هام جدا ارجو الرد

[رشا جميل]

السلام عليكم
انا قبلت سياحة و فنادق الفيوم و كنت بفكر احول لسياحة و فنادق مدينة السادات بس كنت عاوزة اعرف هو انا ممكن اروح و اجى كل يوم و لا لازم اقعد فى المدينة هناك لان ده السبب اللى كنت عاوزة انقل عشانه
وياريت لو حد كان فى جامعة مدينة السادات يقولى ايه هى المواصلات اللى ممكن اركبها لو هروح و اجى كل يوم يعنى فى حاجت بتروح و بتيجى من هناك كل يوم بانتضام ولا لا
وشكرا

[sympathique]

طبعا انا معرفش
بس لاما تحولى

لاما تقعدى فى السكن الجامعى

المواصلات صعبة ومش هتعرفى توفقى محاضراتك

[treka_100]

هو حضرتك منين اصلا

[soha fouad]

انا اسمع ان لما حد يحول م جامعة لجامعة تانية مبيكونشي ليه مدينة جامعية
المدينة الجامعية متاحة لما التنسيق هي اللي بيختارها ليه
وده اللي حصل مع واحد قريبي وراح اخد شقه هو وصحابه لان ملهمشي مدينة جامعيةبسبب التحويل

[sympathique]

لا طبعا ممكن يكون فيه جامعات كده

بس احنا عندنا فى الاسماعيلية كل اللى كانوا محولين سكنوا مدينة جامعية

لازم يكون فيه سكن جامعى

[sympathique]

يا جماعة لا اللى بيحول ليه مدينة جامعية ان شاء الله مفيش خوف من ده

[riham_eg]

المشاركة الأصلية كتبت بواسطة رشا جميل

السلام عليكم
انا قبلت سياحة و فنادق الفيوم و كنت بفكر احول لسياحة و فنادق مدينة السادات بس كنت عاوزة اعرف هو انا ممكن اروح و اجى كل يوم و لا لازم اقعد فى المدينة هناك لان ده السبب اللى كنت عاوزة انقل عشانه
وياريت لو حد كان فى جامعة مدينة السادات يقولى ايه هى المواصلات اللى ممكن اركبها لو هروح و اجى كل يوم يعنى فى حاجت بتروح و بتيجى من هناك كل يوم بانتضام ولا لا
وشكرا

انا قبلت كمان سياحه وفنادق الفيوم كمان وهروح واجى كل يوم لو ماقبلتش حلوان وفى مواصلات للفيوم من الجيزه بس مدينة السادات معرفش
ومش عارفه لو الفيوم اقرب ولا مدينة السادات لو تعرفى قوليلى انهى الاقرب

[sympathique]

يابنات عاوز اقولكم على حاجة اللى هيقدر يفيدكم فى الموضوع ده العضو treka_100

لان هو راح وعرف الطريق ان شاء الله انا هكلمه وهيعرفكم وربنا يوفكم

[treka_100]

اولا بالنسبة لموضعايه اقرب السادات ولا الفيوم
الفيوم اقرب واسهل طبعا
وبالنسبة لنظام المواصلات في 3 طرق تقريبا
اول واحدة لللي ساكن في حلوان في موقف محافظات في عين حلوان في هناك اتوبيسات وميكروباصات
ومعاد الاوتوبيسات ودي بانتظام 7 و 10 و 1 و 4 و 7 ونفس المواعيد من الفيوم لحلوان الاتوبيس ب 6 جنيه
والطريقة التانية لسكان حلوان والجيزة
تنزل الجيزة عند المنيب في ميكروباصات هناك بتروح الفيوم على طول وهي اسرع والميكروباص ب 7 جنيه
الطريقة التالتة ودي اصعب طريقة "بالنسبة ليا"
انك تاخد اتوبيس من عبود وهو ب 6 جنيه بردو
ومش عارف مواعيده الصراحة يعني
ولو اخدت الاتوبيس من اي حتة قولناها هتنزل تاخد ميكروباص رقم 7 للجامعة ب 35 قرش
ولو ميكروباص يبقى خد تاكسي احسن وتقريبا ب10 الي 15 جنيه
بالنسبة للوقت اللي بيخده السفر من حلوان 3 ساعات او ساعتين ونص
ومن الجيزة ساعتين ونص بالكتير
بالنسبة للناس اللي عايزة تروح وترجع كل يوم بقولهم ان الحوار هيبقى صعب عليهم خصوصا انهم بنات
لان المشوار رايح جاي 6 ساعات هتتعبوا
وكمان مش هتلحقوا المحاضرات الصبح ومش هتعرفوا تروحوا عشان في محضرات بتخلص الساعة سبعة بليل
ولو محتاجين ايمعلومات تاني انا موجود

[aya gamel]

ميرسى ياتريكة على المعلومات دى الواحد كده مش هيقلق بقى لنا ظهر فى الكلية خلاص

[treka_100]

اي خدمة انا موجود انتوا تؤموروا بس وانا تحت امركم
اسالوا عليا هناك بس
مش هتلاقوا حد يعرفني

[riham_eg]

المشاركة الأصلية كتبت بواسطة treka_100

اي خدمة انا موجود انتوا تؤموروا بس وانا تحت امركم
اسالوا عليا هناك بس
مش هتلاقوا حد يعرفني

ههههههههههههههههههههههههههههههههههه