|
||||||
| استراحـة المنتـدى منتدى يختص بتبادل الترحيب والتهنئة والتعزية بين الأعضاء |
 |
|
|
أدوات الموضوع | انواع عرض الموضوع |
|
#1
20-07-2009, 05:10 AM
|
||||
|
||||
كان حتة يوم
السلام عليكم و رحمة الله و بركاته امبارح نزلت مع بابا من البي الساعة 7 الصبح علشان اخلص ورق البطاقة بتاعتى (و محدش يقولى انت سة فاكرة)  وهو كان هيعمل مشوار فى البنك فى محور 26 يوليو طبعا ده مشوار كئيب و الطرق بتاعته داخلة جوه بعضها و انا كنت لسة ما نمتش من اليوم اللى قبله و بعدين كالعادة خرجت من غير فطار بابا دخل البنك و انا فضلت مستنية فى العربية و شايفة واحدة ماسكة سندوتشتها و نازلة اكل فيها طيب اعزمى خلاص يعنى و زى ما قولتلكم انا واقعة من الجوع ، و 3 بنات ماسكين الكتب و نازلين مذاكرة يا نهار ابيض ما بترحموش حتى فى الاجازة ، بنت خدت الطريق دلع و هى ماشية تاتا تاتا كل دول مش عارفة اوصف لكم لبسهم يعنى كان تحفة ازاى  المهم خلصنا مشوار البنك  دخلنا على مركز البطاقة و اول ما دخلنا استلمنا واحد و هاتك يا رغى و بيسأل بابا اختك و لا بنتك _ يا سلام اتعميت حضرتك مش عارف تفرق _  و بعدين كتب كلمتين كده فى الاستمارة و طلب البطاقة و بابا مش لاقيها و انا اتصدمت كنت خايفة ليكون البطاقة نسيها فى البنك و الراجل واقف مش يهدى لأ يقول لبابا حد ينسى البطاقة يا عم اهمد بقى شوية بعد حرب اعصاب لقيناها و احنا ماشيين الراجل يقول لبابا عايزين نشرب شاى بقى يا بشمهندس  و بعد كده اكتشفنا انه اصلا البطاقة مش هتتعمل هنا :abdoog8: ما علينا خرجنا من هناك و دخلنا مركز اصدار الوثائق لقيت واحد قاعد على الكمبيوتر للتصوير و واحد للاوراق و واحدة كده قاعدة لتسليم البطاقة الجديدة خلصنا الورق راجل هناك قالنا اقعودوا على الكرسى اللى احنا عاملينه - انتوا مين ؟ -  لحد ما تتصورىقعدنا يجى نص ساعة حصلت فيها مهازل  اساسا موجود 3 كراسى و انا و بابا على اتنين و واحد تانى و كل ما يدخل حد الراجل يقوله اقعد على الكرسى و بعدين دخل راجل كبير و معاه ابنه و شكلهم تايه بصراحة الراجل يقوله امك اسمها ايه يقوله ( ام الرزق ) قال رزق قال و الراجل سمعه بيقوله ام رزق راح قاله يعنى اخوك اسمه رزق بصيت لقيته غير رأيه و قاله اسمها ( رزقة) الراجل بقى هيجنن منه  و بعدين الاستاذة المحترمة اللى كانت موجودة قلت ادبها على راجل فى سن والدها _ و نعم الاخلاق_  شوية ورجع الراجل اللى قالنا استنوا التصوير و جاب الفطار معاه _ يعنى احنا مستنين سيادتك علشان لما تفطر_ اتصورت و خلصت الحكاية  و احنا فى الطريق لقينا عمال بيقطعوا عمود كهربا وواقف واحد يشاور للعربيات تمشى من بعيد علشان لما العمود يقع  طبعا حالة زى دى لو فى بلد متحضرة شوية كان هيبقى فى اعلان حالة الطوارىء _ دايما عامر يا مصر _  يللا و جعت دماغكم بس بجد انا كنت حاسة انى فى عصر ما قبل الاسرات  سلام و فى امان الله
