هو الرئيس عنده موبايل؟؟؟؟

[Miss_CaR!zma]

هل حصل معاك مره انك اتصل علي موبايل وقالك معلش النمره غلط ؟؟؟؟؟؟؟
اكيد حصلت بس عمرك خمنت ان اللي يكون رد عليك هو رئيس الجمهوريه ؟؟؟؟؟؟؟؟
هو الرئيس عنده موبايل ؟؟؟؟؟؟؟؟؟؟؟؟
عمرك ما سالت نفسك السؤال ده ؟؟؟؟؟؟
ولا ن السؤال ده بيترتب عليه اسئله كتير زي
كارت ولا خط ؟؟؟؟؟؟؟
فودافون ولا موبينيل ؟؟؟؟؟
طب رقمه عامل ازاي ؟؟؟؟؟؟
يا تري نوع الموبايل ايه ؟؟نوكيا ولا سمسونج ولا سوني ايريكسون ؟؟؟؟؟؟؟
طب لو نوكيا يبقي نوعه ايه 7610 مثلا ولا 3100 عادي زي بتاعنا ؟؟؟؟؟؟؟
اللي يعرف الاجابه او له راي في الموضوع ده يسيب لي الرد ويا ريت تركزوا علي نوع الموبايل لاني نفسي في موبايل زي بتاع الريس

:P :P

[هينار]

والله هو فيه سؤال كمان تفتكرى لو إنت إتصلت بيه غلطة يعنى مين هيرد عليك وهيقولك إيه ؟
يابنتى ده اللى بيقرب من قصر الرئاسة بيعتبروه إرهابى وبيدبر عملية إرهابية فمابالك بقى لو إنت إتصلت على موبايله شخصيا هيعتبروك إيه أكيد مش أقل من أسامة بن لادن هههههههههههههههه
بس حقيقى سؤال محير
وفيه حاجة كمان تعتقدى الريس هيبقى معاه موبايل يعمل بيه إيه يعنى مثلا مين هيتصل يطمن عليه أكيد مبيروحش فى حتة لوحده مبيروحش دروس أكيد هيستخدمه لو هو مثلا فى الصالون وحد فى البيسين عايز يطمن عليه

[Miss_CaR!zma]

ههههههههه
فعلا عندك حق
فيرس عبر التليفون المحمول
عنوان يجنن فى الجرنان :P
مش عارفه نفسى اعرف هو ايه نوع الموبايل بتاعه
مع ان احساسى بيقوللى انه 1100 :D
وعادى لما يبقى معاه موبايل لانه بياخد دروس تخاطب واخطاء نحويه وتريكز سياسيه :P
يعنى برده بيتعب ولازم ماما سوزان تتصل كل شويه وابنه جمال برده
ثانكس هينار لردك

[أحمد2025]

والله العظيم كان فى واحد محامى بيقلى أنا معايا رقم الرئيس
قلتله بطل لعب عيال

[الاميرة المصرية]

ايه يا بنتى دماغك دى
وصليتى كمان لموبايل الريس

هو كبيره نوكيا 8200 :P

ويوم لما ربنا يكون راضى عنه 6600بالتقسيط

علشان يصور سوزى وجوجو وعوعو


يعنى اطمنى الموبايل بتاعك اعلى منه

[Miss_CaR!zma]

اكيد لعب عيال يا احمد
لانك مش عايز تضيع رصيدك

6600 ايه بس
6600 ده بتاع عمده فى صعيد مصر :P
اخره بجد 1100
لانى عارفه انه اقتصادى وقنوع بيرضى بالقليل طبعا
ونسيتى نونو ( اختصار احمد كلين يعنى :P)
ثانكس حبيبه قلبى لردك الجميل

الرئيس معندوش موبايل :D

عنده دستة اتنين تلاتة

بس ماركتو ايه أكيد hp عشان يليق بالريس

لا نوكيا ولا كلام من دا

الريس يشيل حاجا مشلهاش الشعب

أكيد

جمال بيه والخطوط الساخنة

والباردة

والدافية

بس بيقولوا ان فودافون عامله عرض خاص لحسني وعياله بس انا مكدب الخبر

بيقولك نظام اسمه مبارك فودافون

الساعة ب تلاته قرش

يعني احلى م البيزنس

انا هحول لنظام مبارك فودافون :D

[Miss_CaR!zma]

