"التعليم" تطبق "التقويم الشامل" على التعليم الأساسى

سمير الجابرى · #1 10-08-2009, 12:53 AM

بدءا من العام الدراسى المقبل..

"التعليم" تطبق "التقويم الشامل" على التعليم الأساسى

ا
لدكتور يسرى الجمل وزير التربية والتعليم

أكد الدكتور يسرى الجمل، وزير التربية والتعليم، أن المجلس الأعلى للتعليم قبل الجامعى سيقر فى اجتماعه المقرر عقده 18 أغسطس الجارى، تطبيق نظام التقويم الشامل على الصفين السادس الابتدائى والثانى الإعدادى، بحيث يتم احتساب 50% من درجات طلاب هاتين السنتين على الأنشطة المدرسية ونسب الحضور والغياب، بدءا من العام الدراسى المقبل.

وأوضح الجمل أن المجلس الأعلى للتعليم قبل الجامعى، سيناقش مشروع قرار وزارى بتعديل النهايات الكبرى والصغرى وزمن إجابة امتحانات سنوات النقل والدبلومات لطلاب المدارس الثانوية الفنية والمتقدمة "نظام الخمس سنوات" وفق الخطة الإستراتيجية لتطوير التعليم الفنى، كما يناقش المجلس منح مجالس الأمناء والآباء والمعلمين دور أكبر فى المشاركة فى إعداد 4430 مدرسة للحصول على شهادة الجودة والاعتماد.

وأشار وزير التربية والتعليم، إلى أنه سيعرض على المجلس الخريطة الزمنية للعام الدراسى 2009/2010 الذى يبدأ فى 26 سبتمبر المقبل بعد إجازة عيد الفطر ويستمر لمدة 200 يوم مقسمين بالتساوى بين النصفين الأول والثانى ولا تشمل أيام العطلات الرسمية والأعياد القومية، وقال "سنحدد مواعيد الامتحانات على أساس العطلات الرسمية لأجهزة الدولة، فلدينا مخطط زمنى للدراسة موضوع منذ عدة سنوات".

وأكد الجمل أن وزارة التربية والتعليم ستفصل موعد امتحانات الدبلومات الفنية عن موعد امتحانات الثانوية العامة، بحيث يؤدى طلاب التعليم الفنى امتحاناتهم قبل طلاب التعليم العام، وهو نفس ما حدث العام الماضى، وأضاف الوزير "سنكرر تجربة العام الماضى حينما نجحنا فى حشد كل جهود الوزارة لتأمين كل امتحان على حدة".

yomna1993 · #2 10-08-2009, 02:01 AM

هو هيفضل فاكر الراجل ده الي بيعمله تطوير ؟؟؟؟؟!!!
و الله انا ما بقيت فاهمة حاجة من الي بحصل دلوقتي في نظام التعليم الفاشل ده

ahmed eldessoky · #3 10-08-2009, 02:11 AM

مش عهارف والله أخرة التقويم الشامل إيه
أنا بصراحة حاسس إنه نظام ليس قوى
يعتمد بالدرجة الأولى على تشتيت المدرس بين الدرجات و أعمال السنة و النشاطات
أما الشرح و العملية التعليمية فى أساسها لا تهم

yomna1993 · #4 10-08-2009, 02:23 AM

مش تشتيت المدرس بس (هم متعودين على كده )
الاكتر من كدة ان في مدرسين طبعا ممكن يخدوا النظام دا فرصة للاستغلال (في اعمال النه الي مبياخدش دروس و الي المدرس مش بيحبه )
الا من رحم ربي طبعا

و الله اعلم
ربنا يكتبلنا الخير جميعا

mr salah Osman · #5 10-08-2009, 02:29 AM

ربنا يبارك كل جهد مخلص لرفعة هذا البلد

BaNZeR · #6 10-08-2009, 09:45 AM

يسري الجمل فيه البركة والله
اكتر واحد بيتعب من اجل الارتقاء في مصر

يعني تشوف الاخبار تلاقي يسري الجمل وخطة تطوير التعليم
شفنا قبل كده وزير حاجة تاني عايز يطور غير نادر

يسري الجمل هو الوحيد المجتهد والله
يعني مش عارفين نرد جمايله ده كلها فين

بس احنا تعليمنا وصل للعالمية خلاص مفيش مرحلة بعد كده تاني
حيطوره تاني ازاي
راجل مفعم بالحيوية والافكار والنشاط

على فكرة انا بهزر لاييجي حد يضربني دلوقتي

عاشقـــ الانمى ـــة · #7 10-08-2009, 09:50 AM

ماشاء الله كل الناس بتشال من الوزارة ال الرجل دا
ومورهوش شغلة بصراحة غيرنا
والمنهج ونظام التعليم
مش كفاية كمان هخش الكلية وانا عندى 19 سنة مش مكفيه دا كمان
عايز يطور فينا ايه تانى
دا عايزنى اتخرج على 40 سنة دا ولا ايه