محتاجه استشاره بشكل سرييييييييييييييع

[حبيبة السماء]

السلام عليكم ورحمة الله وبركاته

جزى الله كل القائمين على هذا المنتدى كل الخير بالفعل حسيت وانا باتصفح اروقته انه صرح محترم وبدأت نظرتى للمهنه تتغير(نوعا ما)

طبعا انا لاحظت ان الكلام عن المنوفيه والاسكندريه لكن ميمنعش لو فى استفسار من مدرسه غلبانه من الدقهليه؟؟

انا تعيين 2002طبعا بمسابقه
مكنتش متوقعا انى اتعين فى منفى
بمعنى كلمة منفى
اتعينت فى ادارة نبروه التعليميه
لو حد سمع عنها
المهم لظروف اسريه اخدت اجازات كتير جدا من بعد 6 اشهر التثبيت
لغاية ما اجازاتى بتاعة رعاية الطفل اوشكت تخلص
وكل سنه نقول هنتنقل خلاص ونخش المنصوره
اللى انا ساكنا فيها
او اى بلد جمبها قريبه
مااركبلهاش 3 مواصلات وساعه رايح وساعه جاى
المهم
انا سمعت ان فى نشره هتنزل قريب بس خايفا يكون كالعاده وهم
وفى نفس الوقت ظروف اسرتى واطفالى متسمحش انى استمر فى العمل
فلازم اخد اجازه
رعاية اسره

وبالفعل بدأت اجراءات الاجازه بس سمعت ان لو انا فى اجازه رعاية اسره او حتى رعاية طفل وجت نشره بالنقل هابقى انا مش فيها
يعنى هفضل فى نبروه
ودا نقل باستناه من زمان اعمل ايه لو تكرمتم حد يجاوبنى بسرعه
جزاكم الله خير الجزاء

[شريف منير]

انتظرى نشرة النقل لما تظهر , إن كان اسمك ضمن المنقولين خير و بركة , وإن لم يكن خذى الأجازة.

[osamaabdsalam]

المشاركة الأصلية كتبت بواسطة حبيبة السماء

السلام عليكم ورحمة الله وبركاته

جزى الله كل القائمين على هذا المنتدى كل الخير بالفعل حسيت وانا باتصفح اروقته انه صرح محترم وبدأت نظرتى للمهنه تتغير(نوعا ما)

طبعا انا لاحظت ان الكلام عن المنوفيه والاسكندريه لكن ميمنعش لو فى استفسار من مدرسه غلبانه من الدقهليه؟؟

انا تعيين 2002طبعا بمسابقه
مكنتش متوقعا انى اتعين فى منفى
بمعنى كلمة منفى
اتعينت فى ادارة نبروه التعليميه
لو حد سمع عنها
المهم لظروف اسريه اخدت اجازات كتير جدا من بعد 6 اشهر التثبيت
لغاية ما اجازاتى بتاعة رعاية الطفل اوشكت تخلص
وكل سنه نقول هنتنقل خلاص ونخش المنصوره
اللى انا ساكنا فيها
او اى بلد جمبها قريبه
مااركبلهاش 3 مواصلات وساعه رايح وساعه جاى
المهم
انا سمعت ان فى نشره هتنزل قريب بس خايفا يكون كالعاده وهم
وفى نفس الوقت ظروف اسرتى واطفالى متسمحش انى استمر فى العمل
فلازم اخد اجازه
رعاية اسره

وبالفعل بدأت اجراءات الاجازه بس سمعت ان لو انا فى اجازه رعاية اسره او حتى رعاية طفل وجت نشره بالنقل هابقى انا مش فيها
يعنى هفضل فى نبروه
ودا نقل باستناه من زمان اعمل ايه لو تكرمتم حد يجاوبنى بسرعه
جزاكم الله خير الجزاء

إبنتى الفاضلة

أنت تعيين 2002 بإدارة نبروة التعليمية وتريدين نقلك إلى مقر سكنك بالمنصورة أو إحدى المناطق القريبة حتى لاتتحملى ثلاث مواصلات

نصيحتى

عودى إلى مدرستك وانتظرى نشرة النقل وسوف تتحقق رغبتك إذا كانت لك الأحقية والأقدمية من الإناث

لك تحياتى

المستشار القانونى

[ممدوح مصطفى الانصارى]

المشاركة الأصلية كتبت بواسطة حبيبة السماء

السلام عليكم ورحمة الله وبركاته

جزى الله كل القائمين على هذا المنتدى كل الخير بالفعل حسيت وانا باتصفح اروقته انه صرح محترم وبدأت نظرتى للمهنه تتغير(نوعا ما)


جزاكم الله خير الجزاء

حضرتك نورتى وشرفتى المنتدى
وشكرا للمستشار القانونى لمتابعته الموضوع.

[حبيبة السماء]

اشكر لكم اهتمامكم باستفسارى وادينا منتظرين النقل ربنا يسهل
بس بجد احنامحتاجين نقرا شويه فى حقوق المعلم وايه اللى من حقه وايه اللى مفروض يعمله
داابسط الامور مش بنعرفها وبسبب دا بيتحكم فينا اى موظف فى الاداره ويمشورنا شمال ويمين
وربنا يصلح الحال يارب

[osamaabdsalam]

يارب ياحبيبة السماء

[UM HAMZA]

على فكرة انا كنت في مديرية التربية والتعليم في الدقهلية الاسبوع اللي فات وقالولي ان كل الستات اللي قدموا طلب نقل هيتعمل ليهم ندب كلي للمكان اللي عاوزينه

والنشرة على وشك انها تطلع

وتقدري تسألي هناك في قسم التنسيق