تثبيت المتعاقدين غير التربويين

[misterzook]

كتاب دورى رقم(1) لسنة 2009

نوع الملف: PDF/Adobe Acrobat
واليكم الملف على الرابط التالى

لتنزيل الملف اضغط هنا

ارجو قراءة البند 16 قراءة جيدة لأنه مجحف بالنسبة للرسوب اول مرة والتقدم مرة اخرى بعد 6 اشهر بشرط عدم انتهاء العقد طيب ازاى والنشرة دى نزلت بعد مرور عام وسبعة اشهر من عقود ال80 الف معلم مساعد من يناير 2008 وكده عقدنا ينتهى يناير 2010 يعنى فاضل 6 شهور ولسه هنقدم فى الدبلومة من اول السنة دى يعنى مش هنعرف نقدم فى الاكاديمية حتى يناير 2010 يعنى انتهاء العامين

وعلى حسب البند 17 ( بعد مرور عامين دون الحصول على شهادة الصلاحية يقدم طلب للوزير لتجديد العقد عام واحد فقط) يعنى من يناير 2010 الى يناير 2011
طيب نحسبها مع بعض الدبلومة السنتين تنتهى فى يونيو 2011 بعد انتهاء العقد ب6 شهور وفى ناس كتير قدمت للدبلومة السنتين طبعا لعدم التفرغ ودول الله يكون فى عونهم لان كدة ملهمش فرصة اصلا و ده ماورد بالنشرة والوزير هيقول لهم مع السلامة ابقو علقوا الدبلومة اللى اخدتوها فى الصالون
وبكدة يبقى تعبوا نفسهم على الفاضى

طيب اللى مقدم سنة نظامى يعنى سنة حضور طبعا بيغامر لأنه ماضى تعهد بالتفرغ و طبعا هو فى الحقيقة مش متفرغ وعنده شغل فى المدرسة الصبح او بعد الظهر وعلى حسب مرونة المدير و ظروف الجامعة هيمشى اموره ويكون الله فى عونهم وكده هتخلص فى يونيو 2010 ولو فى ملاحق لا قدر الله يبقى فى سبتمبر 2010
ويبقى كدة يجرى يقدم ورقة للاكاديمية علشان يختبر طيب لو لم يوفق لا قدر الله مش هيلحق يعدى عليه 6 شهور ليقدم مرة اخرى كما ورد فى البند 16 مع ان المفروض ان يبقى لينا 3 فرص او فرصتين على الاقل

لكن عايزين يحاسبونا على حاجة مكناش نعرفها وهذا الكلام امامكم وليس تشاؤم او منشور جاى من زنجبار
لكن دى الحقيقة والمفروض طبعا ان النشرة دى كانت نزلت فى بداية التعاقد علشان كنا نلحق نقدم على الدبلومة من العام الماضى او نرفض التعاقد اصلا

يبقى الدبلومة الاليكترونية الحل المثل ودى هتخلص يونيو 2010 لكن برده هتفضل مشكلة انها فرصة واحدة يعنى لا مرض لا ظروف عائلية لا ظروف طارئة لا اخطاء!!!!!!!!!!!!!!!!!!!

انا لله وانا اليه راجعون

[misterzook]

ارجو الرد من كل المتعاقدين غير التربويين

[مصطفى1981]

دة ظلم يا ريت يثبتونا و يريحوا دماغهم

[ahmed salh]

يا جماعه المدرسين نقابه المعلمين هي السبب في المشاكل دي كلها لانها لم تلاحظ ولم تنتبه اوتعترض على ان الكا در ليس زيادة في المرتبات لكنة زيادة في الاهانات المسماة امتحانات الكادر واية الى دخل وزارة التنميه الادارية في كادر خاص بالمعلمين ووزارة التربيه عليها التنفيذ فقط هل يعقل ان اعضاء مجلس الشعب وافقو علي موضوع الامتحان دة ولا دا بند اضيف في لاءحه الكادر من وزارة التنميه الاداريه والوزير احمد درويش صاحب نظام تعقيد المدرسين

[ahmed salh]

