الجزء الثاني من* كلنا حنقولها مع بعض لا للانترنت المحدود " حقنا ومش حيضيع بسهوله "

[السندباد المصري]

السلام عليكم ورحمه الله و بركاته



الجزء الاول من الحمله من هنا

طبعا اكيد كلنا غاضبين جدااااااااااا
من تجاهل الحكومه و شركات الانترنت و طبعا التجاهل الاعلامى اللى حاصل
طبعا احنا المره دى حنقوم بدور تانى او بحاجه تانيه فى الحمله بتاعتنا
اللى انا واثق اننا حنجبر الناس دول بأنهم يلغو القرار الظالم ده

احنا مش حنطالب بأقاله وزير الاتصلات !!!!!
بغض النظر عن ان القرار ده تم عن طريقه و بموافقه الوزاره اللى المفروض ان سبب تعينه على رأسها
هو المساهمه فى انتشار الانتر نت فى كل بيوت مصر
ولان الهدف ده قرب يتحقق بنسبه كبيره تم اصدار هذا القرار الغريب عشان احنا محتاجين نرجع ورا شويه
بص بردو محدش يقدر يلغى الفكر الاقتصادى بتاع الوزير
لان زى مافى فى ناس كتير عارفه
شركه تى داتا شركه مملوكه للحكومه او للوزاره وبالتالى هوه حيزود دخل الوزاره
اينعم فى ناس كتير حيتخرب بيوتها بسبب الموضوع ده
منها اصحاب المواقع و اى حد شغال فى المجال ده وخصوصا لو كان من مصر
بس نرجع ونقول ياعم دى ناس غلابه دوس عليهم عشان الوزاره ويحيا الفكر الاستثمارى
وانت بس اللى معندكش بعد نظر و مش بتبص غير تحت رجلك

طبعا فى ناس حتقولى انت ايه اللى معصبك كده
حقولك التجاهل الاعلامى اللى حاصل و غير كده شوفت اسعار النت بره كنت عاوز اكسر ايه حاجه ليها علاقه بالشركتين دول
يعنى شوفت نت سعره 15 دولار و السرعه 2 ميجا
حتقولى 15* 5.50 ب 86 جامد كدا
حقولك 15 دولار يعنى 15 جنيه لان فرق العملات ده ميخصناش وكل عمله بتتعامل على اساس انها عمله

يعنى الناس دى كسبانين اكتر من الشركات اللى بره بمراحل كبيره
لا وعايزين يقرفونا فى عيشتنا والبحر يحب الزياده


يلا ما علينا بس بردو افتركت عرض فودافون نرفزنى اكتر
اللى بيقول و بيوضح ان الناس دى شغاله بمزاجها
وعامله الموضوع ده بمزاجها فقط لاغير

وده عرض فودافون اللى اكد ان الناس دى شغاله بمزاجها

# 100جيجابايت لسرعة 1 ميجابت، ثم تنخفض السرعة إلى 256 كيلوبت
# 150 جيجابايت لسرعة 2 ميجابت، ثم تنخفض السرعة إلى 256 كيلوبت
# 200 جيجابايت لسرعة 8 ميجابت، ثم تنخفض السرعة إلى 512 كيلوبت

وده عرض الشركات اللى بيتقال عليها كويسه لنفس السرعات
1 ميجا / ث =40 جيجابايت / شهريا
2 ميجا / ث =60 جيجابايت / شهريا
8 ميجا / ث =120 جيجابايت / شهريا
و سرعتك بتنزل ل 128 كيلوبت
يعنى مفيش غير كلمه واحده فقط حسبى الله ونعم الوكيل

عشان كده انا عن نفسى بتبنى الجزء التانى او المرحله التانيه من الحمله

بس المره دى حتكون اقوى و حننهى فيها على شركتين من اكبر شركات الانتر نت فى مصر

على فكره فى ناس كتير ان حيكون فى زى حمله قويه عليههم يوم 10/8/2009
يعنى يوم الاتنين اللى جاى

و اللى حيصل فى اليوم ده كا التالى
وهو احنا حنطلب اننا نلغى اشتركنا !!!!
حتقولى اشتراك ايه يا عم النت بقى شىء اساسى
حقوله لو وافقنا و سكتنا كالعاده الدوس علينا و تدمير اى حاجه بتسبب للشعب الغلبان السعاده
حتبقى هيه الشىء الاساسى ومش حنقدر نعيش من غيره
يعنى بصراحه و بالعربى حناخد على دماغنا و حنقول ماشى وحاضر وده حيحصل على طول

