هل فتاة النت فتاة سيئه ولا يفضلها الشباب؟؟؟؟

[الامير عبده]

--------------------------------------------------------------------------------

السلام عليكم ورحمه الله وبركاته

هل فتاة النت فتاه سيئه ولا يفضلها الشباب ؟

فتاة تكتب في منتديات الانترنت
أتت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك
الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعة مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها

وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون خطابات الدعوة لليلة الفرح الموعودة

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام ؟
قال زميله خطيبتك كاتبه في منتدى بالاسم الفلاني ؟
قال وما ادراك ومن اعلمك ؟
قال اختي تعرفها واسرت لها بذلك ؟
وهي تكتب باسم مستعار
اتريد ان نفتح المنتدى لنشاهد مواضيع خطيبتك ؟
قال العريس والعرق يتصبب ولما لا ؟
فتح الزميل المنتدى استخرج بالبحث جميع مواضيعها
ثم بدأ الاثنان في التصفح
فهاهي ترد على فلان وتشكر فلان وتتناقش مع فلان وتضحك من طرفة فلان
وهذا فلان يمدح ماتكتب ويثني على ماتقدم وهي ترد عليه بالثناء والشكر
احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي ؟ قالت امها لامانع .. اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل ؟
لكنه فاجاءها بسؤال واحد
هل انتي الكاتبة الفلانية في المنتدى الفلاني ؟
قالت نعم انا هي
قاطع حديثها وقال اسف انا لا اتزوج فتاة انتر نت
وأطبق السماعة
حالة قد تمر يوما ما على فتى او فتاة
فما موقفكم ؟
- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
- 3 -
بنظركم ،، هل كل فتاة تستخدم النت لابد أن يكون لها صديق ؟
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟

اخوااااااااااني الافاضل تأكدوا ان الاجابات الصادقة لهذه الاسئلة
سوف تخدم اخوات لكم بشكل كبير ،، فلا تترددوا بالرد عليها دون محاباة او مجاملة ، ولتضع امام عينك مراقبة الله لك في كتابتك ورأيك

[منى معوض عوض]

شوفو يا جماعه والله الكلام اللى انا قراته فى الموضوع بيحصل كتيييييييييييييييييييييييير جدا
وهقولكم حاجه النت زى مافيه الوحش فيه الحلو طبعا
وانا اقولكم بنات النت بنسبه 80 % بيستعملو النت الاستعمال الامثل يمكن اكتر من الشباب
والان انا افضل بنات الانترنت عن شباب الانترنت
وكنت افضل ان اول رد على الموضوع ده انه يكون شاب
ويعرفنا بقى اذا كان الموضوع ده بيحصل مع كل الناس اقصد اللشباب يعنى ولا ايه

[msamido]

<div class='quotetop'>إقتباس(الامير عبده @ Nov 18 2006, 11:55 PM) [snapback]240253[/snapback]</div>

--------------------------------------------------------------------------------

- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟


يعني ايه فتاة نت ؟
بص لو قدرنا نقول فتاة نت يبقي نقدر نقول فتي النت يعني عايز اقول ان نظرتي ليها زي نظرتي للولد بالظبط بيختلف حسب الاستخدام استخدمت النت كويس شكرااا مش كويس بردوه شكرا بس انت عرفت ايه ظروفها

- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

الكلام في المنتديات من خلال المشاركات والمواضيع كلام عام يعني قدام الكل .. بص انا مش هرغي كتير
لا مش بالضرورة ان البنت اللي بتشارك في منتدي بمواضيع ومشاركات تبقي سيئة في وفي عادي

- 3 -
بنظركم ،، هل كل فتاة تستخدم النت لابد أن يكون لها صديق ؟

انا بس عايز اسأل ايه الصديق بالظبط او يعني ايه حدود الصداقة دي ؟
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

الحدود اللي لازم الكل يقف عندها ولد او بنت ايا كان هي الحدود الشرعية والدينية
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟

نفس السؤال السابق علي ما اعتقد لان الحدود الشرعية هي خطوط حمراء غير مسموح التجاوز او ممنوع الاقتراب والتصوير
- 6 -
انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟

