|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
22-08-2009, 08:57 PM
|
||||
|
||||
كرهت الحوار بسببك يا بابا
انا السنادي بإذن الله رايحه اولى جامعه ولله الحمد لحد دلوقت مش عارفه انا داخله فين اصل تنسيقي مرحله 3 لاني ف 3 ثانوي مجموعي نزل انا علمي رياضه ف 2 كنت جايبه مجموع وحش )80( وف 3 بسبب مرض امي بالكانسر ومشاكل كتير من صنع الاستاذ بابا جبت 71 مع العلم اني من الفائقات بس الظروف واخدت مراكز كتير جدا ف مسابقات الرياضيات واكتر من مسابقه ع مستوى الجمهوريه بس هو كان عاوزني زيه ادبي وانا مليش ف الادبي خاااااااااااااالص وكنت من المتفوقين بس الظروف ف الثانوي هي اللي قدرتلي ده ورضيت والحمد لله المهم اول م ظهرت النتيجه والتنسيق بدأ يتخانق ويقوللي انتي عاصيه مش بتحترميني وعايزه تدخلي علمي ومتكبره عايزني ادخل تربيه بالعافيه وانا مش حباها وفاكرني متكبره عليها لانه فيها والاستاذ عايزني ادخل اي كليه اشتغل ع طول منها اول م اتخرج مش مهم ايه الكليه المهم عنده الراتب وبدأ يخترعلي حاجات مستفزه مش مجالي ويقوللي انتي فاشله ومليش حق يكون عندك طموح او تحلمي كان عايز يدخلني ف الاول خالص انتساب وافضل 4 سنين انتساب ونسافر انا وهو بيس ع الامتحانات وهو اللي يسافر يجيبلي الكتب انا مش قادره اتحمل اقعد 4 سنين ف البيت بعد فتره لقيته راجع يقوللي انا اللي هنسقلك مش انتي اوعي تنسقي من غيري لانك هتشوفي نفسك ف الكليات وانتي ولا حجاجه وكلامي هو اللي هيمشي راح كاتب اول رغبه معهد كومبيوتر ف محافظتي خاص استغربت جدا انه هيدخلني خاص بس اتاريه بيسمع كلام صاحبه حبيبه عشان بنته كانت ف المعهد ده واكتشفت منها انه معهد فاشل وتجاري مش للكومبيوتر حاولت اقنعه بمنحه ف جامعه خاصه رفض ومحبش اساسا يسمعني بيقوللي انتي شايفه نفسك ع ايه والمنحه لو م جبتيش امتياز هتروح منك وانا هتدبس ف مصاريفك ولأ هقعدك ف البيت ساعتها احسن لانك م الاول فاشله بعد فتره رحنا لعمتي لانها جت م السفر وهي اقنعته بالمنحه راح كلم لجنه المنح ووسايط عشان المنحه تفشل وطلعتلي منحه ب 25 ف الميه طبعا رفض وقاللي احسن المنحه راحت وقعد يضحك ومبسوط ع الاخر وقاللي انه استحاله يخليني اطلع بره المحافظه حتى لو عند جدتي ف القاهره او عمتي هناك ولو جتلي جامعه انتظام هيخليني ف البيت لحد م يلاقي طريقه عشان يجيبلي انتساب لانه زمان كان انتظام وبالواسطه بقى انتساب وعايزني اقعد ف البيت يا إما ادخل زراعه خاصه هنا ف المحافظه عشان هو عارف ناس هتعينني اول م اتخرج وانا مش عايزه زراعه مش حباها ابدا ولو دخلت اي حاجه هو عايزها والله هفشل نفسي عشان اريحه لاني كرهت اسلوبه المتسلط ده معقول في كده انا عمري م شفت اب يكره الخير لبنته ويقوللي انتي ولا حاجه من غيري وشايف نفسه الناس كلها بتبوس رجله لمجرد انه مرتين قال خطبه ف جامع جمبينا انا فعلا بكرهه الله يخليكوا قولولي اعمل ايه مع بني ادم زي ده حتى الكلمه رافض يسمعها مني ع طوزل زعيق وشتايم وشخت انا بجد تعبت تعبت ومش عارفه اعمل ايه انا بكرهه
__________________
توقيع مخالف 
|
|
#2
22-08-2009, 09:38 PM
|
|||
|
|||
الأب عمره ما يكره لأولاده الخير كل اب بيحب اولاده وحتي لو هو بيقسوا عليهم فدا عشان المصلحة وهو عنده تجارب في الحياه مش عندهم بعد لما بيقعوا في الغلط بيقولوا ياريتنا سمعنا الكلام من الاول تعالي نمسك الموضوع من الأول (1)انتي دخلتي علمي وجبتي 80 وباباكي قلك حولي وانت رفضتي مع انه كان خايف عليكي وعايزك تكوني احسن الناس ومش أخذتي بنصحته وجبتي 70 لما دخلتي رياضة المشكلة مش في درجتك هو دا نصيبك الحمدلله ع كل حاجة مفروض تقولي كدا المشكلة الحقيقة انك بتكرهي باباكي ... لانه بيقلك يافاشلة مع اني شايف انها عادية ويمكن بيقلك كدا عشان تستفزك وتعملي حاجة وكدا وبسببك كراهيتك لولدك خلاكي مش قبله منه حاجة صدقيني ميفعش ابدا تكرهي ولدك عشان اسباب زي دي هو عارف مصلحتك اكثر منك صفي قلبك من ناحيته وروحي اقنعيه بوجه نظرك وكلميه بهدوء وفي وقت هو سعيد فيه وبحترام شديد وشوف هو بيحب ايه وقدمه له عشان تقدري تستحوزي ع قلبه عشان يسمع كلامك طول ما فيه حاجز بين وبين ابوكي عمرك ما هتتقدمي خطوة واحدة ع فكرة تربية مش قليله زي ما انت فاكرة دي بتأخذ من مجموع عالي ع العموم ربنا يوفقك واللي فيه الاصلح هتشوفيه
__________________
والحب له قوانين آخري..!
