستني تعليقك بردو

صح انت صح
انا مكنتش مركز
اصل كان ورايا حاااااااااااجاااااااااات

وشكراا للمعلومة

[mahmoud atefq]

شكرررررررررررررررررراااااااااااااااااااااااااااااا ااااااااااااااااااااااااا

[نونو 4]

ميرسى كتير على المعلومة الجامدة دى

[نونو 4]

المشاركة الأصلية كتبت بواسطة عادل ربيع

الكلام مظبوط ولكن النقطة الثالثة صحيحة ولكن غير مقررة

والمقرر هو

اذا فرض أن الألكترون اكتسب نصف كم فانه لاينتقل لأن الانتقالات المقررة هى التى بين المستويات الرئيسية فقط

انا حبة اعلق على المقرر دة اصلا ما فيش حاجة اسمها ىنصف كم لان الكم لايمكن تجزئتة او مضاعفتة
فلا يوجد ما يسمى بنصف كم او 2 كم

[aly_sha3ban]

السلام عليكم ياجماعة بالنسبة للنقطة الاخيرة يكون الفرق في الطاقة أقل من الفرق بين المستويين.فلو كان الفرق في الطاقة أقل من الفرق بين المستويين
لا نطلق علية "كم" فالكم هو مقدار الطاقة المنطلقة أو المكتسبة عندما ينتقل الالكترون من مستوي طاقة الي مستوي طاقة اخر.
ارجو التعليق...

[الباش مهندس]

المشاركة الأصلية كتبت بواسطة aly_sha3ban

السلام عليكم ياجماعة بالنسبة للنقطة الاخيرة يكون الفرق في الطاقة أقل من الفرق بين المستويين.فلو كان الفرق في الطاقة أقل من الفرق بين المستويين
لا نطلق علية "كم" فالكم هو مقدار الطاقة المنطلقة أو المكتسبة عندما ينتقل الالكترون من مستوي طاقة الي مستوي طاقة اخر.
ارجو التعليق...

طبعاً أتفق معاك 100 في ال 100
بس مين قاللك ان احنا هنا مش هننتقل من مستوي طاقة الي مستوي طاقة اخر
احنا قلنا ان احنا هننتقل بس في مستويات فرعية
يبقي حضرتك تعريفك سليم جدا ولكن التعليل ايضاً سليم
وشكرا للمشاركة الجميلة

[سها نور]

لالالالالالالالالالالا مش ممكن الاحتمال الاخير