فاعل ولا مفعول به ؟؟!!!!

[مغترب وبس]

فاكرين يا جماعة دروس العربي؟؟
الفاعل مرفوع بالضمة والمفعول به منصوب بالفتحة.. فاكرين الكلام ده؟

أيام ما كنت في المدرسة لفت نظري حاجة ظريفة قوي.. هي العلاقة بين الفاعل والمفعول به..
ملاحظين إن دايما الفاعل هو اللي بيكون متفوق على المفعول به؟؟
الفاعل دايما بيكون مسيطر والمفعول به غلبان وبيقع عليه الفعل وبس.. يا حرام!!

لاحظ كده مثلا الجمل دي:



أكل "أحمد" التفاحة..
"أحمد" هو اللي ماسك التفاحة الغلبانة وبياكلها.. مين المسيطر هنا؟؟


كمان مثال

ذاكر "أحمد" الدرس..
طبعا المسيطر هنا هو "أحمد".. هو اللي ماسك الدرس وقاعد يقراه.. مين فيهم متفوق على التاني؟
دي مقدمة بس للكلام اللي عايز أقوله ليكم النهارده..


يا ترى إنت فاعل ولا مفعول به؟؟

هل أنت فاعل؟

عشان تكون ناجح في حياتك لازم تكون (فاعل) وليس (مفعولا به).. كده بكل بساطة..
فيه ناس بتعتبر نفسها دايما (مفعول به) طول الوقت.. وناس تانية بتعتبر نفسها (فاعل) مهما حصل..
والنوع التاني ده هم اللي بيكونوا ناجحين في حياتهم.. عايزين توضيح أكتر؟


الشخص (المفعول به)




هو الشخص الذي لا يذهب لعمله لأن الدنيا بتمطر!
هو الشخص الذي يظن أنه دائما ضحية الظروف.. وأن من حوله وما حوله هم سبب شقائه وبؤسه..

أمثلة من مقولاته:
- أنا لو كنت في بلد تانية كان زماني نجحت.
- المدير بتاعي هو سبب تعبي.
- أنا رسبت في الامتحان عشان المدرس ما بيعرفش يشرح.
وغالبا الشخص ده بيكون فاشل.. لأنه مجرد مفعول به.


الشخص (الفاعل):




هو الشخص الذي يحضر مظلة ليذهب لعمله لو الدنيا مطرت!
هو الشخص الذي لا تتحكم فيه الظروف، بل هو الذي يتحكم بها.. وأن أي عقبة في طريقه هي مجرد تحدٍ آخر له يجب أن يواجهه ليصل لهدفه..

أمثلة من مقولاته:
- أنا هانجح رغم كل الظروف.
- سأصلح علاقتي بالمدير الجديد أو أجد وظيفة أفضل.
- المدرس لا يشرح جيدا.. هذا يعني أن أهتم بالمذاكرة أكثر لأفهم الدرس.
ودايما الشخص الفاعل ده بيكون ناجح في حياته وبيصل لكل اللي هو عايزه..


حكمة:




يجب أن تؤمن دائما أن حياتك من صنعك أنت وليست من صنع الظروف التي حولك.. وأن العقبات وجدت في طريقك كي تواجهها وتتخطاها لا لتستسلم..
عشان كده لازم تؤمن تماما أن حياتك دي إنت المسيطر عليها تماما.. وإن إنت سبب نجاحك أو فشلك.. فكر في الموضوع من الزاوية دي: كل اللي بيحصل لك بسببك إنت, مش بسبب أي حاجه أو حد تاني.. إنت اللي بتصنع حياتك مش الظروف..

كفاية كلام عن الظروف والبلد والأقدار.. إنت اللي بتصنع حياتك وإنت اللي لازم تواجه مشاكلك وتحلها.. لأن ماحدش هيحلها ليك غيرك إنت... لأنها –ببساطة– حياتك إنت مش حياة حد تاني..
علشان كده في أي موقف أو مشكلة تواجهك في حياتك اسأل نفسك السؤال ده

[momi1985]

الله

موضوع جميل اوي يا مغترب

وياريت كلنا فعلا نبقى (فاعل) عشان حال الامة دي يرجع زي الاول

شكرا ليك بجد

[msamido]

شكرا يا مغترب علي الموضوع

اتمني اكون فاعل مش مفعول به
.
.

[ayooosh]

شكرااااا يا مغترب على الموضوع

واتمنى انا وكل المنتدى يكون فاعل

وفعلاااااا موضوع حلو تسلم

شكراا على الموضوع يامغترب
بس ساعات اقهر والظلم بيولده حالى عن الانسان بتخليه
فاقد الامل ومستسلم (مفعول به)زى ما بتقول
او عنده شهور بالا ميالاة فى حياته

[مغترب وبس]

اشكركم جميعا على المرور
وبالنسبة ليك يا مرشد مش لازم الواحد يستسلم للشعور ده لازم يقاومة ولا ايه

قصدي ميستسلمش

[مسلمة متفائلة]

فعلا لاااازم نكون فاعل فى حياتنا و فى عملنا و فى دراستنا و فى كل شىء
لا للمفعول به
لكن احيانا المفعول به يفيد

جزاك الله خيرا على الموضوع

[واحده من الناس]

راااااااااااااااائع

عندك حق فى كل كلمه

وربنا يوفقنا لما يحبه ويرضاه

ونكون فاعل دايما فى كل خير

جزاك الله خير ونفع بك امه الاسلام

[abumode75]

abumodede75 ]شكرااااا يا مغترب على الموضوع

واتمنى انا وكل المنتدى يكون فاعل

وفعلاااااا موضوع حلو تسلم

[a7mad 3abdo]

شكرا علي الموضوع دا
فكرته حلوه و مضمونه حلو و نصايحك حلوة
جزاء الله خيرا و ربنا يوفقنا و يوفق كل الناس

[totta2010]

nice topic
thnxxxxxxxxxxxxxx

[أ/رضا عطيه]

جميل ورائع وتسلم بعقلك وفكرك المستنير ---- وبالتوفيق وشكرا

[عبير الشذى]