نصيحة

[بارقة امل]

نصيحة للناس اللي داخلين تالتة ثانوي ياريت يبعدوا عن مستوى الاحياء وان خدوا مستوى احياء يهتموا بيه من اول السنة
صدقوني امتحانا تالعربي والانجليزي بتبقى كويسة غير ان المنهج صغير
اما منهج الاحياء فاجارك الله
بس لازم اقول ان مستوى الاحياء بيفيد اوي في الكليات العلمية من اول الطب لغاية علوم

[م.طنطاوى طحن]

انا كنت نظام القديم وكنت واخد فلسفة معنى علمى
بس انا اعرف ناس السنادى بيقولوا منهج الاحياء كمستواة
جامد وهسل

[بوبوسا]

بصراحه منهج الاحياء العادي مافيش اجمل منه بس لازم يكونن اللي بيدرسه متقبل الماده ويذاكرها من اول السنه بس مش على حساب المواد التانيه برضه
اما بالنسبه للمستوى هو صعب بس هو ثلاث ابواب الباب الثالث كان بالنسبه لي سهل علان كنت بدرس جيولوجيا وفي ناس ممكن تحبه انا كنت شايفاه جامد بس لذيذ علشان بحب الاحياء بس الامتحان فيه بيبقى حظوظ احنا كنا اصعب سنه في الامتحانات بتاعتة المستوى

[شريف ابوالنصر]

بصراحة مجنون الى ياخد مستوى احياء انا كنت مجنون وخدته خدوا عربى صدقونى عربى سهل جدا تجيب فى 10 سهل قوى مش عاوز غير 3 او 4 ساعات مذاكره يعنى سهل قوى بس احياء لا


لا لا لا لا لا لمستوى الاحياء

مجنوووووووووووووووووووووووووون لو خد ماتكنش مجنون زى والله لمصلحتك خد عربى سهل ما تخدش انجليزى خد عربى لو انت مدرسةعادية مش لغات

[Aya Abdelrahman]

انا كده احترت انا كنت ناوية اخد انجليزي في تالتة ع اساس ان مستوايا فيه مش بطال بس الصراحة انا مبحبش العربي او الأحياء

انا ممكن اذاكرهم بس المشكلة في القبول

في ناس بيقولوا ان امتحانات الانجليزي بتيجي ارخم من اللي بيدرس والعربي اسهل امتحانات والاحياء بتبقي انتحار ع أي حد غير اللي بيحبوها

حتي مدرسين الانجليزي بيقولولنا خدوا عربي متخدوش انجليزي
ربنا يستر

[محدش له دعوه]

انا اخدت عربي

[AboOudA]

يا جماعة ممكن اعرف هو المستوى الرفيع بيدى كام فى المية؟

[alsakr30]

انا ان شاء الله سوف اخد عربى واريح دماغى اللى هاتنفجر من المذاكرة
من غير فايدة

[بنت من مصر]

طب ممكن سؤال هو انا ممكن اختار اكتر من ماده في المستوى الرفي ده ولا متاح ليا ماده واحده بس ؟؟ عشان عاوزة ارفع مجموعي باي طريقه ؟؟ بلييييز الرد بسرعه ؟؟

[missy girl]

هاى يا جماعة ازيكو
انا ممكن ارد ع بنت من مصر بس واقولها ان المستوى الرفيع بيكون مادة واحدة بس لو جبتى فيها اكتر من 5 من 10 بيضاف ليكى الدرجات ولو اقل مش بيضاف
وربنا معاكى ويوفقك ويوفقنا كلنا ان شاء الله

[ريريه]

طب هو المستوي الرفيع لو كان عربى ابدا مذكرته من اول السنة عادىزي اى مادة ؟.ولا اذكروه وقت الامتحنات؟

[enas mahmoud]

اعتقد ان العربي سهل مش محتاج مذاكرة من اول السنة وطلبة كتير بيجيبوا فيه درجات عالية

[princooooooo]

هتوكل على الله واخد عربي
ان شاء الله اغير الانجليزي دي الواحد في عرض اي درجه

[bebo4ever]

الانجليزى احسن والله

[eleslamn]

انا تالته السنه دى ياجماعه خلصت النهارده بجد الاحياء رخمه شويه هى اى نعم مفيده المستر قال كده بس عاوزه تعب جامد ربنا يستر عليا بقه وماتنسوش تدعولى