|
|
#3
22-08-2009, 09:47 PM
|
||||
|
||||
|
اهدى كدة يا حبيبتى و تعالى نفكر مع بعض
اكيد مفيش اب فى الدنيا بيكره بنته مهما كان السبب بس طريقة معاملة باباكى معاكى فيها شوية حاجات غريبة يعنى ممكن تتفسر انه خايف عليك جداً او مش عايزيك تتعرضى لجو الجامعة لسبب ما ممكن تكونى انتى مش عارفة يعنى مثلاً لما كان هو فى الجامعة حصل موقف مش كويس مع بنت من اللى كانوا معاه فى الكلية و مش قادر ينسى الموقف ده و مش الكلام ده يحصل معاكى و اكيد مش حيبقى بيغير منك بتقيلى صعب اوى الاحتمال ده و لو سمحتى انا عندى كام سؤال عشان افهم اكتر : 1- انتى قولتى انك جابتى مجموع وحش فى تانيه طب ايه السبب بابكى و لا حاجة تانية ؟ 2- انتى قولتى ان مامتك عنده الكنسر ( ربنا يشفيها ان شاء الله ) طب هى حالتها ايه دلوقتى و رايها ايه فى اللى بيحصل ؟ 3- انتى عندك اخوات و لا انتى الوحيدة ؟ 4- انتى قولتى انه عايزك تشتغلى اول ما تخلصى هل ده بسبب الظروف المالية و لا ايه ؟ لو مش عايزة تجاوبى على الاسئلة يبقى و لا كانك شايفها 
__________________
الأختلاف فى الرأى لا يفسد للود قضية
|
|
#4
22-08-2009, 10:10 PM
|
||||
|
||||
|
اقتباس:
اولا الشخص اللي بتتكلمي عنو دا معلش مهما حصل منو فدا هو والدك مش واحد غريب وهو مش قاصد انو اساسا يدمر مستقبلك زي منتي متصوره بس هو خوف زياده عليكي ولو سمعتي حد غريب بيتكلم عنو مش كويس هتدايقي ومش هتسمحيلو يتكلم عليه ب الشكل كدا ودا لانك بردو انتي بتحبيه وهو نفس النظام بيحبك ثانيا ممكن الخوف الزياده اللي بنشوفه من بعض الاباء او الامهات بيكون احيانا زياده اوي عن اللزوم لانو هو خوفو دا مصدرو انو فاكرك لسه صغيره ومش هتعرفي مصلحتك فين اكتر ما هو عارف ,وبالتالي مش بيخليكي تقرري اي حاجه لانك ممكن في رائيو رايك يضيعك علشان انتي مش هتفهمي زي ماهو فاهم ثالثا ياريت تغيري خالص طريقة حوارك معاه وتخليكي معاه في كل حاجه لانو العناد بيكون بعناد اكتر ومشاكل اكبر ,ولما هايلاقيكي بتسمعي كلامو اساسا نظرتو ليكي هتتغير خالص وبالتالي انتي ممكن تقعدي معاه بعدين في لحظه صفا وتتكلمي معاه بهدوء وتفهميه وتوريلو انتي كان نفسك تعملي ايه ووجهة نظرك في الحاجه دي اللي كنتي عوزاها وهو مش موافقك فيها.اشرحليو الفرق ما بين دي ودي وقوليلو في الاخر انك معاه بردو في اي حاجه هايعملها لان رائيو هو الاول والاخير وانك متقدريش تعملي حاجه هو مش راضي عنها او مش موافق عليها رابعا اتأكدي انو والدك عمرو ما هايكرهك زي مقلتلك لانو في الاول والاخر اساسا كل همو في الدنيا انو يشوفك احسن واحده ويريت تخلي علاقتك معاه مش مجرد اب وبنته وانما اصحاب واصدقاء . وافتكري (عسي ان تكرهو شيئا وهو خير لكم) تحياتي ليكي عبدالله
__________________
 Played and the death of the mind 3apdallah
|
|
#5
22-08-2009, 10:20 PM
|
||||
|
||||
|
اقتباس:
اولا انا مشكوره جدا للردود يا جماعه ثانيا هو بيكره يسمع اي رأي غير نفسه لان بباه كان شيخ عشان كده شايف نفسه عالم ودايما يقوللي كل الناس بتاخد برأيي انا انا الكل ف الكل ووالدي فقيد الامه الاسلاميه وانتي عاصيه مش زيينا كل ده لاني عايزه اعيش زي م انا بختار سواء مجال الدراسه او العمل مش زييه هو مجبر ع العييشه دي لانه يستاهلها كسول بس انا مش كده ابدا وعمري م هبقى زييه غير كده وانا ف علمي دايما كان يقوللي يا باشمهندسه اول م طلعت الدرجه قعد يشتم ويقوللي انا طلعت عمتك من هندسه وكسرت كل قلامها