نصيحة لكل اللى فى ألسن

[eng.ahmed55]

السلام عليكم
انا احمد فى كلية حاسبات ومعلومات
عاوز اقولكوا انألسن دى كانت حلم حياتى
كنت بحلم ادخلها
فى تانية ثانوى كنت بحب الكيمياء وبعدين انا بكره الجولوجيا فقولت ادخل علمى وبعدين احول ادبى
جيت فى تانية وجبت 93/100
اهلى قاعدوا يقنعونى انى اكمل علمى
وبجد مكدبش عليكوا انا كان نفسى اكون مهندس برمجة
كنت بحب الكمبيوتر اوى وفى نفس الوقت ألسن
بس السن كانت اكتر
جيت فى تالتة حولت ادبى بس لانى مكونتش بعرف احفظ الفلسفة والتاريخ
حسيت انى هضيع فقولت اكمل علمى وخلاص
وخصوصا انى كمان كنت بحب الرياضة بس مش اكتر من الكمبيوتر
وانا هبقى مبسوط لانى هدخل حاسبات لانى بموت فى الكمبيوتر
اللى كان قالقنى ان مدرس الانجلش بتاعى كان خريج ألسن وانا بكره مهنة التدريس

وكمان فرصة انى هدرس كل المواد بالانجلش فى حاسبات
بجد كليتكوا كلية روعة حاولوا تدربوا نفسكوا
الكلية عندكوا عاوزة اللى يثبت نفسه فيها
جيبوا مجلات وترجموها
حاولوا كدا تبقوا ملعلعين على راى عمرو رمزى
معلش طولت عليكوا
وكل سنة وانتوا طيبين
وسنة سعيدة عليكوا

[smsama]

ربنا يخليك والله رفعت من روحنا المعنوية

انا اولي السن

وباذن الله اخد بنصحتك

[ايه فتحي]

ادعولي ربنا يكتبهالي مع انه يكاد يكون حلم مستحيل

[omnia.m]

انا جبت 94.8% المشكلة اني نفسي ادخل السن وكنت علمي علوم ؟ كل الناس بتقوللي انتي مجنونة لو هتحولي ادبي انا بجد محتااااااااااااااااااااااااااااااااااارة حد يقدر يفيدني؟

[kingsamo]

المشاركة الأصلية كتبت بواسطة omnia.m

انا جبت 94.8% المشكلة اني نفسي ادخل السن وكنت علمي علوم ؟ كل الناس بتقوللي انتي مجنونة لو هتحولي ادبي انا بجد محتااااااااااااااااااااااااااااااااااارة حد يقدر يفيدني؟

انتي تبقي مجنونة بجد لو معملتيش اللي انتي عايز ونفسك فيه طبعا بعد ما تفكري كويس وفي حاجة يمكن اكون استفدتها من الفلسفة اللي درستها اللي هي:
عند التفكير يجب ان تحرر نفسك من اي سلطة الا سلطة العقل.

فاهماني؟