|
||||||
| حى على الفلاح موضوعات و حوارات و مقالات إسلامية |
 |
|
|
أدوات الموضوع | انواع عرض الموضوع |
|
#1
06-09-2009, 04:28 PM
|
||||
|
||||
اياك تسرح و انت بتصلي ......
بسم الله الرحمن الرحيم إستووا.. إعتدلوا.. إستقيموا يرحمكم الله الله أكبر الله أكبر ركز بأه في الصلاة وبلاش تسرح طيب خلاص  ، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيهالله أكبر ركز يا اخي ، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيلسمع الله لمن حمده ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان الله أكبر هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي،أستغفر الله الله اكبر أهوه أنا مركز أهوه، إنظر لمكان السجود وركز في الأيات اللي بيقولها الإمام الله أكبر الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ ... شفت أهوه إنت رجعت تسرح تاني الله أكبر هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد الله أكبر أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم الله أكبر السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي فتره مانضفتوش الله أكبر الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله الله أكبر فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟ بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل . . . . الله أكبر الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك السلام عليكم ورحمة الله السلام عليكم ورحمة الله إيه هيا الصلاة خلصت ؟  السلام عليكم ورحمة الله السلام عليكم ورحمة الله أستغفر الله العظيم  !!!!! منقول بصراحــة هذا حال أكثرنا ,, والله المستعان لكن سأعقب بذكر أحد الطرق المجربة لزيادة الخشوع في الصلاة ألا وهو الإعداد الروحي بمعنى لو أتيت المسجد لصلاة العصر مثلا تنزل مبكرا لسماع الأذان وترديده ثم صلاة ركعتي تحية المسجد والسنة الراتبة ثم الدعاء وسؤال الله الخشوع بصدق ثم قراءة آيات من القرآن بهذا تكون استعددت مسألة الخشوع مهمة جدا أسأل الله أن يزيدنا خشوعا وأن يرزقنا علما نافعا وعملا متقبلا وقلبا خاشعا ولسانا ذاكرا وعينا باكية آخر تعديل بواسطة Dr/sooma ، 06-09-2009 الساعة 08:52 PM 
|
|
#2
06-09-2009, 04:50 PM
|
||||
|
||||
ههههههههههههههه
حرام عليكي انا داخل الموضوع جري والله اتفزعت بحسب انا عملت حاجة غلط كتبت موضوع كده ولا كده ولا ردييت بكده ولا كده بس على العموم موضوعك جميييل خالص
__________________
وصال - عربسات / 11585 وصال - عرب سات / 11013 وصال - نيل سات / 10949 صفا - نيل سات / 10757 صفا - عرب سات / 11013 قناة الحكمة 10992 رأسي آخر تعديل بواسطة DR/ AHMAD ، 06-09-2009 الساعة 04:57 PM
|
|
#5
07-09-2009, 05:05 PM
|
||||
|
||||
|
ايه يا دكتور سوما الحلاوة دي امال حارمانا م الجمال ده كله ليه
موضوعك اسلوبة لذيذ اوي يا سكر يارب يجعله ف ميزان حسناتك
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#6
07-09-2009, 07:48 PM
|
||||
|
||||
اقتباس:
انتي بتحرجيني بذوقك والله  ان شاء الله في مواضيع تانيه قريب وشكرا على مرورك
|
|
#7
07-09-2009, 08:20 PM
|
||||
|
||||
|
الله عليكي يا دكتور سوما الكلام دة جميل خالص انشاء الله هحاول اركز في الصلاة تاني
وجزاكي الله خيرا
|
|
#8
07-09-2009, 08:43 PM
|
||||
|
||||
|
اقتباس:
نورتي الموضوع يا حبيبة رسول الله
|
|
#9
29-08-2010, 05:07 AM
|
||||
|
||||
__________________
       تحيــــاتي وتقــديري للجمــــيع   <CENTER></CENTER><CENTER></CENTER>
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:13 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