وكراريسها وعمري م كنت هقبل انك تخشي هندسه حتى لو جتلك وكنتي جايبه 99.9 لاني اصلا مش هشغلك مهندسه نفسي افهم لو هو رافض الهندسه ليه م الاول كان موافق وبعد كده قاللي انتي عاصيبه كملتي علمي لو كنتي سمعتي كلامي ودخلتي ادبي كان زمانك ف اعلام زي م كلمت ناس لجيراننا ف اعلام القاهره واول م قدمت ع المنحه بعد م وافق ف اعلام وهو رفضهالي قاللي اعهلام وسطها زباله وعمري م كنت هشغلك بيها ومش هرضى عنك انتي عاصيه انا نفسي افهم البني ادم ده عايز ايه انا بجد نفسيتي اتدمرت بسببه بكرهه والله بكرهه وبعد نم المنحه راحجت قاعد يضحك ومبسوط ف البيت وعايش حياته ويقوللي ان ربنا م جابش المنحه ليكي بسببي لان انا مش عايزو عشان تشوفي مكانتي عنده وتعرفي قيمه ابوكي وم تعصيهوش لو ع رقبتك لو طموحك حاجه وانا عايز حاجه كلامي انا اللي هيمشي لان انا رب البيت مع ان قدامي فرصه اني اروح اكلم العميد عشان يديني المنحه هو قعد يهزقني وقاللي انتي ولا حاجه ومتشعبطه ف اوهام اعرفي قدر نفسك وشتايم وكلام بجد مش قادره اتحمله والله والله والله الناهرده كنت هسيبله البيت انا فمدرستي فصل واحد علمي رياضه كلهم مهعد هندسي و2 الجامعه الخاصه اللي كنت هقدم فيها بس ال2 دول قدموا هندسه وانا الوحيده اللي اعلام وكنت اقل واحده كمان م جتليش اعلام وانا كنت اشطر واحده ف الفصل والله كنت بشرح للبنات والله كمان مره والاساتذه كانت تقوللي لولا ظروفك دي انتي الاولى ع المحافظه ف الرياضيات والفيزيا والكيميا وف اعلام واحده انا كنت بعلمها ف المسابقات اللي تبع الاعلام اللي كنت بشترك فيها خدت منحه مجانيه لان بباها واقف معاها وكلملها ناس مش انا بروح لوحدي الجامعه واسأل وماما معايا وهي كمان مش فاهمه زيي وهو عارف كل حاجه وسايبنا كده انا اشتركت قبل كده ف برامج ف الاذاعه هنا وهو كان بيشجعني لانه حاول كذا مره ف مجال الاعلام وفشل اول م فشل كره الاعلام وقاللي من 94 الناس م اتعينتش انتي يا مفعوصه هتتعيني حتى لو كنتي موهوبه طز مش هتلاقي تعيين قلتله انت عارف مذاكرتي ممكن اكون معيده وده فعلا طموحي قعد يهزأ ويقوللي ملعون ابو الطموح انتي ولا حاجه انا والله اتدمرت بسببه قولولي بالله عليكوا اعمل ايه انا والله بموت
|
|
#6
22-08-2009, 10:24 PM
|
||||
|
||||
|
يا جماعه انا والله حاولت اتكلم معاه
حتى لو ف قعده صفا بس والله انا عمري م عاندته حتى ف الموضوع ده دايما بقوله صح يا بابا كلامك صح يا حبيبي بس انا نفسي............ اول م بيسمع نفسيي بيقاطعني ويبدأ يتخانق ويزعق ويقوللي مش عايز طموح ف البيت ده اعمل ايه يعني اتكلم مع مين ولا اشكي لمين انا بجد تعبت عمره م سمعني ابدا ولا حتى خلاني اكمل بقيه كلامي دايما بيهاجمني ويزعق ويتخانق من قبل م يسمعني والله
__________________
توقيع مخالف
|
|
#7
23-08-2009, 01:03 AM
|
||||
|
||||
|
بجد مش عارفة اقولك ايه
اولا مينفعش تتكلمي ع باباكي بالاسلوب ده لان مهما عمل هو باباكي ثانيا ناخد الموضوع واحده واحده انتي بتقولي هو عايز يدخلك كلية تشغلك ع طول ليه يعني هياخد مثلا فلوسك طبعا لاء ده عايز يوفرلك عيشة كويسة دي اول حاجة تاني حاجة مش عايزك تطلعي برة المحافظة عشان يحبسك جنبه يعني لاء طبعا بردو عشان خايف عليكي انتي لو هو بيكرهك فعلا زي ماتقولي كنتي مفرقتيش معاه بصي ف كل اللي بيعمله باباكي معاكي انا مش شايفاه غلطان اب عادي جدا عندي واحده قريبتي كانت عايزة تقدم ف منحه للجامعه الامريكية ومش وافقو لمجرد انهم خايفين