وأخيرا بعد طول انتظار الشهادات المعادلة .

[el-shenawy]

السلام عليكم ورحمة الله جميعا .
اخيرا بقالنا شهر بنترقب اليوم الثلاثاء ظهرت نتيجة الشهادات المعادلة .
في ناس مبوسطة وناس زعلانة .
اللي دخل اللي نفسه فيه الف مبروك ليه .
واللي دخل كلية مش عجباه يحول ينسى ويفكر في اللي جاي يمكن يكون احسن من غيره .
واعلموا جميعا انا الخيرة فيما اختاره الله .
شاركوني بتعليقاتكم .
والف مبروك للناجحين .

[el-shenawy]

ممكن كل واحد يدخل يقول رأيه في نتيجته .
ويقول هو واخد شهادته منين وكان جايب كام .
ودخل ايه .

[el-shenawy]

ابتدي بنفسي .
انا مصطفى .
وكنت واخد شهادتي من سلطنة عمان .
وكنت جايب 91 وكان نفسي ادخل صيدلة .
بس الحمد لله على اللي يجيبوا ربنا .
دخلت هندسة المنصورة في النهاية .

[el-shenawy]

فين الردود يا جماعة .

[soso2025]

طمنوني يا جماعه التنسيق عالى وللا ايه ؟
هندسه خدتت من كام ؟

[el-shenawy]

اهلا يا سوسو وشكرا على مشاركتك .
هندسة خدت من سلطنة عمان من 90% كحد أدنى .

[soso2025]

طيب متعرفش السعوديه واخده كام ؟

[el-shenawy]

هنسة كحد أدنى بنات 387.506
وبنين 393.54875

[el-shenawy]

شكرا لجميع من مروا على الموضوع .
لكن 50 واحد دخلوا بدون ما حد يترك رد او تعليق .

[soso2025]

المشاركة الأصلية كتبت بواسطة el-shenawy

هنسة كحد أدنى بنات 387.506
وبنين 393.54875

دا للي جايين من السعوديه ؟

[soso2025]

يعنى الحد الادنى ليهم 95.9%

[el-shenawy]

اه دول للجايين من السعودية .
وتقريبا هود ده الحد الأدنى لهم .

[رنــــا]

أنا أخدت شهادتي من سلطنة عمان

مجموعي 96.2 %

الحمد لله طلع لي طب سوهاج

و لكني من إسكندرية .. و سوهاج بعيدة

مبرووك للي طلع له رغبته الأولى

و ربنا يعيننا

[el-shenawy]

اهلا بيكي يا رنا .
والف مبروووووك .
على فكرة انا على حسب ما اعرف انت التحويل سهل بس بتروحي تسحبي ملفك من الكلية بسوهاج وتحولي .
وبالتوفيق.

[nanos-12]

طيب اانا عايزة احول لخاص

ازااااااى دة بقى ؟