فقط لعباقرة الرياضيات ومن يستطيع الجمع . استفسار عن أوائل الثانوية العامة

[Xx_Youri_xX]

السلام عليكم

لفت نظري أثناء القيام بعمليات الجمع والترتيب إن في حاجة غريبة حاصلة

عمرو السيد شبل محمود احمد الثاني مكرر على علمي رياضة

رقم الجلوس 1377207

نتيجة الثانوية العامة على موقع الوزارة من هنا http://natiga.moe.gov.eg/

لو أي حد بيعرف يجمع ممكن يتفضل مشكورًا ويجمعلي نتيجته :D

ويعلق على الموضوع

شكرًا جزيلا ..

أنا مستنى لو في حاجة مش طبيعية حد يقولي

ملحوظة صغيرة :: الوحيد على الجمهورية مفيش حد إطلاقا حاصل معاه كده

[بوبوسا]

انا شايفه ان المجموع صح المجموع بتكتب من غير اضافة المستوى الرفيع

[Xx_Youri_xX]

أهلا بيكك يا بوبوسا

انا شايف حاجة تانية ياريت تركز و تشوفها

وخصوصا ان انا محدد المواد اللى ماجابش فيها النهاية العظمى

انتظر الرد

[Fatma22]

لا فعلا هو في غلطة , الله أعلم احتمال تكون غلطة من الموقع

[perfect-girl]

يا نهار اسود
ده نقص 3 درجات
وكاتبين 2
انا عارفه الولد ده معايا فى درس العربى والفيزيا
هو عبقرى جدا ما شاء الله
بس برضه كل واحد ياخد الى يستحقه

[Xx_Youri_xX]

السلام عليكم

أهلا يا فاطمة

"لا فعلا هو في غلطة , الله أعلم احتمال تكون غلطة من الموقع"

غلطة من الموقع حاجة شبه مستحيلة !!

و كمان ده فى كل المواقع اللى فيها النتيجة !!

كلهم كاتبين نفس النتيجة

وكمان انا مابتكلمش عن حد عادى

ده من الأوائل على الثانوية العامة

يعنى نتيجة اتراجعت الف مرة

اكيد فيه تفسير للدرجة الزيادة دى


حد يدلى باقتراحاته كده

انا مستنى

[بوبوسا]

المشاركة الأصلية كتبت بواسطة xx_youri_xx

أهلا بيكك يا بوبوسا

انا شايف حاجة تانية ياريت تركز و تشوفها

وخصوصا ان انا محدد المواد اللى ماجابش فيها النهاية العظمى

انتظر الرد

سوري بجد انا جمعت الدرجات على اساس 99.5% مش من 410 هو فعلا في غلط في جمع الدرجات

[Sharp]

اكيد غلطة في جمع الدرجات مش اللي بيرصدوا دول يعني بشر شكلنا ولا ملايكة !!!!

[Ma7moud_442]

يبقى أنت أكيد أكيد ف مصر
ياجماعة متظلموش الواد انا عن نفسى مش فاهم حصل ازاى ولا فاهم الدرجة اللى زايدة دى جات منين لكن كل حاجة بأيد ربنا مفيش حاجة مستحيله
هههههههههههههههههههههههههههه

[Xx_Youri_xX]

هههههههههههههههههههه

والله يا Lost password مش عارف أقولك إيه .. بس كمبيوتر اللي بيجمع مش بشر للأسف :D

وبعدين زي ما قلتلك ده الوحيد اللي حاصله كده على مستوى الجمهورية



هوه انا بس والله اللي مجنني إني كنت دايخ على درجة في ثانوية عامة ومعرفتش أجيبها

فكنت عايز أعرف الدرجات دي بيجيبوها إزااااااااااااااااااااااااااااااااااااااااااااااي ؟

[Łosт Mεмoяч]

هو المفروض يجيب 407
مش عارفه اقول ايه من ناحيه هو متفوق وربنا كاتبله كده
ومن ناحيه تانيه ممكن ياخد مكان مش مكانه والدرجه دى تفرق مع حد تانى
بس ال متاكده منه ان هو مش ليه ذنب
يالا ربنا يوافقنا كلنا

[Xx_Youri_xX]

أهل يا Ma7moud_442

انا مابظلمش الواد ولا حاجة ولا بشكك فى فى النظام

انا بس عايز اعرف الزيادة دى بتيجى منين ؟

يمكن فيه حاجة تانية بياخدوا عليها درجات واحنا مانعرفهاش !!!! :-\

[** MR.SmilE **]

هههههههههههههههه

تصدق صح .. الحل الوحيد انه يشوف الاستمارة

يمكن يكون جايب في العربي 29.5 مثلا و مقفل الانجليش بتاع تالتة

و يمكن عمل تظلم و اخد درجة

الله اعلم

[القائد السفاح أبو العباس الاسود]

السلام عليكم و رحمة الله و بركاته



احنا كده من زمان نصدق مانشوف حاجة و نقعد نتكلم عليها الرحمة ياااااااااا عالم



الناس و الامم بتتقدم و احنا ماسكين فى حاجات غبية غريبة "؟!



أى حد من الاوائل نفضل ننظر عليه للاخر ........... " ايه الحكاية "



مع الرغم أن معظم العلماء عندنا عمرهم ما كان حد منهم من أوائل الجمهورية . بل نسبة كيرة من كليات العلوم



و كمان لايماننا الشديد بأن طالب الجمهورية هو أذكى طالب و ده تخلف لاننا منتقدرش نمسك كل مقاييس


التفكير للبشر



كما ان يا أذكياء !!!!!


أعلنت الوزارة انه أخذ 408 مجموع بدون مستوى


يعنى خلاص و ده خطأ كمبيوتر




و فى السلام ختام



و أخيرا



أكبروا لكى تتقدموا

[Xx_Youri_xX]

هههههههههههههههه

جزاك الله خيرًا على ردك الجميل يا ابو السفاح وفي الأول والآخر انت ليك الحرية في التعليق من عدمه


بس زي ما بكرر ويمكن حضرتك بس ماقرأتش الموضوع كويس

الخطأ ده عند رقم الجلوس ده فقط دونًا عن 400.000 طالب



وبعدين المشكلة لفتت نظري وأنا شغال ومكنتش بدور ورا أوائل الجمهورية ...

لكن نظرًا لأهمية الوضع أنا عرضت الموضوع عليكم .. يمكن في مشكلة وانا مش واخد بالي


أعتقد لو التفكير عقلاني واحد يقول مثلا درجات تفوق رياضي ..

مثلا وده يبقى رأي يحترم ..... !!!

وأرد عليه وأقوله .. طب ليه هوه لوحده !!!! وهي الدرجات دي بتتضاف دلوقتي ولا وقت التنسيق .. والدرجات دي بيهتموا بيها كمان وهما بيرتبوا الأوائل وليه مهياش زي المستوى الرفيع وهل هوه الوحيد اللي واخد درجات تفوق رياضى ؟؟؟ مع العلم إن كل المجاميع صح إلا هوه :D

مثلا في رأي تاني عقلاني أحترمه واحد يقولي غلطة كمبيوتر ..
أقوله رأيك محترم جدًا .. بس الغريبة إنها حصلت عنده لوحده .. وعند أول من أوائل الجمهورية


يا جماعة لو سمحتي يا perfect-girl أو أي حد يعرفه
ممكن تكلميه وتعرفيلي جاب درجته من المدرسة كام وناقص كام درجة


لكن الكلام اللذيذ اللي انت قلته يا سفاح .. والله ...... جزاك الله خيرًا