عليها انها تحتك بطلاب الجامعه دي سبب مش مقنه ابدا ومع ذلك وافقت ودخلت كلية اختاروها اهلها واتبسطت بيها بعد كده بصي كل اب بيحب مصلحه ولاده بس كل واحد وله طريقته اللي بيتعامل بيها انتي عشان مش بتحبيه واخده كل كلامه بسوء نيه حاولي تتقبلي الامر والواقع وتبصي لباباكي من جانب كويس وتفكري ف الحلو اللي عمله معاكي كفاية وده ابسط ابسط مثال انه جايبلك النت ومش مراقبك وشايفك وانتي بتكتبي الموضوع ده في ناس مش كده اتفاهمي مع بابكي وعرفيه انتي زعلانه منه ف ايه بأدب طبعا اللي اختارهولك هو شايفه صح قوليله وجهه نظرك ف الحكاية دي وصلي استخاره ع الكلية واستغفري ربنا ع شعورك ناحيه بابكي وكلامك عليه حاولي تقربي منه تجيلبله هدية مثلا تعدي معاه وتتكلمي ف اي حاجة حاولي تتقبليه واهم حاجة فكري ان هو اللي وصلك لكده وخلاكي انتي اقتباس:
هو زعل عشان مدخلتيش الكلية اللي نفسك فيها و ع فكرة الكلام اللي بيقولهولك نهزيق عادي ف كل بيت ممكن عشان يحمسك وقت محتاجه فيه تشجيع _يسخنك يعني من وجهه نظره_ ممكن لحظة غضب وده والدك وله كل الحق عليكي استغفري ربنا وادعيله وحاولي بجد تقربي منه عشان اللي بتقوليه عليه ده كتير بجد ومتابعه معاكي لاخر الموضوع ان شاء الله
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله
|
|
#8
23-08-2009, 01:08 AM
|
||||
|
||||
بصى يا قمر مايصحش أبداً إننا نتكلم على بابا أو ماما كده ممكن يكون ده إندفاع من جواكى لطريقة معاملة والدك ليكى بس مفيش أب بيكره لبنته المستقبل الكويس هو بيحبك و عايز مصلحتك و طريقة تفكيره فى مستقبلك دى يمكن حاسس إنه هيقدر يفيدك و عارف مستقبلك أكتر منك دا خوف عليكى و على مصلحتك مش ضدها حاسس إن دى مصلحتك فحاولى مهما حصل من والدك بلاش تعصبى نفسك ولا تتكلمى عليه كده و حطى دايما فى بالك إنه بيحبك و عايز مصلحتك على فكرة علاقة الأب ببنته أكبر بكتير من المشاكل دى لعلمك انتى ممكن تدخلى اللى هو إختارهولك و ممكن تنجحى فيه و يكون ليكى مستقبل كويس بس انتى اللى بتعندى مع نفسك و مع والدك أنا عايزة أقولك حاجة دايماً أنا و بابا مختلفين فى رأى و فى الغالب بابا بينفذ اللى هو شايفه و دخلت عملى تحت ضغط شديد منه و من ماما و دخلت و أنا عارفة إنهم عارفين إن فيه مصلحتى و عملت زيك كده و بقيت عنيدة مع نفسى فضلت أقول مش بحب الكيميا مش عارفة أذاكرها و جبت درجات محترمة فى كل المواد و نقصت كتير اوى فى الكيميا مع إنى لو كنت أخدت الأمور ببساطة كنت هحقق أملهم فيا و بالرغم من كل ده إلا إنى بحب بابا و ماما جداً جداً و عمرى ما فكرت إنى أقول حتى و لو فى سرى إنى مش بحبهم بالنسبة لموضوع مستقبلك حاولى تكلمى حد قريب من والدك يقدر يقنعه برغبتك انتى و لو ماغيرش رأيه حاولى على قد ما تقدرى تشيلى من تفكيرك إن المجال اللى هتدرسيه مش ليكى بجد دى نصيحة والله و مش هتلاقى حد يقولهالك تانى .. ماتغلطيش غلطتى حبى المجال اللى هتدخليه و حاولى على قد ما تقدرى تتقبليه مش هقدر أقول أكتر من اللى إتقال و يا ريت تفكرى كويس فى رد جاست دريم و ربنا يكرمك و يوفقك فى أى مجال تدخليه و ربنا يهدينا أجمعين لما فيه الخير
__________________
إذا فقدت كل شىء و بقيت ثقتك بالله فإنك لم تفقد شيئاً
آخر تعديل بواسطة أسيل رزق ، 23-08-2009 الساعة 01:14 AM
|
|
#9
23-08-2009, 02:10 AM
|
||||
|
||||
|
بفرض ان الحاج عمو باباكى كان ابو لهب نفسه
