الى مدرسى الثانويه العامه فى اللغه العربيه والانجليزيه هام ....

[KING KOOONG]

انا محمود محمد سلطان من مرسى مطروح فى الصف الثالث الثانوى وياريت االمدرسين الافاضل يردوا عليا علشان انا قلقان اوى وواعتبرونى زى ابنكم ......
اولا التظلم فى العربى
انا روحت وعملت تظلم فى العربى ولما جابو صوره نموذج الاجابه لقيت اجابات اخرى فى النحو عاملها اجابات اخرى ومدينى درجات اعلى عليها ومش حاسبها وحاسب الدرجات بتاعت الاجابه الاولى زى مثلا الكشف عن مستاصله كنت عامل الاول وصل والاجابه الاخرى اللى فى اخر كراسه الاجابه اصل وعالمها صح ومش حسب درجتها وحسب درجه وصل اللى هى غلط وكمان بتاعت الاعراب اللى هى رقم د فى النحو اللى هى اضبط ال 4 كلمات عامل الاجابه الاخرى ليها صح ومدينى عليها درجتين وفى الاجابه الاولى مدينى واحد ونص عليها وحسب الواحد ونص ومش جسب ال2 وكمان فى الاعراب عامل الاعراب زى النموذج ومدينى عليه نص بدل واجد وفى النصوص اعراب كلمه ابتلعتها الحاره عاملها اشتملت عليها وبدل ما يدينى واحد ادانى نص عليها وفى البلاغه مدينى على استخرج الصوره عليها درجتين ادانى درحه مع انى عاملها زى النموذج . وبس كده ممكن ازيد وهل هزيد كام درجه وياريت المدرسين الافاضل يردوا عليا علشان قلقان اوى والنتيجه هتظهر امتى علشان التنسيق .....
ثانيا اللغه الانجليزيه
انا جايب فيها 23.5 وروحت كشفت لقيتنى واخد 4 من 6 فى البراجراف وكنت عامل اجابه اخرى ليه فى اخر كراسه الاجابه لقيت مكتوب عليه مكرر وملغى فكتبت فى ورقه الملاحظات انى مش اتعلم والمفروض انه يتعلم فهل هيتعلم وممكن ازيد ولا لا وشكرا لحضرتكم كلكم .

[Khaled Soliman]

بالنسبة لسؤال البراجراف بداية هو سؤال تقديري يعود للمصحح وغالباً إذا ما قمنا بتصحيحه طبقاً للمعيار الذي تم وضعه له ما إستحق معظم الطلاب الكثير من الدرجات فيه

[peter2100]

ربنا معاك واللى ليك نصيب فيه هتاخده

[KING KOOONG]

يا جماعه بليز كل اللى يدخل يرد واعتبرونى زى ابنكم وشكرا ليكم كلكم ........

[KING KOOONG]

محدش بيرد ليه

[KING KOOONG]

يا جماعه ردوا ازاى فوق ال 50 مشاهده ومش حد بيرد اززززززززززاى

[meedo76]

بالنسبة للغة العربية يضع المصحح الدرجة الأعلى لإجابة السؤال المكرر شرط أن يعاد السؤال بالكامل
وربنا يوفقك إن شاء الله

[KING KOOONG]

يعنى انا هزيد ولا لا ارجو ارد من فضلكم

[KING KOOONG]

بجد والله ده حرام ييعنى فوق ال 100 مشاهده و2 بس اللى يرضوا والله بجد ده حرام ياريت كل المدرسين يدخلوا ويردوا باى حاجه انا بجد هموت من القلق ياااااااااريت تردووووووووا

[senior teacher]

بالنسبة للبراجراف لو تم إعادة تصحيحه من الممكن أن تنقص عن 4

[meedo76]

