سوال خاص بطلبة تجارة

[شمس الصعيد]

السلام عليكم ده اول موضوع اكتبه فى قسم تجارة ومعرفش ان كان الموضوع ده حد طرحه قبل كده ولا لا. انا حبيت اسال كل الموجودين قى القسم بما انكم كلكم تجارة منهم عربى ومنهم انجليزى انتم داخلين تجارة عن اقتناع ولا مجموع والسلام ولما دخلته الكلية حبيته الكلية ولا لا وفكرته فى مجالات الشغل ولا كارهين الكلية ومش بتفكره فى اى حاجة تخصها واهى شهادة والسلام ياريت كل واحد يتكلم عن القسم الخاص بيه على فكرة انا تجارة انجليزى وبصراحة انا دخلتها كده والسلام بس بعدين حبيت الكلية واقتنعت بها وانا اسفة على الاطالة

[زملكاوى للأبد]

أنا كنت داخل تربيه على أساس مجموعى لكن فى ناس قالتلى ان تجاره مستقبلها أحسن فحولت تجاره مع انى مش مقتنع بتربيه ولا تجاره أى كليه و خلاص

[زملكاوى للأبد]

بس ياريت تبقى تكبر الخط شويه

[طالبه ثانويه]

انا كنت ممكن ادخل سياسه واقتصاد بس كله قالى تجاره انجليزى احسن وليا اصحاب عملوا زيى بردو وربنا يوفقنا كلنا

[شمس الصعيد]

مش مقتنع بتربيه ولا تجاره أى كليه و خلاص

انا قصدى ازاى حد ممكن يدخل كلية وهو مش مقتنع بيها وعايز ينجح وعلى اى اساس مبنى عدم الاقتناع

[زملكاوى للأبد]

المشاركة الأصلية كتبت بواسطة شمس الصعيد

مش مقتنع بتربيه ولا تجاره أى كليه و خلاص

انا قصدى ازاى حد ممكن يدخل كلية وهو مش مقتنع بيها وعايز ينجح وعلى اى اساس مبنى عدم الاقتناع

انا مش مقتنع بتربيه لأن قالولى ان ملهاش مستقبل و حولت تجاره على أساس زى ما قالولى مستقبلها احسن من تربيه مع انى مش مقتنع بها ازاى يبقى مستقبلها احسن و مجموعها من 85% و غير كمان لو واحد مش فاهم بيفكر ان التجاره دى بيدخلها اللى مجاميعهم قليله مفكرينها زى زراعه كده بالظبط و ده اللى حصل لما واحد كان بيسألنى دخلت كلية ايه قولتله تجاره قالى يبقى احمد احسن منك دخل حقوق ههههه أما بالنسبه للنجاح ده انت كده أو كده بتذاكر مش لازم تكون مقتنع باللى تدرسه

[princess bosy]

انا بالنسبالي انا دخلاها وانا بكرهها اخر كليه كانت في دماغي ومش بحب الدراسه بتاعتها ولا طيقاها اصلا علي العلم اني علمي رياضه وبحب الرياضه بس معتقدش ان دراسة التجاره هي الرياضه اللي انا بحبها كلها حسابات وحاجات تخنق كمان كان نفسي ادخل كليه عمليه شغلها عملي مش نظري

[GAMALEWEES]

والله كنت حاطة فى دماغى من سنة تانية ثانوى انى يا اما هدخل اثار و دى كانت رغبتى الاولى و بعد كدة تجارة انجلش
بس الحمد لله جاتلى اثار قنا و طبعا انا مش عبيطة اروح قنا ففضلت تجارة انجلش
و طبعا كنت لاغية من حساباتى التربية و الكلام الفارغ دة
يعنى انا داخلة تجارة تقريبا عن اقتناع مش غصب عنى و ربنا يوفقنى و يوفقكم فيها باذن الله
دمتم فى رعاية الله

[زملكاوى للأبد]

المشاركة الأصلية كتبت بواسطة princess bosy

انا بالنسبالي انا دخلاها وانا بكرهها اخر كليه كانت في دماغي ومش بحب الدراسه بتاعتها ولا طيقاها اصلا علي العلم اني علمي رياضه وبحب الرياضه بس معتقدش ان دراسة التجاره هي الرياضه اللي انا بحبها كلها حسابات وحاجات تخنق كمان كان نفسي ادخل كليه عمليه شغلها عملي مش نظري

