|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
23-09-2009, 10:15 AM
|
||||
|
||||
من الجدل حول اوباما !
(الموضوع طويل بس صغير وياريت تقراه كله او ترجعله لما تفضى) السلام عليكم كانت هذه تحية اوباما عند بدءه اللقاء والقاء خطبته في مصر يقول الدين إذا حييتم بتحية الاسلام فحيو بأحسن مثلها ولكن ماذا فعلنا قلنا أنه يتجمل وأننا نريد افعالاً لا اقوالاً ------- بدأ الرجل يتكلم عن فضل الاسلام وحضارة الاسلام وهذا لم يحدث مع رئيس اجنبي سابق أن أشاد بذلك في وقت يظن الجميع أن العرب هم شعب نامي ولكن ماذا فعلنا قلنا هو احنا محتاجين لاوباما عشان يتعرف إنه الاسلام كبيرة وحضارته كبيرة غير مدركين أن الكثير من سكان امريكا والعالم لا يكلفون نفسهم بالبحث عن الاسلام لتوقعهم بأنه سيء بكافة اشكاله ولكن ربما غير بعضهم رأيه بعد تلك الكلمات ----- اشاد الرجل بدور الاسلام في نهضة العالم والعلم وأنكر التهمة الشائعة بأن العرب = الارهاب وإذا كان رئيس امريكا بنفسه الذي يقول ذلك فمن المؤكد ان شعبه سيوافقه الرأي ماذا قلنا بيضحك علينا بكلمتين عشان نحن ليه ----- اعلن الرجل بأن القدس للجميع مسملين ، مسيحيين ، يهود مشيراً بذلك أن القدس ليست حكراً على اليهود وهذه إحدى النقاط التي أغضبت اسرائيل منه بل وهددو باغتياله ماذا قلنا القدس عربية وهي لينا بس ----- أوضح اوباما للجميع بضرورة وقف الحرب بين الطرفين غزة واسرائيل وأنه لا مانع من أن يعيش الاثنان في سلام في دولة واحدة ويجب وقف المستوطنات واراقة الدماء ولكننا اكتفينا بترديد عبارة اليهود يطلعو بره ومينفعش المحتلين ياخدو مكان هنا .................................... كده تقريباً خلص تفصيل المقال اللى قريته وكتبته بطريقتي الشخصية ودلوقتي عايز اناقشكو في النقطة الاخيرة ده شوية من وجهة نظري الحاجة الوحيدة اللى الناس قالتها صح إنه اسرائيل ملهاش مكان في فلسطين ومينفعش يحتلو بلدنا بالغصب وي***ونا وبعدين نعترف بدولتهم وبنقول كده وكإننا ماسكين النووي واسرائيل مش عارفة تعمل حاجة وده تقريباً رأي الإخوان المتعصب اللى انا زهقت منه  دلوقتي اوباما رئيس امريكا وحسني مبارك رئيس مصر في شبه بين الاتنين ؟؟ دلوقتي بس حسيت إنه في شبه منين بس ؟ حقولكو مبارك بيمد اسرائيل بالغاز وهو عارف خطر اسرائيل مش كده ؟ بيتعامل معاهم وبيحاول إنه يتجنب أي مشاكل معاهم ومع ذلك بيشارك في القضية الفلسطينية وبيحاول يحلها برده مش كده ؟ مبارك بيعمل في مصلحة بلاده عسكرياً ويحاول الحفاظ على الهدوء في المنطقة باراك اوباما مش اسمه اساساً مبارك وحولوه لباراك يبقى ده اول شبه  مش الاتنين ابوهم مسلم يبقى ده تاني شبه مش مبارك زعيم اكبر الدول العربية وباراك زعيم اكبر الدول الاجنبية ده وجه شبه تالت انت حتهزر احم احم اوباما أيضاً يعمل في مصلحة بلاده تماماً كما يفعلمبارك اسرائيل تملك اقتصاد العالم ممكن نقول تقريباً بتمتلك امريكا برده اوباما اسهل حاجة بالنسباله يقول غزة شعب حقير وحماس ارهاب ولازم ده يحصلهم والقدس من حق اليهود ايه رأيكو في الكلمتين دول حيكسب ود اسرائيل وحبهم ودعمهم وكل حاجة ايه اللى يخليه يدافع عنهم ويعرض نفسه للاتهامات الاسرائيلية مفيش حد فيكم عايز يديه فرصة ليه الراجل عايز يغير بس انتو اللى قافلين قلبكو عايزين تخلو صورة الوطن العربي إنه رافض اي دعم خارجي وكإننا كعرب لوحدنا في العالم وحنعمل كل حاجة بنفسنا ليه ؟؟؟ ليه منديش الراجل فرصة ونحاول معاه مرة تاني حتقولي مهو زي ما اعترف بحق فلسطين اعترف بحق اسرائيل اللى ملهاش حق هو اساساً مصالحه مع اسرائيل مش فلسطين احمد ربنا إنه قال كده ياعم يحتلو ارضنا ونتفرج بص الراجل مش عايز يخسر الطرفين لا دول ولا دول سيبك من الكلام ده كله فاكر صح الحديبية ؟ ايه نصوصه ؟ فاكر؟ كان سيدنا عمر بيعمل ايه ساعتها ؟ ومين كان بيهديه ؟ ليه ؟ متقوليش مفهمتش قصدك طيب اسرائيل معروفة بايه بنقض العهد مش كده ؟ طيب لو عملنا معاها صلح دلوقتي حيحصل ايه ؟ هي حيتعطل حالها واحنا حناخد وقت ونبني نفسنا واسرائيل ايدها حتاكلها وتقوم تحارب حد مش كده ؟ يبقى سيبهم ياكلو في نفسهم شوية ولما هما اللى ينقضو العهد بغض النظر عن العالم كله حيقلب ضدهم الراي العام وحنكون احنا لحقنا نعمل حاجة ونستعدلهم (لو بإذن الله عرفنا يعني ) ساعتها لما نتصرف حيبقى الحق معانا اوباما بيحاول يصلح علاقات الدول العربية بالعالم وفي نفس الوقت مش عايز يعمل حاجة تضر مصلحته ومصلحة بلاده وده حقه مهو اقسم على حماية بلاده مينفعش ميعملش كده كل اللى حيقدر يعملهولك حيعمله بس انت اديه فرصة حتقولي طب واللى بيعمله في افغانستان هو قال بنفسه إنه احنا مش بنحارب غير الارهاب والقاعدة اعترفت بنفسها إنهم متسببين بحادث 11 سبتمبر وده ضر بمصلحتها وهما بيحاربوهم الراجل في مصلحة بلده غلط ؟ ده هما اللى اعترفو على نفسهم حتقول لأ اثبت عكس الكلام بلاش نبين التعصب الزائد ده والتذمت في حاجات احنا معترضين عليها بس مينفعش نعارض اوباما فيها متنساش إنه في الآخر امريكي ويهمه مصلحة امريكا اولاً ومتنساش أنت إنك اللى حتعمله حيبقى وصمة ليك وللوطن العربي كله لإنك كده رفضت كل واحد هاجمك ورفضت اللى بيمدلك ايده يبقى ساعتها تحملو العواقب يبقى لازم نديه فرصة الراجل جالك لحد عندك وحياك بتحية الاسلام ترده وتقوله مش مصدقينك ومش معاك وورينا حتعمل ايه لوحدك ؟ ولا نعمل زي ما الدين قالنا واذا حييتم بتحية الاسلام بحيو بمثلها او بأحسن منها ولو كان الموضوع قد مر عليه مدة ولكنه لم ينتهي بعد وكان عليا إعادة فتح النقاش فيه ضعوا الامل والتفاؤل نصب اعينكم وتذكروا ان اوباما لا يكره المسلمين بل يمكنني القول أنه ربما يكره اليهود !! ولكن في النهاية هو مرتبط بمصالح بلده ولن يستطيع التخلي عنها بسهولة ولكن يمكنه أن يضحي فقط إذا استحققنا التضحية وذلك لن يتم بتفرجنا على اوباما وكأن اوباما هو من سيحررنا وحده !!! أتمنى يكون في حد غير نظرته ولو درجة والسلام خير الختام والسلام عليكم ورحمة الله وبركاته BaNZeR
*********إضافة بسيطة********* ياريت أي واحد لو عايز يناقش الموضوع بلاش يجيبلي مواضيع من بره وكوبي وبيست وخلاص انا عايز نقاش شخصي ووجهات نظر اقرا من برا وترجم وتعالى قولي اللى فهمته لكن بلاش حد ينقلي وجهة نظر حد كاملة دون إضافة فيها حتى جملة تعبر عن رأيه
__________________
It was over 3 years since my last visit  آخر تعديل بواسطة BaNZeR ، 23-09-2009 الساعة 09:16 PM |
|
#2
23-09-2009, 10:28 AM
|
||||
|
||||
|
بجد موضوع مهم اوي في الوقت الحالي
وجميل من حضرتك تطرحه مع شوية التفاؤل دول يا ريت يبقي تفكيره زي ما حضرتك بتقول وجزاك الله خيرا
__________________
متغيبة لفترة ... برجاء الدخول لزائري قسم * بوابة محافظات مصر *
|
|
#4
23-09-2009, 11:41 AM
|
|||
|
|||
|
اقتباس:
أتمنى انك تقرأ الموضوع ده http://www.islamlight.net/index.php?...=view&id=13728 تحياتي |
|
#5
23-09-2009, 11:56 AM