مينفعش اسلوب الكلام ده ياباشا.. نهدى حبه كده ونتكلم بالعقل أنا أولاً رافضه موضوع ان يتقالك فاشله الى اخره من الحوارات دى ضد كده جداااا بس هنرجع ونبص كده الحاج باباكى ممكن بيعبر عن حبه بطريقه غلط انتى عارفه يا جميل لما تكونى قاعده فى المطبخ وقاعده بتاكلى مكرونه تتطلعى وشك عامل زى القطه اللى واكله عيالها -طبعاً انا مش مهيسه انا بتكلم بجد - الجمله دى بتتكلم عن حقيقه ان القطه لما بتخاف ع ولادها بتاكلهم بمعنى انها بتحطها فى بقها ع سبيل الحمايه ماعلينا نيجى للنقطه الاهم موضوع انك حاسه ان عمو بيحبطك فى الاف الامثله اللى كانت بتمر بنفس الظروف او ان الاب كان متعسف شويه عائشه عبد الرحمن باباها كان رافض فكره تعليمها ماريا مونتزرى اول طبيبه ايطاليه -ياما قرفتنا فى حفظ سيره حياتها- كان الحاج باباها رافض فكره تعليمها بردو وطبعا انا اللى ذكرتهم ظروفهم مكنتش احسن منك نهائي الفرق ان عندهم الثقه عندهم الهدف انتى مشكلتك ان هدفك من وجه نظرى انك تعاندى باباكى وبس وده اللى كان واضح من كلامك يبقى سيبك من تفكير الاطفال ونكبر بقى ونكبر نحط لنفسنا هدف ونحدد خطواتنا سيبك من بابا وحطى خلفيه فى دماغك مفيش اب بيكره ولاده فهمانى مفيش اب بيكره ولاده حطى هدف وحاولى تحققيه محتاجه حد يشجعك ربنا يخليلك ماما حتى لو والدتك مريضه بالكانسر -رربنا يشفيها باذن الله - وملحوظه مش شايفه انك بتبالغى لما قلتى ان باباكى هو السبب؟؟!! المرض ده من عند ربنا ابتلاء كونى مساعده لمامتك واستمدى منها الثقه والقوه والايمان بالله * بالنسبه لوالدتك وانا اسفه انى هتكلم فى الموضوع ده بس احنا بنرغى هنا وانا بحاول اساعدك لو حتى بالكلام اعتقد ان ده طلبك اولا واخرا كلنا هنموت انا وانتى ووالدتك ووالدتى انا كمان طريقه الموت مش مشكله هنا ده رايي المشكله كمان مش فى الموت نفسه المشكله دايما فى الحياه يا جميل خلى حياه مامتك احلى بيكى انتى واخواتك لو كان عندك وروها انها خلفت عيال زى العسل زيكم متكونيش سبب فى حزنها استحملى انتى لانك انتى اقوى دلوقتى انتى كبرتى معدتيش الطفله ظروفك نفسها بتفرض انك تكبرى فهمانى ؟ يلا صلى ع النبى كده وابدأى حياه صح باسلوب صح بقلب صافى بيحب ناس تعبوا عشانك اوى آخر تعديل بواسطة COoL HEaRT ، 23-08-2009 الساعة 02:14 AM
|
|
#10
23-08-2009, 02:45 AM
|
|||
|
|||
|
ليه كل ده بجد تعبت و انا بقرأ الموضوع
بصي يا قمر طبعا انا موافقة كل الاعضاء قالو حاجة جميلة جدا ان لو الاب و الام دول ايه مينفعش نسيء ليهم و لو بنص كلمة دول في ايديهم مفتاح الجنة و بعدين يا ستي مرة واحد من الصحابي راح لرسول الله ص و قاله ان مامته كافرة و مش راضية بالاسلام دايما و هي بتحاول تشوفني راح قايله حتى لو كافرة لازم تعمل واجبك معاها و تطيعها في كل حاجى "الا في معصية الله" و اكيد 100000000% بباكي مش بيكرهك ده بيحبك بس ممكن حبه يكون بتعبير خاص شوية يعني بيغيظك عشان انتي تعاندي مع نفسك و تكوني احسن مثلا انا بابا يجي شايفني تمام و مذاكرة و خلاص و يكون مبسوط فاجي وقت الريست الاقيه بيقولي شوفي فلانه بتعمل ايه و شوفي و شوفي بجد بكون مقهوووووووورة موت بس برجع اقول كل اب و ام بيكونوا عايزين ابنهم احسن واحد في الكون باختلاف التوضيح عن كدة او التعبير عن مدى الخوف و الحب حاولي انتي بس تهوني ع نفسك و تشيلي فكرة الكره دي من دماغك و ترجعي لربنا و تصلي ركعتين عشان يفك عنك الكرب و تدعي ربنا ان يهديكي و يهديه في رعاية الله
__________________
اعاتب دهرا لا يلين لعاتب .. و اخفي الجوى و الدمع فاضحي!!!
