الكشف الطبى تجاره المنصوره

طالبه ثانويه · #1 02-09-2009, 03:57 AM

لو سمحتى هو الكشف الطبى ده لازم يكون قبل الدراسه ولا ممكن ايام الدراسه واحنا كان متحددلنا انه يوم 1\9 و 2\9 وانا روحت امبارح بس المشكله قالولى ان الطوابع خلصت ولفينا الجامعه عليها ومالقيناش

فايريت اللى يعرف يقولى اروح امتى تانى وينفع اروح ف يوم مش لتجاره ولا اروح مع المحولين

وهل الكشف ده ضرورى ولا ملهوش لازمه ياريت حد يفيدنى

antoo · #2 02-09-2009, 05:53 AM

ايه ده بقى

انا بتاعه شؤن الطلبه دى مجابتليش سيره كشف طبى خالص والله وقالتلى تعالى على الدراسه هى بتشتغلنى ولا ايه

طالبه ثانويه · #3 02-09-2009, 07:29 AM

انتى جامعه المنصوره الكشف الطبى يوم 1\9 و2\9 ولو حد متاكد يقولنا ينفع ايام الدراسه ولا لاء

Spring_Rose · #4 02-09-2009, 11:03 AM

اساسا احنا روحنا لفينا بس لقينا الطوابع ف حقوق الحمد لله وكان فاضل ف علوم كمان وكان موجود فى هندسه بس مرضوش يدونا من عندهم
اه ينفع تكشفى ف الدراسه بس احسنلك تروحى قبلها عشان ميهبلوكيش ويقولولك ورقك ناقص
هما مكشفوش الدكتوره قالتلى انا متأكده ان سنانك حلوه وبس خدت الورقه وخلاص
والحمدلله عدت
بس انصحك انك تروحى قبل الدراسه

kh.nofal · #5 02-09-2009, 11:07 AM

يا جماعه الطوابع موجوده
انا كنت هناك اليوم 2\9
وجبت طوابع بس وقفت فى طابور طويل كعادة تجارة المنصوره
هو كنتى ممكن تروحى مع اى كليه تانيه الايام اللى فاتت
بس تقريبا احنا اخر ناس لان المجموعه الطبيه وهندسه وعلوم خلصوا
هو فى ناس بتقول ملوش لزمه بس روحى وخلاص انتى خسرانه ايه وان شاء الله تلاقى طوابع

طالبه ثانويه · #6 02-09-2009, 02:07 PM

طيب يا جماعه هوه الكشف لغايه يوم 7\9 لسه تقريبا حقوق ينفع اروح معاهم ولا ايييييييييه
ارجو الرد بسسسسسسسسسرعه

طالبه ثانويه · #7 02-09-2009, 02:11 PM

اخر يوم الاحد بس لحقوق ينفع اروح معاهم ولا ايييييييييه

ياريت حد يقولى بسرعه

kh.nofal · #8 02-09-2009, 04:44 PM

عادى فى ناس معايا فى تجاره كاشفين مع علوم
بس ياريت يكون بسرعه يكون افضل

زملكاوى للأبد · #9 02-09-2009, 04:54 PM

أنا معرفش انت ممكن تروحى مع بتوع حقوق ولا لا بس فى ميعاد لى اللى مرحوش الكشف الطبى من كل الكليات يوم 16-9 و بالنسبه للطوابع أنا روحت امبارح و كل اما أسأل فى كليه يقولوا مفيش لحد اما وصلت لكلية تربيه بتاع شئون الطلبه سألتنى انت فى كلية ايه قولتلها تجاره قالتلى روح هات من كليتك لأن الطوابع اللى هنا بتاع تربيه بس قولتها هما بيقولوا انها خلصت قالتلى روح لعميد الكليه قوله قولتلها كل ده علشان طابعين و الأخر اعطيتنى بس أحسن حاجه فى تربيه ان مكانش فيه زحمه زى ما كانت عند حقوق

عمرو ع · #10 02-09-2009, 05:23 PM

انا انصحك انك متروحيش اصلا الكشف دا مش مهم الدكتوره بتقعد تقول للطلبه عدى عدى عدى يا ابنى ولا بتكشف اصلا

اسلام66 · #11 02-09-2009, 05:47 PM

الكشف الطبى دا يا جماعة والله ملهوش لازمه انا روحت انهارده 2/9 ممرضه بتقولى بتلبس نظاره قولت لها لا ...
عملت عمليات برضه لا وعدددددددددددددددددددددددددى....
وعلى العموم لو عاوزين تعرفوا مواعيد الكشف الطبى ادخلوا على الرابط ده
http://www.mans.eun.eg/

Spring_Rose · #12 02-09-2009, 11:51 PM

اتوكلى ع الله وروحى يا حبيبتى قبل الدراسه
وان شاء الله ربنا هيسهلك

طالبه ثانويه · #13 03-09-2009, 01:03 AM

ربنا يخليكوااااا يا ااجدع ناس اصل المشكله انى مش من المنصوره ومش عاوزه اروح المشوار ع الفاضى ف الحر والصيام ده

ان شاء الله هاروح

GeNeRaL MB · #14 03-09-2009, 02:30 AM

ana fakr an el kashf el teby dah kan ay kalam fe ay kalam
msh 3arf ba2a byhtamw now 3alshan el enfelwanza or not

سمر مسعد · #15 03-09-2009, 06:30 AM

عادى جدا الكشف الطبى ده وممكن مترحهوش انا سمعت ان هو لغايه 7/9