مساعده من اى شخص فى سياحه اسكندريه

[karem karm]

السلام عليكم ورحمه الله وبركاته
اخبرا وبعد عذاب ظهرت نتيجه الدبلومات الفنيه الخاصه بيه وجالى سياحه وفنادق اسكندريه
معلش يا جماعه الموضوع هيطول شويه بس عشان انا مش عارف اعمل ايه بعد كده
طبعا انا عارف ان فى مقابله شخصيه عشان اختبار القدرات سؤالى لحضراتكم امتى اعرف ميعاد الاختبار وهل لازم اروح اسكندريه عشان اسأل ولا ممكن اتصل بالتليفون وامتى اخر ميعاد للاختبار ده بدل ما يروح عليه وانا معرفش معاده من الاساس وياريت رقم تيلفون الكليه لو ينفع اتصل وبعد الاختبار النتيجه بتظهر بعد اد ايه
حاجه تانيه انا دلوقت مستلمتش جواب ترشيح لانى السياحه والفنادق مش بتظهر على النت فكتبولى على الايصال هل ده فيه مشكله ولا ايه
تالته حاجه معلش بالنسبه لموضوع السكن لو ان شاء الله قبلت فى الجامعه هل هو متوفر ولا لاء ده عشان اكيد سكن الطلبه الحجر فيه خلص فياترى فيه سكن قريب من الجامعه وبسعر رمزى ولا مفيش
معلش طولت على حضراتكم بس صدقونى غصب عنى ويارب حد يجاوب عليه
ربنا يجزيكم خير ويكتبه فى ميزان حسانتكم........

[sympathique]

باختصار علشان مطولش عليك

خد بعضك وروح على اسكندرية وقدم

واسال فى الشئون هيقولولك على الانترفيو

وان شاء الله متقلقش من اى حاجة

[البرنس الكبير اوى]

يا جماعة هو اختبار القدرات زى الانترفيو و لا فى فرق بينهما
و ياريت لو فيه فرق فلو سمحتوا حد يقولى على الاسئلة اللى بتاجى فى اختبار القدرات
و الف شكر على منتداكم الجامد ده