اه طبعا ليه لأ هسمحلهم ومش مفاجاأة لو كانوا اعضاء في نفس المنتدي اللي انا عضو فيه
بص انا اربي بناتي علي التربية الصح والدينية الصح ومتقلقش بعد كده
بس لازم بردوه يكون في سنة اشراف وانا مصر بردوه سواء ولاد او بنات

[/b]

ده رأي شخصي قد تختلفون وقد تتفقون ولكن في النهاية اختلاف الرأي لا يفسد للأكل بقية قصدي لا يفسد للود قضية

شكرااااااااااااااااااااا

[am_online5]

مش كلة يا جماعة
مش كل حاجة
في و في
علي قد مفي الحلو في الوحش
..........................

[Xx.Youri.xX]

يعنى ايه فتاه الانترنت ..
احنا عايشين فى اى زمن يا حبيبى ..
مين فى الدنيا دى كلها مبيدخلش نت ..

من الاخر كل البنات تقريبا بيدخلوا نت . ودى حاجه عاديه وانا اعتقد ان الموضوع ده متأخر عن معاده الاصلى 15 سنه .. ايامها كان فيه فتايات نت وفتايات جاهله لسه ..

شكرا ..

[Miss_CaR!zma]

اولا يعنى ايه فتاه نت؟
زى ما تكون حاجه مش عاديه او طبيعيه
فتاه نت ؟ ياااااااى ايه دى <_<
المهم ....
دلوقتى النت بقى من الاساسيات فى حياتنا
حاول تقارن بين واحد بيدخل نت وتانى مش بيدخل
مش هقول بنت وولد لان احنا مش فى القرن ال17
من غير ما الف وادور هيبقى سطحى اوى / سطحيه اوى
و بعدين بنت قاعده نت باحترامها لنفسها اولا ولاهلها ثانيا فين المشكله فى ده؟
وبعدين الموضوع ده بنتكلم فيه كتير ليه ؟
ده واقع مسلم بيه ومش هتغيروه يا جماعه ...ريحوا نفسكوا بقى

[الامير عبده]

شكرا لكم ياجماعه على ردكم وعلى ارائكم الجميله

[الامير عبده]

ياجماعه انا كنت عايز اوضح حاجه

انا حاطط الموضوع ده للنقاش فقط

اوعى يكون حد زعل منى

اصل انا عرفت اللى حد زعل من علشان الموضوع ده

صدقونى انا كنت حاطط الموضوع ده للنقاش فقط

[Miss_CaR!zma]

انت نقلت وجهه نظر واترد عليها اكتر من رد باختلاف وجهات النظر طبعا
ليه الزعل ؟؟

[الامير عبده]

شكرا لكم ياجماعه على ردكم

[kaml_klamk]

يا جماعة انا من رايى ان فى بنات محترمين وبنات مش محترمين
البنت لو محترمة فى حياتها هتكون محترمة على النت وطبعا العكس
يعنى افرد انت رحت تخطب واحده وهى اصلا محترمة جدا وانت واثق فيها وهى نفسها برضه قالتلك انى بدخل على النت هل ثقتك فيها تقل ؟؟
اعتقد لالالالالالالالا

[صفاء]

يا جماعة


أنا اضايقت أوي بجد لما قرأت القصة دي


هوة في ايه؟؟؟

يعني اي فتاة نت سيئة


واحدة عندها موهبة شعر ؟؟؟ بتدخل تكتب و تنمي الموهبة دي

وحدة تانية بتحب الصور و الطرائف بتخش تفيد ناس تانين بكده



أنا مش شيفة اي دخل ده بالأخلاق

على اساس أن مفيش اختلاط في الحياة العامة؟؟


طيب ما احنا في كليات و مختطلة و كلنا بنتعاون على المصلحة العامة



أنا مش عارفة أقول اي أصلا
ههههههههههههههه بجد كل الللي حساه اني دمي اتحرق من الموضوع ده


أصله ما شافهاش كاتبة كلام مش كويس أو شي

لا حول ولا قوة إلا بالله

أنا طالعة أعمل نسكافيه يهدي أعصابي
باي