|
|
#11
23-08-2009, 03:13 AM
|
||||
|
||||
|
بصى يا حبيبتى لو الكلام ده صح ممكن يكون باباكى عنده عقدة نفسية او احساس بالنقص لان كل عياله بنات و فى نا س كتير شايفة ان البنات هم و ملهمش غير البيت
او ممكن يكون هو كان عايزك فعلاً تطلعى مهندسة بدليل ان سابك تدخلى علمى بس لما قل مجموعك فى تانية عمل كدة عشان متزعليش فحب يحسسك انك مكنتش حتتخليها مهما حصل و فى ناس بتستعمل الطريقة ديه بعدين فى حاجة انا حاسة من كلامك انه بيزعق و يشخط بس فى الاخر بيسيبك تعملى اللى انتى عايزه فممكن تدخلى الكلية اللى انتى عايزة و انتى قولتى ان انتى و مامتك بتروحوا اعلام عشان تقدموا فممكن تحاولى مع العميد زى ما قولتى و لو وافق معتقدش ان باباكى حيرفض كمان انتى لازم تتكلمى مع مامتك و تحاولى تعرفى السبب اللى مخليه كدة المفروض الشيخ اللى فى الجامع بيبقى عارف ربنا و مش بيتعامل وحش مع الناس و ان شاء الله يوافق على الكلية اللى انتى عايزاها
__________________
الأختلاف فى الرأى لا يفسد للود قضية
|
|
#12
23-08-2009, 08:22 AM
|
|||
|
|||
|
رأى إبراهيم بن أدهم رجلا مهموما فقال له: أيها الرجل إني أسألك عن ثلاث تجيبني قال الرجل: نعم . فقال له إبراهيم بن أدهم: أيجري في هذا الكون شئ لا يريده الله؟ قال : كلا قال إبراهيم : أفينقص من رزقك شئ قدره الله لك؟ قال: لا قال إبراهيم: أفينقص من أجلك لحظة كتبها الله في الحياة؟ قال: كلا فقال له إبراهيم بن أدهم: فعلام الهم إذن؟؟ ! لما تسمع قول رسول الله " إن عظم الجزاء مع عظم البلاء .. و إن الله تعالى إذا أحب قوما ابتلاهم .. فمن رضي فله الرضا , و من سخط فعليه السخط " و قوله : "فما يبرح البلاء بالعبد ، حتى يتركه يمشي على الأرض ما عليه خطيئة" و غيرها من الأحاديث الكثيرة في باب الابتلاء و المرض و نحوه , أنها تكفر الخطايا .... ببساطة خالص .. مين اللي ابتلاك ؟؟  الله عز و جل , طيب إذا كان ربنا بيقول "ألا يعلم من خلق و هو اللطيف الخبير" , يعني هو عارفك و عارف احتمالك و قدرتك قد ايه , و عارف انك تقدر تستحمل البلاء اللي انت فيه ده , لأن ده قدرك , و قدرك كبير يبقى البلاء كبير "يبتلى المرء على قدر دينه" و شوف نفس الحديث .. سبحان الله , في رواية منه " وإن كان في دينه رقة .. هُوِّن عليه " شوف رحمة ربنا , و اللفظ الجميل "هُوِّنَ عليه" سبحان الله "ألا يعلم من خلق و هو اللطيف الخبير" بلى و الله يعلم , يعني لو قلت , ياااااه ده أنا البلاء اللي أنا فيه ده من الفقر مثلا  , شديد قوي , أو مثلا أبويا خانقني في البيت  ***** أو مراتي معكننه علي عيشتي  , ده أنا لو كنت مكان زميلي فلان اللي يا دوب عنده فشل كلوي مثلا بس مراته "ست أميرة"  و لا حتى ياسيدي زي "مودي" اللي بيجي الكلية متنرفز لما "دادي" بتاعه ما بيرضاش يديله العربية .... كان زماني قادر أصبر !!!!عمرك يا زعيم , حتى لو انت مكان "سي مودي" ده , هو البلاء بتاعه "متفصل" على قده , هو مثلا ما عندوش دم , ما بيحبش العلاقات الأسرية , ما حدش بيهتم بيه في البيت و هو و لا همه  , انت مثلا لو كنت مكاته مع العربية و الكلام ده , بس ما كنتش هتستحمل الحاجات التانية اللي هو مستحملها  , لأنه كل واحد ربنا أعلم بيه و أعلم بما يُصلحه , يبقى كن واثق تمام الثقة , أن ما أنت فيه من بلاء أنت قادر عليه , و أن الله ما ابتلاك به إلا و هو يعلم مقدرتك على تحمله و إلا لكان هونه عليك كما في الحديث , فاحمد الله و اشكره .