|
||||
|
||||
|
احم احم واحد اتنين تلاتة اربعة تس تس
لا الصوت تمام : نبتدى كلامنا ب السلام عليكم ندخل فى المهم محدش يقدر ينكر ذوق الراجل لما كان بيلقى الخطاب وكان الكل اذانه صاغية واعية متفهمة لما يقال زى منتا قولت بدا بالسلام وقال شوية الكلام البكش اللى اتقالو دول مع انهم حقيقةواضاء الصورة المظلمة للاسلام فى دول الغرب ودى حاجة تحسب ليه ونرفعله القبعة شاكرين له هعلق بس على كام حاجة كدا اقتباس:
انت فى بيتك اهو اجى احتل اوضة نومك ويجى حد يتكلم يقول خد انت اوضة السفرة وسيبله اوضة النوم وبلاش مشاكل وخليك مسالم وافطرو مع بعض اكيد محدش يرضاها كون ان اسرائيل مغتصبة الارض بزعم القوة وباقى العرب نايمين ميديش الحق انى اقول سيبولهم جزء من الارض اقتباس:
هههههه اول مرة اسمع دى اسرائيل لو الدعم اتقطع عنها هتشحت فى البلاد دا ملهومش وطن وبيحاولو يعملو وطن ومش عارفين خلى مصر تقطع عنهم الغاز مثلا وخل كل دولة تقطع عنهم حاجة هتلاقى اسرائيل مجردة من قوت العيش تتسكع فى المقاهى وعلى الطرقات ومستقبلهم هيضيع وهيتجهو للتدخين ثم لادمان المخدرات واحتمال تجيلهم حصبة ويتكلو على الله اسرائيل امريكا هيا اللى مسانداها اسرائيل بدون امريكا لا تساوى قطمير اصدقك اه لما تقولى امريكا مسيطرة على اسرائيل انما العكس مش مقتنع بيه اقتباس:
دا شىء اكيد مهى كدا كدا معندهاش عهود والدول العربية من سنين بتتفاوض على سلام اسرائيلى فلسطينى ولسة بيتفاوضو فى جملة اعجبت بيها اوى انا افاوض اذن انا مفقود انا اقاوم اذن انا موجود كدا كدا اسرائيل مش هتديك فرصة فلسطين العراق ولبنان كانت ممكن تقع فى اديهم بردو كل دا وتقولى استنى لما ينقضو العهد بكره سوريا ولبنان فضلا عن مصر وشاطرين نقول المصريين اهمة حيوية وعزم وقوة تقدر تقولى هنستعد ازاى هنديلهم فرصة اكتر من كدا احنا شعب بيحب الكلام والجلوس على مائدة المفاوضات وشاطرين كل يوم اجتماع تفاوض يا شيخ بلا نيلة اقتباس:
اعجبنا بالكلام وقولنا لعله خير وقال كلام زى الفل وكل الناس قالت دا افضل من اللى فات مليون مرة وكله قال يارب يكون فعل وليس قول ونا كتبتها يومها فى توقيعى بس ايه اللى حصل لحد دلوقت الحسنة الوحيدة اللى طلعنا بيها هى تنظيف جامعة القاهرة حيث كانت فى ابهى صورها فى اليوم الفل ده ; نفسى يعمل زيارة لهندسة قنا او يروح اسيوط هتلاقيها بقت انضف مكان احسن من شرم الشيخ نفسها وهنغير الاسم من اسيوط الى شرم الصعيد ولسة الفرصة شغالة ومدينله فرصة مهو مفيش فى ادينا غير كدا اصلا بس يا خوفى بعد الفرصة يتقال لنا جيم اوفر ويكأننا بنلعب بلاى ستيشن عموما مشكور على كل اللى قاله ويارب يتنفذ وكل اللى اقدر اقوله لسة الامل موجود طول ما ربنا موجود شكرا على الموضوع ياعم الدبابة اه لما تخلص قراءة ردى متشتمش اكمنى طولت يعنى حاكم انا عارف بتوع اسيوط دول لسانهم متبرى منهم شكرا يا محمد على الموضوع دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#6
23-09-2009, 12:15 PM
|
||||
|
||||
|
كده أوكي
