ماذا تفعل لو كنت مكانى؟؟؟؟؟؟؟؟؟؟؟؟؟؟

[أبو إنجى]

انا مدرس لغة إنجليزية بالمرحلة الثانوية العامة ومتعاقد للعمل فى السعودية منذ سبع سنوات،،، المهم لما رجعت على مصر السنة دى ودة كان يوم 23 يوليو 2009 عرفت من زملائى انه فى امتحانات للكادر للناس اللى ما دخلوس او اللى رسبوا ،،،وطبعا عرفت انه كان لازم اسجل على النت واحصل على رقم كود ،،، المهم حاولت ورحت لخمسين سيبر من اللى بيسجلوا ولكن دون فائدة كله كان بيقول ان التسجيل اتقفل من 9 يوليو بأمر الوزير


طيب انا موقفى اية دلوقتى من الكادر؟؟؟؟؟؟ وما ذنبى ان يفتح التسجيل ويقفل وانا خارج مصر؟؟؟؟؟؟
وهل راح علي الاختبار وضاعت الفرصة وخلاص؟؟؟؟؟؟؟؟


-بالله عليك ماذا تفعل لو كنت مكانى؟؟؟؟؟؟؟؟؟؟؟؟؟؟؟؟؟؟؟

[امل حسين كامل]

سلم امرك لله

[الأستاذة هدى]

أخى الفاضل
اعلم أن ما أصابك لم يكن ليخطئك وأن ما أخطأك لم يكن ليصيبك ، او كما قال رسول الله صلى الله عليه وسلم

واقترح عليك الإسراع بالذهاب الى المجلس القومى للإختبارات ربما استطاعوا فعل شىء لك ....

وإن لم يكن لك لا قدر الله نصيب فى اختبارات هذا العام فربما يكون خيرا لك فربما يكون لك نصيبا فى ترقية العام القادم فيكون خيرا وفضلا عن التقدم هذا العام لا تدرى وكما قيل فى الحديث " لو اطلعتم على الغيب لإخترتم الواقع " .....لا تدرى لعله خير مدخر ...

ولعلنا نحن وانت نتعظ ان نهتم بتفاصيل الامور التى تهمنا ولا نأخذها من الخارج ...

وكل عام وانت وجميع اهل المنتدى والمسلمين والعالم بخير اللهم آمين

تقبل تحياتى

[ahmed_hos777]

ادخل على موقع الاكاديمية هتلاقى ارقام اتصال اتصا بيهم بسرعة وانا ححاول اجيب لك الارقام

[ahmed_hos777]

رابط موقع أكاديمية المعلم : http://academy.moe.gov.eg/academy
كما يمكن مراسلة الأكاديمية على الإيميل التالى : pat*moe.gov.eg أو emis_teacher*support.emoe.org
ويمكن الاتصال على الأرقام التالية : 0222576503 ---
0224566893
الخـط الساخــن 19126

[أ/ محمد رسلان]

يا سيدى الفاضل ما إحنا دخلنا إمتحانات مايو ونجحنا الحمد لله
ولغاية دلوقتى لم نصرف الكادر عشان فيه مشكلة فى ميزانيته كما سمعنا
ماذا تفعل لو كنت مكانى بقة؟؟؟؟؟؟؟؟؟؟!!!!!!!!!!!!!!!

[باسم الشاعر]

المشاركة الأصلية كتبت بواسطة أبو إنجى

انا مدرس لغة إنجليزية بالمرحلة الثانوية العامة ومتعاقد للعمل فى السعودية منذ سبع سنوات،،، المهم لما رجعت على مصر السنة دى ودة كان يوم 23 يوليو 2009 عرفت من زملائى انه فى امتحانات للكادر للناس اللى ما دخلوس او اللى رسبوا ،،،وطبعا عرفت انه كان لازم اسجل على النت واحصل على رقم كود ،،، المهم حاولت ورحت لخمسين سيبر من اللى بيسجلوا ولكن دون فائدة كله كان بيقول ان التسجيل اتقفل من 9 يوليو بأمر الوزير


طيب انا موقفى اية دلوقتى من الكادر؟؟؟؟؟؟ وما ذنبى ان يفتح التسجيل ويقفل وانا خارج مصر؟؟؟؟؟؟
وهل راح علي الاختبار وضاعت الفرصة وخلاص؟؟؟؟؟؟؟؟


-بالله عليك ماذا تفعل لو كنت مكانى؟؟؟؟؟؟؟؟؟؟؟؟؟؟؟؟؟؟؟

يمكنك التقدم عند فتح باب التسجيل مرة أخرى أما التقدم لاختبارات أغسطس 2009 أغلق باب التقدم وأعلن أرقام جلوس المتقدمين

[مستر محمد سلامه]

ان شاء الله سوف يعقد امتحان اخر العام القادم

[mr_moh55555]

يا اخي لا تسافر و اقعد اتكدر زينا

[abou wafaa]

ياعم سيبك

بجد السفر حلو ولا لا؟؟؟

[ا/توفيق عزت]