__________________
|
|
#13
23-08-2009, 03:36 PM
|
||||
|
||||
|
اقتباس:
السلام عليكم ورحمة الله وبركاته ربنا يبارك فيكِ ويوفقك في حياتك الجديدة ويسعدك إن شاء الله تعالي نتكلم شوية في موضوعك ونتكلم بالعقل والمنطق والإحساس والدين والواقع وكل اللي تحبيه لإني بصراحة مش متقبل فكرة إن ده بلاء .. البلاء هيعيشك في جحيم ومش هيخليكي تنامي صدقيني -: أولاً مقدمة لا بد منها ولازم تعرفيها قبل ما نتكلم :- - في تصورى واللي الواقع بيقوله - كل أب في الكون ده نفسه يبقي عنده ابن او ابنه يفخر بيهم قدام أصحابه وأهله وجيرانه .. وبيعيش طول حياته يحاول يحقق الحلم ده .. بس لما ابنه او بنته بيخذلوه في حلمه - بعمد او بغير عمد - بينهار الأب .. ولكن رغم إنهياره بيحاول يفكر ف مستقبل كويس لابنه او لبنته يساعده في إنه يعيش حياة كريمة .. وبيحاول يبعده عن ( منطق ) و ( نمط ) المُغامرة نيجي نقسم الموضوع أولاً : لابد من الإعتراف إنك جبتي 80 % وانتي في علمي رياضة وده مجموع غير مُجدى في مجال زي ده .. ولنفترض حتي لو كملتي بدون مشاكل فسنة تالته أصعب مما تتخيلي عن سنة تانية .. تالته More Complicated - أكثر تعقيداً - بكتير عن تانيه وده طبعاً لوجود ( الفيزيا - ورياضة اتنين ) .. طيب ليس دفاعاً عن ( السيد الوالد ) فالراجل رغم كدا ورغم معرفته إن المجموع غير مُجدى ( لإنه بالطبع راجل متعلم وعارف المجاميع دلوقتي ) سابك تكملي .. مع إنك كان مفروض فرض تام تحولي أدبي ( وفكرتك عن الأدبي غلط طبعاً إنه مجرد حفظ وبتاع المُتخلفين لاء المجتمع اللي حواليكي هوا اللي خلاه كدا بس ) المهم مش هنسترسل في التعريف بالمجال الأدبي .. نرجع ( للسيد الوالد ) سابك تكملي وطبعاً بسبب ظروف عندك مقدرتيش تحققي .. إذن فمعادلة الثانوية وتجربتك بتاعت التعليم الثانوي تعتبر فشلت .. ومتزعليش لما نقول فشلت ما أنا فشلت كتير عادي وبفتخر جداً لإني بعد كدا عرفت ايه اللي مفروض يتعمل .. طيب حضرتك اخدتي القرار مرتين ومقدرتيش تحققي فيه .. ليه متجربيش تاخدي القرار اللي بيقولهولك ؟ يعني وفقاً لكلامك إن باباكِ قادر علي ( دخولك جامعة خاصة ) وده يُعني إنه ناجح في حياته العملية اللي بتنعكس عليها الماديات بالضرورة .. ما تسمعي كلام راجل ناجح المرادى .. جربي وبعد ما تخلصي وتشتغلي وتعملي فلوسك خدي اللي انتي عيزاه خاص ومش هيبقي فيه أي لوم عليكي .. وكدا مخسرتيش حاجة .. حتي لو هتكملي وانتي في بيتك مع زوجك - إن شاء الله - ثانياً : طبعاً ده لا يُسقط علي والدك اللوم إنه فعلاً مخطئ في مُعاملتك .. لإن تربية البنات خصوصاً هو فن التعامل مع القوارير زي ما قال الرسول - صلي الله عليه وسلم - بس هقولك حاجة بردو .. رغم زعلي منه إنه بيعاملك كدا .. أد ما انا فرحان إنه خايف عليكي كدا .. والله خايف عليكي جداً .. وهتعرفي لما عيونك تتغير شوية في المستقبل .. لاحظي إنه مش مستني منك حاجة وإنه رباكي كل ده وهوا عارف إن هيجي واحد زي الشطور كدا ترتبطي بيه وتشيلي اسمه وخلاص مهمته انتهت .. - دور الأب والأم عظيم جداً - خدي بالك . ثالثاً : والله المجال الأدبي شئ رائع .. ويارتني كنت عرفت كدا في بداية حياتي .. كنت بعلاقاتنا - الحمدلله - بقيت حاجة مرموقة جداً جداً في وقت قصير جداً .. لكن للأسف المجتمع كان لاعب في دماغي زي ما هوا لاعب في دماغك كدا بالظبط .. اقعدي اتكلمي معاه وشوفي نظام التربية واتكلمي معاه وشوفي نظام المعهد وقوليله رأيك بشويش وبهدوء .. الأب بيبقي مستني - زي ما بيسمع دايماً - ان البنوته حنينه علي ابوها وبيتضايق اوي لما بيحس إن كل أصحابه مثلاً عندهم بنات بيطيعوهم وهوا مش عارف يوجه بنته .. رابعاً : زي ما قولتلك باباكي بيخاف عليكي جداً جداً ومش عايزك تغامري .. صدقيني اللي انتي عايزه تعمليه مُغامرة .. واديكي جربتيها قبل كدا لما كملتي في العلمى .. جربي الحياة والواقع من شخص عملي زي والدك قادر إنه يتحمل مصاريف خاصة وأدوية كانسر خامساً وأخيراً : لو ضاقت بيكِ خالص صلي صلاة استخارة وادعي إن والدك ربنا يرشده للخير ليكي وإن شاء الله ربنا مبيخذلش حد طلبه بقلبه وإن شاء الله كل حاجة هتكون بخير ربنا يبارك فيكِ وفي اللي تحبيه ويهدي اي حد بتكرهيه
ويشفي والدتك يارب بإذنه ويرحمها لو فيه اي حاجة إخواتك هنا موجودين مع السلامة
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! 