السلام عليكم ورحمة الله و بركاته ( رد باحسن منها ) __ زود و مغفرتة __ المقال جميل جداً بل أكثر من رائع و عارض وجة نظرك بتسلسل ممتاز كأنك بتحل مسألة رياضية عويصة بطريقة فنية تفهم اللي مش عايز يفهم بابا أو ماما أو أوباما الراجل ده ممكن العرب و المسلمين يستفيدوا من وجوده كتيير ويضعوا حدود لحاجات أكتر وهو فرصة كبيرة لتحسين صورة الاسلام عالمياً وده المهم بعد ما تشوهت صورة الاسلام ف الغرب أما بالنسبة لحل القضية الفلسطينية عجبتني قوي فكرة صلح الحديبية بس هوشوشك ف ودنك من غير محد يسمعنا وقولك هوه ممكن العرب بعد مايعملوا صلح مع اسرائيل يتحدوا مع بعض ويحاولوا إنهم يكونوا كيان واحد إذا اشتكي منه عضو تداعت له سائر الأعضاء بالسهر و الحمي المشكلة من وجهة نظري مش ف أوباما و لا ف إسرائيل المشكلة ف الحكم العضد الكل خايف علي الكرسي يا معلم ف حياته ليه و لولاده من بعده هوه في زي المريسة! والسلطنة !! والمملكة !!! إنت مش معايا ولا إيه المشكلة فينا كشعوب آسف أن أقول معظمها جاهل وفينا كحكام آسف أن أقول ميهمهاش الشعوب قد ما يهمها الكرسي وملء البطون والبنوك علي فكرة التفاؤل موجود ويارب نعمل حاجة ونتغير ويارب يصلح حال الحكماء العرب و المشكلة هتتحل هتتحل لكن أتمني أن يكون الحل في حياتنا ومرة تانية أشكرك علي مقالك الرائع وأتمني لك دوام الصحة و العافية والرحمة من رب العالمين والسلام عليكم ورحمة الله وبركاته زي أخوك
__________________
آخر تعديل بواسطة COoL HEaRT ، 23-09-2009 الساعة 01:21 PM |
|
#7
23-09-2009, 12:24 PM
|
||||
|
||||
اقتباس:
بس من الواضح إنه ضد كل اللى بقوله ومهاجمة اوباما بس انا وضحت وجهة نظري ولو عايز ترد على الكلام اللى هنا أهلاً وسهلاً وحرد عليك ولما افضى ان شاء الله حشوف ده اقتباس:
عرفت ازاي انا كنت عايز اضربك اه على العموم منور
__________________
It was over 3 years since my last visit |
|
#8
23-09-2009, 12:28 PM
|
||||
|
||||
|
احمد كووول
سعيد جداً بمشاركتك وحتة انه العرب يتحدوا ده في فترة السلام المؤقتة مع اسرائيل لسه حاططها حالاً في ردي على المدعو ..Just Stop محمود يعني للى ميعرفوش المشكلة فعلاً فينا قبل كده كان المشكلة إنه بوش بكامل طاقته مع اسرائيل لكن اوباما بقى بكامل طاقته لمصلحة بلده لو اسرائيل في مصلحته حيقربلها واحنا عشان عندنا موارد فبيصلح علاقته بينا برده جايز لو حققناله ذاته واصبح قادر عن الاستغناء عن اسرائيل ممكن يبصلنا او على الاقل حيقف عالحياد لكن لسه الناس مصممة إنه امريكا رمز للعداء الازلي غير ملاحظين إنه حربنا مع اسرائيل وليست امريكا وما امريكا غير طرف ثانوي مؤقت لا غير
__________________
It was over 3 years since my last visit |
|
#9
23-09-2009, 01:32 PM
|
||||
|
||||
|
حلو الموضوع ده
المشكله ان الواحد هيقوم دلوقتى انا هحط رد كنت قلته قبل كده عن موضوع اسرائيل ده ومبدئياً كلامى عن اوباما او اللى هبقى اقوله بعد كده لو ليا عمر ان مش فكره ان احنا رافضين ان الراجل ده يمد ايده لينا او ان احنا مخونينه ومش شايفين انه هيعمل حاجه بالعكس كل المصريين صدقوا الخطبه الطويله العريضه اللى قالها واللى كاتبهاله بجد عبقرى اعتمد ع فكرة ان الشعب بتاعنا متدين اصلا واستغل النقطه دى كويس جدا عامه هبقى اجى ارغى اخر النهار بقى الرد ع حدوته اسرائيل دى مش هقعد اعيد الكلام بقى لينا عوده سلام |
|
#10
23-09-2009, 02:52 PM
|
||||
|
||||
|
اقتباس:
على فكرة نظرتك للحتة دى سكر اوى بس مش واقعية لن تستطيع باى حال من الاحوال اقصاء الاسرائيليين عن فلسطين ده من المستحيلات ولا انت ايه رايك يبقي لما اتكلم اتعامل على انه مش طالعين طيب ايه الحل الاحسن انى احاول اخلى الطرفين يعيشوا ف هدوء اسرائيل استقرت خلاص دى دولة متقدمة اقتصاديا وعلميا وبشكل عام وبعدين بتاع ايه ييجى يقول اسرائيل وحشة طلعوها بره واساسا مصر بتدعم حياتها هناك كفاية كده دى الكلمة اللى حبيت اعلق عليها الموضوع بشكل عام عجبنى شكرا يا BaNZeR