اى سؤال عايز تعرفه عن الكادر السؤال يكون لوزير التنميه الاداريه لانه هو الي جايب الكادر دة من امريكا ان كل مدرس في امريكا يعقد له امتحان كل 5 سنوات زي امتحان الكادر لينتقل من درجه وظيفيه الى درجه اعلى وبيقول الكادر دة زي كادر الجامعه شوف ازاي وياتر ى امتحان اساتذة الجامعة بيكون فين ومتى يتم امتحانهم وهل يمتحنوا ايضا بالقلم الرصاص ولا ايه والى بينجح مرتبه بيزيد كام % ماهو دة الكلام الى كان وزير التنميه الاداريه بيقولة علشان يضحك علي المدرسين وينيمهم ويصحوا على مقلب حلللللللووو وكمان كان عايز يضيف فيه بند خاص بالعقوبات علي المدرسين ولكن د سرور رفض ذلك

[misterzook]

المشاركة الأصلية كتبت بواسطة ahmed salh

اى سؤال عايز تعرفه عن الكادر السؤال يكون لوزير التنميه الاداريه لانه هو الي جايب الكادر دة من امريكا ان كل مدرس في امريكا يعقد له امتحان كل 5 سنوات زي امتحان الكادر لينتقل من درجه وظيفيه الى درجه اعلى وبيقول الكادر دة زي كادر الجامعه شوف ازاي وياتر ى امتحان اساتذة الجامعة بيكون فين ومتى يتم امتحانهم وهل يمتحنوا ايضا بالقلم الرصاص ولا ايه والى بينجح مرتبه بيزيد كام % ماهو دة الكلام الى كان وزير التنميه الاداريه بيقولة علشان يضحك علي المدرسين وينيمهم ويصحوا على مقلب حلللللللووو وكمان كان عايز يضيف فيه بند خاص بالعقوبات علي المدرسين ولكن د سرور رفض ذلك

كيف نحاسب على شروط مرنبطة بمواعيد قديمة عن وقتنا الحالى وحتى نلبى تلك الشروط نحتاج عقد جديد لم يمر منه سنة وسبعة شهور
يعنى الشروط الموجودة مفيش وقت كافى فى مدة العقد علشان ننفذها !!!!!!!!!!!!!!!!!!!!!!!

[hossam_azazi]

