رسالة الى مستر ياسر أنور

[Mr Yacoub]

مستر ياسر

كيف تسمح لنفسك بالاستيلاء على أعمالى و تضع عليها اسمك

الم يكن من اللياقة ان تستأذن و ألا تضع اسمك عليها و انت تعلم اننا نعمل فى مدينة واحدة

كيف سمح لك ضميرك عمل ذلك و هذه ليست أول مرة

ثق تماما انك سوف تنكشف قريبا امام طلابك

و فى النهاية اقول الله يسامحك

[a_b9595]

المسامح كريم يا مستر وليه غيابك طال منتظرين باقي اعمالك

[نبيل موريس جورج]

أستاذنا واحشني بجد وأعتقد ان مصر كلها تعرف مين هو مستر يعقوب وبجد موقف صعب اتمني ان يتقدم الزميل بأعتذار

[mr_moh55555]

المسامح كريم

[secret enemy]

هو ده اللى انا بعول همه ................................ يا سلام لما الواحد يتعب و غيره يجى على الجاهز و ياخد شغله و ينسبه لنفسه.
دى مشكلة كبيرة و خاصة عندما يكون من نفس المكان .

فيه فكرة جميلة يا مستر يعقوب خلى شغلك فيه طابع شخصى يعنى ممكن تكتب فى التمارين اسماء طلاب عندك أو أسماء تخصك و ممكن تضع تمارين على ملاحظات مش مشروحة و تشرحة فى الحصة ........... ده كله عشان انا حاسس بيك.


و يا ريت الناس متقولش المسامح كريم عمال على بطال ............ لازم تحطوا نفسكم فى موقف الراجل ......... لان حاجة زى دى ممكن تأثر عليه سلباً فى شغله .............. لان الطلاب ليهم الظاهر.

[secret enemy]

على فكرة دى مش أول مرة :

الشغل اللى على المنتدى كله بيتسرق و بيتعمل مذكرات مطبوعة و بيتباع ............ يا ترى الربح المادى ده من حق مين ؟؟؟؟؟؟؟؟؟
و لا حد بيستأذن و لا حاجة.


مذكرات ابراهيم البدراوى؟؟ شفتها بعينيا مطبوعة بدون اذن الراجل و بتنباع .

[mr.ahmedabdelwahed]

رايى بصراحة يا مستر يعقوب ان تضع اعمالك بصيغة pdf
pdf
وهى من المستحيل تغييرها خاصة مع وجود اللغتين الانجليزية والعربية فى ورقة واحدة---بجد فكر مليا فى هذا الاقتراح

[mody_greek]

ردا على كلام الأخ الفاضل نادر بقوله ان مش لازم كل مدرس يبقى معاه ماجستير وان الخبرة والكفاءة موجودة خاصة فى طرق الشرح وده اللى بنزله فى مذكراتنا وملازمنا نابع من خبرة سنين فى التعامل فى المنهج واللى بييجى اصحاب النفوس الضعيفة الفاشلين مهنيا يسرقوا الحاجات دى وينسبوها لأنفسهم ولو سألته عن ترتيب المذكرة مش هيعرف وطبعا كلنا بنجمع التمارين من الكتب الخارجية لأن لو ألفنا جمل زى ما حضرتك بتقول حتبقى صعبة جدا على التلاميذ والعوام اللى بيتكلموا وخلاص انهم يفهموها ولو قعدوا سنين


انا الرد ده بقوله لحضرتك نظرا لأسلوبك العدائى فى الدفاع عن الباطل وانا اسف انى ألخصه فى كلمتين واقول
صحيح اللى ميعرفش يقول.......


وياريت نحترم شغل بعض ونبطل سرقة لأن عملية انتاج المذكرات واخرجها مش سهلة دى جهود ووقت ناس يبتغوا مرضاة اللى ليقدموا ما ينفع من العلم

لك الله يا مستر يعقوب واحتسب اجر هذا عند الله

[مستر/ عصام الجاويش]

انا مستغرب جدا من هذا الاسلوب الغريب فى النقاش من الاخ نادر الهادى العضو الموقوف اللى بيقول المدرسين لازم يكون معاهم ماجستير وانهم كذا وكذا من الوان السخريه وطبعا هذا لايليق ابدا الخطأ فى حق كل المدرسين بهذه الطريقه الفجه!!! احنا مش بندرس فى الجامعه عشان يبقى محتم علينا ناخد الماجستير
احنا بندرس مناهج بسيطه جدا ولو كان الماجستير مطلوب لكانت وزاره التربيه والتعليم وضعت الحصول عليه شرط من شروط العمل فى التربيه والتعليم
ثانيا ماقيمه الماجستير من الناحيه العمليه؟ اقولك الماجستير عباره عن رساله فى احد موضوعات اللغه وليس فى كل شيئ فى اللغه وليس الحاصل علي الماجستير يحمل صكا انه افضل من غيره ممن لم يحصل على هذه الدرجه العلميه والله هناك مدرسين مستواهم اللغوى يفوق من حصل على الماجستير
ومن عاش فى انجلترا او امريكا يعرف ان اللغه معايشه اكثر منها دراسه نظريه عقيمه
مهاره المدرس اخى الكريم ترجع الى قدرته على توصيل المعلومه للطالب وطبعا يكون المدرس متمكن من ادواته يتقن التحدث بالانجليزيه ونطقه صحيح ولديه كم جيد من المفردات والتعبيرات ويتقن الكتابه بالانجليزيه ..الخ