وطبعا الجزء الاول لسه شغال
بس احنا حناخد حقنا بدرعنا بعد ما الناس رافضه تساعدنا او بتتجنب الموضوع ده تقدر تقول على الاعلانات و اكل العيش المر

طبعا عشان احنا المتضرر الوحيد يبقى لازم نجيب حقنا بأدينا و نفضل نطالب بحقوقنا بردو

و على فكره الجزء التالت من الحمله حتكون اننا حنراسل الشركات الاجنبيه و حنطالب بأنها تيجى مصر عشان يبقى فى منافسه اكتر

زى اللى حصل بالظبط لما دخلت اتصلات سوق الموبايل
ونفس اللى حصل لما دخلت فودافون سوق النت

وفى النهايه ارجو تنفيذ الجزء التانى من الحمله مش عشانك بس
بس مينفعش شركات النت تدينا على دماغنا هيه كمان
مش كفايه المعامله و خدمه العملاء اللى خنقتنا
لا كمان حينضمو الى قبله الناس اللى بتدى الشعب على دماغو


حسبى الله ونعم الوكل ومتنسوش على الاتنين القادم موعدنا يوم 10/8/2009

__________________

لازم الكل يتحد عشان نلغى قانون الاستخدام "العادل"
ابعت رساله وعبر عن عدم رضاك

[صفاء عزمى]

ممكن تقول اسعار فودافون

[السندباد المصري]

للأسف اسعار فودافون هي كمان اتغيرت وبقت زي دول كمان
بس ارحم من الشركات دي

نا حبيت اوضح ان vodafone
مشتركه فى المهزله دى برده
ما هي سعة سياسة الاستخدام العادل لمختلف السرعات؟

40 جيجابايت لسرعة 1 ميجابت، ثم تنخفض السرعة إلى 128 كيلوبت
60 جيجابايت لسرعة 2 ميجابت، ثم تنخفض السرعة إلى 128 كيلوبت
120 جيجابايت لسرعة 8 ميجابت، ثم تنخفض السرعة إلى 128 كيلوبت

[ahmedsamo]

ما هو رايكم فى عرض اتصالات على الرابط التالى


ممنوع الدعاية لاى موقع آخر

[BaNZeR]

المشاركة الأصلية كتبت بواسطة السندباد المصري

و على فكره الجزء التالت من الحمله حتكون اننا حنراسل الشركات الاجنبيه و حنطالب بأنها تيجى مصر عشان يبقى فى منافسه اكتر

زى اللى حصل بالظبط لما دخلت اتصلات سوق الموبايل
ونفس اللى حصل لما دخلت فودافون سوق النت

دلوقتي احنا اللى حنطلب بنفسنا الشركات الاجنبية هي اللى تدخل
وكده بنأثر على اقتصادنا في مصر
لينا حق في اللى عملناه
بس برده مينفعش نجيب حد من بره
وبعد كده نشجع المنتج المصري ونقول قاطعو الاجانب واعلانات للصبح

طيب محنا بين نارين
لا المصري مساعد ولا الاجنبي بنحبه
بس احنا بنشتري الافضل



الحملة جميلة وهو فعلاً طلب فصل الاشتراك ده احسن حل
بس هو بقية شركات النت عاملة نفس العروض ده ولالسه بالعروض الافتراضية ؟؟؟

[سامى الجنانى]

لا للانترنت المحدود هذه الشركات تعمل بمزاجها

[عاشقة الموج]

المقاطعة هى الطريق الأمثل
هيا بنا
و لتكن وقفة و احدة
نفعل فيها دورنا
و لا نستخدم النت لمدة يوم واحد و نتفق عليه جميعاً
و هو يوم جمع الاشتراك فلن ندفع و بهذا نستطيع الحصول على حقنا
لالالالالالالالالالالالالالالالالالالالالالالالالا لالالالالالالالالالالا
للنت المحدود

[عاشقة الموج]

المقاطعة هى الحل الأمثل
و لنتفق على عدم استخدام النت ليوم واحد و يوم الدفع الشهرى نطلب وقف الخدمة والمطالبة بإلغاء الاشتراك
لالالالالالالالالالالالالالالالالالالالالالالالالا لالالالالالالالالالالا
للنت المحدود