كتاب دوري رقم ( ١) لسنة ٢٠٠٩
بخصوص تحديد القواعد التنفيذية والإجرائية الخاصة بمنح شهادة الصلاحية
لشغل وظيفة معلم في ضوء القانون ١٥٥ ولائحته التنفيذية
أو ً لا: إجراءات التقدم للحصول على شهادة الصلاحية اللازمة لشغل وظيفة معلم:
١- يجب أن يعد المعلم المساعد ملف الحص ول على شهادة الصلاحية اللازمة لشغل
وظيفة معلم خلال ستة أشهر من تاريخ استلامه العمل ويجب أن يتضمن ملف
الحصول على شهادة الصلاحية اللازمة للتعيين على وظيفة معلم المستندات الآتية:
أ – صورة بطاقة الرقم القومي.
ب- شهادة جامعية.
ج- نسخة من العقد المؤقت الخاص بشغل المتقدم لوظيفة معلم مساعد.
د- شهادة تأهيل تربوي (دبلوم عام في التربية لغير خريجي كليات التربية).
و- صحيفة الحالة الجنائية.
ز – بيان تقييم الأداء داخل الفصل في مجالات التخطيط واستراتيجيات التدريس
وإدارة الفصل والتقويم وفق استمارات التقويم المعدة لهذا الشأن.
ح- بيان تقييم الأداء داخل المدرسة في مجالات أخلاقيات المهنة والمشاركة في
تحسين المدرسة وفق استمارات التقويم المعدة لهذا الشأن.
خ- ما يفيد اجتياز أربع وحدات في اختبار شهادة الرخصة الدولية لقيادة الحاسب
Word – ) ومعالج الكلمات (Windows) وهي النوافذ (ICDL) الآلي
والإنترنت والبريد (Power point) والعروض التقديمية (Processor
.(Internet and e-mail) الالكتروني
٢- يمكن للمعلم المساعد التقدم للحصول على شهادة الصلاحية اللازمة لشغل وظيفة
معلم خلال العام الأول من تاريخ تعاقده لشغل وظيفة معلم مساعد متى توافرت فيه
.( شروط شغل وظيفة معلم وتم استيفاء المستندات المشار إليها في البند ( ١
٣- يحتفظ المعلم المساعد بأصول المستندات المطلوبة لحصوله على شهادة الصلاحية في
ملفه على أن يحتفظ مدير المدرسة بنسخة منها.
٤- عند اكتمال جميع المستندات المطلوبة المستوفاة يتقدم المعلم المساعد إلى مدير
المدرسة بطلب التقدم لفرع الأكاديمية التابع له لحضور اختبار الحصول على شهادة
الصلاحية لشغل وظيفة معلم.
٥- يراجع مدير المدرسة ملف المتقدم وعند اكتماله يحرز خطاب ترشيح موجه لفرع
الأكاديمية التابع له مع التوصية بإدراج المتقدم في ألأول اختبار تعقده الأكاديمية
للحصول على شهادة الصلاحية اللازمة للتعيين في وظيفة معلم.
٦- يتقدم المعلم المساعد بخطاب الترشيح والملف المشار إليه كاملا إلى فرع الأكاديمية
التابع له.
٧- يتم مراجعة جميع المستندات والتأكد من اكتمالها وصحتها داخل فرع الأكاديمية.
٨- في حالة توافر جميع المستندات والتحقق من صحتها تدرج الأكاديمية اسم المعلم
المساعد في كشوف المرشحين لحضور اختبار الحصول على شهادة الصلاحية لشغل
وظيفة معلم وفقا لقواعد الأكاديمية.
٩- يخطر فرع الأكاديمية المعلم المساعد بحضور الاختبار موضحا بالإخطار موعد
ومكان عقد الإختبار.
١٠ - يتقدم المعلم المساعد للاختبار في الموعد والمكان المحددين ومعه إثبات شخصية
والإخطار الموجه له من الأكاديمية بالحضور.
١١ - يكون الاختبار اللازم اجتيازه للحصول على شهادة الصلاحية لشغل وظيفة معلم في
المكونات الآتية:
أ – مهارات الاتصال باللغة العربية.
ب- المهارات الأساسية في اللغة الإنجليزية.
ج- الكفاءة التربوية.
د- مادة التخصص.
١٢ - يتم تحديد درجة المعلم المساعد في الاختبار بمعرفة اللجان المتخصصة
بالأكاديمية.
١٣ - يتم اخطار المعلم المساعد بنتيجة اختباره.
١٤ - في حالة تحقيق المستوى المطلوب تضاف شهادة اجتياز الاختبار إلى ملف
الترخيص ويحرر فرع الأكاديمية التابع له المتقدم توصية بحصول المعلم على شهادة
الصلاحية اللازمة لشغل وظيفة معلم.
١٥ - تصدر الأكاديمية بناء على ما تقدم شهادة الصلاحية اللازمة لشغل المرشح وظيفة
معلم.
١٦ - في حالة عدم اجتياز المتقدم لاختبار الحصول على شهادة الصلاحية لشغل وظيفة
معلم يمنح المعلم المساعد فرصة للتقدم للاختبار مرة اخرى بعد ( ٦ أشهر ) على الأقل
وذلك بشرط أن يكون تعاقده لشغل وظيفة معلم مساعد مستمرًا.
١٧ - في حالة مرور عامين على تعاقد المعلم المساعد دون حصوله على شهادة
الصلاحية يتقدم المعلم المساعد بطلب للسيد وزير التربية والتعليم لتجديد التعاقد لعام
ثالث.
ثانيًا: أوجه الدعم الواجب توفيرها للمعلم المساعد لإعداده للحصول على شهادة
الصلاحية اللازمة لشغل وظيفة معلم:
١- برنامج التأهيل والإرشاد:
يحتوي هذا البرنامج على ثلاثة مكونات أساسية تتمثل فيما يلي:
أ – تهيئة عامة يتلقاها عند استلامه العمل بالمدرسة وتشتمل على معلومات عن المدرسة
والبيئة المجتمعية المحيطة وقواعد العمل وكذلك متطلبات الحصول على شهادة الصلاحية
اللازمة لشغل وظيفة معلم.
ب- علاقة إرشادية بين المعلم المساعد ومعلم أول (أ) أو معلم خبير يتلقى خلالها المعلم
المساعد الدعم الفني والتدريب على رأس العمل بشكل يو مي مستمر ولمدة عام دراسي
كامل ويتم تسجيل مدى تطور أداء المعلم المساعد في سجل للإرشاد يوثق اجتماعات
المعلم المرشد مع المعلم المساعد ونقاط البحث ونتاج التقويم التكويني المستمر لأداء
المعلم المساعد.
ج- دورة تدريبية في التطبيقات العملية للتدريس داخل الفصل حيث تركز هذه الدورة على
تدريب المعلم المساعد على التطبيق العملي للمهارات المكتسبة في الإعداد قبل الخدمة
وكذلك تمكينه من استخدام استراتيجيات التعلم النشط المتمركز حول المتعلم وتطبيق
التقويم الشامل بطريقة فعالة واستخدام الوسائل التعليمية والتكنولوجية في التدريس.
٢- الإعداد لاجتياز اختبار الوحدات المطلوبة من اختبار الرخصة الدولية فقي الحاسب
الآلي:
تم اتخاذ الإجراءات اللازمة لتوفير الفرص لجميع المعلمين المساعدين في الحصول
على التدريب لاجتياز اختبار الوحدات المطلوبة من اختبار الرخصة الدولية في الحاسب
الآلي وذلك من خلال الحرص على إعطائهم الأولوية لدى مراكز التدريب التابعة لوزارة
التربية والتعليم وأي جهات أخرى قبل دخول برامج التدريب فضلا عن تيسير التسجيل
للاختبارات للحصول على الرخصة الدولية في هذه الوحدات.
٣- الإعداد لاجتياز اختبار الحصول على شهادة الصلاحية اللازمة لشغل وظيفة معلم:
يتم تهيئة المعلمين المساعدين على طبيعة الاختبار وأنواع الأسئلة وشكل ورقة
الإجابة وكيفية الإجابة وجميع الخطوات الإجرائية للتسجيل وذلك باستخدام وسائل مختلفة
يسهل للمرشح استخدامها والاطلاع عليها تشمل الفيديو كونفرانس وموقع الأكاديمية على
شبكة المعلومات الدولية.
يتعين الالتزام بما ورد بهذا الكتاب وتنفيذ ما جاء به بكل دقة.

