اقتراح للمنتدى التعليمى ياريت يتم التنفيذ

[A.ra7man1]

السلام عليكم ورحمة الله وبركاته
بسم الله الرحمن الرحيم
ماشاء الله تبارك الله موقع الثانوية يعتبرافضل المنتديات التعليمية فى مصر رائع ... وانا استفدت منه كتير فى فترة الدراسة كتيير واستفدت منه فى فترة الاجازة وبجد السنة دى كانت ممتعة جدا ..

بس كان عندى اقتراح كدة فى المنتدى التعليمى
عاى سبيل المثال: فى الكيمياء كل اللى عنده سؤال او شرح بيحطه فى قسم الكيمياء ومفيش تنظيم الى حد ما.
يعنى انا مثلا كنت عايز شرح للباب الاول ودورت فى صفحات قسم الكيماء ومش عارف الاقى اللى انا عايزه
الــــــــــــــــــــــــــمهــــــــــــــــــــ ــــــــم
انا بقترح وياريت الموضوع يطّبق ان شاء الله السنة الجديدة 2010 علشان دى المرحلة الاولى لى
ان كل مادة تكون مقسّمة على ابواب كل منهم على حدة
ومش الكيميا بس لا كل المواد خصوصا المواد العلمية للثانوية العامة
بمعنـــــــــــــــــــــــــــــــــــــــــى
ان مثلا لو دخلنا قسم الكيمياء مثلا تكون :
1/الباب الاول((كل ما يتعلق بـ الباب الاول من اسئلة وشروحات وتطبيقات ،.....))
2/الباب الثانى(كل ما يتعلق بـ الباب الثانى من اسئلة وشروحات وتطبيقات ،.....)
وهكذا الى اخر باب
دى كانت رؤيتى علشان يبقى اسهل فى انك تلاقى الشئ اللى انت عايزة مباشر بدل ما تاخد وقت فى البحث ويكون المنهج قدامك تماااااااااااااااااااام و1000 الالف ان شاء الله
______________

جوزيتم خيرا
>>
عايز اشوف وارائكم
"""""
سلام عليكم
انا عملت تقريبا الكلام ده فى موضوع " رايك يهمنا"

[ممدوح مصطفى الانصارى]

أقتراح ممتاز جدا
وقابل للتنفيذ .
واتمنى ان ينفذه معلموا كل مادة
بوضع عناويين للموضوعات والابواب الدراسية
مع ملف مشاركة .
وتستكمل باقى جوانب الموضوع
من الأخوة الزملاء الأفاضل .

[Soha Hamed]

هذا الإقتراح طالب به العديد من متصفحي المواد التعليمية وفي رأيي إقتراح أكثر من رائع يجب أن نعمل عليه جميعاً لكي تكون تلك الأقسام أكثر تنظيماً
وأيضاً أضيف عليه أن يكون في كل مادة أو باب من المادة قسم لتلقي أسئلة الطلبة حتى نقوم
بفصل الشرح عن الأسئلة
بارك الله فيك

[..Just Stop]

كلام تمام وربنا
وفى انتظار التنفيذ فى العام المقبل
دمتم فى رعاية الله

[A.ra7man1]

منتظرين التنفيذ من الادارة ..
جزاكم الله خير على المشاركة وتدعيمكم للفكرة
>
>

[Lost Dreamer]

فعلا فكرة جميله بجد

وهتسهل علي الطلبه جدا جدا

موافق ان شاء الله

وبسجل متابعه