فى ناس زيك كتير بس الواحد ميعرفش ايه اللى هيحصل فى المستقبل ممكن تبقى انسب كليه

[زملكاوى للأبد]

المشاركة الأصلية كتبت بواسطة gamalewees

والله كنت حاطة فى دماغى من سنة تانية ثانوى انى يا اما هدخل اثار و دى كانت رغبتى الاولى و بعد كدة تجارة انجلش
بس الحمد لله جاتلى اثار قنا و طبعا انا مش عبيطة اروح قنا ففضلت تجارة انجلش
و طبعا كنت لاغية من حساباتى التربية و الكلام الفارغ دة
يعنى انا داخلة تجارة تقريبا عن اقتناع مش غصب عنى و ربنا يوفقنى و يوفقكم فيها باذن الله
دمتم فى رعاية الله

و يا ترى ايه عاجبك فى اثار انا جايب 92.5 % يعنى ممكن كنت ادخل اثار بس على ما أظن ان معلهاش طلب بس كل واحد له وجهة نظر طبعا

[hsasanSTAR]

ياجماعة الايام اللي احنا فيها دي .....كل واحد عايز يضمن وظيفة محترمة بمرتب محترم ومعروف اللي هايدخل تجارة ويتجدعن فيها
ويجيب تقدير كويس هيلاقي شغل.......انمابعد التربية هتبقي مدرس؟؟مووووووووووووووووووووووووت ياحمااااااااااااااااار

[Yehemak_Fe_Eh]

انا دخلت تجارة انجلش عين شمس وانا داخلاها عن اقتناع تام انا كنت كاتباها رغبة تانية بعد حاسبات بس حاسبات فرقت معايا على 1% يللا محدش يعرف الخير فين وسمعت من ناس كتيييييييييير ان تجارة انجلش صعبة موت بس بصراحة مستقبلها جامد جداااااااااااااااااا .على فكرة انا كنت علمى رياضة ومجموعى اكبر من تجارة بكتيير بس انا داخلة الكلية دى وانا فعلا حباها اوى ونفسى اتفوق فيها . بس فعلا زى ما قال زملكاوى معظم الناس فاكرة ان كلية تجارة دى كلية اللى جايبين مجموع قليل نظرة المجتمع اصلا لكلية تجارة بصراحة مش عاجبانى خالص علشان كده عايزة اتفوق فى الكلية واشتغل فى مكان كويس علشان كل اللى قالى ان تجارة وحشة وكده يغير رايه.
وربنا معانا ويوفقنا كلنا
معلش طولت عليكوا اوى

[الأميـرمحمد]

انا من زماااااااااان نفسي في تجارة والحمد لله دخلتها
وبصراحة احسن كليلت الادبي بالنسبة لي ( اقتصاد _ تجارة )

[زملكاوى للأبد]

المشاركة الأصلية كتبت بواسطة hsasanstar

ياجماعة الايام اللي احنا فيها دي .....كل واحد عايز يضمن وظيفة محترمة بمرتب محترم

فعلا الواحد عاوز كده بس

[زملكاوى للأبد]

المشاركة الأصلية كتبت بواسطة yehemak_fe_eh

انا دخلت تجارة انجلش عين شمس وانا داخلاها عن اقتناع تام انا كنت كاتباها رغبة تانية بعد حاسبات بس حاسبات فرقت معايا على 1% يللا محدش يعرف الخير فين وسمعت من ناس كتيييييييييير ان تجارة انجلش صعبة موت بس بصراحة مستقبلها جامد جداااااااااااااااااا .على فكرة انا كنت علمى رياضة ومجموعى اكبر من تجارة بكتيير بس انا داخلة الكلية دى وانا فعلا حباها اوى ونفسى اتفوق فيها . بس فعلا زى ما قال زملكاوى معظم الناس فاكرة ان كلية تجارة دى كلية اللى جايبين مجموع قليل نظرة المجتمع اصلا لكلية تجارة بصراحة مش عاجبانى خالص علشان كده عايزة اتفوق فى الكلية واشتغل فى مكان كويس علشان كل اللى قالى ان تجارة وحشة وكده يغير رايه.
وربنا معانا ويوفقنا كلنا
معلش طولت عليكوا اوى

ممكن ميبقاش اقتناع تام قوى لأنك كنت كاتبه أول رغبه حاسبات ولو كنت دخلتيها مش هتبصى لتجاره دى