[السندباد المصري]

ليه تزنق نفسك

الشركات دي ها تزنقك ها تزنقك غصب عنك

[الدكتورة سلوى]

44811‏السنة 133-العدد2009اغسطس14‏23 من شعبان 1430 هـالجمعة

تحديد طاقة تحميل المعلومات علي
الإنترنت يطبق علي العقود الجديدة

كتب ـ عادل اللقاني‏:‏

أعلن الدكتور طارق كامل وزير الاتصالات وتكنولوجيا المعلومات أن قرارات الجهاز القومي لتنظيم الاتصالات الأخيرة الخاصة بتحديد الطاقة التحميلية من المعلومات علي خطوط الإنترنت فائقة السرعة بنظام‏'‏ أيه‏.‏ دي‏.‏ إس‏.‏ إل‏'‏ لن تطبق علي العقود السارية حاليا لمستخدمي هذه النوعية من الإنترنت‏,‏ وإنما تطبق علي من يرغب من المشتركين الجدد في الحصول علي هذه الخدمة بهذا الشكل‏.‏ وفقا للعروض الترويجية التي تتقدم بها شركات الإنترنت‏.‏ وأشار إلي أن تحديد طاقة التحميل جاء كمقترح من الشركات مقدمة الخدمة ووافق عليه الجهاز القومي للاتصالات بعد عقد عدة جلسات معها‏,‏ وطلبت الشركات أن تتاح قواعد للمشتركين الجدد تتيح لهم الحصول علي إنترنت فائق السرعة بطاقة تحميلية معينة‏,‏ وإذا رغب المشترك في زيادة هذه الطاقة فإنه يمكنه ذلك بعد سداد المقابل المطلوب طبقا للعروض الترويجية التي تطرحها الشركات‏.‏

وأكد الوزير أن عقود المشتركين السارية حاليا ستظل كما هي بطاقة تحميل غير محددة وبكل شروط هذه العقود دون أي تعديل حفاظا علي حقوق المستهلك‏.‏ وأوضح أن الجهاز القومي للاتصالات سيقوم خلال الشهرين المقبلين بتقييم تجربة تقديم الخدمة بطاقة تحميل محدودة وأخذ الإحصائيات المطلوبة لتقييم التجربة وإصدار القواعد النهائية المنظمة للاشتراكات الجديدة للجهات والأفراد والشركات التي سترغب في ذلك‏.‏

[الدكتورة سلوى]

د.طارق كامل :
إجراءات "الاستخدام العادل" للإنترنت استرشادية وليست نهائية
إعادة تقييم التجربة بعد شهرين.. ولا تأثير علي المشتركين القدامي
أحمد العطار
أكد د. طارق كامل وزير الاتصالات وتكنولوجيا المعلومات أن الأسس الجديدة التي تم تطبيقها مؤخراً لتنظيم سوق الإنترنت ومنها ما يعرف باسم نظام "الاستخدام العادل" للإنترنت ليست إلا قواعد استرشادية اقترحتها الشركات مقدمة خدمة الإنترنت ووافق عليها الجهاز القومي لتنظيم الاتصالات ويتم تنفيذها خلال الشهرين القادمين لتنظيم الاشتراكات الجديدة.
قال د. طارق كامل إنه سيعاد تقييم هذه التجربة بعد مرور شهرين وهي قواعد تتيح للمستخدمين الجدد الاشتراك بسرعة معينة بطاقة تحميلية معينة وإذا رغب المشترك في زيادة السرعة أو الطاقة التحميلية له فإنه يمكنه ذلك بعد سداد الرسم المطلوب وفقاً للعروض الترويجية التي سوف تقوم بها الشركات مقدمة الخدمة للجهات والشركات التي تطلب ذلك.
وأضاف الوزير أن هذه التجربة تسري كقواعد استرشادية علي الاشتراكات والعروض الجديدة فقط مؤكداً أن كافة العقود الحالية بين شركات تقديم خدمة الإنترنت والمستهلك سوف تبقي سارية بكافة شروطها دون أي تعديل حفاظاً علي حقوق المستهلك في مجال خدمات الاتصالات وسيقوم جهاز تنظيم الاتصالات أثناء الفترة الاسترشادية بتلقي الاحصائيات اللازمة للتقييم ودون أي إجراءات ضد المشتركين الجدد.
يعقد مجلس إدارة الجهاز برئاسة د. طارق كامل اجتماعاً بعد انتهاء فترة الشهرين لاختبار وتقييم النظام الجديد ودراسة نتائج التجربة وإصدار القرارات والقواعد النهائية المنظمة للاشتراكات الجديدة بناء علي الاحصائيات المقيمة للتجربة آخذاً في الاعتبار احتياجات وحقوق المشتركين في مصر ومتطلبات التوسع في خدمات الشبكة وزيادة كفاءتها وقدرة الشركات علي الوفاء بالتزاماتها في إطار نظام المحاسبة الجديد.
قال د. عمرو بدوي الرئيس التنفيذي لجهاز تنظيم الاتصالات إن سياسة وزارة الاتصالات والقواعد التنظيمية للجهاز تهدف أساساً إلي تنمية السوق المحلي في مجال تقديم خدمات الإنترنت والتوسع في اتاحتها لأكبر عدد من فئات المجتمع في كافة ربوع الجمهورية.. مشيراً إلي أنه مع زيادة السرعات المطلوبة لخدمات الإنترنت بنظام adsl وتطور السوق المحلي وظهور تطبيقات متزايدة من تحميل للفيديو وغيره.. بدأ الجهاز تدريجياً في دراسة وضع نظم جديدة وعقد عدة جلسات مع الشركات مقدمة خدمة الإنترنت لوضع الأسس الجديدة لتنظيم سوق الإنترنت.