[وليد لبدة]

والله هناك مدرسين مستواهم اللغوى يفوق من حصل على الماجستير .
لا أتفق مع هذة المقولة اطلاقا.
لا أعرف ما قاله الأخ نادر لكن ما أعرفه أنه لكى يحصل أحد على ماجستير فى اللغة لابد أن يقرأ على الأقل 20-50 كتاب من أمهات الكتب وهذا غير متاح للمدرس الذى يبذل مجهودا جبارا لكى يسهل على طالبه وهذا حسن ولكن يتمرس المدرس على نقاط بعينها نتيجه لما يفرضه عليه المنهج و النظام التعليمى.
لكن غير مطلوب من المدرس أكثر من الالمام بمادته و ايصال الطالب الى بر الامان.

[وليد لبدة]

ماقيمه الماجستير من الناحيه العمليه؟
ماجستير بحق فى الغة الانجليزيةيعنى عالم فى اللغة.

[وليد لبدة]

لايليق ابدا الخطأ فى حق كل المدرسين بهذه الطريقه الفجه.
طبعا

[مستر/ عصام الجاويش]

المشاركة الأصلية كتبت بواسطة وليد لبدة

والله هناك مدرسين مستواهم اللغوى يفوق من حصل على الماجستير .
لا أتفق مع هذة المقولة اطلاقا.
لا أعرف ما قاله الأخ نادر لكن ما أعرفه أنه لكى يحصل أحد على ماجستير فى اللغة لابد أن يقرأ على الأقل 20-50 كتاب من أمهات الكتب وهذا غير متاح للمدرس الذى يبذل مجهودا جبارا لكى يسهل على طالبه وهذا حسن ولكن يتمرس المدرس على نقاط بعينها نتيجه لما يفرضه عليه المنهج و النظام التعليمى.
لكن غير مطلوب من المدرس أكثر من الالمام بمادته و ايصال الطالب الى بر الامان.

من حقك ان تختلف ونحن نحترم كل وجهات النظر ومن حقنا ايضا ان ندافع عن وجهه نظرنا لاحظ اخى الحبيب اننى قلت بعض المدرسين افضل من بعض الحاصلين على الماجستير طبعا مه تقديرنا لكل طالب علم
لكن احب اقولك ان فى مدرسين محبين للغه بحق ويقرأون امهات الكتب ايضا ولاتظن ان المدرسين كلهم مستواهم واحد وايضا اساتذه الجامعه ليس مستواهم واحد ايضا. فى المنتدى هنا مدرسين اصدقائى مولعين بالقراءه وانا ايضا محب للقراءه وقرأت اكثر بكثير من هذا الكم الذى ذكرته وغيرى فى المنتدى هنا كثيرون يقرأون اكثر منى فنحن نقتطع من قوتنا لنشترى الكتب التى تفيدنا فى مجال اللغه وتدريسها اضافه الى استفادتنا من النت اضافه الى اننا سافرنا الى بلاد اللغه امريكا وانجلترا واستفدنا جدا وعلى فكره كثير جدا من مدرسين المنتدى حصلوا على بعثات ومعظمنا محبين للغه وهذا سر تواجدنا فى المنتديات التعليميه

[مستر/ عصام الجاويش]

المشاركة الأصلية كتبت بواسطة وليد لبدة

ماقيمه الماجستير من الناحيه العمليه؟
ماجستير بحق فى الغة الانجليزيةيعنى عالم فى اللغة.

لا اتفق معك ان الحاصل على الماجستير عالم فى اللغه لانه يقوم ببحث موسع فى موضوع واحد من موضوعات اللغه فيكون ملم به جدا لكن ليس شرطا ان يكون ملما بباقى فروع اللغه وايضا حضرتك اكيد عارف ان الماجستير فى الجامعات بتاعتنا ممكن تحصل عليه ايضا بدون تعب وانت اكيد فاهمنى...
وانا اقصد بالناحيه العمليه التدريس فى المدارس فالقدره على توصيل المعلومه وشخصيه المدرس فى الفصل اهم بكثير من دراسه المعلم الاكاديميه
وهذا واقع ملموس فى مدارسنا

[Mr Mostafa Goda]

اتفق تماما مع مستر عصام والله انا اعرف اساتذة جامعة كانوا يدرسوا لنا فى الكلية ولا يفقهون شيئا