هو بيزنس او كارت
هو مش بيدفع حاجه
يعنى بيتكلم وفلوس المكالمات بتجيله شيك فى حسابه كل 3 شهور
يعنى مش بيخسر بالعكس
:P

[ريهام4]

بسم الله الرحمن الرحيم ...........دى بداية القول
يا جماعة اكيد طبعا معاه موبايل امال يعنى لو هو قاعد فى البلكونة يعرف منين ان سوزان فى الجنينة ولا الصالون ولا فين يعنى !
وبالمناسبة دة موبايله اكيد مكتوب على شاشته تحيا مصر ياعم
والرنة بتاعته انا بكره اسرائيل للشاعر العظيم شعبان عبد الرحيم ابو الفتوح
خلاصة القول اكيد طبعا الريس معندوش موبايل
دة اكيد عنده مليون ولا حاجة والله اعلم
اللى اداله يدينا

[midoragab]

هو اكيد مأجر موبايل اريكسون فرده جزمة من السنترال اللي ورا محطة البنزين

عشان بس تعرفوا ان ايده نضيفة جدا جدا هههههههههههههه

[joker_zoom]

انا حقولكم حكايه يا تصدقوا يا ماتصدقوش انا نفسي مش مستوعبها
صاحب خالي كان داخل شات وواحد فيه داخل باسم الريس المهم الراجل ده دخل عليه خاص وقاله انت بتحب الريس راح صاحب خالي قاله طبعا ده عملنا كذا وكذا
راح الراجل اخد تليفون وايميل صاحب خالي عشان يتعرفوا اكتر راح الراجل ضافوا على ايميله وفتح الكاميرا معاه تخيلوا شاف مين؟؟؟؟؟؟؟ الريس!!!!!!!!!
صاحب خالي قفل الجهاز كله اول ما شاف كده وبعد كام يوم ناس بترن عليه اول ارقام منها 123،111وهو ييجي يتصل عليهم يقوله مفيش ارقام نبدا بالارقام دي.

[zizo2_2]

والله يا جماعة مش عايزين نظلم الريس بتاعنا
الريس مظلوم موبايل ايه يا جماعة في حاات كتير متطورة دلوقتي الريس بيستخدمها

الريس بيستخدم الكوزبتاع محمد صبحي في سنبل بعد المليون


طبعا هتقولوا ايه ده احنا بنتقدمولابنتأخر
هقولكم انا السبب في استخدام الكوز
لأن الكوز المخابرات الإسرائيلية لا تستطيع الوصول اليه او تتبعه

فهمتوا بقى الريس بتاعنا ليه بيستخدم الكوز ودايما ظالمينه

[اسلام رشوان]

ههههههههههههههه

ايه ده يا هند انت عاوزة تودينا ورا الشمس ولا ايه

بصي يا ستي

الريس زي ما انتي عارفة راجل فقير علي باب الله

معاه نوكيا E61 بس

و نظامه البيزنس المباركي

اللي كل ما تتكلم اكتر تكسب ملايين اكتر

ربنا علي المفتري و الحرامي و ابن الحرام

[bosy .. mostafa]

<span style="color:#CC66CC"><div align="center">بسم الله الرحمن الرحيم
انا اول ما الموبايل طلع و كان اخويا اول واحد جابه في الاسره
كان موبينيل
و موبينل اولها 012 (مش لازم ننطقها 12 كنت بقول 1,2)
و كان نمرته اولها 0123
فأنا جربت اتصل بـ 0123456789
فاتصلت لقيتها مشغوله
قولت هو ده موبايل حسني مبارك
و لحد دلوقتي النمره دي مشغوله ههههههه
سبحان الله
طب نجرب فودافون
01011121314

شكراً اوي على الموضوع</div></span>

[_the_sad_smile_]

يا خبر ابيض انتوا بتتكلموا عن مين حسنى
دة غلبان موبايل اية اللى بتقولو علية هو لاقى ياكل عشان يجيب موبايل
بيتهياقلى انه عامل لكل نمرة خط وموبايل ؤمال يعنى لسة هيكتب دى نمرة مين هو فاضى للكلام دة
لا ملكمش حق