[prof.ahmed4d]

طارق كامل: عقود مشتركى الانترنت سارية بدون تعديل والنظام الجديد استرشادى فقط

اضغط للتكبير
الدكتور طارق كامل وزير الاتصالات - رويترز

• احفظ الخبر
• اطبع
• أضف تعليق
• ارسل

8/13/2009 5:16:00 PM
القاهرة - محرر مصراوى - صرح الدكتور طارق كامل وزير الاتصالات وتكنولوجيا المعلومات ان جميع العقود الحالية لمشتركى الانترنت سارية بدون تعديل وأن نظام الانترنت استرشادى لمدة شهرين للمشتركين الجدد فقط .
جاء ذلك فى تصريحات للوزير الخميس في ضوء ما أثير مؤخرا حول الاستخدام العادل للانترنت .
أكد الوزير على عدة حقائق أولها أن سياسة وزارة الاتصالات وتكنولوجيا المعلومات والقواعد التنظيمية للجهاز القومي لتنظيم الاتصالات تهدف أساسا ودائما إلى تنمية السوق المحلي في مجال تقديم خدمات الانترنت والتوسع في إتاحتها لأكبر عدد من فئات المجتمع المصري في كافة ربوع الجمهورية وهي سياسة ثابتة لوزارة الاتصالات وتكنولوجيا المعلومات منذ إنشائها ولا تغيير أو رجعة عن هذه السياسة التي تميزت بها مصر على المستوى الإقليمي والعالمي .
كما أكد كامل أن الجهاز القومي لتنظيم الاتصالات بدأ تدريجيا في دراسة هذا الأمر وعقد الجهاز التنفيذي بالجهاز عدة جلسات مع الشركات مقدمة خدمة الانترنت لوضع بعض الأسس الجديدة لتنظيم السوق في ضوء المتغيرات الجديدة التى تشمل زيادة السرعات المطلوبة لخدمات الانترنت بنظام "إيه دى إس إل" وتطور السوق المحلي أسوة بما يتم عالميا وظهور تطبيقات متزايدة من تحميل للفيديو وغيره ، ونظرا لأن شبكة الانترنت تتحول تدريجيا لشبكة متكاملة لنقل الصوت والصورة والبيانات وعمليات بث المعلومات وأن التوسع في المستقبل سوف يكون في هذا الاتجاه وهو ما يختلف عن التطبيقات الأولية للشبكة .
وأشار إلى أن النظام الجديد هو مقترح تقدمت به الشركات مقدمة الخدمة ووافق عليه الجهاز التنفيذي بالجهاز القومي لتنظيم الاتصالات على أساس أنه قواعد استرشادية في الشهرين القادمين لتنظيم الاشتراكات الجديدة على أن يعاد تقييم هذه التجربة بعد مرور شهرين وهي قواعد تتيح للمستخدمين الجدد الاشتراك بسرعة معينة بطاقة تحميلية معينة ، وإذا رغب المشترك في زيادة السرعة أو الطاقة التحميلية له فإنه يمكنه ذلك بعد سداد المقابل المطلوب طبقا للعروض الترويجية التي سوف تقوم بها الشركات مقدمة الخدمة للجهات أو الشركات التي تطلب ذلك .
وأكد كامل ان وزارته والجهاز القومى لتنظيم الاتصالات يعتبران أن هذه التجربة تسري كقواعد استرشادية على الاشتراكات والعروض الجديدة فقط ، وان كافة العقود الحالية بين شركات تقديم خدمة الانترنت والمستهلك سوف تبقى سارية بكافة شروطها دون أي تعديل حفاظا على حقوق المستهلك المصري في مجال خدمات الاتصالات .
وأشار إلى أن الجهاز يؤكد أنه أثناء الفترة الاسترشادية سيتم أخذ الإحصائيات اللازمة للتقييم ودون أي إجراءات ضد المشترك الجديد .
من ناحية أخرى ، قال الدكتور عمرو بدوي الرئيس التنفيذي للجهاز القومي لتنظيم الاتصالات أن مجلس إدارة الجهاز سوف يجتمع برئاسة الدكتور طارق كامل وزير الاتصالات وتكنولوجيا المعلومات بعد انتهاء فترة الشهرين لاختبار النظام الجديد لتقييم التجربة وإصدار الإقرارات والقواعد النهائية المنظمة للاشتراكات الجديدة بعد تقييم التجربة بناء على الإحصائيات ، أخذا في الاعتبار احتياجات وحقوق المشتركين في مصر ومتطلبات التوسع في خدمات الشبكة وزيادة كفاءتها وقدرة الشركات على الوفاء بالتزاماتها في إطار نظام المحاسبة الجديد .
المصدر: وكالة انباء الشرق الاوسط، مصراوى

