نتيجه الثانويه العامه هام جداااااا

[Dark_Boy]

بسم الله الرحمن الرحيم

اولا : النتيجه هتظهر ابتداء من يوم الاربعاء من الساعه 11 مساء الى الصباح يرجى متابعه النتيجه . لكن ليس لها معاد معين
بس فى توضيح صغير يجماعه
لو بصينا للاعوام السابقه بتظهر ديما فى حدود الساعه 1 : 2 صباحا
نيجى بقى للنقط المفيده
الى يقولك معاى موقع فاجر . قوله شكرا
الى يقولك افتح ديل اب . قوله شكرا
الى يقولك اجيبهالك من الكنترول . قوله جيبها لنفسك ( وشوف نتيجته يوم النتيجه

.................................................. .................................................. .................
هتقولى اجيبها منين
هقولك تجيبها من موقع الوزاره
الى هوه ده يجماعهhttp://natiga.moe.gov.eg/2009/Thanawya
بصوا بقى هقكلم حاجه ليكم وللزمن
كل المواقع الى بتقولك استنى النتيجه
قسما بالله كل المواقع دى بتاخد النتيجه من موقع الوزاره واستحاله تنزل على اى موقع قبل موقع الوزاره .بس الخدعه فى ايه انو النتيجه بتنزل على موقع الوزاه تيجى المواقع دى تعمل سكريبت صفحه مركبينها هما بس من داخل الاسكريبت متحوله على موقع الوزاره وانت تعرض النتيجه تفتكر انو الموقع جابها لوحده هههههههه دى خدع بس يجماعه.
مفيش داعى للقلق الى ليه نصيب يجماعه هياخده
خليها على الله واوعى تزعل فى اى حاله ده نصيبك وربنا عاوز كده
لكل اجل كتاب
كل ده مكتوب فى كتابك من قبل متتولد
كل الى تقدر تعمله
تقول اشهد ان لا اله الا الله وفوضت لك امرى يا الله.
ملحوظه
بداء العمل فى رفع نتيجه الثانويه العامه اليوم
وبكره باذن الله اعلان اوائل الطلبه
ومساء غدا ترقبوا النتيجه على موقع الوزاره
وللمساعده يجماعه فى النتيجه
الحمد لله املك خط 4 ميجا لمساعده الجميع
راسلنى على الياهو او اترك رقم جلوسك فى رساله خاصه
وانشاء الله اساعد الجميع

وعلى فكره تقدر تسجل رقم جلوسك واميلك فى موقع الوزاره بحيث مسافه مملفك او نتيجتك تترفع تتبعتلك فورا على اميلك الياهو
ونسئل الله عز و جل بان يوفق الجميع
امين يارب

[Alexander.plus]

الكلام صحيح بس مش لكل المواقع

في مواقع تانية زي موقع مصراوي و الاهرام دول بيشتروا النتيجة من الوزارة
لان الوزارة بتسجل النتيجة على اقراص و بتبيعها للمواقع دي

و الدليل اني بجيب النتيجة من موقع مصراوي قبل الوزارة
و انا فاتح سيبر و دا شغلي

انما بقى المنتديات العيانة و المواقع التعبانه دي هي اللي بتحط محتوى موقع الوزارة داخل الصفحة
و الحاجات دي مكشوفة و غبية و بايخة

[Dark_Boy]

اولا مفيش حاجه اسمها يشتروا النتيجه من موقع الوزاره
هتقولى ازاى
هقولك لو بيشتروا النتيجه من موقع الوزاره مش هيطلبوا منك استخدام الديل اب
لان كده بيسببلهم عائد ونفع ليهم
تانى حاجه مفش حاجه اسمها اسطوانه النتيجه
الفكره انو النتيجه بتظهر يعمل الاهرام والمصراوى لوجو بشكل مختلف تمام وتقدر تعرف ده من دى ان اس السيت
واتحداك انو النتيجه تظهر قبل موقع الوزاره
احترامى ليك

[M.E.M.s]

شكرا ع الإفادة وانا بصراحة كنت هادخل على مصراوى بس بعد دلوقتى مش هادخل الا على الوزارة

[محبة العلم]

شكرااااااااااااااا جزيلا وبارك الله فيك

[د شيرين]

ادارة شرق الاسكندرية المرحلة الثانية 1352183

[FOX41]

ربنا يطمنك يامحمد ويطمنى انه على كل شئ قدير

[رحمةمن]

مصراوي بيستفيد من النتيجه عن طريق الديل اب علشان الاتصلات اكيد

[عمرو ع]