المشاركة الأصلية كتبت بواسطة مستر محمد سلامه

ان شاء الله سوف يعقد امتحان اخر العام القادم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
اخى الاستاذ/محمد سلامة
كل سنة و انت طيب و الاسرة كلها بكل خير و سلام
انت فين من زمان ؟؟؟؟ النت كان فاصل ؟؟؟؟؟؟؟؟؟؟
الاخ الذى يسأل عن التسجيل اخطأ فى شىء
المفروض ان فيه واحد زميله او صاحبه بيبلغه و يقول له على التطورات و التفاصيل و على اتصال بيه
عندى فى مدرستى 6 حالات مسافرين مثله
3 منهم لم يكن عندهم ارقام سرية ( فى شهر 6/2009 ) ....... و لكن كل واحد منهم موصى واحد صاحبه
عملت لهم استمارة موظف او مدرس و راحوا بيهم الادارة و استخرجوا لهم ارقام ( كود + قومى + كلمة السر )
و تركوا صورة منهم عندى و انت عارف انى ماسك موضوع الكادر فى حوالى 5 مدارس جنب الصنايع
عندما فتح التسجيل سجلتهم و استخرجت لهم استمارة التقدم اللى عليها صورة 4*6
و طلع لهم ارقام جلوس و كل حاجة
رجعوا من السفر لقوا كل حاجة خلصانة و تمام
الثلاثة التانيين واحد منهم كان له رقم سر و تمام و حضر اخوه لى فى المدرسة و قلت له : اترك صورة من خطاب الرقم السرى و انا ان شاء الله سوف اقوم بكل شىء حتى اذا حضر اخوك يجد كل شىء تمام
قال لى و بعصبية : لأ ده رقم سرى و افرض انك عملت حاجة توديه فى داهية بكلمة السر حا نعمل ايه ساعتها ؟؟؟؟؟؟؟؟؟؟
كل الزملاء كانوا واقفين و استغربوا من الكلام و طريقة الكلام
اخوه ( زميلنا فى المدرسة ) عاد الاسبوع قبل الماضى 1/8/2009 لكن للأسف سوف ينتظر للعام القادم !!!!!!!!!
كل سنة و انت طيب

[أبو إنجى]

شكرا لكل من اهتم بالرد وجزاكم الله خيرا جميعا

-استاذة أمل حسن وابلة هدى: أنا مسلم أمرى لله وعلى يقين ان الله لن يضيعنى ابدا،، ولا ابحث عن الفلوس لأنى لان استفيد شىء الآن فانا فى اجازة ولكن لا يعقل عندما استقر فى مصر الاقى واحد احدث منى او تلميذ من تلاميذى مدرس اول ولا قدير وولا,,,,,,,,,,, من هذة الألقاب ويوزعلى الجدول!!!!!!!! شكلى هايمون اية بس وحالتى النفسية هاتكون اية؟؟؟؟؟؟؟؟؟؟؟؟؟؟


-أستاذ ahmad hos777
كثر الله من أمثالك،، وجعل ذلك فى ميزان حسناتك

-أستاذ باسم الشاعر واستاذ محمد سلامة
اذا كان هناك اختبار العام القادم فهذة بشرة خير

-ابو وفاء : اقسم بالله السفر متعة واحسن من العمل فى مصر آلاف المرات

[ahmed_hos777]

[quote=أبو إنجى;1526044]شكرا لكل من اهتم بالرد وجزاكم الله خيرا جميعا



-أستاذ ahmad hos777
كثر الله من أمثالك،، وجعل ذلك فى ميزان حسناتك

كان نفسى اخدمك ولكن لا تحزن فأنا كنت داخل مصر وأتخرت عن دخول الامتحان سنة
ولا يهمك
كله برزق ونصيب

[مستر ايمن]

كادر ايه اللي بتدور عليه ما احنا اخدنا الكادر عملنا بيه اييييييييييه طالع عينينا والحمد لله كل يوم طلب مختلف ولجان
طالما انت خارج مصر سيبك من الداخل بقي انا اختي ميعاد سفرها لعمان كان يوم 7 اغسطس والبيه الوزير عامل الامتحان 31 اغسطس طيب بالله عليكم تمتحن ازاي وميعاد رجوع المدرسين لعمان سبق الامتحان
دي خطه مدروسه انهم يقللوا من المتقدمين للامتحان لان الحمل بقي كبير عليهم قوي راح يعطوا مين فلوس ولا مييييييييييييين

توكل علي الله وسافر انت والسنه الجايه يمكن يموت صاحب الافكار الجهنميه دي وخاصه الكادر هههههههههههه
ربنا يوفقك يارب

[seifeldeen]

قال الشاعر صلاح جاهين//
اخلع غماك يا تور وبطل تلف ... كسر حيطان الساقية و اشتم و تف
قال هيه خطوة كمان وخطوه كمان....يا أوصل نهاية السكة يا البير يجف
يا أخي الكريم لا تسكت على حقك المسلوب ..اذهب للمقطم أو لميديرية التعليم التابع لها أو للوزارة أو اتصل أو راسل emis_teacher*support.emoe.org وزارة الـتـربيـــة و التعــلـيـــــم
مكتـب رئيــس قطاـاع التعليـم أ
الادارة الالكترونيــــة للتعليـــــم

تليفون:27943658 02 فاكس:27927728 02
المهم تتحرك