[الدكتورة سلوى]

http://www.almessa.net.eg/

[الدكتورة سلوى]

د. طارق كامل:
مصر ستواجه مشكلة حقيقية..إذا لم تنظم استخدام الإنترنت
أرجع د. طارق كامل وزير الاتصالات وتكنولوجيا المعلومات إصدار قرار تحديد سعات التحميل من الإنترنت - برغبة الوزارة في مواجهة مشكلة كبيرة ستواجه مصر بسبب صعوبة توفير سعات للإنترنت مع تغيير أنماط استخدام الشبكة.
أشار إلي أن مصر ستواجه مشكلة حقيقية خلال العامين القادمين إذا لم يتم تطبيق سياسة توضح حقوق المستخدمين المشتركين في الشبكة مشيرا أن الوزارة ستدرس هذا الأمر بجدية وسوف تصدر قرارات خلال شهرين ومن الوارد أن يتم تعديل القرارات التي تم عرضها علي مجلس إدارة الجهاز القومي لتنظيم الاتصالات وأثارت جدلا واسعا مؤخرا.
جاء ذلك في مؤتمر صحفي عقده الوزير معلنا تخطي عدد مشتركي التليفون المحمول هذا الأسبوع لأول مرة 50 مليون مشترك بنسبة كثافة تصل إلي 66% من الكثافة السكانية.
أضاف أن قطاع الاتصالات سيقوم الأسبوع الجاري بتوريد مليار جنيه كعائدات إضافية من رخص الجيل الثالث للمحمول للخزانة العامة للدولة.. موضحا أنه تم إخلاء طيف ترددي إضافي في حدود 5 ميجا هيرتز.. وتوفيره لشركة فودافون نظير مليار جنيه.. وقد كان هناك اتفاق مسبق بين الجهاز وشركة المحمول علي توفير هذا الطيف الترددي.. لكي تستخدمه الشركة في خدمات الجيل الثالث وتسليم الطيف للشركة.. وأكد الوزير أن قطاع الاتصالات أصبح قطاعا ممولا للخزانة العامة للدولة خلال السنوات الأخيرة وقدم للخزانة العامة 28 مليار جنيه السنوات الأخيرة من خلال المشاركة في عائدات رخص الجيل الثالث وطرح رخص الشبكة الثالثة.

[Mr. Medhat Salah]

ياسلالالالالالالالالالالالالالالالالالام علي التقدم