|
|
#14
23-08-2009, 04:09 PM
|
||||
|
||||
|
يا جماعه
والله العظيم حاولت اتكلم بهدوء مقدرؤتش الموضوع استفزني محدش ف البيت بيسمع الا صوته وبس وخصوصا بابا شايف انه مهما كان رأيه غلط لازم يتنفذ واني لازم اتجوز قبل م اخلص الكليه وياسلام لو كان قبل م ادخلها اصلا واخد اي شهاده م يهمش ايه هي المهم اني اشتغل بيها عشان بس اساعد اللي هتجوزه ده ف مصاريف البيت والله العظيم ده رأيه\ ومعندوش ادنى استعداد حتى لمناقشه الموضوع ع طول شخت وزعيق وانتي ولا حاجه شغلك وبيتك ده اللي تفكري فيه لاغي حتى حياتي كطالبه جامعيه مش عايزني اعيشها عايزني اعيش زوجه عامله اساعد زوجي وبس ده كل اللي هو شايفه وطز ف الشهادات والله قاللي هطلعك م الجامعه خالص لو مش هتشتغلي وهتشوفي نفسك وتفكري تعيشي زي طلبه الجامعه التافهين شوفوا وصلت لحد فين مع انه زمان عاش حياته وبفشل عمرلاه مذاكر دايما كان ياخد الدكاتره ويعتزمهم ع المسارح والسينمات والعشا عشان ينجح وطول السنه مقضيها استهبال ع البنات صحباته لدرجه ان الاخصائيه بتاعت اعدادي كانت زميلته وكان بيضحك عليها زمان عملتلي مشاكل زي الزفت مكنتش ف الاول فاهمه السبب ف الاخر قبل م اروح اولى ثانوي قالتلي انا اسفه انتي زي العسل وكل حاجه بس بباكي زمان ياما عمل فييا قلت اردله فيكي شايفين مشاكله ورايا ورايا انا بجد تعبت زمان بسببه جتلي حاله نفسيه وهو اساسا معندوش قلب يحس ببنته اللي تعبت بسببه او اللي نفسها تكون حاجه كويسه تشرفه وتشرف نفسها بجد انا تعبت منه ومش عارفه اعمل ايه كل م افكر ف كليه كويسه ممكن ادخلها ييجي هو يبوز الدنيا بآراءه وتصرفاته الغريبه حد يكلم لجنه المنح عشان بنته م تاخدش منحه شامله ف جامعه محترمه انظف جامعه هنا ف المحافظه ومعروفه ع مستوى انا عمري م شفت كده
__________________
توقيع مخالف
|
|
#15
24-08-2009, 01:47 PM
|
|||
|
|||
|
ياقمر عمر ما فى اب يكره الخير لبنته ابدا
بالعكس ده بيتمنالها كل حاجه حلوه انا تقريبا نفس مشكالتك وكان ساعات يجيلى نفس احساسك ده بس صدقينى الاحساس ده مقدرش اقول كان غلط بس ممكن اقول اتعود عليه انا بابا عنده اهم حاجه اخواتى الصبيان يعنى دول رقم واحد وان بعدهم على طول يعنى بردوا خلانى احول ادبى بنفس مجموعك مع انى مكنتش بحب المواد الادبيه خالص بس حولت وجبت مجموع اوحش فى تالته كان بردوا عايز يدخلنى اداب مع انى تجيلى تجاره بس لما قعدت معاه واقنعتوه انى عايزه الحاجه ديه وافق ودخلنا فى مشكله تانيه انه عايزنى حلوان وانا عايزه القاهره وجتلى حلوان واقنعته انى احول لحد الحمد لله ما حولت بس لغايط دلوقتى بيقولى هتندمى انك حولتى قاهره عارفه ليه عشان خايفه عليا لأن موصلات القاهره اصعب يعنى انتى بتفتكرى حاجات وباباكى بيكون عايز حاجه تانيه خالص يعنى دائما باباكى بيفكرلك فى الحاجه اللى هتريحك وهتنفعك وبعدين كله فى الاخر نصيب وعلينا ان احنا نقول الحمد لله على كل حال متشغليش نفسك بالحاجات دى وفكرى هتبقى ايه فى اللى ربنا كتبهولك وربنا معاكى يارب
__________________
حياتنا لوحه فنيه...ألوانها القول وأشكالها العمل وإطارها العمر
فإذا انقضت حياتنا اكتملت اللوحه ...وعلي قدر روعتها تكون قيمتها حتى إذا قامت القيامه عرض كل انسان لوحته... فابدع في لوحتك...فمازالت الفرشاه بين يديك..!!
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:31 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
