فضيلة الامام الاكبر شيخ الازهر!!!!!

محمد.فوكس · #1 05-10-2009, 08:40 AM

للاسف برغم ان لايوجد في الاسلام كهنوت لكن الازهر بيعتبر من اهم المؤسسات الاسلامية في العالم و بالتالي فان شيخ الازهر يعتبره الغرب و غير المسلمين و بعض المسلمين الغير واعيين انه كبير شيخ المسلمين و انه اعلم واحد بالدين.
و بالتالي اي تصرف يحسب على المسلمين.
انا دلوقتي متعصب جدا و مش عايز اشتم ولا يطلع من اهانة.
بس بذمتكوا يا جماعة حسيتوا بايه لما سمعتوا عن الواقعة بتاعت البنت المنقبة.
مش حاجة تكسف؟
يجبرها على خلع النقاب و هي في مدرسة ازهرية..خلاص بقى يبقى منزعلش من فرنسا ولا المانيا او اي دولة بتضايق المحجبات و المنقبات.
و نيجي بقى للنقطة الاهم .. لما قال للبنت "انا افهم في الدين اكتر من و من اللي خلفوكي".
اعتقد ان كده يبقى مفيش فهم في الدين خالص.
استحلفكم بالله تجابوبوني عشان مخي هينفجر .. ازاي شيخ ازهر يقول كده و هو كمان عارف ان معاه صحفيين و غيره
و النقطة بقى اللي تخليك تخرج عن شعورك.
لما قالها " اومال لو حلوة شوية كنتي عملتي ايه".
يعني ايه؟ نبلغ بتوع مسابقة ميس يونيفرس ملكة جمال الكون اننا عايزين نرشح حد من عندنا عشان يبقى عضو في لجنة التحكيم.
و مفكرتش يا فضيلة الامام الاكبر شعور البنت لما تقولها كده.
و قالها كمان ما انتي في فصل كله بنات لابسة النقاب ليه.
اومال حضرتك ايه..ده انت سيد الرجالة..مش فضيلتك كنت جوه الفصل او قدام البنت..ولا كنت بتكلمها في الموبايل ولا من ورا جدار عازل؟
يا فضيلة الشيخ يا ريت تعرف انك كده بتسيء لاسلام و لينا كلنا.
مش كفاية التصريح بان الرسول ميت و ميقدرش يدافع عن نفسه..
احنا مش ناقصين اساءة للاسلام.
لا حول ولا قوة الا بالله... انا كده هبتدي اصدق الموضوع بتاع كوكب نيبيرو و انه هيتسبب في نهاية العالم سنة 2012.

BaNZeR · #2 05-10-2009, 09:42 AM

الموضوع مكرر

يمكنكم إضافة تعليقكم هناك
ايه حكاية شيخ الازهر 2009 الجديدة؟

وإن أردتم فتح موضوعاً نقاشياً جديداً فضعه في العام