أى البرامج تفضل؟

أحمد2025 · #1 10-09-2006, 01:44 PM

أى البرامج تفضل أن تشاهدها؟

مسيو محمد عياد · #2 10-09-2006, 02:11 PM

في فرق يا أحمد بين البرنامجين 1 ، 2 والبرنامج التالت

يعني كان ممكن تقارن بين الأفضل من البرامج اللي من نوعية البيت بيتك ذي العاشرة مساءاً و البرنامج بتاع عمرو أديب على اليوم وفي كمان برنامج على المحور بتاع معتز وغيرهم وكلهم كويسين بس بالنسبة لي العاشرة مساءاً أفضل

أما بالنسبة لي فبرنامج الحقيقة بتاع وائل الإبراشي وفي الممنوع بتاع مجدي مهنا الاتنين جُمال

بس أكيد حختار البيت بيتك

أحمد2025 · #3 10-09-2006, 02:15 PM

شكرا لإهتمامك ياسترونج مان
وأنا كده فهمت قصدك
عندك حق

جميله · #4 10-09-2006, 03:31 PM

شوف انا مصوتش

اولا البيت بيتك ده سمعته كام مره بس وحسيت انه ما يقدرش ينافس برامج القنوات الفضائيه

ومرتحتلوش وحسيت انه مش مترتب

وفي الممنوع والحقيقه برنامجين رائعين برضه وبسمعهم اوقات

لكن البرنامج اللي بحبه بجد وبتابعه كتير هو برنامج العاشره مساءا

لأن كل حاجه في حلوه من اول المواضيع للمناقشات للضيوف

واكيد المذيعه الرائعه منى الشاذلي لأن الست دي انا بحبها بجد

وبحس انها غير المذيعات بتوع القنوات المحليه والاولى والتانيه

ده غير انها عندها ثقافه عاليه وبتعرف تحاور الضيف

مش تضيق عليه و ماتسيبلوش فرصه يتنفس

ده غير ان المواضيع بتكون مهمه مش زي البيت بيتكم تافهه

وهي خدت احسن مذيعه عربيه وتستحقها

Maramero · #5 10-09-2006, 06:13 PM

بالنسبة للقنوات المحليه فأعتقد ان برنامج البيت بيتك من افضل البرامج لأنى بحس انه ملم بكل احداث الساعه ، والمذيعين فيه مثقفين وكده يعنى..

لكن لو كانت المقارنة فيها البرامج اللى فى الفضائيات زى العاشرة مساءً او القاهرة اليوم اعتقد البيت بيتك مش هيبقى ليه مكان اساساً ،،
لأنهم بجد برامج رائعه وبيتكلموا فى مواضيع متجدده ومش مستهلكه ، وانا بجد معجبه بمنى الشاذلى دى جداً فى طريقه حوارها وثقافتها وكل حاجة ما شاء الله عليها
وعمرو اديب كمان جماهيريته عاليه جداً لانه جرئ وبحس انه مش بيهمه حد وكمان دمه خفيف فبيجذب ناس كتييير لبرنامجه ...

وشكراً يا احمد على الموضوع

أحمد2025 · #6 10-09-2006, 07:02 PM

أنا عن نفسى بعشق البيت بيتك ومبهتمش بالبرامج التانيه
شكرا لمرور الأعضاء

msamido · #7 10-09-2006, 07:15 PM

انا صراحه مش بشوف ولا برنامج من دول

مشاهدة نتائج الإستطلاع: أى البرامج تفضل أن تشاهدها؟
الحقيقه	1	12.50%
فى الممنوع	0	0%
البيت بيتك	7	87.50%
	0	0%
المصوتون: 8. أنت لم تصوت في هذا الإستطلاع