[عماد رجب اسماعيل]

انا عندى نفس المشكله انا اداب انجلش ومش معايا دبلومه تربويه وظهرت عندنا فى جامعه اسكندريه حاجه اسمها دوره تاهيل تربوى للمعلمين الغير تربويين وطبعا رحت قدمت فيها فورا دى 10 محاضرات على 5 اسابيع بتبقى يوم الجمعه والسبت من 4-8 دى لسه هابتديها بعد العيد ان شاء الله ولما اصدقائنا سالوا فى فرع الاكاديميه قالهم لا لازم دبلومه ودى تتكلف عندنا 2200 جنيه غير الكتب ويشترط التفرغ طيب نعمل ايه طيب كرهونا فى الشغل وكرهونا فى عيشتنا وعاوزين الاى سى دى ال من اليونيسكو هو ده التيسيير اللى بيتكلموا عنه اى مركز تانى مينفعش حسبنا الله ونعم الوكيل .اللى يوصل لحل يبلغنا احنا كده هنخسر كل حاجه العقد هيتفسخ ومش هناخد الصلاحيه وهنترمى فى الشارع وملناش ديه اللى عنده حل يرد علينا

[mohamed abd elnapy]

ادعوا الاخوة الزملاء المتعاقدين بارسال فاكسات للوزير عن هذا الوضع وتقديم هذه المبررات ، فلا يضيع حق وراءه مطالب ،ومادم الوزير قبل التساهل فى الرخصة الدولية للحاسب بالشكاوي ، فمن الممكن ان يستجيب
الله معنا
وهذا فاكس الوزير
27942502
23351947

[الجوكر مدحت]

الله المستعان

[hamada_fg2003]

ربا يوفق الجميع

[أبوطالب82]

يا مستر ذوق ريح دماغك يابنى ماحدش بيموت من الجوع

[Observer]

( قف بجانب أخيك المتعاقد )

فى الحملة الكبرى لإسترداد حقوق المدرسين المتعاقدين
خير الناس أنفعهم للناس

ساند بالقول أو بالفعل
على الرابط التالى

http://www.thanwya.com/vb/showthread.php?t=149154

[totamffm]

السلام عليكم ورحمة الله وبركاته اخواني الاعزاء انا مدرس كمبيوتر كنت اشتغلت بالحصة 5 سنوات وسافرت السعودية من سنتين ولما عرفت نظام العقود قدمت قبل ما انزل ونزلت ولقيت اسمي نزل في العقود المميزه ومحتار هل اسافر ولا استلم العقد والغي السفر وهلفي تثبيت ام كله كلام فاضي افيدوني شكرا

[وليد الاخصائى]

الاخصائى الاجتماعى يعمل دبلومة ام لا ارجو الرد