طبعا انا مقتنع بكلامك لكن اقسم بالله ان السنه ال فاتت موقع الجمهوريه واظن كتير منكم يعرفه موقع الجمهوريه لنتائج الشهادات كانت منزلاه قبل الوزاره وانا بقى اتحداك لانى الصفحتان كانوا مفتوحتان امامى والجمهوريه ظهرت الساعه2 وكانت الوزاره لسه بتقول ترقبوا النتيجه

[Geevara]

اسمحلي اقول حاجة

حتى لو كلامك صح و ده مش واثق فيه بالنسبة لمصراوي والأهرام و هقولك ليه

لأن الأهرام و مصراوي أول موقعين عملوا الخدمة دي قبل ما يبقى فيه موقع وزارة أصلاً ( عام 2002 )

بغض النظر

موقع الوزارة بيبقى تقيل فعلاً يعني حتى لو حطها قبل الناس كلها بتتأخر أوي على ما تتطلع

و ده عن تجربة السنة اللي فاتت حوالي دقيقة بعد ما كتبت رقم الجلوس على ما ظهرت

ده غير اني معرفتش أشوف ولا نتيجة تانية من بتوع أصحابي

فموقع مصراوي و الأهرام موثوق فيهم و في نتايجهم و اللي يقدر يجيب منهم يجيب غير كده فعليك موقع الوزارة

و السنة دي TEDataعملت موقع نتيجة للي تبعها natiga.tedata.net

أرجو عدم حذف اللينك لأن أغلبنا تبع TEData

و شكراً

[Dark_Boy]

احترامى ليك
اولا موقع وزاره التربيه والتعليم الانشاء
سنه 2000 تقدر تتاكد بالبحث على اليكسا
2002 بداء الاستمارات الالكترونيه
اما بالنسبه لموضوع انو النتيجه بتبقى تقيله على موقع التربيه والتعليم فرق كونيكشن
وليك الحريه انك تجيبها من اى موقع مش معارض معاك
احترامى ليك

[** MR.SmilE **]

المشاركة الأصلية كتبت بواسطة عمرو ع

طبعا انا مقتنع بكلامك لكن اقسم بالله ان السنه ال فاتت موقع الجمهوريه واظن كتير منكم يعرفه موقع الجمهوريه لنتائج الشهادات كانت منزلاه قبل الوزاره وانا بقى اتحداك لانى الصفحتان كانوا مفتوحتان امامى والجمهوريه ظهرت الساعه2 وكانت الوزاره لسه بتقول ترقبوا النتيجه

اممممممممممم

ماعتقدش
السنة اللي فاتت انا جايبها من موقع الوزارة الساعة 11 و نص
و موبينيل باعتها ليا الساعة 12

الموضوع كله انك تجيب نت سريع عندك او من سايبر

الي حد ما في سايبرات لغاية 4 او 8 ميجا و موجودة كتير

[Dark_Boy]

وهقولك حل بسيط علشان تتاكد انو موقع الوزاره
ان شاء الله وقت ظهور النتيجه
وبعد متظهر نتيجتك وربنا يوفقك ان شاء الله وتجيب اعلى الدرجات
امين ان شاء الله
شوف الدى ان اس واى بى الموقع لوزاره التربيه والتعليم ومصراوى هتتلاقى فرق بس للوجو
وعموما ان شاء الله سواء هنا او موقع اخر موفق باذن الله

[sky_rose]

جزاكم الله كل خير
بس انا للاسف اشتركت فى الاهرام مخصوص

[lion_2006]

Dark_Boy كلامك صح مية فى المية موقع الوزارة فعلا اول موقع بتظهر عليه النتيجة و باقى المواقع بتاخدها منه و مستحيل اى موقع ينزلها قبل موقع الوزارة

ثانيا الناس اللى بتقول ان موقع النتيجة السنة اللى فاتت كان بيقول ترقبو النتيجة بينما باقى المواقع جابتها ..
الموضوع دا حصل معايا و للأسف الصفحة كانت معلقة او فيها خطأ ما لأن فى ناس تانية ظهر عندها مكان وضع رقم الجلوس فى نفس الوقت اللى عندى كان كاتب ترقبو النتيجة عشان كدا اللى عاوز الحركة دى متحصلش معاه ممكن يدخل من اللينك دا أضمن :
http://natiga.moe.gov.eg/2009/thanaw...entNatega.aspx
لو دخلت عليه دلوقتى هيقولك ايررور لكن لما النتيجة تظهر هتلاقى قدامك مكان وضع رقم الجلوس و المرحلة
و على فكرة مش لازم نت سريع ولا حاجه السنة اللى فاتت اللى كان عندهم 256 كانو بيجيبوها اول ما بتنزل و انا قبل كدا كنت بجيبها بالديال أب عادى جدا .

و شكرا ليك على الموضوع الجميل دا ...