 آخر تعديل بواسطة اشراقة ، 20-07-2009 الساعة 05:16 AM 
|
|
#2
20-07-2009, 05:18 AM
|
||||
|
||||
طب ممكن اعرف ايه الهدف من الموضوع
|
|
#3
20-07-2009, 06:32 AM
|
||||
|
||||
|
اولا : شكرا للمرور
ثانيا : هو الحكاية مش مسألة هدف ده ببساطة جمال الشارع المصرى و رقة المصالح الحكومية وصف نمنم يعنى للى بيحصل كل يوم و بعدين حضرتك مزعل نفسك ليه بس
|
|
#4
20-07-2009, 08:14 AM
|
||||
|
||||
|
شكرا
اشـــراقة على الموضوع *الشارع المصرى وحالة*
__________________
محمد على (أبو زياد) ..... معلم رياضيات ثانوى
محافظة قنــــــــــــــــا ..... ادارة قنــــــا التعليمية
|
|
#5
20-07-2009, 08:26 AM
|
||||
|
||||
|
ليه يوضع فى القسم العام
ده مذكرات
__________________
|
|
#6
20-07-2009, 09:00 AM
|
||||
|
||||
|
ميرسى اشراقه يا قمرى بجد
بس انتى كان ابسط حل تقوللى(والله ما انا عاوزه بطايق ولا زفت) وتخدى ورقك وتقولى(مش عامله بس) احسنلك من وجع القلب ده وبعدين انتى قاعده فى العربيه مالك باللى ياكل واللى يذاكر الا صحيح التلت بنات كانوا لبسين تحفه ازاى احم احم قوليلى ها قوليلى وبعدين اللى دايقك فى الليله دى احفظى شكله والمره الجيه بالكرباج وهاتك يا ضرب فيهم يلا باى يا جميل وابقى افطرى مش تخلى الناس تتسم فى اللقمه اللى بتاكلها
|
|
#7
20-07-2009, 09:22 AM
|
||||
|
||||
|
اقتباس:
و الله هو ده اللى كان هيحصل يللا خير ما هو اعمل ايه الجوع كافر صح و مش هقولك لابسين ايه  بس بعدا بابا جابلى سندوتشات تيك اواى قبل ما اروح و الا كان ممكن يغمى عليا شكرا للمرور و انتى اللى قمر
|
|
#8
22-07-2009, 12:36 AM
|
|||
|
|||
|
متفكرنيش يا بنتى بده يوم
كان ويم زى الزفت روحنا ع الساعه 9 كده وقفنا طبور لذيذ لحد م انوصل علشان الاخت تتأكد م البيانات وع حظى اللى زى الفل أول لما جيه دورى الاخت سبات الشغل وقعدت تتأمل ف السقف بوعد كده جابت دفتر وقعدت تشخبط فيه وتكتب اسمااء م دماغها (والله كان نفسى اساعدها) بعد كده حنت عليا وخدت شافت الورق طلعت فوق الاخت اللى فوق اتحانقت مع واحده وقالت مش هتشتغل فضلنا مستنين لحد ما حنت علينا وقررت تكمل اصلا الاوضه ضيقه وزحمه و وورق ع الارض ومناديل و سجاير عقبال بقى ماعملت الورق وبعد كده بقى التصوير الاخت مش طايقه نفسها ومش طايقه حد يكلمها والولاد بقى يستخفوا ف دمهم كل ماحد يخش يتصور يقعدوا يستظرفوا وكان عندى درس ولازم اروح اجيب الحاجه وارجع الدرس ومشاوراين اصلا زى الفل اتصورت بقى واستينت اخت تخلص ومشينا كان يوم بجد يلا الحمد لله انه خلص
__________________
استغفر الله للمسلمين و المسلمات المؤمنين و المؤمنات الاحياء منهم و الاموات
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:32 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
