لازم نعمل حاجة كدة ماينفعش

alaa roha · #1 03-10-2009, 12:15 AM

بصوا ياشباب وطبعا يابنات بما انكم انتو اكتر مننا فى الكليه عموما النظام دة مش هينفع وبجد لازم ناخد موقف ونعمل اى حاجة احنا مش هنقعد قاعين فى البيت ومستنيين كل يوم خبر جديد ونقول يارب حكايه الغاء محاضرات الانتساب دة يبقى اشاعه ونحضر لغايه ماجلنا الخبر اللى يخنق اكتر اننا قال ايه هنحضر يوم جمعه كل اسبوعين
طب انتو جايين على نفسكم كدة ليه ؟؟

عاوزين بجد نعمل حاجة ايجابيه طبعا كل الناس رايحة الجامعه بكرة عاوزين نعمل بقى زى اخواتنا اللى فى تجارة نروح نسال فى شئون الطلبه بكرة لو فى ايدينا وينفع اننا نعمل شكاوى نعمل شكاوى وبجد زى مابنسمع المثل ديما زمان اللى بيقول ايد لوحدها ماتنسقفش وفعلا لو انا مثلا روحت عملت كدة لوحدى بكرة مش هيكون فيه اهتمام لكن لو على الاقل 1000 او 2000 طالب عمل كدة هيبقى فى اهتمام وان شاء الله الوضع هيتغير
عموما انا قولت كل اللى انا عاوز اقوله ومش فاضل مننا غير الفعل بقى كدة بجد حرام اوى اننا نقعد فى البيت وبتوع التعليم المفتوح يحضرة كل جمعه مع احترامى لكل اللى فى تعليم مفتوح واسف لو طولت عليكم
اخوكم علاء

اه صحيح كنت هنسى لو حد ناوى ينزل بكرة ويعمل شكاوى فى شئون الطلبه يقول واحنا ممكن نتجمع كلنا قبل مانروح نقدمها علشان نروح كلنا للشئون

coca10101 · #2 03-10-2009, 12:32 AM

بصراحة انا شايف انكوا تعملوا كده عشان مينفعش اللى اتعمل ده انا مش حقوق بس حاسس بيكوا بجد ده هبل كده ربنا معاكوا يا رب

الروك 56 · #3 03-10-2009, 01:34 AM

وانا معاك يا alaa احنا نتقابل عند المبنى الرئيسى لكلية الاداب الساعة 9و نصف بس انا هعرفك ازاى

alaa roha · #4 03-10-2009, 01:55 AM

ايه السلبيه دى والله انا مكنتش اتوقع منكم كدة ابدا كل دى مشاهدات للموضوع ومحدش بيرد حرام عليكم وبجد تستهالوا كدة بس انا اعمل ايه ربنا يسهل واحول انتظام السنة الجايه

alaa roha · #5 03-10-2009, 01:56 AM

انا هتلاقينى بكرة لابسلهم اسود فى اسود

الروك 56 · #6 03-10-2009, 02:29 AM

وانا حبقى لابس قاميص كحلى متنساش امام المبنى الرئيسى لكلية الاداب