الثلاثاء, 28 يوليو, 2009

أكد تقرير صادر عن الإدارة العامة لامتحانات الثانوية العامة، أن عدد طلاب المرحلة الثانية من الثانوية الذين تقدموا بطلبات للاطلاع على أوراق إجاباتهم بكنترولات التظلمات بلغ 5877 طالبا طلبوا فحص 9552 ورقة إجابة، وجاءت الفيزياء كأكثر مادة تظلم منها طلاب المرحلة الثانية بنسبة
41%، فيما بلغ عدد طلاب المرحلة الأولى "سنة الفراغ" الذين تقدموا لكنترولات التظلمات 381 طالبا طلبوا فحص 616 ورقة إجابة، وجاءت مادة الكيمياء على رأس المواد التى تظلم منها طلاب هذه المرحلة بنسبة 21%.

وبحسب التقرير، الذى اطلع عليه اليوم الاثنين الدكتور يسرى الجمل وزير التربية والتعليم، بلغ إجمالى عدد الطلاب المتظلمين من نتائج الثانوية هذا العام، حتى يوم الأربعاء الماضى، 6258 طالبا طلبوا الاطلاع على
10 آلاف و168 ورقة إجابة، وأوضح التقرير أن عدد تظلمات العام الحالى أقل بكثير من عدد تظلمات العام الماضى، وهو ما يدل على نجاح مسئولى وزارة التربية والتعليم فى تسيير امتحانات هذا العام حسبما جاء بالتقرير.

من ناحية أخرى، شهد كنترول التظلمات بمدرسة "السنية الثانوية بنات" بمحافظة القاهرة إقبالا شديدا من طلاب الثانوية، فى اليوم الخامس للاطلاع على نسخ من أوراق إجاباتهم بالتزامن مع إعلان نتيجة تنسيق القبول بالجامعات، وأكد عدد من طلاب الثانوية بمرحلتيها أنهم اكتشفوا وجود أسئلة لم يتم تصحيحها فى أوراق الإجابة، بجانب وجود أخطاء فى الجمع النهائى للدرجات وفى إحصاء درجات كل سؤال على حدة، وهى الأخطاء التى أضاعت عليهم فرصة تحقيق مجموع مرتفع فى الثانوية، على حد قولهم.

وقالت الطالبة إسراء حسين أبو طالب "مرحلة ثانية علمى علوم" إنها اكتشفت وجود 3 جزئيات فى ورقة إجابة مادة الفيزياء دون تصحيح، بجانب أن المصحح قام بشطب إجابتها فى أحد الأسئلة، لأنها قامت لكتابة حلين بالورقة، وأضافت أنها فوجئت بأنها حاصلة على نصف درجة فى عدد من الجزئيات التى تقدر إجابتها بدرجة وليس بنصف، فيما أكدت الطالبة نادية محمد ربيع "مرحلة ثانية علمى علوم" أنها اطلعت على صورة من ورقة إجابتها بمادة الفيزياء، فاكتشفت أن المصحح احتسب لها درجات أقل من المقررة بنموذج التصحيح، بجانب أنه لم يحتسب لها درجات بعدد من الجزئيات، على اعتبار أن حلها خاطئ، رغم أن الحل الذى قامت بكتابته فى الورقة موجود فى الكتاب المدرسى.

فيما قال الطالب أحمد عبد التواب "مرحلة ثانية أدبى" إنه اكتشف أن ورقتى الإجابة اللتين طلب الاطلاع عليهما لا تخصانه، وإنما تخص طالبا آخر، فتوجه على الفور إلى مقر البنك الأهلى المصرى لسداد قيمة الاطلاع على باقى أوراق إجابته بالكامل، فى حين أوضح الدكتور نبيل الدمرداش نائب رئيس عام الامتحانات، أن أى طالب يدعى أن ورقة إجابته لا تخصه فهو "كذاب بنسبة 100%"، وأضاف قائلا "لم يثبت طوال السنوات الماضية أن أخطأت الكنترولات فى تخصيص ورقة إجابة لطالب آخر غير صاحبها الأصلى".

