لو محتاج مساعده من كليه حاسبات عين شمس

[tabark]

السلام عليكم ورحمه الله وبركاته

اولامبروك لكل الطلبه علي النجاح معلش هي متاخره شويتين
ثانيا :
الموضوع ده انا عاملاه بالنيابه عن بعض زملائي في كليه حاسبات ومعلوات عين شمس
هدفه اننا عايزين نقدم مساعدات للطلبه الراغبين في التقديم بكليتنا
بس الطلبه اللي قرروا الدخول وعايزين مساعده مننا احنا تحت امركم
ده اللينك بتاع منتدي الكليه www.cisclub.com

اسماء الاعضاء اللي ممكن يساعدوكوا
الاسم علي بوابه الثانويه.......................................... ......\الاسم علي منتدانا
tabark\........................................... ................ tabark
totty 143 \ .................................................. .... totty 143
RoOoka_5.......................................... ...............................RoOoka
nourhan ramadan\ ........................................ nourhan ramadan
eman_elmaged \................................................. ...SAPPRINA
<Ahmed Mohamed> \ .....................................Ahmed Mohamed
soska_soska\...................................... .................. soska_soska
Kaito............................................. ..........................Kaito Kid
SNIVER............................................ ............................sniver
al_ameed.......................................... ... .................al_ameed
esso 2................................................. ..................ESSO
shosho.cis........................................ ....................shosho.cis

emytone........................................... .................emytone
KimOo............................................. ................KimOo

Hermione Granger .................................................. .......... Hermione Granger
ويارب نقدر نفيدكم بحاجه

[الاسطورة]

مبادرة جيدة يا شباب
متواجد معاكم لو محتاجين اى حاجة

[abdallaelkotbi]

- انا عايز اعرف ايه المواد بتاعة سنه اولى
-وايه عدد المواد (كل ترم كام مدة )
- وهل فى مواد ممتده لاخر السنة ولا المواد الى فى كل ترم بتنتهى بنهاية الترم
-وايه تقسيمة الدرجات بتاعة المواد يعنى العملى عليه كام و النظرى كام و اعمال السنة و الحضور
-اهم حاجة المذكرة بتكون منين ( ورق ولا مراجع و لا كتب دكتره و لا من على النت )
-اخر حاجة هم الدكترة بيشرحوا ولا اعتمادى هيبقى على الله ثم المعيدين

[ananoo]

السلام عليكم

هوة كل ترم بيبقى في 6 مواد في سنة اولى الترم الاول بيبقى فزيا(1) و رياضة(1) و مقدمة حاسبات و انجليزي(1) و لغويات حاسبية و انسانيات
كل المواد بالانجليزي الا الانسانيات
الفزيا بندرس فيها ميكانيكا بتاعت ثانوية عامة و فيها زيادات
و الرياضة هية التفاضل و التكامل بتاع ثانوية و عليه زيادات
مقدمة الحاسبات هية مادة نظرية جدا بتتكلم عن اساسيات الكمبيوتر و كدة
لغويات حاسبية مادة هايفة جدا احتمال تتلغي السنة دي
و الانسانيات كنا بناخد فيها علم نفس

الترم التاني بيبقى فزيا(2) و رياضة(2) و برمجة و الكترونيات و انجليزي (2) و ادارة اعمال (و كل المواد انجليزي)
و مقدرش اقول ان كل المواد بتنتهي بنهاية الترم لانه احيانا بتحتاج ترجع للقديم بس الدكاترة بتوع المواد بيتغيروا كل ترم

و بصراحة اغلب الدكاترة بتشرح كويس (بس اللي يفهم )و احنا نقدر نسالهم في اي وفت و المعدين كمان ممكن تسالهم براحتك خالص
و المذاكرة غالبا بتبقى من المحاضرات و بعدين من السكاشن او في ناس العكس و غالبا هتحتاج كتب المواد اللي هية بتبقى غالبا مراجع سواء عشان تحل او عشان تذاكر

و ربنا معاكم و ان شاء الله تتبسطوا في الكلية لانها بجد جميله
ولو في اي استفسارات ان شاء الله احاول ارد عليها............

[emytone]

أنا بنصح كل زمايلى القادمين الى حاسبات عين شمس انهم ما يرموش كتاب الدليل اللى هاتخدوا وانت بتقدم أوراقك لأ افتحه هتستفاد منه واذا مش عاجبك الكلام فى الصفح الأولى ادخل على طول على صفحة 25 والكلام عن كلية حاسبات واذا عايز التفاصيل ادخل على جداول ومحتويات المقررات صفحة 63 وستجد فى صفحة 66 جدولين يوضحان المواد فى الترمين والدرجات وإجمالى الساعات وهتلاقى لكل مقرر رقم فى الجدول ومن أول صفحة 73 دور على رقم المقرر وأعرف هاتخد فيه ايه بالظبط واسئلونا ها تلاقونا و بجد الكلية حلوة جدا واحنا ان شاء الله هانساعدكوا ما تهوش فى المناهج وتعرفه الوجه الحقيقى لدراستكم وللكلية .

[Yehemak_Fe_Eh]

انا مجموعى اقل من حاسبات ومعلومات ب1% عايزة اعرف لو فى اماكن شاغرة ممكن ادخلها؟

[al-_-ameed]

المشاركة الأصلية كتبت بواسطة yehemak_fe_eh

انا مجموعى اقل من حاسبات ومعلومات ب1% عايزة اعرف لو فى اماكن شاغرة ممكن ادخلها؟

الأفضل إنك تسأل في شؤون الطلبة اللي جنب مبنى حاسبات و معلومات و راجع كمان التنسيق لأن على ما أعتقد المملفات بتكون عندهم
بالتوفيق

[youssef.khadr]

ازيكوا يا جماعه انا دخلت حاسبات عين شمس السنه دي
عايز اتعرف عليكو عشان تساعدوني اول السنه و تكوين صداقات جديده انا اسمي يوسف اسامه يوسف