__________________
 ••• والعز كل العز في ايماني •••
|
|
#11
23-09-2009, 09:15 PM
|
||||
|
||||
|
بالظبط يا براءة ده اللى عايز اوصله
احنا بيتنا فرطنا فيه من البداية واللى كان كان انا عارف إنه بيتي اصلاً وانت محتله وبتعذبني فيه وعارف إني مينفعش اسيبك تقعد فيه بس العدو ده اتجوز وخلف وكون عيلة معايا في البيت مينفعش اجي دلوقتي في يوم وليلة واقوله اطلع شفلك مكان تاني حيروحو فين دلوقتي هما كانو موزعين في انحاء العالم دلوقتي بقو كتلة واحدة ومنهم جيل جديد موطنه الاصلي اسرائيل وليس مصر ولا المانيا ولا انجلترا دول حيروحو فين مفيش مكان اختياري يبقى مش حينفع نطلعهم غير اجباري وده لما يكون عندنا فعل بقى نبقى نتكلم فيه اقتباس:
ناقصين تاني كلام من بره
موضوع القطط ده قريته وقريت ردك تاني دلوقتي وانا بكره الاسلوب الادبي الغامض ده بس فهمت إنه عن العرب واسرائيل يعني كلامك كويس جداً وهو بيتعلق بنقطة علاقتنا مع اليهود منتظر ردك لما ترجعي عن محور الموضوع بقى عن مبارك اوباما
__________________
It was over 3 years since my last visit |
|
#12
23-09-2009, 09:29 PM
|
||||
|
||||
|
موضوع الصلح مع اسرائيل ده انا كنت كاتبه شرحاً لحتة صلح الحديبية
يبدو إنه البعض مفهمش الفكرة فلما علق علق مباشرة على علاقتنا مع اسرائيل صلح الحديبية كانت كل شروطها ظالمة للمسلمين حتى تحية الاسلام مرضوش يكتبوها حتى كلمة رسول الله قالو احنا مش معترفين بيها عشان نكتبها الرسول وافق على كل ده وقال إني أرى مالاترون سيدنا عمر كان خلاص حيطير رقبة اللى قدامه من الغيظ الرسول عمل كده وتهاون في دينه لأنه عارف إنه هما اول ما ينقضو عهدهم صورته هو حتكبر كتير وصورتهم حتقل كتير وهو كده كده في موقف قوة فيقدر يتصرف ساعتها فما بالك بينا واحنا ماخدناش حتى ولا فكرنا ناخد قرار بالتصدي ليهم في احد التصويتات على النت صور 80% من الناس على أن حماس هي الارهابية وليست اسرائيل هي المحتلة لما لا ندع فرصة للسلام حتى يثبت للجميع وقتها ان اسرائيل هي التي بدأت مرة أخرى يمكن منكنش عملنا حاجة جديدة بس ساعتها حيبقى كسبنا الدعم المعنوي من الجميع وبعدها حنقدر نعمل بحرية عن الاول وامدادات اسرائيل من بره حتقل ياريت اللى يقول قرار يقوله وهو قادر عليه ميجيش واحد مرتبه 300 جنيه في الشهر وقاعدد يخطط للمصنع اللى ناوي يعمله ده على اساس حيكسب في من سيربح المليون يعني ولا حتنزله شنطة فلوس من بنك مصر
__________________
It was over 3 years since my last visit |
|
#13
24-09-2009, 12:01 AM
|
||||
|
||||
|
اقتباس:
ليه تعقيب صغير لكنه كبير جداً الرسول لم يتهاون في دينه أنا أعرف أنك لم تقصد المعني الحرفي للكلمة و لكن خد بالك
__________________
|
|
#14
24-09-2009, 12:12 AM
|
||||
|
||||
|
توضيح صلح الحديبية
لمن لا يعرف من صلح الحديبية إلا اسمه ارسل هذا التوضيح
