ارجوا سرعة الرد(اداب ام تجارة)

[d.j]

السلام عليكم
انا انشاء الله من المحتمل ان ادخل اداب انتساب
بس معرفش ايه نظامها .
هل هى زى التجارة فى الانتساب
(يعنى اول سنة انتساب ولو جبت تقدير اول سنة بحول انتظام السنه اللى بعدها)
وما هو مقدار مصاريف الانتساب؟
وهل هى الافضل ام التجارة ..
ارجوكوم ساعدونى

[أسيل رزق]

مصاريف آداب إنتساب بتكون حوالى 500 جنيه فى أولى

و انتساب زى انتظام إلا فى أعمال السنة .. يعنى بيكون فى أقسام معينة مادة اسمها اعمال سنة بيكون فيها حضور و غياب
دى بتكون فى انتظام بس

و بتختلف إمتحانات انتظام عن إنتساب دا فى التجارة لكن آداب بيكون فى بعض الأقسام و على حسب كل جامعة

و كل كلية طبعاً ليها مميزاتها و عيوبها و بتختلف من شخص لشخص يعنى لو انت حابب تبقى محاسب و شايف مستقبلك هيكون أحسن فى تجارة يبقى تدخل تجارة .. حاسس إنك ممكن تكون أفضل فى آداب يبقى تدخل آداب و تختار القسم اللى هيحققلك نجاح أكبر أو ليه مستقبل أفضل ( انجليزى أو آثار أو إعلام أو إرشاد سياحى أو حضارة أوروبية أو عبرى .. )

بس على فكرة تجارة مجموعها أعلى من آداب .. يعنى لو مجموعك يدخلك آداب إنتساب يبقى مش هتقدر تدخل تجارة لا إنتساب ولا إنتظام إلا لو هتدخل تجارة أسيوط أو جنوب الوادى يعنى جامعات بعيد عن القاهرة

يا رب أكون قدرت أساعدك و ربنا يوفقك