من جانبه صرح الوزير يسرى الجمل، بأنه أصدر توجيهاته للقائمين على كنترولات تظلمات الثانوية العامة بضرورة منح كل طالب متظلم الفرصة الكاملة فى الاطلاع على ورقة إجابته وإبداء ملاحظاته على على درجاته الحاصل عليها بالورقة، وقال الجمل "مصلحة طلاب الثانوية فوق كل اعتبار بالنسبة لمسئولى الوزارة وسنبلغ كل طالب وولى أمر بنتيجة تظلمه بعد 10 أيام تبدأ من تاريخ اطلاعه على ورقة إجابته".

وأوضح الجمل أن مسئولى كنترولات التظلمات سيبلغون مكتب تنسيق القبول بالجامعات بأسماء الطلاب المستحقين لدرجات زائدة مع بيان بدرجاتهم، حتى تضاف إلى مجموعهم النهائى، وذلك فى حالة تأكد لجان التظلمات من أحقية الطلاب المتظلمين فى الحصول على درجات زائدة، وأشار الوزير إلى أن الطالب المستحق لدرجات سيسترد قيمة الشيك الذى دفعه فى البنك الأهلى المصرى كرسم للاطلاع على أوراق إجابته "بواقع 100 جنيه للمادة الواحدة".

وشدد الجمل على أن باب التظلم ما زال مفتوحا أمام طلاب الثانوية حتى 19 سبتمبر المقبل، مضيفا أن باب الاطلاع تم فتحه مبكرا هذا العام - فى 22 يوليو الجارى - حتى تتمكن لجان الفحص المشكلة من مستشارى المواد وموجهى العموم فى مراجعة ملاحظات الطلاب على أوراق إجاباتهم وإبداء الرأى النهائى بها سواء برفضها أو منح الطالب درجات زائدة عما حصل عليه.

دليل التنسيق بالجامعات 2009 * 11:26 ص

[KING KOOONG]

اوك وشكرا اوووووووى للمدرسين اللى ردوا

بس انا عامل الموضوع ده علشان اعرفف هل هزيد درجات ولا لا وهل هزيد كام درجه وانا كاتب بالضبط اللى كتبته فى رقه الملاحظات ..... وشكرا ليكم جميعا

بس ياريت تقولولى هزيد ولا لا ولو هزيد هزيد كام درجه...... وشكرااااااااا ......

[ahmed alaraby]

بالنسبة الى اللغة الانجليزية طالما كتب المقدر كلمة مكرر على الاجابة المكررة لايستحق الطالب اى زيادة لانه حصل على درجة السؤال والثاتى كأن لم يكن لانه ليس من المفروض ان يكتب الطالب موضوعين ويترك للمقدر الاختبار كان عليك شطب الموضوع الذى كتبت بديل له وتترك الصحيح شكرا

[meedo76]

المشاركة الأصلية كتبت بواسطة king kooong

اوك وشكرا اوووووووى للمدرسين اللى ردوا

بس انا عامل الموضوع ده علشان اعرفف هل هزيد درجات ولا لا وهل هزيد كام درجه وانا كاتب بالضبط اللى كتبته فى رقه الملاحظات ..... وشكرا ليكم جميعا

بس ياريت تقولولى هزيد ولا لا ولو هزيد هزيد كام درجه...... وشكرااااااااا ......

مفيش حد يعرف يقول لك هتزيد كام بالظبط لأن التصحيح اسمه الفعلي تقدير درجات يعني المدرس اللي بيمسك ورقة الإجابة بيقدر الدرجة وهو اللي يعرف يقول لك هتزيد كام

[medotops]

المشاركة الأصلية كتبت بواسطة meedo76

مفيش حد يعرف يقول لك هتزيد كام بالظبط لأن التصحيح اسمه الفعلي تقدير درجات يعني المدرس اللي بيمسك ورقة الإجابة بيقدر الدرجة وهو اللي يعرف يقول لك هتزيد كام

هو دة الكلام الصحيح