كانت معاهدة صلح الحديبية عبارة عن أربعة بنود، وإذا راجعناها وجدنا أن كل بند فيها يصب في صالح المسلمين، رغم ما كان قد ظهر لقريش من عكس ذلك، وحتى لا نستبق الأحداث نستعرض معًا كل بند لنرى في أيّ كفة كان يصب. البند الأول: رجوع الرسول r وأصحابه من عامهم هذا، وعدم دخول مكة، وإذا كان العام القادم خرج منها أهلها ودخلها المسلمون بسلاح الراكب، وأقاموا بها ثلاثًا، ولا تتعرض لهم قريش. لا شك أن رجوع الرسول r هذا العام هو في صالح قريش؛ وذلك أنه يحفظ لها نسبيًّا ماء وجهها، لكن قدوم الرسول r العام المقبل ودخول مكة دون مقاومة، بل وخروج أهلها منها وعدم التعرض مطلقًا للمسلمين، فهذا والله انتصار هائل للرسول r وللمسلمين. ولنا أن نتذكر الأحداث الماضية، حيث ثلاث عشرة سنة من ال***** ومحاولة الإبادة للمسلمين في مكة، وحيث الهجرة وفرار المسلمين بدينهم وقد تركوا كل شيء، وذلك قبل ست سنوات فقط، وحيث غزوتي بدر وأُحد، وحيث تجميع قريش والأحزاب وحصار المدينة منذ أقل من سنة واحدة. فقد انهارت كل هذه المقاومة القرشية، وقَبِل المشركون بفتح باب دولتهم للمسلمين دون مقاومة، فأيُّ نصرٍ للمسلمين هذا! وأيُّ رفع لرأس المسلمين في الجزيرة العربية بكاملها! وأيّ إراقة لماء وجه قريش وسط الجزيرة العربية!! فأين صقور قريش؟ وأين السلاح والعتاد؟ وأين العلاقات والأحلاف؟ وأين الأموال والاقتصاد الهائل لقريش؟ أين كل ذلك؟ لا شك أنه انهار أمام دولة المسلمين الناشئة الفتية. ومن هنا فهذا البند -لا شك- هو في صالح المسلمين، وليس فيه اعتراف من قريش بدولة المسلمين فقط، ولكن فيه اعتراف بأن دولة المسلمين دولة قوية مهيبة الجانب، تُفتح لها أبواب مكة ويخرج أهلها منها. وهذا ما لم يحدث مع أي قبيلة أخرى في تاريخ مكة بكاملها. البند الثاني: وضع الحرب بين الطرفين عشر سنين يأمن فيها الناس، ويكف بعضهم عن بعض. وتُرى هذا البند يصب في مصلحة من؟ من الذي يحتاج إلى وضع الحرب ويرغب في الأمان؟ أليس هم المسلمون؟ أليس طلب الأمان كان بغية المسلمين، وكان طلبًا نبويًّا قبل المعاهدة وقبل الصلح؟ أوَليس الرسول r هو الذي قال لبديل بن ورقاء الخزاعي بأنهم إن جاءوا ماددتهم؟ فطلب الأمن -إذن- كان مطلبًا إسلاميًّا؛ إذ من الذي يحتاج أن يقيم دولته ويؤسسها؟ فدولة قريش مقامة منذ مئات السنين، أما دولة المسلمين الناشئة فعمرها ست سنوات فقط، وتحتاج إلى كثير وكثير من الإعداد والتأسيس. وتُرى هل ستكون الدعوة في الجزيرة العربية أسهل في جو الحروب والدماء والعداوات المتكررة؟ أم أنها ستكون أسهل في حالة الأمان؟ والإجابة أنها ستكون -لا شك- أسهل في حالة الأمان، وهذا عين ما يريده المسلمون. فهم يريدون أن يتحركوا في كل مكان بسهولة آمنين من الحرب، وفي الوقت نفسه تأمن القبائل المختلفة أيضًا حالة الحرب، وهذا يجعل حركة المسلمين لدعوة القبائل البعيدة عن المدينة المنورة، بل دعوة القبائل القريبة من مكة أسهل وأيسر كثيرًا عمّا إذا كانت الحرب معلنة بين المسلمين وقريش، ومن ثَمَّ تزداد قوة المسلمين. فالناس يحتاجون إلى تعريفهم معنى الإسلام، إذ إنه بمجرد معرفتهم إياه معرفة صحيحة فإن الفطرة السليمة -وما أكثرها- سرعان ما تتقبله وبلا تردد، فهم كانوا يخشون سماع كلمة الإسلام؛ لأن هذه الكلمة كانت تعني حرب قريش، وقريش هذه كانت أعز قبيلة في العرب، فإن أمن الناس حرب قريش فلتنظر كم سيدخل في الإسلام من رجال ونساء وأطفال. وهذا بالفعل ما حدث، وما سنراه بأعيننا بعد صلح الحديبية. إذن فهذا البند أيضًا يصبُّ بوضوح في صالح كفة المسلمين، ولكن هناك ملاحظة مهمة وهي: هل حين جلس المسلمون للهدنة والصلح مع المشركين كانوا قد أخذوا كل حقوقهم المسلوبة قبل ذلك؟ والحقيقة أن الجواب هو النفي قطعًا؛ إذ إن المسلمين قبلوا الهدنة قبل أن ترد إليهم كامل حقوقهم، فما زالت هناك ديار منهوبة، وما زالت هناك أموال مسلوبة، وما زالت هناك أرض محتلة من القرشيين، ومع ذلك قَبِل المسلمون بالهدنة قبل أن تردّ إليهم هذه الحقوق. وهذا يعني أنه من الممكن أن يجلس المسلمون مع الأعداء لعقد هدنة إذا كان فيها مصلحة للمسلمين، وهم بعدُ لم يأخذوا كل حقوقهم، ولكن يجب أن نعي أن المسلمين في هذه المعاهدة لم يقروا قريشًا على أي حق مسلوب للمسلمين عند القرشيين، لم يقولوا أنهم تخلوا لهم عن ديارهم وأرضهم وأموالهم، لكن كل ما في الأمر أن هذه الهدنة من أجل أن تضع الحرب عشر سنين، بعدها سيطالب المسلمون بكامل حقوقهم، وسيسعون لاسترداد كل ما سلب منهم. ومن هنا فإن جلوس المسلمين لعقد صلح مع أعدائهم وقبولهم الهدنة دون إقرار العدو على حقوقهم المسلوبة يُعَدّ أمرًا شرعيًّا، لكن إذا أقر المسلمون لعدوهم بحقهم المسلوب فهذا غير جائز وغير شرعي، ولا يمكن بحال من الأحوال مقارنة مثل تلك المعاهدات التي قام بها r بمعاهدات أخرى أقر فيها المسلمون لعدوهم بحقوقهم؛ فهذا شيءٌ وما فعله r كان شيئًا آخر تمامًا. ثمة فارق ضخم وهائل بين معاهدة صلح الحديبية وبين المعاهدات التي قام بها بعض من ينتسب إلى الإسلام في عصرنا هذا مع اليهود، والتي أقروا فيها لليهود بممتلكات إسلامية خالصة. البند الثالث: من أحب أن يدخل في عقد محمد وعهده دخل فيه، ومن أحب أن يدخل في عقد قريش وعهدهم دخل فيه. وتعتبر القبيلة التي تنضم لأي الفريقين جزءًا من هذا الفريق، أي أن أي عدوان تتعرض له أيٌّ من القبائل يُعَدّ عدوانًا على ذلك الفريق التابعة هي له، ويعتبر في الوقت ذاته مخالفة واضحة للاتفاقية. وتُرى في أي كفة يصب هذا البند؟ فهذه قريش أعظم قبائل العرب، والذي يريد أن يدخل في عهدها لا ينتظر معاهدة بهذه الصورة، أما القبائل التي تريد أن تدخل في عهد محمد r وحلفه فإنها كانت تتردد ألف مرة خوفًا من بطش قريش وحلفائها، أما بعد صلح الحديبية وبعد وضع الحرب، فإن هذا الذي كان في قلبه تردد وخوف سرعان ما سينضم إلى فريق المسلمين في أمن وطمأنينة. فهذا البند لم تستفد به قريش مطلقًا، بينما استفاد المسلمون استفادة قصوى من انضمام تلك القبائل الجديدة إليهم بعد أن أمنت خوف قريش وبطشها؛ فهو إذن في صالح المسلمين مائة بالمائة. وكان أكبر دليل على ذلك أن قبيلة خزاعة لم تدخل في حلف المسلمين إلا بعد صلح الحديبية هذا، مع أنها كانت من أكثر القبائل قربًا إلى رسول الله r، حتى إن كُتَّاب السير يقولون: إن خزاعة كانت عَيْبَةَ نُصْحِ[10] رسول r[11]. وهو ما رأيناه قبل ذلك كثيرًا، حيث كان الرسول r يرسل عيونًا من خزاعة، وكان يتحالف معهم. فخزاعة هذه رغم ما كان بينها وبين الرسول r، إلا أنها لم تدخل في حلفه إلا بعد صلح الحديبية، فما البال ببقية القبائل إذن؟! ومن هنا فهذا البند أيضًا كان في صالح المسلمين، خاصةً إذا علمنا أنه هو الذي سيكون سببًا في فتح مكة المكرمة، فأيُّ خير جاء من ورائه! البند الرابع: من جاء قريشًا ممن مع محمد r (أي هاربًا منه) لم يرد إليه، ومن أتى محمدًا r من غير إذن وليه (أي هاربًا منه) يرده إليهم. ويعني هذا أن من يأتي إلى المسلمين من أهل قريش بعد صلح الحديبية فعلى المسلمين أن يرجعوه ثانية إلى أقاربه إذا كان أهله يرفضون إسلامه. وبالتأكيد فكل المشركين سيرفضون إسلام أهل مكة، وعلى الناحية الأخرى فإنه إذا ارتدَّ أحد المسلمين وذهب إلى مكة، فعلى مكة ألا تعيده إلى المسلمين، وهذا في ظاهره في صالح القرشيين. وفي تحليل الجزء الأول من البند، فإن الذي يهرب من الصف المسلم إلى الصف الكافر - كمن يرتد مثلاً ويقرر أن يكون في صفِّ قريش - هل المسلمون في حاجة إليه؟ هل يتمسك به المسلمون ويجبرونه على البقاء في المدينة المنورة وهو كاره للإسلام وللمسلمين؟! هل هذا فيه مصلحة للمسلمين؟ الحقيقة أن المسلمين ليسوا في حاجه لمثل هؤلاء، بل إن هذا البند إذا كان غير موجود في هذه المعاهدة فإن الذي سيرتد من المسلمين كان سيُبطن هذه الردة ولن يظهرها؛ وذلك خوفًا من أن ترجعه قريش ثانيةً إلى المسلمين فيعرفوا أمره. منقووول لذلك فإن هذا البند كان يسمح لكل من في قلبه مرض أن يظهره، وبذلك يتخلص منه المسلمون، وقد قال الله U في كتابه الكريم: {لَوْ خَرَجُوا فِيكُمْ مَا زَادُوكُمْ إِلاَّ خَبَالاً وَلَأَوْضَعُوا خِلاَلَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ وَاللهُ عَلِيمٌ بِالظَّالِمِينَ} [التوبة: 47]. فلماذا يُبقِي المسلمون منافقًا داخل المدينة المنورة يدل على عوراتهم، وينقل أخبارهم إلى المشركين، ويدلي بآراء فاسدة في قضايا تهمُّ المسلمين؟ فهذا - ولا شك - فيه خطورة شديدة عليهم، كما أنهم ليسوا في حاجة إلى من يظل معهم بجسده وهو ليس معهم بقلبه وجوارحه، ومن هنا كان التخلص منه أفضل لمصلحة المسلمين. إذن فهذا الجزء الأول من هذا البند هو في صالح المسلمين. بقي الجزء الثاني منه وهو الذي فيه سلبية واضحة لهم؛ إذ إنه يعني أن كل من يأتي من أهل مكة إلى المسلمين مسلمًا، سواءٌ أكان هذا الإسلام قبل هذا الصلح أم بعده، فإن على المسلمين أن يردوه إلى مكة المكرمة ثانية، يردونه إلى أهله من الكافرين. وقد كان مثل هذا الصنيع يعرض المسلم الذي يهرب من أهله في مكة إلى المسلمين، ثم يرده المسلمون إلى أهله ثانية في مكة ولا يجيرونه، يعرضه إلى أن يعذب ويفتن في دينه حتى يكفر بالله U، هذا إضافةً إلى أن المسلمين سيخسرون قوته؛ إذ من المفترض أن تضاف قوته إلى قوة المسلمين، فكانت هذه سلبية كبيرة تُعَدّ في صالح قريش. ومن هنا نستطيع أن نقول: إن هذه هي الفائدة الوحيدة التي استفادت منها قريش في هذه المعاهدة الطويلة، وهي نصف بند في أربعة بنود، أي ما يعادل ثُمْن المعاهدة، ولا بد أن يكون في بنود المعاهدة شيء في صالح قريش وإلا لم تتم المعاهدة، إلا أنه رغم ذلك فإن هذه الجزئية من هذا البند لا تخلو أيضًا من فائدة كبيرة للمسلمين. فالمسلم الذي سيرجع إلى مكة قد يصبح مصدرًا للاضطرابات داخل دولة مكة؛ إذ قد يدعو إلى الإسلام فيها، وقد يؤثر على عقليات المشركين في داخل مكة، وقد يجتمع هو وغيره ممن سيكونون على شاكلته فيصيبون المشركين بأذى داخل مكة أو خارجها، بل قد يخفي إسلامه ويدل على عورات المشركين، ويُحدِث خللاً في داخل صفوفهم، طالما هو غير قابل لدينهم وغير قابل لعبادتهم، ومن ثَمَّ فقد يكون مثل هؤلاء خطرًا حقيقيًّا على المشركين.
__________________
|
|
#15
24-09-2009, 12:55 AM
|
||||
|
||||
|
اقتباس:
طيب اديك قلت أنا لم أقصد المعنى الحرفي لها
وكتبت بسرعة ومفكرتش في بديل للكلمة وعشان كده اعتقد مكنش ليه داعي القصة الطويلة ده ونظراً لإنها خارجة عن نطاق المحور الاساسي للموضوع فأنا أطالب السادة المشرفين بحذفها عشان الموضوع ميكبرش ويتفرع كتير انا استخدمت القصة ده كمثال توضيحي إننا ممكن نتخلى عن حاجة مؤقتاً ظاهرياً قدام الناس إننا قليلين بس حتفيدنا بعدين أشكر لك تعقيبك واهتمامك
__________________
It was over 3 years since my last visit |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:59 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
